ကရင်လူငယ်များအတွက် ဘန်ကောက်ပညာရေးစင်တာ

ဘန်ကောက်မှာ ရှိသော မြန်မာအလုပ်သမားများ အထူးသဖြင့် ကရင်လူမျိုးများအတွက် ပညာရေးစင်တာဖွံ့ ဖြိုးတိုးတက်အောင် ..တစ်ဘက်တစ်လမ်းက အလှူရှင် အမြဲ တမ်းရရှိရေးအတွက် OKRSO ရုံးမှဖွင့် လှစ်သော လစဉ် ကွန်ပြူတာ၊ထိုင်းစာ၊အင်္ဂလိပ်စာနှင့် ကရင်စာပေ သင်တန်းများ ပို့ ချလျက်ရှိပါသည်။

OKRSO အဖွဲ့ အစည်းရဲ့လက်အောက်ခံ ဌာနတစ်ခုဖြစ်သော ပညာရေးဌာန အတွက် အမြဲတမ်းအဆက်မပြတ် လေ့ လာကြည့်ရှုနိုင်သော နေရာ တစ်ခုအဖြစ် facebook သော်လည်းကောင်း website သော်လည်းကောင်း အနယ်နယ်အရပ်ရပ်မှာ ရှိသော  ပြည်ပရောက် OKRSO အဖွဲ့ ဝင်ဟောင်းများနှင့် တစ်ခြားသော မျိုးချစ်ကရင်လူထုများအတွက် ဘန်ကောက်ပညာရေးစင်တာရဲ့လှုပ်ရှားမှုများကို လာရောက်အားပေးကြည့်ရှုနိုင်ရန် အားလုံးကို ဖိတ်ခေါ်ပါရစေ......

Facebook: Karenec Paw
Website: http://kareneducationalcenter.org/



OKRSO မိသားစု
ဘန်ကောက်

ဖွံ့ဖြိုးရေးစီမံကိန်းနှင့် ရင်းနှီး မြှုပ်နှံမှုများကို ဆန့်ကျင်ကြောင်း ကရင်နှီးနှောဖလှယ်ပွဲမှ ဆွေးနွေး ဆုံးဖြတ်ခဲ့

မေလ ၂၉ရက်။ ကေအိုင်စီ

၈ကြိမ်မြောက် ကရင်အမျိုးသား စည်းလုံးညီညွှတ်ရေး နှီးနှောဖလှယ်ပွဲမှ ကရင်ဒုက္ခသည်များကို နေရပ်ပြန်လည် မပို့ဆောင် ရေးနှင့် ကရင်ဒေသများတွင် ပြုလုပ်နေသည့် ဖွံ့ဖြိုးရေးစီမံကိန်းများနှင့် ပြည်တွင်းပြည်ပ ရင်းနှီးမြှုပ်နှံမှုများကို ဆန့်ကျင် ရှုတ်ချကြောင်း ယမန်နေ့က ကြေညာချက် ထုတ်ပြန်လိုက်သည်။
ထိုကြေညာချက်တွင် နှီးနှောဖလှယ်ပွဲမှ ကရင်လူမျိုးများအကြား စည်းလုံးညီညွှတ်မှု ပိုမို အားကောင်းလာစေရေး၊ မြန်မာ ပြည်၏ လက်ရှိ နိုင်ငံရေးအခြေအနေများနှင့် ကရင်လူထုတစ်ရပ်လုံး၏ ခံစားနေရမှုများကို ဆွေးနွေးခဲ့ကြပြီး ထိုင်းနိုင်ငံအ တွင်း ရောက်ရှိနေသည့် သိန်းနှင့်ချီသော စစ်ပြေးဒုက္ခသည်များအား ယာယီ လက်ခံထားပေးရန်နှင့် ပြန်လည်ပို့ဆောင်ခြင်း မပြုလုပ်သေးရန် ထိုင်းအစိုးရနှင့် UNHCR တို့အား တောင်းဆိုထားသည်။
နှီးနှောဖလှယ်ပွဲ၏ ပြောရေးဆိုခွင့်ရှိသူ စောကနဲမီက “သူတို့(မြန်မာအစိုးရ)ကိုယ်သူတို့ အစိုးရလို့ ခံယူပြီး ကရင်တွေနယ် မြေမှာ ဖွံ့ဖြိုးရေးကို ဘမ်းပြပြီး Dam(ရေကာတာ)နေရာအဆင့်ဆင့် လာလုပ်တာဟာ နယ်မြေတွေ ဆုံးရှုံးပျက်စီးကုန်တယ်။ ဒီလို နားလှည့်ပါးရိုက်လာလုပ်တာ ဘယ်သူမှ လက်ခံနိုင်စရာ အကြောင်းမရှိဘူး။ ကျနော်တို့တွေ ဖွံ့ဖြိုးမှုကို မလိုလားတာ မဟုတ်ဘူး။ နိုင်ငံတကာကို လိမ်လည်ပြီး တိုင်းပြည်ကို အုပ်ချုပ်နေတဲ့ သူတွေကို လုံးဝ လက်မခံနိုင်ဘူး။ ဒါကြောင့် ကျနော် တို့ Karen Unity Seminar အနေနဲ့ မတ်မတ်ရပ်ပြီး ဒါကို လုံးဝ ဆန့်ကျင်တာ၊ ရှုတ်ချတာ ဖြစ်တယ်။”ဟု ကေအိုင်စီကို ပြောသည်။
ဆက်လက်၍ သူက “ဒုက္ခသည်နဲ့ ပတ်သက်လို့ အတင်းအဓမ္မ ရွှေ့ခိုင်းပြောင်းခိုင်းတာတွေ မလုပ်ရဘူးဆိုတာ ဥပဒေရှိ တယ်။ ကျနော်တို့က တကမ္ဘာလုံးက ပြဌာန်းထားတဲ့ လူ့အခွင့်အရေး ဥပဒေအရဆိုပြီး ကိုယ့်ကိုယ်ကို သတ္တိပြတာတော့ မဟုတ်ဘူး။ ကျနော်တို့ အမှန်တရားဘက်မှာ ရှိတယ်ဆိုတာရယ်၊ ခိုင်မာတဲ့ အခြေခံ အကြောင်းရင်းတွေ ရှိတယ်ဆိုတာရယ် ပါ။”ဟု ရှင်းပြသည်။
၎င်းအပြင် အခုတက်လာသည့် ကြံ့ဖွံ့အစိုးရအနေဖြင့် အင်အားတောင့်တင်းပြီး အဆင့်မြင့်သည့် စစ်တပ်ကို ထူထောင်ပါက ကရင်ဒေသများအတွင်း ဆိုးဝါးသော လူ့အခွင့်အရေး ချိုးဖောက်မှုများ ဆက်လက် ဖြစ်ပွားလာနိုင်ခြင်း၊ လူထု၏ အိုးအိမ် မြေယာများ ပိုမို ပျက်စီးဆုံးရှုံးလာနိုင်ခြင်းနှင့် လူသားများအပေါ် စစ်ရာဇ၀တ်မှုများ ကျူးလွန်နေသည့်အတွက် ကုလသမဂ္ဂ မှ စုံစမ်းစစ်ဆေးရေး ကော်မရှင် စေလွှတ်၍ ကြံ့ဖွံ့အစိုးရအား အရေးယူမှုများ ချက်ချင်း ဆောင်ရွက်သွားရန်လည်း နှီးနှော ဖလှယ်ပွဲက တောင်းဆိုလိုက်သည်။
ထိုနှီးနှောဖလှယ်ပွဲသို့ ပြည်တွင်းနှင့် ယူကေ၊ အမေရိကန်၊ ကနေဒါ၊ စင်္ကာပူ၊ သြစတြေးလျားနိုင်ငံများမှ ကရင်တိုင်းရင်းသား ကိုယ်စားလှယ်များလည်း တက်ရောက်ခဲ့ကြသည်။

၈ကြိမ်မြောက် ကရင်အမျိုးသားစည်းလုံးညီညွှတ်ရေး နှီးနှောဖလှယ်ပွဲ (ပုံ-ကေအိုင်စီ)

