Monday, February 15, 2010

ရွှေ့ပြောင်းအလုပ်သမားများ ထိုင်းဝန်ကြီးချုပ်ရုံး စုပေါင်းချီတက်မည်

ထိုင်းနိုင်ငံရောက် ရွှေ့ပြောင်းအလုပ်သမားများနှင့် အလုပ်သမားအရေး ဆောင်ရွက်သည့် အန်ဂျီအိုများ ပူးပေါင်းပြီး ရွှေ့ပြောင်းဆိုင်ရာ မူဝါဒများ ဖြေလျှော့ပေးရေး တောင်းဆိုချက်ကို မနက်ဖြန်တွင် ထိုင်းဝန်ကြီးချုပ်ရုံးသို့ ချီတက်တင်သွင်းမည် ဖြစ်သည်။

ယခု ဖေဖော်ဝါရီလကုန်တွင် နိုင်ငံသားစိစစ်မှု မလုပ်နိုင်သည့် ထိုင်းနိုင်ငံရောက် မြန်မာ၊ လာအို၊ ကမ္ဘောဒီးယား နိုင်ငံသား ရွှေ့ပြောင်းအလုပ်သမားများကို ထိုင်းအစိုးရက နေရပ်ပြန်ပို့မည့်အစီအစဉ်ကို ကန့်ကွက်ပြီး ယင်းအစီအစဉ်ကို ပြန်လည် ပြင်ဆင်ပေးရန် တောင်းဆိုသည့် အိတ်ဖွင့်ပေးစာကို တင်သွင်းမည်ဖြစ်သည်။

“မနက်ဖြန် (၉) နာရီမှာ UN ရုံးတို့၊ ILO ရုံးတို့၊ ၀န်ကြီးချုပ်ရုံးတို့ကို NGOs တွေရယ်၊ အလုပ်သမား အနည်းဆုံး (၁၅၀) လောက်နဲ့ ချီတက်စာတင်မယ်။ အဓိက Migrant working group (MWG)၊ Action Network for Migrant (ANM)၊ Thai Labour Unions တို့ စသဖြင့် ထိုင်းရော မြန်မာအဖွဲ့တွေရော ပါမယ်။ အစုအဖွဲ့ (၃၀) ကျော်လောက် ပါမယ်” ဟု အန်စီဂျီယူဘီ ဒုက္ခသည်နှင့်ရွှေ့ပြောင်းရေးရာ တာဝန်ခံ ဦးသက်ခိုင်က ပြောသည်။

ရွှေ့ပြောင်းအလုပ်သမားများ နိုင်ငံသားလက်မှတ် ပြုလုပ်ခြင်းနှင့်ပတ်သက်ပြီး မူဝါဒဆိုင်ရာ အကြံပြုချက် (၅) ချက်၊ ရွှေ့ပြောင်း အလုပ်သမားအဖြစ် တရားဝင်မှတ်ပုံတင် ပြုလုပ်ရေးလုပ်ငန်းစဉ် ပြန်ဖွင့်ပေးရေး၊ အလုပ်သမားများကို လုပ်အားခေါင်းပုံဖြတ် ခိုင်းစေမှုများကို ရှောင်ရှားနိုင်ရန် အလုပ်သမားများအား လွတ်လပ်စွာ အလုပ်ရှင်ရွေးချယ်ခွင့် ပေးရေးတို့ ပါဝင်တောင်းဆို ထားကြောင်း သိရသည်။

ထိုင်းအစိုးရက ပြီးခဲ့သည့် ဇန်န၀ါရီလ (၁၉) ရက်နေ့က တရားဝင် အလုပ်သမားလက်မှတ်ရှိ ရွှေ့ပြောင်းအလုပ်သမားများကို နောက်ထပ် (၂) နှစ် သက်တမ်းတိုးရန် ခွင့်ပြုခဲ့သည်။ သို့သော် တရားဝင် အလုပ်သမား လက်မှတ်မရှိဘဲ နိုင်ငံသား အသိအမှတ်ပြု လက်မှတ် မပြုလုပ်နိုင်သော တရားမ၀င် ရွှေ့ပြောင်း အလုပ်သမား (၂) သန်းခန့်ကိုမူ ယခုလကုန်တွင် နေရပ်ပြန်ပို့ရန် စီစဉ်နေခြင်းဖြစ်သည်။

ထိုင်းနိုင်ငံရောက် မြန်မာရွှေ့ပြောင်း အလုပ်သမား (၂) သန်းခန့်တွင် အလုပ်သမား (၁) သန်းကျော်သာ တရားဝင် အလုပ်သမား လက်မှတ် ရရှိထားသည်။

