Friday, September 2, 2011

အားနာခြင်း၏ ဆိုးကျိုးများ



အားနာခြင်းဆိုသည့်အကြောင်းအရာသည် ကျွန်ုပ်တို့လူမျိုးကြားတွင် အလွန်ခေတ်စားပြီး အထူးတွင်ကျယ်လှ သည့် အရာဖြစ်သည်။ ဗမာစကားဖြစ်သည့်အားနာခြင်းကို ကျွန်ုပ်တို့ကရင်လူမျိုးများတွင် (ညာၟယှုဂ်)ဟုခေါ်ဝေါ် သုံးစွဲကြပါသည်။

အားနာခြင်းသည် အားနာသူအပေါ်၌အကျိုးမဲ့စေသကယ့်သို့ အားနာခြင်းခံရသူအပေါ်တွင်လည်း အကျိုးမရှိ ဖြစ်စေနိုင်ပါသည်။ အထူးသဖြင့် စုပေါင်းလုပ်ဆောင်မှုအပိုင်း၌ အားနာခြင်းကြောင့် လုပ်ငန်းဆောင်တာများ နှောင့်နှေးဆုတ်ယုတ်ယုံမျှမက တဦးနှင့်တဦးအမြင်မကြည်မလင်ဖြစ်လာပြီး အဆုံးတွင် လမ်းမခွဲချင်ပဲ လမ်းခွဲ လိုက်ရခြင်း ဆက်လက်လက်တွဲရန် မဖြစ်နိုင်လောက် သည့်အခြေအနေမျိုးအထိ ရောက်သွားတတ်ပါသည်။

ဤကားစာရေးသူတို့ တကယ့်လက်တွေ့ကြုံတွေ့နေရသည့် အခြေအနေဖြစ်ရပ်မှန်များဖြစ်သည်၊ အဆိုပါအားနာ သည် ဆိုသည့်စကားလုံးသည် အဖွဲ့အစည်းအတွင်းရှိ အပြောသမားများအတွက် စားကွက်တခုဖြစ်စေသည်။


အပြောသမားများသည် လေလုံးထွားထွား အာဘောင်အာရင်းသန်သန်ဖြင့် လူအများရှေ့တွင် မိမိသည်ဟိုးလွန် ခဲ့သည့်အချိန်များက မည်သူနှင့်မည်သို့ဦးစီးဦးဆောင်ကာ လုပ်ကိုင်ခဲ့သည်။ တိုးတက်အောင်မြင်မှုများမှာ မည် ကဲ့သို့ ဖြစ်သည် ဘာဘာညာညာပြောဆိုပြီး ဆွေးနွေးပွဲမှဧည့်ခံသည့် အစားအသောက်များကို စားသောက်ပြီး ထ,ပြန်သွားတတ်သည်။


တကယ့်တကယ်တာဝန်တရပ်ရပ်ကို ပေးအပ်သည့်အခါ၌မူ အများရှေ့တွင်တာဝန်ယူထားသမျှ အလွဲသုံးစား လုပ်တတ်ကြသည်။ ထိုအခါ အားနာသောကြောင့် ထိုသူယူထားသောတာဝန်များကို အချိန်နီးကပ်လာမှ ပြန် လည်တာဝန်ခွဲယူရသဖြင့် စီစဉ်ထားမှုမှန်သမျှ အားလုံးကမောက်ကမ,ဖြစ်ကုန်တော့သည်။အနှစ်ချုပ်သော် တိုးတက်မှု နှေးကွေး ဆုတ်ယုတ် ပျက်ဆီး တိမ်ကော ပ,ပျောက် မျက်နှာပန်းမလှဖြစ်ခြင်းဖြင့် နိဂုဏ်း ချုပ်လေတော့၏။


စာရေးသူတို့နေထိုင်သည့်မြို့ရှိ သခန်းစာယူစရာကောင်းသော အထောင်အသောင်းမက,သည့် အဖြစ်ပျက်များ စွာအနက် တခုကိုထုတ်နှုတ်ရေးသားတင်ပြလိုပါသည်။ ကရင့်ရိုးရာခြည်ဖြူဖွဲ့အခန်းအနားကို လွန်ခဲ့သည့် ငါးလ, ခန့်ကတည်းကပြောဆိုဆွေးနွေးသတ်မှတ်ခဲ့ကြပါသည်၊ သို့သော်ယခုစာရေးသူ စာရေးသားသည့်အချိန်တိုင် သည့်တိုင် ကျင်းပ,မည့်နေရာအတည်တကျမသိနိုင်သေးသည့်အပြင် သတ်မှတ်ထားသည့်နေ့ရက်တွင် ကျင်းပ, ဖြစ်မည် မဖြစ်မည်ဆိုသည်ကိုပင် အတည်မပြုနိုင်သေးချေ။


ငွေကြေးအလုံအလောက်ရှိနေသော်လည်း ထိုထိုသောအကြောင်းအချက်ကြောင့် စိတ်အနှောင့်ယှက်များဖြင့် အ ခန်းအနားကိုကျင်းပ,ကြရမည်ကားအသေအခြာပင်ဖြစ်သည်။