UK မှ စောဝင်းစတန်တောက “ကျနော် ဒီစီမီနာကို ပထမဆုံးရောက်လာတာပဲ။ ဆွေးနွေးမှုတွေအတွင်းမှာ အချေအတင် ငြင်းခုန်ဆွေးနွေးအဖြေရှာကြတာဟာ ဆုံမှတ်ကိုတွေ့ရှိသွားသလို စိတ်ဝင်စားမှုကောင်းတဲ့ တော်လှန်ရေးအတွေ့အကြုံ သဘောတရားတွေကိုလည်း ရရှိခဲ့ပါတယ်။”ဟု ကေအိုင်စီသို့ ပြောသည်။ ပြည်တွင်းကိုယ်စားလှယ်တဦးကလည်း “အခုလို ကရင်ကိုယ်စားလှယ်ကြီးတွေ ဒုက္ခအခက်အခဲကြားက မတူကွဲပြားတဲ့ အတွေးအခေါ် အယူအဆတွေကို ပြန်လည်ပေါင်းစည်းပေးဖို့ လာရောက်ဆွေးနွေးကြတာ အားရကျေနပ်မှု အတော်ရပါ တယ်။ နိုင်ငံရေး၊ အမျိုးသားရေးပန်းတိုင်ကို ဒီစီမီနာမှာ ရှင်းရှင်းလင်းလင်းကြီး တွေ့ခွင့်ရခဲ့တယ်။ ပြည်တွင်းမှာဆို ဘာဆို ဘာမှ သိခွင့်၊ လုပ်ခွင့်မရှိဘူး။”ဟု ဆိုသည်။
နှီးနှောဖလှယ်ပွဲ ကျင်းပရေးကော်မတီ ဥက္ကဌ စောလှထွန်းက “နိုင်ငံတကာက ကိုယ်စားလှယ်တွေ၊ ခရိုင်ကိုယ်စားလှယ်တွေ နဲ့ ပြည်တွင်းကိုယ်စားလှယ်တွေ အခုလို လာရောက်တွေ့ဆုံပြီး ကရင်အမျိုးသားတွေရဲ့ စည်းလုံးမှုပြိုကွဲစေမယ့် အကြောင်း အရာတွေကို ဝိုင်းဝန်းပူးပေါင်းဆောင်ရွက်ပြီး ကာကွယ်ပေးကြ၊ နည်းလမ်းအဖြေရှာကြတာဟာ အင်မတန်မှ အားရကျေနပ် မှု ရှိပါတယ်။”ဟု ပြောဆိုသည်။
မေလ ၂၄ရက်မှ ၂၇ရက်နေ့အထိ ထိုင်း-မြန်မာနယ်စပ်တနေရာတွင် ပြုလုပ်ကျင်းပခဲ့သည့် ထိုနှီးနှောဖလှယ်ပွဲသို့ ပြည်တွင်း ပြည်ပရှိ ကရင်အဖွဲ့အစည်း(၄၂)ဖွဲ့မှ ကိုယ်စားလှယ်များ၊ မျိုးဆက်သစ် နိုင်ငံရေးကျောင်းသားကျောင်းသူများနှင့် လေ့လာ သူများ စုစုပေါင်း ၁၁၇ဦး တက်ရောက်ခဲ့ကြသည်။

ကေအိုင်စီ

မြန်မာ ၁၀၀ ကျော် ထိုင်းတွင် ရောင်းစားခံရ

ထိုင်းနိုင်ငံ ဘန်ကောက်မြို့တွင် တရားဝင် အလုပ်လုပ်ရမည် ဟူသော မက်လုံးကို ယုံမိသဖြင့် ထိုင်း-မြန်မာနယ်စပ် မဲဆောက်မြို့မှ အလုပ်သမား ရာနှင့်ချီ၍ ယခုလအတွင်း ရောင်းစားခံလိုက်ရသည်ဟု သိရသည်။

ထိုင်းနိုင်ငံ၌ ရောင်းစားခံရသူ ကိုမင်းမင်းဦး၏ ဖခင် ဦးနိုင်ဦး (ဝဲဘက်) (ဓာတ်ပုံ - ဧရာဝတီ)

ငါးဖမ်းလုပ်ငန်းသို့ ရောက်သွားသူ တချို့က မိသားစုနှင့် အဆက်အသွယ် ပြန်ရသော်လည်း လွတ်မြောက်လာခြင်း မရှိသေးကြောင်း မဲဆောက်အခြေစိုက် ပြည်သူ့  စေတနာ့ဝန်ထမ်းအသင်းမှ ဗဟိုကော်မတီဝင် ကိုသိန်းဆန်းက ဧရာဝတီသို့  ပြောသည်။

“လွန်ခဲ့တဲ့အပတ်က အရောင်းစားခံရတဲ့ လူတွေရဲ့ ဆွေမျိုးသားချင်းတွေက ကျနော်တို့  အဖွဲ့ကို လာတိုင်တယ်။ ဒါကြောင့် ကျနော်တို့ အဖွဲ့ က လိုက်စုံစမ်းတော့ အခု သိထားသလောက် အမျိုးသမီးရော အမျိုးသားပါ ဆိုရင် တရာကျော် ရှိတယ်” ဟု ကိုသိန်းဆန်းက ဆိုသည်။

ရောင်းစားခံရသူတဦး၏ ဖခင်ဖြစ်သူ ဦးနိုင်ဦးက ၎င်း၏သားသည် ဘန်ကောက်မြို့အနီး၊ ချွန်ဘူရီခရိုင် အချောင်မြို့ ချောင်းစပယ်လမ်း ဝေလာဦး တံတားအနီး လှေနံပတ် (၇) တွင် ရောက်ရှိနေသည်ဟု ဆိုသည်။

“ကျနော့သား မင်းမင်းဦး ဖုန်းဆက်လာလို့ အခု သူတို့ဟာ ချွန်ဘူရီမှာ ရောင်းစားခံထားရကြောင်း သိရတာပါ” ဟု သူက ပြောသည်။

ထိုဒေသသို့ ရောက်သွားသူများမှာ ကိုမင်းမင်းဦး အပါအ၀င် အမျိုးသား ၅၉ ဦး ရှိသည်ဟု ဆိုသည်။

ရောင်းစားခံထားရသူများထဲတွင် ညီတော်စပ်သူ တဦးပါဝင်သော ကိုခိုင်မင်းထွန်းက “ယောက်ျားတွေကို လှေဆိပ်မှာ ရောင်းစားလိုက်တယ်။ မိန်းမတွေကိုတော့ ဘယ်မှာ ရောင်းစားထားလဲ မသိရဘူး” ဟု ပြောသည်။

သက်ဆိုင်ရာ ဆွေမျိုးသားချင်းများသည် အမှုမှန်ပေါ်ရေး၊ လူပွဲစားများကို အရေးယူနိုင်ရေးအတွက် ထိုင်းနှင့် မြန်မာ အာဏာပိုင်များထံသို့  ပွင့်ပွင့်လင်းလင်း တိုင်ကြားသင့်ကြောင်း ကိုသိန်းဆန်းက ပြောသည်။

နှစ်နိုင်ငံ အာဏာပိုင်တို့က လူကုန်ကူးမှု ပူးပေါင်းတိုက်ဖျက်ရန် ၂၀၀၉ ခုနှစ်ကပင် သဘောတူထားပြီး ဖြစ်သည်။

ထိုင်းနိုင်ငံတွင်  မြန်မာပြည်သား အလုပ်သမား ၂ သန်းခွဲမှ ၄ သန်း အထိ ရှိနိုင်ကြောင်း အလုပ်သမားအရေး အဖွဲ့ အစည်းများက ခန့်မှန်းကြသည်။ အများစုမှာ တရားမ၀င် နေထိုင်လုပ်ကိုင်ကြသူများ ဖြစ်သည်။

ဧရာဝတီ

မြန်မာအတိုက်အခံများကို NGO များ မကူညီရန် ထိုင်းဖိအားပေး

မန်မာ အတိုက်အခံ အဖွဲ့အစည်းများကို အားပေးကူညီမှုများ မပြုလုပ်ကြရန် ထိုင်းနိုင်ငံ မဲဆောက်ဒေသ အခြေစိုက် အစိုးရမဟုတ်သည့် NGO အဖွဲ့များအား တာ့ခ် ခရိုင်ဝန်က တနင်္လာနေ့ မွန်းလွဲပိုင်းတွင် တွေ့ဆုံပြီး သတိပေး ပြောကြားလိုက်သည်။

တနင်္လာနေ့က ပြုလုပ်သည့် အစည်းအဝေး (ဓာတ်ပုံ - ဧရာဝတီ)

ထိုင်းနိုင်ငံ တာ့ခ် ခရိုင် မဲဆောက်မြို့ရှိ မြို့ပိုင်ရုံးတွင်ပြုလုပ်သည့် ထိုင်း အုပ်ချုပ်ရေးနှင့် ဌာနဆိုင်ရာများ အပါအ၀င် မဲဆောက် အခြေစိုက် လှုပ်ရှားနေသည့် NGO အဖွဲ့အစည်း ၂၀ ခန့်နှင့် တွေ့ဆုံသည့် အစည်းအဝေးတွင် တာ့ခ်ခရိုင်ဝန် နိုင် စမာ့လွိုင်ဖာ့က ပြောကြားခြင်းဖြစ်သည်။