မြန်မာရွှေ့ပြောင်းအလုပ်သမားများအနေဖြင့် နိုင်ငံသား စိစစ်ရေးလက်မှတ် လုပ်ဆောင်ရန်အတွက် ငွေကြေးအခက်အခဲအပြင် အခြား လူမှုရေးအခက်အခဲများလည်း ရှိနေကြောင်း အလုပ်သမားအရေး ဆောင်ရွက်သူများက ပြောကြားသည်။

“တရားဝင် အလုပ်သမားကတ် လုပ်ပြီးသားသူတွေ နိုင်ငံသား စိစစ်ရေး လုပ်နေတာတောင် ကုမ္ပဏီတွေနဲ့ မလုပ်ရင် မရသူတွေ ရှိနေတယ်။ မြန်မာနိုင်ငံသား စိစစ်ရေးလုပ်ဖို့က ခက်တာပေါ့။ တချို့တွေက စစ်ကြောင့်ပြေးလာရတာ၊ တချို့က တောထဲကနေ လာတာ မြို့နယ်တောင်မသိဘူး၊ မှတ်ပုံတင်ဆိုတာဝေးရော။ တချို့က စစ်ပြေး ရဲပြေးတွေ၊ တချို့က လူမျိုးရေး ပဋိပက္ခတွေကြောင့် မပတ်သက်ချင်တာ အဲဒါမျိုးတွေ” ဟု ဦးသက်ခိုင်က ပြောသည်။

အဆိုပါ ထိုင်းနိုင်ငံရောက် ရွှေ့ပြောင်းအလုပ်သမားများ စီမံခန့်ခွဲမှု မူဝါဒ ပြန်လည်ပြင်ဆင်ပေးရေး တောင်းဆိုချက်စာကို အလုပ်သမားအခွင့်အရေး ဆောင်ရွက်နေသည့် အဖွဲ့အစည်း (၅) ခု လက်မှတ်ရေးထိုးထားသည်။

တောင်းဆိုချက်များကို ထိုင်းဝန်ကြီးချုပ်ရုံးသို့ တင်သွင်းမည်ဖြစ်ပြီး ထိုင်းအစိုးရ အလုပ်သမားရေးရာ တာဝန်ရှိ အကြီးအကဲများထံသို့လည်း မိတ္တူပေးပို့ တောင်းဆိုမည်ဖြစ်သည်။


် စိုးမိုး(ခေတ်ပြိုင်)

ပစ်သတ်ခံခဲ့ရသော မြန်မာ ၈ ဦးကို မီးသင်္ဂြိုဟ်

ထိုင်း - မြန်မာနယ်စပ် တာ့ခ်ခရိုင် ဖုတ်ဖရမြို့ နယ် အနီး တောထဲတွင် ပစ်သတ် ခံခဲ့ရသော မြန်မာရွှေ့ပြောင်း အလုပ်သမား ၉ ဦးထဲမှ ၈ ဦး၏ ရုပ်အလောင်းများကို မဲဆောက် မြို့တွင် စနေနေ့က သင်္ဂြိုဟ် လိုက်ပြီ ဖြစ်ကြောင်း ကြားသိရသည်။
ယင်းကိစ္စနှင့် ပတ်သက်၍ လူသတ် တရားခံများကို အမြန်ဆုံး ဖော်ထုတ်ပေးရန် တောင်းဆို ထားသည်ဟု မြန်မာရွှေ့ပြောင်း အလုပ်သမား အရေးကိစ္စများ ဆောင်ရွက် ပေးနေသည့် Thai Labour Law Clinic အဖွဲ့မှ ကိုဂျမ်းဘိက ပြောသည်။




ဇန်နဝါရီ ၂၄ ရက်နေ့က မဲဆောက်မှ ဘန်ကောက်သို့ အလုပ်လုပ်ရန် သွားခဲ့ကြသော မြန်မာ အလုပ်သမား ၉ ဦးနှင့် ပတ်သက်ပြီး လူပွဲစားများနှင့် ငွေကြေးကိစ္စ ညှိနှိုင်းရာတွင် အဆင်မပြေ ဖြစ်ပြီးနောက်ပိုင်း ထိုင်းရဲ အရာခံဗိုလ် Somchai Pinkaew အပါအဝင် ၆ ဦးတို့က ပစ်သတ်ခဲ့ကြခြင်း ဖြစ်ကြောင်း ကြားသိရသည်။

သေဆုံးသူများထဲမှ ကရင်ပြည်နယ် လှိုင်းဘွဲ့ မြို့ နယ် ကျိုက်ပေါက် ကျေးရွာမှ စောဒီးဒုံ (၂၈နှစ်)၊ စောတူးအောင် (၃၃နှစ်)။ နော်တင်ချိုအေး (၂၈နှစ်)၊ မမူးချဲချဲ၊ ကိုစောကျော်ဦး၊ ကရင်ပြည်နယ် ဘားအံမြို့ နယ် ထောက်ကလပ် ကျေးရွာမှ နန့်ကျွန်အေး (၃၂နှစ်)၊ နန့်အေးချို (၂၃နှစ်)၊ စောအကုံ (၂၈နှစ်) တို့ကို မီးသင်္ဂြိုဟ်ခဲ့ခြင်း ဖြစ်သည်။