ဤကားအခန်းအနားကျင်းပ,နိုင်ရေးအတွက် နေ့ရက်နှင့်နေရာ သတ်မှတ်ခြင်း မပြုနိုင်သေး သည့်အချက်တချက် သာရှိပါသေးသည်၊ ရိုးရာယဉ်ကျေး မှုအက,အခုန်များအပိုင်းကို ကြည့်လိုက် သည့်အခါ လိုအပ်သည့်အတိုင်းအ တာတခုအထိ ပြင်ဆင်နိုင်ခြင်းမရှိသေးသည်ကိုလည်းတွေ့ရပြန်ပါသည်။

မိရိုးဖလာ ဓလေ့ထုံးတမ်းများနှင့်အညီ ကျင်းပ,နိုင်ရေးဆိုသည်ကားဝေးစွ။ ဘာဆိုဘာ မျှဆွေးနွေးမှုမရှိသေး။ ဆွေးနွေးရန် လိုအပ်နေသော်လည်း အစောပိုင်းက တင်ပြခဲ့သည့်ကျင်းပ,မည့်နေရာ အတည်တကျမရှိသေးခြင်း ကြောင့် နေ့ရက်ကိုပြောင်းလွဲသင့်မသင့် ကျင်းပ,မည့်နေ ရာကို ပြောင်း သင့်မသင့် နေရာအတွက်တာဝန်ယူပါ သည်ဟု ဆိုထားသူ၏ တာဝန်ယူမှု အပိုင်းပေါ့လျော့ခြင်း တခုတည်းကြောင့် ကြုံတွေ့လိုက်ရသည့်အခက်အခဲတ ခုတည်းသာရှိပါသေးသည်။

အခန်းအနားတွင် ယဉ်ကျေးမှုအက,များ ရိုးရာတေးသီချင်းသီဆိုဖျော်ဖြေစီစဉ်တင်ဆက်ရန်ရှိသဖြင့် စာရေးသူ၏ သား၊ သမီး၊ ဇနီး၊ တူ၊ တူမ,များ သွားရောက် လေ့ကျက်နေကြသည်။ ထိုလေ့ကျက်မှုများကြောင့်လည်း စာရေး သူအနေဖြင့် သီချင်းများကို နားဆင်ရပါသည်။

ထိုသီချင်းများအနက် ကရင့်ရိုးရာဆယ့်နှစ်လ,ရာသီဒုံးသီချင်းကို နားဆင်လိုက်သည့်အခါ အဆီအငေါ်မတည့်ပဲ အလွဲလွဲအချော်ချော်ဖြစ်နေသည်ကို သတိထားမိ သဖြင့် ပြင်ဆင်သင့် သည်ဟုဆုံးဖြတ်ကာ ၎င်းတို့လေ့ကျက်နေ သည့်သီချင်းကို အသေအခြာ အနီးကပ်ဖတ်ရှုလိုက်သည့်အခါ စာလုံးပေါင်းများမှားနေခြင်း အဓိပ္ပါယ်မသိနိုင် လောက်သည့် စာသားများကိုတွေ့လိုက်ရသည့်အတွက် ကိုးဒီသွေး၏ပိုင်ရှင် (စ၀်ဍး္ဘိုဒ်)ထံသို့ အကူအညီလှမ်း တောင်းကာ စာသားများနှင့် သီဆိုရပုံတို့ကို ရယူနိုင်ခဲ့ပါသည်။

ထိုအခါ စာရေးသူက စုပေါင်းလေ့ကျက်ရာမှပြန်ရောက်လာကြသည့် မိသားစုများကို စာသား မှန်များရရှိပြီး ဖြစ်ပါ သောကြောင့် မှားနေသည့်နေရာများတွင် မှန်သည့်စာသားများဖြင့် အစားထိုးကြရန် တိုက်တွန်းလိုက်သည့်အခါ၌ “အလိုလေးလေး မလုပ်ပါနဲ့တော့ သီချင်းစာလုံးကို ပြောင်းဘို့မပြောနဲ့ အခုလေးတင်သီချင်းကိစ္စနဲ့ အခြေအတင် ဖြစ်နေတာ နောက်နည်းနည်းသာ ဆက်ပြောမိလျင် ဒီဒုံးပျက်ဘို့ရှိတယ်”

အကြောင်းရင်းကိုသိလိုသဖြင့်မေးမြန်းကြည့်ရာ“တယောက်က  ဒီစာလုံးလေးကမှားနေတယ်၊
ဒီနေရာမှာ ဒီလိုရေးရတယ်၊ ဟိုနေရာမှာ ဒီလိုဆိုတာ လို့ပြောတော့ ဟေ့ငါတို့က တသက်လုံး ဒီလိုပဲဆိုလာက,လာတာ ဘာညာတွေဖြစ်ကုန်တော့မလို့ အခုဘကြီးပေး လိုက် တဲ့ စာသားတွေ သာသွားပြလိုက်လို့ကတော့ အကုန်သွားပြီ၊ ဒီနှစ်ဒီလိုပဲ ဆိုကြ က,ကြတာပေါ့ အချိန်နီးနေပြီ”