၎င်းက“NGO တွေအနေနဲ့ကိုယ့်အလုပ်ကို ရိုးရိုးသားသားလုပ်ကိုင်ကြဖို့ ပြောချင်တယ်၊ မြန်မာအတိုက်အခံ အဖွဲ့တွေကို အားပေး ကူညီတာတွေ မလုပ်ကြဖို့ သတိပေးချင်တယ်၊ တချို့ NGO တွေက မြန်မာအတိုက်အခံတွေကို အားပေးကူညီမှုလုပ်နေတာတွေကို မလုပ်ကြဖို့ ပြောချင်ပါတယ်”ဟု ဆိုသည်။

အစည်းအဝေးတွင်ခရိုင်ဝန်က ယခုလ ၁၁ ရက်နေ့က မဲဆောက်အနီးရှိ မဲ့ကစာရွာတွင် မြန်မာ တိုင်းရင်းသား လက်နက် ကိုင်အဖွဲ့တခုသို့ပေးပို့မည့် တပ်ဖွဲ့အမှတ်တံဆိပ်ပါ စစ်ယူနီဖောင်းအစုံ ၃၀၀ နှင့် အမှတ်တံဆိပ်ပါ စစ်သုံး စွပ်ကြယ်လက်တို အင်္ကျီ ၂၆၂ ထည်ကို ထိုင်းနယ်ခြားစောင့်တပ် က ဖမ်းဆီးရရှိမှုကိုလည်း ရည်ညွန်းကာ ထည့်သွင်းပြောကြားခဲ့သည်။

ခရိုင်ဝန်၏အဆိုအရ မဲဆောက်ဒေသအတွင်း အခြေစိုက်ကာ ဒုက္ခသည်စခန်းအတွင်း လုပ်ကိုင်နေသည့် NGO အဖွဲ့ ၂၀ ခန့်ရှိပြီး အခြားပြင်ပတွင်လုပ်ကိုင်နေသည့် NGO အဖွဲ့မှာ  ၆၀ ခန့်ရှိသည်ဟု သိရသည်။

သတိပေးထားသည့်အတိုင်း လိုက်နာခြင်းမရှိသည့် NGO အဖွဲ့အစည်းများမှာ အရေးယူခြင်းခံရမည်ဟု အစည်းအဝေးအပြီး တွင် နိုင် စမာ့လွိုင်ဖာ့က ဒေသခံ သတင်း ထောက်များကို ပြောကြားသည်။

မြန်မာဒုက္ခသည်များနှင့် ပတ်သက်၍လည်း ဒုက္ခသည်များ စခန်းအပြင်ထွက်ကာ သစ်ခုတ်ခြင်း၊ မူးယစ်ဆေးဝါးများရောင်း ၀ယ်သုံးစွဲခြင်းများကို တွေ့ရှိပါက ဒုက္ခသည်အဖြစ်မှ ပယ်ဖျက်ပြီး အရေးယူခံရမည်ဟုလည်း ထည့်သွင်းပြောကြားခဲ့သည်။

မြန်မာအတိုက်အခံ ခေါင်းဆောင်တဦးက“ထိုင်းနယ်စပ်မှာ သွားလာလှုပ်ရှားနေတာမှန်ပေမယ့် ထိုင်းနိုင်ငံရဲ့အချုပ်အခြာကို ထိခိုက်စေမယ့်အနေအထားတွေကိုတော့ ဘယ်အဖွဲ့ကမှမလုပ်ပါဘူး၊ မြန်မာဘက်မှာ လတ်တလောဖြစ်နေတဲ့ တိုက်ခိုက်မှုတွေနဲ့ အခြားကိစ္စတွေကို မြန်မာအတိုက်အခံအဖွဲ့တွေက ထိုင်းနယ်မြေကိုအသုံးချပြီး လုပ်နေတယ်လို့ မြန်မာနယ်ခြား ကော်မတီ ကနေတဆင့် ထိုင်းဘက်ကိုအရေးဆို တိုင်ကြားတာတွေရှိတယ်၊ အခုဖြစ်တဲ့ကိစ္စကလည်း ပတ်သက် ဆက်နွယ် မှုတွေရှိတယ်၊ ပြောရရင်တော့ မြန်မာဘက်က ဖိအား ပေးလို့”ဟု ဧရာဝတီသို့ ပြောသည်။

၎င်းအစည်းအဝေးသို့ ထိုင်း ဒေသဆိုင်ရာ အုပ်ချုပ်ရေးအဖွဲ့၊ ထိုင်း စစ်တပ်၊ ထိုင်းရဲ၊ လူဝင်မှု ကြီးကြပ်ရေး(လ၀က)၊ နယ်ခြား စောင့်တပ်ဖွဲ့နှင့် ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး(UNHCR) ၊ ထိုင်း-မြန်မာ နယ်စပ် တလျှောက် ကူညီ ညစောင့်ရှောက်ရေး ညွန့်ပေါင်း အသင်း(TBBC) အပါအ၀င် NGO အဖွဲ့များမှ တာဝန်ရှိသူများ၊ မြန်မာဒုက္ခသည်စခန်းများမှ စခန်းဥက္ကဌများ တက်ရောက်ခဲ့ကြသည်။

ဧရာဝတီ 

လူကုန်ကူးသည့်ထိုင်းရဲ အဖမ်းခံရ

မြန်မာ နိုင်ငံသားများကို ထိုင်းနိုင်ငံ တွင်းသို့ တရားမ၀င် သယ်ဆောင်လာသည့် ထိုင်းရဲတပ်ဖွဲ့ပိုင် အချုပ်ကားတစီးကို ထိုင်း-မြန်မာနယ်စပ် မဲဆောက်မြို့ပြင်ရှိ ထိုင်း စစ်တပ် စစ်ဆေးရေးဂိတ် (ဟွေ့ဟင်ဖွန်ဂိတ်) က စနေနေ့ညနေ ၆ နာရီခန့်တွင် ဖမ်းဆီး လိုက်သည်။

ထိုင်း ရဲအချုပ်ကားနှင့် လိုက်ပါလာသည့် မြန်မာများ (ဓာတ်ပုံ - ဧရာဝတီ)

အဖမ်းခံရသည့် အချုပ်ကားသည် တာ့ခ်ခရိုင် တာ့ခ်မြို့ရဲစခန်းမှဖြစ်ပြီး တရားမ၀င်နယ်စပ်ဖြတ်ကျော်မှုဖြင့် အဖမ်းခံရသည့် မြန်မာနိုင်ငံသား ၇၁ ဦးကို မြန်မာနိုင်ငံ မြ၀တီမြို့ဘက်သို့ သွားရောက်ပို့ဆောင်ပြီး အပြန်တွင် မြန်မာနိုင်ငံသား ၁၀ ဦးကို အခ ကြေးငွေယူ၍ သယ်ဆောင်လာစဉ် အဖမ်းခံရခြင်းဖြစ်သည်။

၎င်းအချုပ်ကားကို မောင်းနှင်လာသည့် ထိုင်း ရဲတပ်ကြပ်ကြီး ၀ိရတ်လီလာစ၀မ် ကို မဲဆောက် အခြေစိုက် အမှတ် ၄ ဒေ သဆိုင်ရာကွပ်ကဲရေး တပ်မှ ဗိုလ်မှူးကြီး ပစံဆယ်ဆီရီရတ် နှင့် တပ်ဖွဲ့ ၀င်များက ဖမ်းဆီးခဲ့ပြီး မဲဆောက် ရဲစခန်းသို့ လွှဲ
ပြောင်း ပေးအပ်ခဲ့ဖြစ်ကြောင်း ဒေသခံ အာဏာပိုင် အသိုင်းအ၀ိုင်းမှ သိရသည်။

အဖမ်းခံရသည့် မြန်မာများမှာ အမျိုးသား ၆ ဦးနှင့် အမျိုးသမီး ၄ ဦးဖြစ်ပြီး ကားရှေ့ခန်းတွင် ထိုင်းဘတ်ငွေ ၃၄၂၀၀ နှင့် အတူ ထိုင်း စစ်တပ်က စစ်ဆေးတွေ့ရှိခဲ့မှုကို ယာဉ်မောင်း တပ်ကြပ်ကြီး က ၀န်ခံ ထွက်ဆိုခဲ့သည်။

မဲဆောက်မြို့၏ ရဲမင်းကြီး ဗိုလ်မှူးကြီး ဒေးချား ၀ထနဖနုံ က အဆိုပါ ယာဉ်မောင်း ရဲတပ်ကြပ်ကြီး ကို တရားဥပဒေ နှင့် အညီ အရေးယူသွားမည်ဟု ဒေသခံ သတင်းထောက်များကို ပြောကြားသည်။

