Wednesday, January 20, 2010

မြန်မာ အတိုက်အခံ အဖွဲ့အစည်းများကို ထိုင်းသတိပေး

ထိုင်း - မြန်မာနယ်စပ် မဲဆောက်မြို့တွင် တရားမ၀င် ဖွဲ့စည်း လှုပ်ရှားနေသည့် မြန်မာ အတိုက်အခံ အဖွဲ့ အစည်းများ အနေဖြင့် နိုင်ငံရေး လှုပ်ရှားမှုများ ပြုလုပ်သည်ကို တွေ့ရှိပါက ထိုင်းနိုင်ငံမှ နှင်ထုတ်မည် ဖြစ်ကြောင်း ယမန်နေ့၌ တာ့ခ်ခရိုင် အုပ်ချုပ်ရေးမှူးက သတိပေး ပြောကြား လိုက်သည်။


ယမန်နေ့က ပြုလုပ်သော သတင်းစာ ရှင်းလင်းပွဲ တခုတွင် တာခ့်ခရိုင် အုပ်ချုပ်ရေးမှူး Samart Loifah က “တရားဝင် မှတ်ပုံတင် ထားခြင်းမရှိတဲ့ နိုင်ငံရေး လှုပ်ရှားနေတဲ့ အဖွဲ့အစည်း တွေက လူမှုရေးကို ဗန်းပြပြီး နိုင်ငံရေး လုပ်နေတာတွေ၊ ကိုယ်ကျိုး စီးပွားရှာနေတာ တွေ့ရင် ထိုင်းနိုင်ငံကနေ နှင်ထုတ်မှာ ဖြစ်ပါတယ်”ဟု ဒေသခံ သတင်းထောက်များကို ပြောကြားခဲ့ခြင်း ဖြစ်သည်။

ထိုင်း အာဏာပိုင်များက မဲဆောက်မြို့ အခြေစိုက် လူမှုရေး လုပ်ငန်းများအား အကြောင်းပြ၍ နိုင်ငံရေး လှုပ်ရှားနေသူများကို ထောက်ပြ သွားခြင်း ဖြစ်နိုင်ကြောင်း နိုင်ငံရေး အသိုင်းအ၀န်းက ယူဆကြသည်။ သို့သော်လည်း ကျန်းမာရေးနှင့် ပညာရေး လုပ်ကိုင် နေသည့် အဖွဲ့အစည်း များကိုမူ ထိုင်းနိုင်ငံ အနေဖြင့် ခွင့်ပြုထား ကြောင်းလည်း သိရသည်။

ထိုင်းနိုင်ငံ အခြေစိုက် ရောင်ခြည်ဦး အလုပ်သမား အဖွဲ့မှ ကိုမိုးဆွေက“အဓိက ဖြစ်လာနိုင်တာက အလုပ်သမားအရေးကို ဆောင် ရွက်နေတဲ့ အဖွဲ့အစည်း တော်တော်များများကို ပြောချင်တဲ့ သဘောတော့ ရှိတယ်”ဟု ဧရာဝတီသို့ ပြောသည်။

မဲဆောက်မြို့ရှိ အတိုက်အခံ အဖွဲ့ အစည်းများတွင် တရားမ၀င် အဖွဲ့ အစည်းများ ရှိကြသော်လည်း ထိုင်းနိုင်ငံ၏ ဥပဒေအရ စည်းမျဉ်းစည်းကမ်းများကို မချိုးဖောက်ပါက စိုးရိမ်စရာမရှိကြောင်း ထိုင်း-မြန်မာ နယ်စပ်အခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေးအသင်း (AAPP) မှ အတွင်းရေးမှူး ကိုတိတ်နိုင်က ပြောသည်။

“တကယ့် သူတို့နိုင်ငံရဲ့ လုံခြုံရေးကို ထိခိုက်စေနိုင်တဲ့ ကိစ္စမျိုးတွေ၊ မူးယစ်ဆေးဝါးသယ်တဲ့ ကိစ္စမျိုးတွေ၊ ဒီလို ဥပဒေမျိုးတွေကို မချိုးဖောက်ဘူးဆိုရင်တော့ သိပ်ပြီး စိုးရိမ်းစရာ မရှိဘူးလို့ ထင်တယ်”ဟု ၎င်းက ဆိုသည်။