စာရှုသူများခင်ဗျား၊ ပွဲပျက်မည်စိုးသောကြောင့် မညီမညွတ်ဖြစ်မည်ကိုစိုးသောကြောင့် မိမိတို့ကရင် လူမျိုးအချင်း ချင်းကြား အချင်းများကြမည်စိုးသောကြောင့် အားနာခြင်းသည် မိမိတို့အသွေး အသားအတွင်း ဦးဏှောက်အ တွင်း ကိန်းအောင်းတည်တန့်နေသမျှ ကာလပတ်လုံး မည်သည့်ကိစ္စမျိုး၌မဆို ဆုတ်ယုတ်မြဲ ကျဆုံးမြဲ ဖြစ်နေ လိမ့်မည်ဟု ယူဆ,မိပါသည်။

သို့ဖြစ်သောကြောင့် စာရေးသူက ဤတေးသီချင်းကို ရေးစပ်သီကုံးထားခဲ့သူမှာကရင့်အမျိုးသားသံဃာတော် မုက္ကဒိကျေးရွာတွင်နေထိုင်သည့်ဆရာတော် (ဖူ့ကျာ်္ဘုံးက်ုတိက်)ဖြစ်ကြောင်း သံစဉ်ကို ဆရာ ခွဲါက႟င် ကျဝ်လေး ထည့်သွင်းတာဖြစ်ကြာင်း ဆရာ့ဆရာကြီးများ၏ စေတနာနှင့်ကြိုးစား အားထုတ်မှုများ ကို နောင်လာနောက်သား များဆက်လက်ထိန်းသိမ်းသွားရန်လို အပ်ကြောင်းများပြောဆိုလိုက်မိပါသည်။

“ကဲ အဘိုးကြီး သိပ်မောနေပြီ နားလိုက် မနက်ဆို ကလေးတွေအလုပ်သွားရဦးမယ် ဟိုအငယ်ကောင် လည်း ဆေးခန်းမှာ မျက်မှန်ကိစ္စသွားတွေ့ဘို့ရှိသေးတယ်၊ ရှင့်ကိုလည်း ဆရာဝန်လာတွေ့မှာ ဧည့်ခန်းတခု လုံးပွနေတာ ပဲ သိမ်းရ,ရှင်းရမယ်၊ နောက်နေ့မှ ရှင်ပြောချင် ရှင်းပြချင်တဲ့ကိစ္စတွေ ရှင်းပြပြောပြဟုတ်လား”

စာရေးသူသည် အိပ်ခန်းတွင်းရှိ်ကွန်ပျူတာခုံပေါ်တွင်ထိုင်လျှက် ပြန်တွေးနေမိပါသည်၊ ဆရာ့ဆရာကြီးများ၏ လက်ရာမွန်ဖြစ်သောတေးသီချင်းများကို သင်ယူလေ့ကျက်ခဲ့သူများ၏ တိကျသေခြာမှုမရှိခြင်းကြောင့် ယခု မျိုး ဆက်သစ်လူငယ်လေးများမှားမှားယွင်းယွင်းဆက်လက်လေ့ကျက်နေကြရပြီဖြစ်ပါ၏။
နောင်မျိုးဆက်သစ်များလည်း ထိုနည်းအတိုင်းပင်ဖြစ်နေမည်ဖြစ်၏။

ပွဲဖြစ်ရုံလေးသဘောပိုက်ကာ လက်ပူတိုက်လုပ်ဆောင်မှုများကြောင့် မနက်ဖြန်ပေါင်းများစွာသည်လည်း တစုံတ ရာတိုးတက်လာမည်မဟုတ်သည်မှာ အသေအခြာပင်ဖြစ်၏။

အားနာခြင်းကြောင့် ပြုပြင်ရ,ကောင်းမှန်းသိပါလျှက် ရေငုံနှုတ်ပိတ်နေခဲ့ကြသူများကြောင့် မိမိတို့၏ရင်သွေးငယ် များ အမှားကိုအမှန်ထင်လျှက် ဘဝကိုရှေ့ဆက်ကြရတော့မည်ဖြစ်ပါ၏။

သို့ပါသော်လည်း အမှန်တရားကိုလက်ခံရဲသည့် သတ္တိမျိုးမွေးမြူလာနိုင်သည့်နေ့တနေ့ကို ဖန်တည်း တည်ထောင်နိုင်မည့်နေ့တနေ့သည် အမှန်တကယ်ရောက်ရှိလာပေလိမ့်မည်။

ထိုနေ့ကိုမျှော်ရင်း.....................။

ကျန်းမာချမ်းသာကြပါစေ။
မင်းစိုးစံ
(အဝေးရောက် ကရင်ဒုက္ခသည်တဦး)