မဲဆောက်မြို့မှ ထိုင်း ရှေ့နေ တဦးက“ထိုင်းဥပဒေမှာပြဌာန်းထားတာက ဒါမျိုးဆိုရင် အဲဒီ ရဲဝန်ထမ်းဟာ အစိုးရ၀န်ထမ်း အဖြစ်က ထုတ်ပယ်ခံရမယ်၊ ပြီးရင် အနည်းဆုံး ထောင်ဒဏ် ၅ နှစ် ကျခံရနိုင်တယ်”ဟု ပြောဆိုသည်။

“မြန်မာတွေ ထိုင်းနိုင်ငံအတွင်းကို ခိုးဝင်နေတာကတော့ နည်းလမ်း ပေါင်းစုံပဲ၊ ဒါပေမယ့် အခုလိုမျိုး ရဲတပ်ဖွဲ့ပိုင်ကားတွေအသုံးပြီး လုပ်တာမျိုးအရင်က မရှိသလောက်ဘဲ၊ ကျနော့် အမြင် အရပြောရရင် အခုမှဖမ်းမိပေမယ့် ဒီမတိုင်ခင်က ဘယ်  လောက်အထိ လုပ်ခဲ့လည်းဆိုတာ စဉ်းစားစရာတော့ဖြစ်တယ်၊ နောက်ပြီး ဒါမျိုးက တဦးတယောက်တည်း လုပ်လို့ရတာမဟုတ်ဘူးဟု”ဟု မဲဆောက် အခြေစိုက် ၀ါရင့် ထိုင်း သတင်းထောက် တဦးက ပြောသည်။

ယခင်ကလည်း မဲဆောက်တွင် ထိုင်း စစ်တပ်ပိုင် ကားများကို အသုံးပြု၍ မြန်မာများကို ထိုင်း နိုင်ငံတွင်းသို့ ခိုးသွင်းမှုများအား ဒေသခံ အာဏာပိုင်များက ဖမ်းဆီးအရေးယူမှုများ ရှိခဲ့သည်။

အဖမ်းခံရသည့် ထိုင်း ရဲအချုပ်ကား (ဓာတ်ပုံ - ဧရာဝတီ)

ထိုင်းနိုင်ငံ ဘန်ကောက်မြို့သို့ရောက်ရှိနေသည့် ကရင်ပြည်နယ် ဘားအံမြို့မှ အမျိုးသမီး တဦးက“ကျမတို့ ဘားအံ က လူ တွေ ဘန်ကောက်တက်မယ်ဆိုရင် လူကယ်ရီက ရွာအထိလာခေါ်ပါတယ်၊ တယောက်ကို မြန်မာငွေ ကျပ် ၅ သိန်း ပေး ရ တယ်၊ မဲဆောက်ကနေဘန်ကောက်ကို ကားနဲ့တိုက်ရိုက်ပဲ၊ အဆက်အသွယ်ကောင်းဖို့တော့ လိုတယ်၊ တချို့ဘန်ကောက် မရောက်ဘဲ အဖမ်းခံရပြီး ပိုက်ဆံဆုံးသွားတဲ့ လူတွေလည်းရှိတယ်”ဟု ပြောသည်။

ယခု ဖမ်းဆီးထားသူများအား လတ်တလောတွင် မဲဆောက် ရဲစခန်း၌ ထားရှိကြောင်း၊ ဖမ်းဆီးခံရသည့် မြန်မာနိုင်ငံသား ၁၀ ဦးကိုမူ မြန်မာနိုင်ငံဘက် ပြန်ပို့မည်ဖြစ်ကြောင်း ဒေသခံ ထိုင်း အာဏာပိုင်များက ပြောဆိုသည်။

မဲဆောက်မှတဆင့် နည်းလမ်းပေါင်းစုံဖြင့် ထိုင်းနိုင်ငံတွင်းသို့ အလုပ်အကိုင်ရှာဖွေရန် ခိုးဝင်သည့် မြန်မာများကို ဒေသခံ အာဏာပိုင်များက မကြာခဏဖမ်း ဆီးရမိမှုမှာ လစဉ်နီးပါးရှိကြောင်း မဲဆောက် ရဲစခန်း၏ မှတ်တမ်းများအရ သိရသည်။
ထိုင်းနိုင်ငံအတွင်း အလုပ်လုပ်ကိုင်နေသော ရွှေ့ပြောင်း မြန်မာအလုပ်သမား အနည်းဆုံး ၂ သန်းခွဲမှ ၄ သန်းအတွင်း ရှိနိုင်ကြောင်း အလုပ်သမားအရေး ဆောင်ရွက်နေသည့် အဖွဲ့အစည်းများက ခန့်မှန်းကြသည်။


ဧရာဝတီ

အထိန်းသိမ်းခံ မြန်မာ ၃၁ ဦး အိန္ဒိယအစိုးရ လွှတ်ပေးပြီ

အိန္ဒိယနိုင်ငံ ကာလကတ္တားမြို့ ပရက်စီဒင်စီ အကျဉ်းထောင်တွင် ၁၂ နှစ်ကျော်ကြာ ထိန်းသိမ်းခံထားရသော ကရင်နှင့် ရခိုင် တော်လှန်ရေးသမား ၃၄ ဦးအနက် ၃၁ ဦးတို့ ယနေ့ နေ့လယ်က အမှုမှ ကွင်းလုံးကျွတ် ပြန်လည် လွတ်မြောက်လာပြီ ဖြစ်သည်။

အိန္ဒိယတွင် အဖမ်းခံထားရသည့် မြန်မာ ၃၄ ဦး၊ ယခုအခါ ၎င်းတို့ထဲမှာ ၃၁ ဦး လွတ်မြောက်လာပြီ ဖြစ်သည် (ဓာတ်ပုံ - နရိဉ္စရာ)

လွတ်မြောက်လာသူ ၃၁ ဦးထဲတွင် အပါအဝင်ဖြစ်သော ရခိုင်အမျိုးသား ကိုဓညလင်းက “နေ့လည် ၁ နာရီ ၅၅ က လွတ်ပါတယ်။ ရခိုင် ၂၂ ယောက်၊ ကရင် ၉ ယောက် လွတ်ပါတယ်။ ကျန်တဲ့ ရခိုင် ၂ ယောက်နဲ့ ကရင် ၁ ယောက် ကတော့ ပေါ့ဘလဲကို ပြန်သွားရပါဦးမယ်။ ကျနော်တို့ အခု လေယာဉ်ကွင်းသွားတဲ့ လမ်းမှာ ရောက်နေပါပြီ။ ဒေလီကိုတော့ ည ၁၁ နာရီလောက် ရောက်မယ်ထင်ပါတယ်” ဟု ပြောပြသည်။

ဆက်လက်၍ ၎င်းက ယခုကဲ့သို့ အမှုမှ ကွင်းလုံးကျွတ် လွှတ်ပေးခဲ့သည့်အတွက် အိန္ဒိယအစိုးရအပါအဝင်၊ ကူညီပေးသူများ၊ အဖွဲ့အစည်းများကို ကျေးဇူးတင်သည်ဟု ဆိုသည်။

“သူတို့ ဒီလို မကူညီပေးရင် ကျနော်တို့ လွတ်လာမှ မဟုတ်ပါဘူး။ ထောင်ထဲမှာ နေရတာကြာတော့ ပင်ပန်းလွန်းလှပါပြီ အပြင်မှာ ဘာတွေဖြစ်နေတယ်ဆိုတာလည်း ကျနော်တို့ မသိတော့ဘူး။ ဒေလီရောက်မှပဲ အပြင်က အခြေအနေတွေ လေ့လာပြီး ဘာဆက်လုပ်ရမလဲ စဉ်းစားမယ်” ဟု သူက ပြောသည်။

မြန်မာ ၃၄ ဦး၏ ကိုယ်စားလှယ်အဖြစ် ဆောင်ရွက်ပေးနေသော ပြည်ထောင်စု မြန်မာနိုင်ငံ အမျိုးသား ညွန့်ပေါင်းအစိုးရ (NCGUB) ၀န်ကြီး ဒေါက်တာတင့်ဆွေကလည်း မလွတ်မြောက်သေးသည့် ၃ ဦးမှာ ပေါ့ဘလဲကျွန်းတွင် တခြား အမှုအနည်းငယ် ကျန်ရှိနေသေးကြောင်း ဧရာဝတီကို ရှင်းပြသည်။

အဆိုပါ ၃ ဦးသည်လည်း ဒုက္ခသည်အဖြစ် အသိအမှတ်ပြု လက်မှတ်ရရှိပြီးသား ဖြစ်သောကြောင့် မကြာမီ ပြန်လည် လွတ်မြောက် လာနိုင်သည်ဟု သိရသည်။