ထိုင်းနိုင်ငံ မဲဆောက်မြို့တွင် အတိုက်အခံ အဖွဲ့အစည်းများရှိသကဲ့သို့ စက်ရုံပေါင်း (၃၀၀) နီးပါးခန့်ရှိပြီး မြန်မာအလုပ်သမား သိန်း နှင့်ချီ၍ရှိကြောင်း သတင်းများအရသိရသည်။

အလားတူပင် လွန်ခဲ့သည့်နှစ် အောက်တိုဘာလ အတွင်း မဲဆောက်မြို့ရှိ ကရင် အမျိုးသား အစည်းအရုံး(KNU)ခေါင်းဆောင်များ၏ နေအိမ်များကို နယ်မြေ ရှင်းလင်းရေးအတွက် ထိုင်းအာဏာပိုင်များက ရှောင်တခင်ဝင်ရောက်စစ်ဆေးမှုများ ပြုလုပ်ခဲ့သည်။

ထို့အပြင် ထိုင်း အာဏာပိုင်များက KNU စစ်ဘက် ထိပ်ပိုင်းခေါင်းဆောင်များကို မြန်မာပြည်ရှိ ၎င်းတို့ ထိန်းချုပ်ထားသည့် နယ်မြေ သို့ ပြန်ရန် ဖိအားပေးခဲ့သည်။

မြန်မာစစ်အစိုးရနှင့် အပစ်အခတ် ရပ်စဲခြင်း မရှိသေးသော KNU သည် ၁၉၉၅ ခုနှစ်တွင် ၎င်း၏ မာနယ်ပလော ဌာနချုပ် တိုက်ခိုက် ခံခဲ့ရပြီး နောက်ပိုင်း တဖြည်းဖြည်း အင်အား လျော့နည်းလာသည်။ ထို့နောက်တွင် ၎င်းတို့၏ ဗဟို ဌာနချုပ်ကို ထိုင်း - မြန်မာ နယ် စပ်အနီးသို့ ရွှေ့ပြောင်း အခြေချခဲ့ကြရသည်။


(သန်းထိုက်ဦး)ဧရာဝတီ

O K R S O

Tuesday, January 19, 2010

တရားဝင် ရွှေ့ပြောင်းအလုပ်သမားများကို (၂) နှစ် သက်တမ်းတိုးပေး

တရားဝင် အလုပ်သမားလက်မှတ်ကိုင်ဆောင်သူ ရွှေ့ပြောင်းအလုပ်သမား အားလုံးကို ထိုင်းအစိုးရက နောက်ထပ် (၂ )နှစ် သက်တမ်းတိုး အလုပ်လုပ် ခွင့်ပြုလိုက်သည်။

ယနေ့ ထိုင်းအစိုးရက ဆုံးဖြတ်ခဲ့သည့် (၂) နှစ်သက်တမ်းတိုးပေးမည့် အလုပ်သမားများမှာ တရားဝင် အလုပ်လုပ်ခွင့်သက်တမ်း မနက်ဖြန်တွင် ကုန်ဆုံးမည့် အလုပ်သမားများအပါအ၀င် ယမန်နှစ်က အလုပ်သမား မှတ်ပုံတင် ပြုလုပ်ခဲ့သော ရွှေ့ပြောင်းအလုပ်သမား စုစုပေါင်း (၁) သန်း (၃) သိန်းကျော်တို့ဖြစ်ပြီး မြန်မာရွှေ့ပြောင်းအလုပ်သမား (၁) သန်းကျော်တုိ့ ပါဝင်သည်။

“မြန်မာအပါအ၀င် တရားဝင် ရွှေ့ပြောင်းအလုပ်သမား စုစုပေါင်း (၁,၃၁၀,၆၉၀) ကို သက်တမ်း (၂) နှစ် နေထိုင်ခွင့်နဲ့ အလုပ်လုပ်ကိုင်ခွင့်ကို တိုးမြှင့်ပေးလိုက်တယ်” ဟု ပြည်ထောင်စုမြန်မာနိုင်ငံ အမျိုးသားညွန့်ပေါင်းအစိုးရမှ ဒုက္ခသည်နှင့် ရွှေ့ပြောင်းအလုပ်သမားရေးရာ တာဝန်ခံ ဦးသက်ခိုင်က ထိုင်းအစိုးရ ပြန်ကြားရေးဌာန၏ သတင်းထုတ်ပြန်ချက်ကို ကိုးကားပြီး ပြောကြားသည်။

