မန်မာနိုင်ငံ မြို့အသီးသီးတွင် လတ်တလော အပူဒဏ်ကြောင့်ဖြစ်သည့် နောက်ဆက်တွဲ ရောဂါများဖြင့် သေဆုံးသူဦးရေ မြင့်တက်လာနေပြီး ၂ဝဝ၉ ခုနှစ် ဧပြီ၊ မေလတို့နှင့် နှိုင်းယှဉ်ပါက (၂) ဆနီးပါးခန့် ရှိကြောင်း နာရေးကူညီမှုအသင်း (ရန်ကုန်) မှ တာဝန်ရှိသူတဦးက ပြောသည်။
၎င်းက “အပူဒဏ်ကြောင့် နောက်ဆက်တွဲဖြစ်တဲ့ ရောဂါနဲ့ သေသူတွေ ပိုများလာတယ်။ အထူးသဖြင့် သက်ကြီးရွယ်အိုတွေ။ နာရေးကူညီမှုအသင်း (ရန်ကုန်) အနေနဲ့ ၂ဝဝ၉ ခုနှစ် ဧပြီ၊ မေလတွေမှာ တရက်ပျမ်းမျှ နာရေး (၃၅) ခုကနေ (၄၅) ခုအကြား၊ အများဆုံး (၅၀) ဆောင်ရွက်ပေးရတယ်။ ဒီနှစ် ဧပြီ၊ မေမှာ တရက် ပျမ်းမျှ အလောင်းပေါင်း (၇ဝ) လောက် ကူညီပေးရတယ်။ (၁၅) ရက်နေ့ကဆို အလောင်းပေါင်း (၇၁) လောင်း၊ (၁၆) ရက်နေ့ နေ့လယ် (၁၂) နာရီခွဲပဲ ရှိသေးတယ်၊ အလောင်း (၆၁) လောင်း ကူညီခဲ့ရပြီ” ဟု ပြောသည်။
နာရေးကူညီမှုအသင်းသည် နိဗ္ဗာန်ယာဉ် (၁၇) စီးဖြင့် နာရေးကိစ္စများကို အခမဲ့ ဆောင်ရွက်ပေးနေခြင်းဖြစ်ပြီး ယခုစာရင်းသည် ၎င်းတို့ နာရေးကူညီမှုအသင်း (ရန်ကုန်) က ကူညီသည့် နာရေးစာရင်းဖြစ်ပြီး အခြား နာရေးကူညီမှု အသင်းများ၊ ဘာသာရေး အသင်းများနှင့် ထိန်ပင်မီးသင်္ဂြိုဟ်စက်ဘက်က စာရင်းများ မပါဝင်သေးကြောင်း အဆိုပါ တာဝန်ရှိသူက ရှင်းပြသည်။
အလားတူ မိသားစုဝင်တဦး သေဆုံးသွားသဖြင့် မြန်မာ့အလင်းသတင်းစာတွင် နာရေးကြော်ငြာ သွားထည့်သူတဦးကလည်း ယခုရက်ပိုင်း နာရေးကြော်ငြာ ထည့်သွင်းသူ များနေ၍ စာမျက်နှာတိုးပြီး ဖော်ပြပေးသော်လည်း မလောက်ငကြောင်း၊ ၎င်းအနေဖြင့်လည်း နာရေးကြော်ငြာ ထည့်သွင်းရန် လိုအပ်သည့်ရက်တွင် ထည့်သွင်းခွင့်မရသည့်အတွက် ရပ်နီးရပ်ဝေးမိတ်ဆွေများကို တယ်လီဖုန်းဖြင့် အကြောင်းကြားမှု လုပ်ခဲ့ရကြောင်း ပြောသည်။
မြောက်ဥက္ကလာပ ဆေးရုံမှ အထွေထွေရောဂါကု ဆရာဝန်တဦးက “အခုရက်ပိုင်း လူအသေများလာတယ်ဆိုတာ အဓိကအားဖြင့် သက်ကြီးရွယ်အိုတွေ အပူဒဏ်၊ မီးပျက်တဲ့ ဒဏ်တွေကြောင့် အစားအသောက်ပျက်တာ၊ အိပ်မရဖြစ်တာ စတဲ့ အခြေအနေတွေကနေ အားနည်းပြီး သေဆုံးတာမျိုးဖြစ်တယ်” ဟု ပြောသည်။
မော်လမြိုင်မြို့ခံ ဂျီပီ ဆရာဝန်မတဦးကလည်း ယခုရက်ပိုင်း ၎င်းတို့နေထိုင်ရာ ပန်းပဲတန်းရပ်တွင် အပူဒဏ်မခံနိုင်၍ နောက်ဆက်တွဲ ဖြစ်ပွားသည့် ရောဂါများဖြင့် အသက် (၁ဝဝ) ကျော် အဖွားအိုတဦးအပါအဝင် အသက်အရွယ်ကြီးရင့်သူ အတော်များများ သေဆုံးမှုရှိကြောင်း အတည်ပြုပြောဆိုသည်။
ယခုကဲ့သို့ အပူဒဏ် ပြင်းထန်လာခြင်း၊ နှစ်ပေါင်း (၅ဝ-၆ဝ) အတွင်း လျှပ်စစ်မီး ပြတ်တောက်မှုအခြေအနေ အဆိုးရွားဆုံး ဖြစ်နေခြင်းတို့ကြောင့် အဲကွန်းဖြင့် နေထိုင်နိုင်ခြင်း၊ အဲကွန်းမတတ်နိုင်သူများက ပန်ကာလေဖြင့်ပင် နေထိုင်နိုင်ခြင်း မရှိသည့်အတွက် ရန်ကုန်နေပြည်သူအချို့သည် ညဘက် တိုက်ခန်းများမှထွက်ပြီး လမ်းဘေးသစ်ပင်အောက် အိပ်သူများပင် ရှိလာကြောင်း မြို့ခံတဦးက ပြောသည်။
ယမန်နေ့တွင် ထူးခြားသည့် နေ့အပူချိန်များအဖြစ် ချောက်မြို့တွင် (၄၅.၉) ဒီဂရီ စင်တီဂရိတ်၊ မုံရွာ၊ မြင်းခြံ၊ မကွေးမြို့တို့တွင် (၄၅.၅) ဒီဂရီ စင်တီဂရိတ်၊ ညောင်ဦးမြို့ (၄၅.၂) ဒီဂရီ စင်တီဂရိတ်၊ ပခုက္ကူမြို့ (၄၅.၁) ဒီဂရီ စင်တီဂရိတ်၊ ကလေးမြို့ (၄၅) ဒီဂရီ စင်တီဂရိတ်နှင့် မင်းဘူးမြို့ (၄၄.၆) ဒီဂရီ စင်တီဂရိတ် အသီးသီးရှိကြကြောင်း နအဖသတင်းစာတွင် ဖော်ပြပါရှိသည်။
ခေတ်ပြိုင် မှကူးယူဖေါ်ပြသည်။
No comments:
Post a Comment