လွတ်မြောက်လာသည့် ၃၁ ဦးသည် ကမ္ဘာ့ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး (UNHCR) မှ ဒုက္ခသည်အဖြစ် အသိအမှတ် ပြုကြောင်း လက်မှတ်များ ရထားပြီးဖြစ်၍ အိန္ဒိယနိုင်ငံတွင် နေထိုင်ခွင့်အဆင့်အထိ ရမည်ဟု မျှော်လင့်ကြောင်း ဒေါက်တာတင့်ဆွေက ပြောသည်။

“သူတို့လွတ်လာရင် သူတို့ကို ဘယ်သူက ကူညီစောင့်ရှောက်မလဲဆိုတာ အိန္ဒိယအစိုးရက စိုးရိမ်တော့ ဒေလီမှာရှိတဲ့ မြန်မာ အသိုင်းအ၀န်းကနေ ကျနော်တို့ တာဝန်ယူပါတယ်လို့ ကာလကတ္တား တရားရုံးအထိကို တင်ထားတာရှိတယ်။ အဲဒါကြောင့် ဒီက ဗမာအဖွဲ့အစည်းတွေဆီကို ရောက်လာမယ့် သဘောပါ” ဟု သူက ဆိုသည်။

နယူးဒေလီရှိ ဘားမားစင်တာ ဒေလီက လွတ်မြောက်လာသူတို့၏ စားဝတ်နေရေး၊ ကာလကတ္တားမှ နယူးဒေလီ သွားရန်အတွက် ခရီးစရိတ် စသည်တို့ကို အာမခံ ကူညီပေးမည်ဖြစ်ကြောင်း တရားရုံးသို့ တင်ပြထားခဲ့သည်ဟု ဘားမားစင်တာဒေလီမှ ကိုကင်မ်က ပြောသည်။

တတိယနိုင်ငံများတွင် ၎င်းတို့ အခြေချနေထိုင်နိုင်မည့် လုပ်ငန်းစဉ်များအတွက်ကိုမူ အဆင့်ဆင့် ဆောင်ရွက်ရဦးမည် ဖြစ်ကြောင်း၊ ထိုသူတို့ လွတ်မြောက်လာချိန်တွင် အခြေချ နေထိုင်ခွင့်ပေးရန် ချက်သမ္မတ နိုင်ငံက ကမ်းလှမ်းခဲ့ဖူးကြောင်း သိရသည်။

ဒေါက်တာတင့်ဆွေက “ဒါကတော့ ကာယကံရှင်တွေရဲ့ သဘောလည်းပါမယ်။ သူတို့ ဆန္ဒအပေါ် မူတည်ပြီးတော့ ဒီက အသိုင်းအ၀န်းက အကုန်လုံး ၀ိုင်းလုပ်ပေးကြရမှာပါ” ဟု ဆိုသည်။

ဆက်လက်၍ သူက “အိန္ဒိယအစိုးရက ဒုက္ခသည်တွေနဲ့ ပတ်သက်ရင် စာနာမှုအပြည့်နဲ့ ကူညီထားတာ အင်မတန်မှ ကျေးဇူး တင်ပါတယ်။ နှစ်နိုင်ငံရဲ့ အစိုးရချင်း ဆက်ဆံရေးက တပိုင်းပေါ့လေ။ သက်ရောက်မှု ရှိတဲ့ အပိုင်းလည်း ရှိပေမယ့် အခုလို စာနာမှု ထားတဲ့အတွက် အင်မတန် ကျေးဇူးတင်ပါတယ်” ဟု ပြောသည်။

၁၉၉၈ ခုနှစ်က အိန္ဒိယရေပိုင်နက်အတွင်းရှိ လန်းဖောလ်ကျွန်းသို့ အိန္ဒိယထောက်လှမ်းရေးအဖွဲ့၏ သဘောတူညီချက်အရ ရောက်လာသော ရခိုင်အမျိုးသား ညီညွတ်ရေးပါတီ (NUPA) နှင့် ကရင်အမျိုးသား အစည်းအရုံး (KNU) တို့မှ ရခိုင်နှင့် ကရင်တိုင်းရင်းသားများ ပါဝင်သည့် အဆိုပါ ၃၄ ဦးကို ၁၉၉၈ ဖေဖော်ဝါရီလ ၁၁ ရက်နေ့တွင် အိန္ဒိယရေတပ်က ဖမ်းဆီးခဲ့သည်။

ထို့နောက် လက်နက်ခဲယမ်းများ လက်ဝယ်တွေ့ရှိမှုဖြင့် အက်ဒမန်ကျွန်းစု ပေါ့ပ်ဘလဲမြို့တွင် ၈ နှစ်ကျော်ကြာ အကျယ်ချုပ်ဖြင့် ထားရှိခဲ့သည်။ ထိုအတောအတွင်း ၎င်းအဖွဲ့မှ ခေါင်းဆောင် ၆ ဦးတို့မှာ ကွပ်မျက်ခံခဲ့ရပြီး ကျန်သူများကိုမူ ကာလကတ္တား အကျဉ်းထောင်သို့ ပို့ဆောင်၍ လက်နက်ခဲယမ်းနှင့် ဖောက်ခွဲရေးပစ္စည်းများ ကိုင်ဆောင်မှု၊ နိုင်ငံပိုင်နက်အတွင်း တရားမ၀င် ခိုးဝင်မှုတို့ဖြင့် အိန္ဒိယဗဟို ထောက်လှမ်းရေးအဖွဲ့ (CBI) က ၂၀၀၆ အောက်တိုဘာလတွင် တရားလိုပြု တရားစွဲဆိုခဲ့ခြင်းဖြစ်သည်။

အမှုများကို စီရင်ချက်ချချိန်က သူတို့အား နိုင်ငံခြားသားမူ (ပုဒ်မ -၁၄) ဖြင့် ထောင်ဒဏ် ၁ နှစ် ၃ လ နှင့် ဒဏ်ငွေ ရူပီး ၂၀ဝ၀၊ ပေါက်ကွဲ စေတတ်သော လက်နက် ခဲယမ်းမီးကျောက်များ ပိုင်ဆိုင်မူ ပုဒ်မ ၅ (ဘီ) ဖြင့် ထောင် ၁ နှစ် ၃ လနှင့် ဒဏ်ငွေ ရူပီး ၂၀ဝ၀၊ လက်နက်မှုပုဒ်မ ၂၅ (ဘီ) ဖြင့် ထောင်ဒဏ် ၆ လနှင့် ဒဏ်ငွေရူပီး ၂၀ဝ၀ ချမှတ်ခဲ့ရာ ထိန်းသိမ်းခံ ရက်များကို လျှော့ရက် ခံစားခွင့်ဖြင့် လွတ်မြောက်ရမည် ဖြစ်သော်လည်း အိန္ဒိယနိုင်ငံအတွင်း နေထိုင်ခွင့် မရှိသောကြောင့် လွတ်မြောက်ရန် ကြန့်ကြာ နေခဲ့ရသည်။

နောက်ပိုင်းတွင် UNHCR နှင့် အိန္ဒိယပြည်ထဲရေး ၀န်ကြီးဌာနအပါအ၀င် တခြားသော ကူညီဆောင်ရွက်သူ များကြောင့် ဒုက္ခသည်အဖြစ် အသိအမှတ်ပြု လက်မှတ်ရရှိခဲ့ပြီး ယခုကဲ့သို့ လွတ်မြောက်လာရခြင်း ဖြစ်သည်။