“ဒီဖြစ်ရပ်က တော်တော်ကို တုန်လှုပ် ခြောက်ခြားစရာ၊ တော်တော်ကို လူသားမဆန်တဲ့ ကိစ္စလို့ ကျနော် ပြောချင်တယ်ဗျာ။ ထိုင်းမှာ ဒီလို ဖြစ်ရပ်မျိုးတွေ ဖြစ်နေတာ များပြီဗျ၊ လွန်ခဲ့တဲ့ သုံးလေးနှစ် ကလည်း လူတွေကို အရှင် လတ်လတ် မီးရှို့ သတ်တာ တွေတောင် ရှိခဲ့တယ်။ အခုကိစ္စမှာ သာမာန် ပြည်သူတင် မကဘဲ အာဏာပိုင်တွေ ပါနေတာ တွေ့ရတယ်။ ကျနော်တို့ ရှုတ်ချတယ်ဗျာ” ဟု အလုပ်သမားများ သွေးစည်း ညီညွတ်ရေး အဖွဲ့၊ မြန်မာနိုင်ငံ (BLSO) မှ တာဝန်ခံ ကိုသံဒုတ်က ပြောသည်။

မြန်မာရွှေ့ပြောင်း အလုပ်သမားများ အနေနှင့် မဲဆောက်မှ ဘန်ကောက်သို့ အလုပ်လုပ်ရန် သွားရာတွင် လူမှောင်ခို ကုန်ကူးသူများက တောလမ်း ခရီးများမှ ၄၊ ၅ ရက်ခရီး အကွာအဝေးကို လမ်းလျှောက် ခိုင်းခြင်း၊ လူများကို ကားထဲတွင် တိရစ္ဆာန်များ သဖွယ် လှောင်ပိတ်၍ သယ်ယူခြင်း များကြောင့် သေဆုံးမှုများ၊ ပျောက်ဆုံးမှုများ မကြာခဏ ရှိခဲ့သော်လည်း လက်သည် မပေါ်ဘဲ တိမ်မြုပ် ပျောက်ကွယ် သွားသည်က များကြောင်း ကိုသံဒုတ်က ဆက်လက် ပြောဆိုသည်။

အဆိုပါ ၉ လောင်းပြိုင် လူသတ်မှုနှင့် ပတ်သက်၍ ဖေဖော်ဝါရီလ ၄ ရက်နေ့က မဲဆောက် ရဲနယ်မြေ အမှတ် ၆ တပ်မှူး ရဲ ဒုဗိုလ်ချုပ်ကြီး Surasri Sunthonsar- saratun က သတင်းစာ ရှင်းလင်းပွဲတရပ် ပြုလုပ်ခဲ့ရာ “ဒီအမှုကို ထိုင်း ရဲအရာခံဗိုလ် Somchai Pinkaew နဲ့ မြန်မာ နိုင်ငံသား တဦးအပါအ၀င် လူ ၆ ယောက်က ကျူးလွန်ခဲ့တာ ဖြစ်တယ်။ Somchai Pinkaew ကတော့ သူပြစ်မှု ကျူးလွန်ခဲ့တာကို ၀န်ခံပြီး သူ့အိမ်မှာ သူ့ကိုယ်သူ ဆွဲကြိုးချ သတ်သေသွားပြီ ဖြစ်တယ်။ ကျန်တဲ့သူတွေ ကတော့ မြန်မာ နိုင်ငံဘက်ကို ထွက်ပြေး တိမ်းရှောင် နေကြတယ်။ ဒီအလောင်း တွေကို ရင်ခွဲ စစ်ဆေးတဲ့အခါမှာ Somchai Pinkaew ကိုင်ဆောင်တဲ့ ဒသမ ၂၂ နဲ့ ဒသမ ၃၈ သေနတ်တွေနဲ့ ပစ်ခတ်ခဲ့တာကို တွေ့ရတယ်” ဟု ထည့်သွင်း ပြောဆိုသွားသည်။

လူမှောင်ခိုမှုကြောင့် မြန်မာများ သေဆုံးမှုများ၊ အဓမ္မ ပြုခံရမှုများ မကြာခဏ ဖြစ်ပွားလေ့ ရှိကြောင်း ကြားသိရသည်။ အထင်ရှားဆုံးမှာ ၂၀၀၈ ခုနှစ်က ထိုင်းနိုင်ငံ တောင်ပိုင်း ဖူးခက်မြို့သို့ အသွား လမ်းတွင် အလုံပိတ် ကားပေါ်၌ သေဆုံးသွား ခဲ့ကြသော ၅၄ ဦး အမှု ဖြစ်သည်။

ဘစောတင်