ထိုသို့ သက်တမ်းတိုးပေးခံရသူများမှာ ၂၀၀၇ ခု ဒီဇင်ဘာ (၁၈) ရက် ဆုံးဖြတ်ချက်အရ လက်မှတ်သက်တမ်း တိုးပေးခဲ့သူ (၃၈၂,၅၄၁) ဦး၊ ၂၀၀၉ ခု မေ (၂၆) ရက် ဆုံးဖြတ်ချက်၊ ၂၀၀၉ ခု ဇူလိုင် (၂၈) ရက် ဆုံးဖြတ်ချက်နှင့် ၂၀၀၉ ခု နိုဝင်ဘာ (၃) ရက် ဆုံးဖြတ်ချက်အရ သက်တမ်းတိုး နေထိုင်အလုပ်လုပ်ကိုင်ခွင့်ပြုခဲ့သူ (၉၂၈,၁၄၉) ဦးတို့ဖြစ်သည်။

၎င်းတို့အနက် မြန်မာရွှေ့ပြောင်းအလုပ်သမားများသည် အဆိုပါ သက်တမ်းတိုးကာလအတွင်း မြန်မာနိုင်ငံကူးလက်မှတ် လုပ်ဆောင်ထားကြရမည်ဖြစ်သည်။

မြန်မာအလုပ်သမားများအနေဖြင့် ယာယီနိုင်ငံကူးလက်မှတ်လုပ်ကိုင်ရန် ငွေကြေးအခက်အခဲနှင့် ကြုံတွေ့နေရပြီး ထိုင်းနိုင်ငံရောက် တရားဝင်မြန်မာရွှေ့ပြောင်းအလုပ်သမား (၁) သန်း (၇) သောင်းခွဲကျော်တွင် ယာယီနိုင်ငံကူးလက်မှတ် လုပ်ထားပြီးသူ (၁) သောင်းခွဲသာ ရှိနေသေးသည်။

မြန်မာယာယီနိုင်ငံကူးလက်မှတ် လုပ်ဆောင်ရန် မြန်မာစစ်အစိုးရက တရားဝင် သတ်မှတ်ပေးထားသော ထိုင်းကုမ္ပဏီ (၇) ခု ရှိနေပြီး နိုင်ငံကူးလက်မှတ်ပြုလုပ်ခ ၀န်ဆောင်ကြေး အဆမတန် တောင်းခံနေခြင်းကြောင့် မြန်မာရွှေ့ပြောင်းအလုပ်သမားများ ယာယီနိုင်ငံကူးလက်မှတ် လုပ်ဆောင်ရန် အခက်တွေ့နေခြင်းဖြစ်သည်။

“ပုံမှန်အားဖြင့် ယာယီနိုင်ငံကူးလက်မှတ်လုပ်ဖို့က ထိုင်းပိုက်ဆံနဲ့ဆို မြန်မာဘက်ခြမ်းက ဘတ် (၁၀၀)၊ ထိုင်းဘက်က ဘတ် (၅၀၀)၊ ဓာတ်ပုံရိုက်တာ ဖောင်ဖြည့်တာနဲ့ဆို စုစုပေါင်း ဘတ် (၁,၀၀၀) လောက်ပဲ ကုန်ရမှာကို အခု ကုမ္ပဏီတွေက ယူနေတာက ဘတ် (၅,၀၀၀) ကနေ (၇,၀၀၀) လောက်ထိယူနေတော့ အလုပ်သမားတွေ မတတ်နိုင်ပါဘူး” ဟု ဦးသက်ခိုင်က ပြောကြားသည်။


ခေတ်ပြိုင်မှတဆင့် ကူးယူဖော်ပြသည်။

Sunday, January 17, 2010

ပဉ္စမအကြိမ်မြောက် ဗိုလ်လောင်းသင်တန်း ကျောင်းဆင်းပွဲ

ကရင်အမျိုးသားအစည်းအရုံး(ကေအင်ယူ)၏ ပဉ္စမအကြိမ်မြောက် ဗိုလ်လောင်းသင်တန်း ကျောင်းဆင်းပွဲကို ၁၄-၁-၁၀ နေ့က ဖာပွန်ခရိုင်တွင်ကျင်းပရာ(KNLA) စစ်ဦးစီးချုပ်ဗိုလ်ချုပ်ကြီးမူတူးစေးဖိုး တက်ရောက်ပြီး ရာထူးခန့်အပ်လွှာများအပ်နှင်းခဲ့သည်။







































































































ဓါတ်ပုံ -- KNU

သတင်း--- OKRSO