ပြင်းအား ၇ ငလျင် ရွှေတြိဂံကို ဗဟိုပြုလှုပ်

မြန်မာ၊ ထိုင်း၊ လာအိုနယ်စပ်က ရွှေတြိဂံနယ်မြေကို ဗဟိုပြုပြီး မြေငလျင်ကြီးတခု လှုပ်ခတ်သွားခဲ့ပါတယ်။ ပြင်းအား ၇ ရှိတဲ့ ဒီမြေငလျင်ကို မြန်မာနိုင်ငံ ရန်ကုန်မြို့၊ နေပြည်တော် အပါအ၀င် မြို့တော်တော်များများက သိရှိ ခံစားလိုက်ရတယ်လို့ ဒေသခံတွေက ဆိုပါတယ်။ အပြည့်အစုံကို မသင်းသီရိက တင်ပြပေးထားပါတယ်။ မြန်မာနိုင်ငံ အရှေ့မြောက် ဒေသကို ဗဟိုပြုပြီး ပြင်းထန်တဲ့ မြေငလျင်တခု ဒီကနေ့ ဒေသစံတော်ချိန် ညပိုင်းမှာ လှုပ်ခတ်သွားခဲ့ပါတယ်။ မြန်မာ၊ ထိုင်း၊ လာအို ၃ နိုင်ငံ ထိစပ်နေတဲ့ ရွှေတြိဂံနယ်မြေမှာ ပြင်းအား ၇ ရှိတဲ့ ငလျင် လှုပ်ခတ်ခဲ့ကြောင်း အမေရိကန် ဘူမိဗေဒ တိုင်းထွာရေးဌာနက ပြောပါတယ်။
ထိုင်းနိုင်ငံမြောက်ပိုင်း ချင်းမိုင်မြို့ကနေ မိုင် ၇၀ အကွာ အနက် ၆ မိုင် ဖြစ်တယ်လို့ USGS လို့ခေါ်တဲ့ အမေရိကန် ဘူမိဗေဒ တိုင်းထွာရေးဌာနက စာထုတ်ပြန်ပါတယ်။ ဒီငလျင်လှုပ်တာကို မြန်မာနိုင်ငံက မြို့တော်တော်များများမှာ ခံစားသိလိုက်ပါတယ်။ ထိုင်းနိုင်ငံမြောက်ပိုင်း ချင်းမိုင်မြို့နဲ့ ထိစပ်တဲ့ မြို့တွေဖြစ်တဲ့ တာချီလိတ်၊ မယ်ဆိုင် စတဲ့ ဒေသတွေမှာလည်း ရိုက်ခတ်ခဲ့တာ ရှိတယ်လို့ မယ်ဆိုင်မြို့ခံ တယောက်က သူ့အတွေ့အကြုံကို အခုလို ပြောပြပါတယ်။
“ကျနော်တို့ အခု အိမ်အပြင်မှာ ရပ်နေကြတယ်။ အိမ်ထဲကို ဘယ်သူမှ မ၀င်ရဲကြဘူး၊ ဒီတ၀ိုက်လုံးမှာ။ မယ်ဆိုင်မှာ ကျနော်တို့က ရှိနေတာလေ။ ငလျင်က တော်တော်လေး ပြင်းပြင်းထန်ထန်ကို လှုပ်တယ်။ အိမ်တွေ ဘာတွေဆို လုံးဝ တုန်သွားတာ။ တမြို့လုံးလိုလို အခု ဒီမှာ လူတွေက အိမ်အပြင်မှာပဲ ရောက်နေကြတယ်။ အဲဒီအချိန်မှာ အနည်းဆုံး လေးငါးမိနစ်လောက်ကို ကောင်းကောင်းကြီး လှုပ်ပြီးတော့မှ ရပ်သွားတယ်။ ရပ်သွားပြီး ခဏနေတော့ နောက်တခါ ပြန်လှုပ်တယ်။ လှုပ်ပြီး နည်းနည်းလေး ငြိမ်ပြီးတော့မှ အခုတခါ မိနစ်ပိုင်းလေးလောက်မှာ နောက်တခါ ပြန်လှုပ်တယ်။”
စက္ကန့်အပိုင်းအခြားတွင်း ၃ ကြိမ်လောက် ဆက်တိုက်လှုပ်ခဲ့ပေမဲ့ ပထမအကြိမ်လောက်တော့ မပြင်းဘူးလို့လည်း ပြောပါတယ်။ ဒီငလျင်ကြောင့် အခုချိန်ထိ ပျက်စီးဆုံးရှုံးမှု စာရင်းကိုတော့ မသိရသေးဘူးလို့လည်း မယ်ဆိုင် ဒေသခံက ပြောပါတယ်။
“ပထမတော့ တော်တော်ပြင်းတယ်။ အခုနောက်ပိုင်းတော့ တဖြည်းဖြည်းနဲ့ လျော့သွားပြီ။ အပျက်အစီးတော့ ရှိနိုင်တဲ့ အနေအထားရှိတယ်။ ဒါပေမဲ့ ကျနော်တို့လည်း အပြင်အထိ သိပ်မကြည့်ဘူးပေါ့။ အနီးအနားမှာ မြင်တာတော့ တချို့အိမ်တွေရဲ့ အပေါ်က ခေါင်မိုးအောက်မှာ မပူအောင် ၃ ပြားထည့်ထားတာ၊ အဲဒါတွေ ပြုတ်ကျတာတွေတော့ ဒီအနီးအနားလေးမှာ နည်းနည်းတွေ့တယ်။ အခုထိတော့ ဘာမှ မကြားဘူး။ ဘာဖြစ်လို့လဲဆိုတော့ ဖုန်းလိုင်းတွေက တော်ရုံတန်ရုံ ဆက်လို့မရဘူး ဖြစ်နေတယ်။”
အလားတူ လွိုင်ကော်မြို့မှာလည်း တမိနစ်ကျော်လောက် ငလျင်လှုပ်ခဲ့တယ်လို့ လွိုင်ကော်ဒေသခံ တဦးက ပြောပါတယ်။
“ခုနတုန်းကတော့ မကြာလိုက်ဘူးပေါ့။ တမိနစ်နီးပါးလောက် ရှိမယ်ထင်တာပဲ။ နည်းနည်းလေး သိသိသာသာလေးတော့ လှုပ်သွားတယ်။ ထိုင်နေရင်လည်း ခုံတွေက လှုပ်သွားတယ်။ ပုလင်းတွေ ဘာတွေဆိုလည်း လှုပ်သွားတယ်။ သိသာသွားတယ်ပေါ့။ ၈ နာရီ ၁၅ မိနစ်လား ၂၀ လား၊ အဲဒီလောက်တော့ ရှိမယ်။ အဲဒီဝန်းကျင်လောက်မှာ ရှိမယ်။ အပျက်အစီး ထိခိုက်တာတော့ မရှိလောက်ဘူးလို့ ထင်တာပဲ။ တအား ပြင်းထန်တာတော့ မဟုတ်ဘူး။ သိသာတယ်၊ အဲဒီတခုလောက်ပဲ။”
ဒီကနေ့ မြန်မာစံတော်ချိန် ည ၈ နာရီ နောက်ပိုင်းမှာ ငလျင်လှုပ်ခဲ့တဲ့ အကြောင်းကို မြန်မာနိုင်ငံအတွင်းက ဒေသခံတချို့ ပြောပြခဲ့တာ ဖြစ်ပါတယ်။
မယ်ဆိုင်မြို့မှာ နောက်ဆက်တွဲ လှုပ်ခတ်မှုတချို့ကို ခံစားရတယ်လို့လည်း မြို့ခံတွေက ပြောပြပါတယ်။ ထိုင်း၊ မြန်မာ နယ်စပ်မြို့ တမြို့ဖြစ်တဲ့ တာချီလိတ်မှာလည်း ငလျင်လှုပ်ခတ်တဲ့အတွက် အိမ်ပြင်မှာ ထောင်ထားတဲ့ မော်တော်ဆိုင်ကယ်တွေ လဲပြိုကျတဲ့အထိ ဖြစ်ခဲ့သလို မီးတွေလည်း ပြတ်တောက်သွားတယ်လို့ နယ်ခံတွေက ပြောပါတယ်။

မသင်းသီရိ

စိတ်ကြွဆေး ရောင်းဝယ်မှုနှင့် မြန်မာ ၃ ဦး ဘန်ကောက်တွင် အဖမ်းခံရ

မြန်မာနိုင်ငံသား ၃ ဦးကို ရာဘ (ခေါ်) မက်သာ အဖက်တမင်း စိတ်ကြွဆေးပြား ၃ သိန်းကျော်နှင့် အတူ ဘတ်ငွေ ၅ သိန်း  ၆ သောင်း တို့ကို ထိုင်း အာဏာပိုင်များက ထိုင်းနိုင်ငံ ဘန်ကောက်မြို့တွင် ပြီးခဲ့သောအင်္ဂါနေ့က ဖမ်းဆီးခဲ့ကြောင်း ထိုင်း သတင်း များအရ သိရသည်။

စိတ်ကြွဆေးပြားများနှင့် အတူ ဖမ်းဆီးခံထားရသည့် မြန်မာ နိုင်ငံသား ၃ ဦး(ဓာတ်ပုံ - ONCB)

အဆိုပါ မြန်မာနိုင်ငံသားများကို ဘန်ကောက်မြို့ရှိ တက္ကသိုလ်အရှေ့ တနေရာတွင် ထိုင်းရဲများက သတင်းအရ ၀င်ရောက် ဖမ်း ဆီး ခဲ့ပြီး သက်သေခံပစ္စည်းများအဖြစ်စိတ်ကြွဆေးပြား ၂၀၀၀၀၀ အပြင် ကားတစီး၊ ဘဏ်စာအုပ် ၃ အုပ်နှင့် ဘတ်ငွေ ၅၆၀၀၀၀ တို့ကို သိမ်းဆည်းရမိကြောင်း Office oF The NARCOTICS CONTROL BOARD(ONCB) ၏ အင်တာနက် စာမျက် နှာတွင် ဖော်ပြထားသည်။

ထို့အပြင် ဖမ်းမိထားသော တရားခံများ၏ နေထိုင်သော အခန်းများ၌ ဆက်လက်ရှာဖွေမှုပြုလုပ်ခဲ့ရာစိတ်ကြွဆေးပြား ၁၂၁၆၀၀ ထပ်မံ ဖမ်းဆီးရမိခဲ့ပြီး စုစုပေါင်း ၃၂၁၆၀၀ ရှိကြောင်း ONCB က ဆိုသည်။

အဖမ်းခံရသူများသည် ဘန်ကောက်မြို့သို့ တရားမ၀င် လာရောက် အလုပ်လုပ်ကိုင်နေပြီး ဘန်ကောက် အနီးတ၀ိုက် တွင် လည်းစိတ်ကြွဆေးပြားများ ရောင်းချနေကြောင်း ၎င်း သတင်း၌ ရေးသားထားသည်။ 

အဖမ်းခံရသူများသည် အသက် ၂၅ အရွယ် တဦး အပါအ၀င် အသက် ၂၈ နှစ် နှင့် ၃၆ နှစ် အရွယ်များဖြစ်ပြီး ဖမ်းမိထားသောစိတ်ကြွ ဆေးပြားများ၏ တန်ဖိုးမှာ ခန့်မှန်းခြေ ဘတ် သန်း ၁၀၀ ခန့် ရှိပြီး အမေရိကန် ဒေါ်လာဖြင့် ၃၃၀၀၀ ခန့်ရှိကြောင်း သိရ သည်။

တရားခံများကို မည်သည့်နေရာ၌ ထိန်းသိမ်းထားသည်ကို မသိရှိရသကဲ့သို့ ဥပဒေအရ မည်သို့ အရေးယူဆောင်ရွက်မှုများကို ယင်း သတင်းတွင် ဖော်ပြထားခြင်း မရှိပေ။

ယခု မတ်လဆန်းပိုင်းတွင်လည်း အသက် ၂၃ နှစ်နှင့် ၁၉ နှစ် အရွယ် မြန်မာ အမျိုးသမီး ၂ ဦးတို့ကို ဘန်ကောက်မြို့တွင် စိတ်ကြွ ဆေးပြား ၃ သိန်းနှင့် အတူ ဖမ်းဆီးမိခဲ့ကြောင်း ONCB က ဆိုသည်။

ပြီးခဲ့သည့် ၂၀၁၀ ပြည့်နှစ် ဧပြီလ အတွင်းကလည်း မူးယစ်ဆေးဝါး သယ်ဆောင်လာသူများနှင့် ထိုင်းစစ်တပ်တို့ ထိုင်း-မြန်မာ နယ်စပ်တွင် ပစ်ခတ်မှု ဖြစ်ပွားခဲ့ရာ မူးယစ်ဆေးသယ်ဆောင်သူ ၃ ဦး သေဆုံးပြီး စိတ်ကြွဆေးပြား ၂ သိန်း ဖမ်းဆီးမိခဲ့သည်။

မူးယစ်ဆေးဝါးများကို ရှမ်းပြည်နယ်အတွင်းရှိ တချို့သော တိုင်းရင်းသားလက်နက်ကိုင် ငြိမ်းချမ်းရေးအဖွဲ့များက ထုတ်လုပ် နေကြပြီး တာချီလိတ်မြို့ဘက်မှ ထိုင်းနိုင်ငံအတွင်းသို့ သယ်ဆောင်ရောင်းချမှုများ ရှိကြောင်း သတင်းများတွင် ဖော်ပြထားသည်။

ယင်း ဒေသတွင်းရှိ တိုင်းရင်းသားလက်နက်ကိုင် ငြိ်မ်းချမ်းရေးအဖွဲ့ တဖွဲ့ ဖြစ်သော ၀ ပြည်သွေးစည်းညီညွတ်ရေး တပ်ဖွဲ့ (UWSA) သည် မူးယစ်ဆေးဝါးနှင့် စိတ်ကိုပြောင်းလဲစေသောဆေးဝါးများကို အာရှတွင် အမြောက်အမြား ကျယ်ပြန့်စွာ ထုတ် လုပ်နေသည့်အဖွဲ့ တဖွဲ့ဖြစ်ကြောင်း အမေရိကန် မူးယစ်ဆေးဝါး တိုက်ဖျက်ရေး အဖွဲ့ကဆိုသည်။

တချိန်တည်းတွင်ပင် မြန်မာအာဏာပိုင်များကလည်း မူးယစ်ရာဇာ နော်ခမ်းကို ဖမ်းဆီးမိန့် ထုတ်ပြန်ထားသည်။ နော်ခမ်းသည် ရွှေတြိဂံဒေသတွင် မူးယစ်ဆေးဝါး မှောင်ခိုကုန်ကူးနေသူဖြစ်ပြီး ၎င်းမှာ တရုတ်၊ ထိုင်းနှင့် လာအို နိုင်ငံများကလည်း အလိုရှိနေ သူ ဖြစ်သည်။

သန်းထိုက်ဦး 

လစ်ဗျားကို ကုလသမဂ္ဂ အရေးယူမှု ထိုင်း ထောက်ခံ

လစ်ဗျားနိုင်ငံအပေါ် ကုလသမဂ္ဂက စစ်ရေးအရ အရေးယူခြင်းကို ထိုင်းနိုင်ငံက ထောက်ခံကြောင်း ယနေ့ထုတ် ဘန်ကောက်ပို့စ် သတင်းစာတွင် ဖော်ပြထားသည်။

အတိုက်အခံ နိုင်ငံရေးသမားများနှင့် ဆန္ဒပြပြည်သူများအပေါ် အကြမ်းဖက်နှိမ်နင်းနေသည့် လစ်ဗျားအစိုးရခေါင်းဆောင် ဗိုလ်မှူးကြီး ဂဒါဖီ၏တပ်များအား ကုလသမဂ္ဂ လုံခြုံရေးကောင်စီက စစ်ရေးအရ အရေးယူခြင်းကို ကုလသမဂ္ဂ အဖွဲ့ဝင်တနိုင်ငံအနေဖြင့်ထောက် ခံကြောင်း၊ သို့သော် စစ်ဆင်ရေးတွင် ပါဝင်ရန် ထိုင်းတပ်ဖွဲ့ဝင်များကို စေလွှတ်မည်မဟုတ်ကြောင်း ထိုင်းနိုင်ငံခြားရေး ၀န်ကြီးဌာန ပြောခွင့်ရသူ ထနီထောင်ဟပ်က်(Thani Thongphakdi)က ယမန်နေ့က ပြောသည်။

ထိုင်းနိုင်ငံသည် ကုလသမဂ္ဂ၏ စစ်ရေးအရ အရေးယူမှုအပေါ် ထောက်ခံသည့် အရှေ့တောင်အာရှ နိုင်ငံများ အသင်း (အာဆီယံ) အတွင်း ပထမဆုံး နိုင်ငံဖြစ်သည်။

လစ်ဗျားနိုင်ငံတွင် ထိုင်လူမျိုး အလုပ်သမား ထောင်နှင့်ချီ၍ အလုပ်လုပ်ကိုင်နေရာ ပြီးခဲ့သည့်လကတည်းက ထိုင်းအစိုးရမှပြန်လည် ခေါ်ယူပေးပြီး ဖြစ်ကြောင်း၊ ယခုအခါတွင် မိသားစုရှိသည့် အလုပ်သမား ၈၆ ဦးသာ ကျန်ရှိတော့ကြောင်းလည်း ထနီထောင်ဟပ်က် က ဆက်လက် ပြောသည်။

“၄၀ ကျော်ကျော်လောက်က ဆက်နေမယ် ဆုံးဖြတ်တယ်၊ သူတို့ ပြန်မယ်ဆိုရင် ကျနော်တို့ ဘေးကင်းရာကို ပို့ပေးမှာပါ၊ ဒါပေမယ့် မကြာခင်မှာတော့ အခြေအနေတွ ပုံမှန်ဖြစ်မယ်လို့ မျော်လင့်တယ်”ဟု ၎င်းက ဆိုသည်။

ယခုအခါ အလုပ်သမား ၈၆ ဦးတွင် ၃၅ ဦးမှာ မြို့တော် ထရီပိုလီတွင်ရှိပြီး ၁၅ ဦးမှာ လစ်ဗျား အတိုက်အခံများထိန်းချုပ်ရာ ဘင်ဂါဇီ မြို့၌ အလုပ်လုပ်ကိုင်နေကြောင်း၊ ကျန်အလုပ်သမားများသည် တခြားသောမြို့များတွင် အလုပ်လုပ်ကိုင်နေကြောင်း၊ ၎င်း အလုပ် သမားများ ထိုင်းနိုင်ငံသို့ ပြန်လာရေးအတွက် ထိုင်းသံရုံးမှ ကြိုးပမ်းနေကြောင်း မစ္စတာ ထနီထောင်ဟပ်က် က ပြောဆိုသည်။

လစ်ဗျားနိုင်ငံတွင် အလုပ်လုပ်ကိုင်နေသည့် ထောင်နှင့်ချီသော ထိုင်းလူမျိုးအလုပ်သမားများကို ပြီးခဲ့သည့်လကတည်းက ထိုင်း အစိုးရ က လေယာဉ်များ၊ သင်္ဘောများဖြင့် သွားရောက်ခေါ်ယူခဲ့ပြီးဖြစ်သည်။

အာဖရိကတိုက် မြောက်ပိုင်း တူနီးရှားနိုင်ငံမှ အစပြုခဲ့သည့် အာဏာရှင်အစိုးရ ဆန့်ကျင်ရေး ဆန္ဒပြပွဲများသည် အီဂျစ်၊ ဂျော်ဒန်၊ ယီမင် စသည့်နိုင်ငံများသို့ ကူးစက်သွားရာ၊ ယခုအခါတွင် ရေနံထွက်ရှိရာ နိုင်ငံများဖြစ်သည့် ဆော်ဒီအာရေဗျ၊ အိုမန်၊ ကာတာ၊ ဘာရိန်း စသည့်နိုင်ငံများအပြင် အာဏာရှင် နိုင်ငံတနိုင်ငံဖြစ်သည့် ဆီးရီးယားနိုင်ငံတွင်လည်း ဆန္ဒပြမှုများ ဖြစ်ပွားနေပြီဖြစ်သည်။

ထိုဆန္ဒပြပွဲများကြောင့် တူနီးရှားနိုင်ငံကို နှစ်ပေါင်းများစွာအုပ်ချုပ်ခဲ့သည့် သမ္မတ ဘင်အလီ မိသားစု ဆော်ဒီအာရေဗျ နိုင်ငံသို့ ထွက်ပြေးခဲ့ရသကဲ့သို့ အီဂျစ် သမ္မတ ဗိုလ်ချုပ်ကြီး ဟော့စနီ မူဘာရက် လည်း ရာထူးမှ နုတ်ထွက်ပေးခဲ့ရသည်။

လစ်ဗျားနိုင်ငံတွင်လည်း ပြီးခဲ့သည့်လကတည်းက အစိုးရဆန့်ကျင်ရေး ဆန္ဒပြခဲ့ပြီး ရေနံထွက်ရှိရာ ဘင်ဂါဇီမြို့အပါအ၀င် မြို့များစွာ ကို အတိုက်အခံများက သိမ်းပိုက်ခဲ့သည်။ သမ္မတ ဗိုလ်မှူးကြီး ဂဒါဖီကမူ ၎င်းတို့အား သစ္စာဖောက်များဟု စွပ်စွဲကာ လေယာဉ်၊ တင့်ကား စသည့် လက်နက်ကြီးများ သုံးစွဲကာပြင်းထန်စွာ နှိမ်နင်းခဲ့သည်။

ထိုသို့ လေကြောင်း အားသာချက်ကိုယူပြီး အပြစ်မဲ့ ပြည်သူများကိုပါ သတ်ဖြတ်နှိမ်နင်းသည့်အတွက် လစ်ဗျားနိုင်ငံအပေါ် လေကြောင်း မပျံသန်းရေးဇုန်သတ်မှတ်ရန် ပြီးခဲ့သည့် မတ်လ ၁၇ ရက်နေ့က ကုလသမဂ္ဂ လုံခြုံရေးကောင်စီတွင် မဲခွဲဆုံးဖြတ်ခဲ့ခြင်း ဖြစ်သည်။

ယခုအခါ အမေရိကန်၊ ဗြိတိန်၊ ပြင်သစ် နိုင်ငံများက တိုက်လေယာဉ်များ၊ ဗုံးကြဲလေယာဉ်များ၊ ဒုံးပျံများ အသုံးပြုကာ ဗိုလ်မှူးကြီး ဂဒါဖီ သစ္စာခံတပ်များကို တိုက်ခိုက်နေပြီ ဖြစ်သည်။

ရန်ပိုင်

လေဘေးသင့် ရေလုပ်သား ၁၀၀၀ ခန့် မကယ်နိုင်သေး

လေပြင်းမုန်တိုင်း တိုက်ခတ်မှုကြောင့် ပင်လယ်ထဲတွင် မျောနေသော မြန်မာရေလုပ်သား ၁၀၀၀ ခန့် ကယ်ဆယ်ရန် ကျန်ရှိနေသေးကြောင်း မိုးလေ၀သနှင့် ဇလဗေဒပညာရှင် ဦးထွန်းလွင်က ယနေ့ ပြောသည်။

အဆိုပါ ရေလုပ်သားများနှင့် ပတ်သက်သည့် သတင်းအချက်အလက်များကို ဦးထွန်းလွင်၏ ကိုယ်ပိုင် အင်တာနက် စာမျက်နှာ တွင် ရေးသားဖော်ပြထားခြင်း ဖြစ်သည်။

ပင်လယ်ထဲသို့ မျောသွားသူများသည် ကျိုက္ခမီ၊ ရေးနှင့် ကိုကိုးကျွန်းများအထိ မျောပါသွားခဲ့ကြကြောင်း၊ ယခု အချိန်အထိ လူ ပေါင်း ၁၀၀၀ ခန့်ကိုမူ ပြန်လည် ဆယ်ယူမရရှိသေးကြောင်း ၎င်း၏ သတင်း၌ ဖော်ပြထားသည်။

လေပြင်း တိုက်ခတ်မှုကြောင့် ရေလုပ်သားများ၏ လှေများ၊ ၀ါးဖောင်များသည် အနောက်တောင်ဘက်အရပ် ပင်လယ်ပြင်သို့ လွင့်မျောသွားခဲ့ပြီး ဟိုင်းကြီးကျွန်းတွင် လူ ၇၀၀ ခန့် သောင်တင်နေကြောင်းလည်း ဦးထွန်းလွင်က ဆိုသည်။  

တပ်မတော် ရေယာဉ်များက ရေလုပ်သား ၆၀၀ ခန့်ကို သော်လည်းကောင်း တခြားသော ငါးဖမ်း ရေယာဉ် များက လူ ၂၀၀ ခန့်ကို သော်လည်းကောင်း ဆယ်ယူ ရရှိခဲ့ကြောင်း သိရသည်။ 

ပြီးခဲ့သော မတ်လ ၁၉ ရက်နှင့် ၂၀ ရက်တွင် ပင်လယ်ပြင်၌ ငါးဖမ်းနေသည့် သင်္ဘာကြီးများက ကယ်တင်၍ ကော့သောင်းမြို့သို့ ရေလုပ်သား၂၀၀ ကျော် ပို့ဆောင်ခဲ့ပြီး ယမန်နေ့ကလည်း ၂၀ ခန့် ထပ်မံ ရောက်ရှိခဲ့ကြောင်း ဒေသခံများက ပြောသည်။

ယခုအခါ ရေလုပ်သားများကို ကော့သောင်းမြို့ရှိ အောင်သုခ ရပ်ကွက် အမှတ်(၁) အထက်တန်းကျောင်းတွင် အစိုးရအာဏာ ပိုင်များက ယာယီ နေရာချပေးထားပြီး လုံခြုံရေး တင်းကျပ်ထားကြောင်း သိရသည်။

ကော့သောင်းမြို့သို့ ရောက်ရှိလာသော ရေလုပ်သားများသည် ဧရာဝတီတိုင်း အတွင်းရှိ ဖျာပုံ၊ ဒေးဒရဲ၊ လပွတ္တာ၊ မြောင်းမြ မြို့နယ်များမှ ဒေသခံများဖြစ်ပြီး အသက် ၂၀ ကျော်မှ ၅၀ ၀န်းကျင်ရှိကြောင်း ဒေသခံများက ပြောသည်။

ဒေသခံများပြောဆိုချက်အရ လာမည့် မတ်လ ၂၄ ရက်နေ့တွင် အာဏာပိုင်များက ၎င်း ရေလုပ်သားများကို ကော့သောင်း မြို့တွင် ပြေးဆွဲနေသော ခရီးသည်တင် သင်္ဘာများဖြင့် မိမိနေထိုင်ရာ ဒေသများသို့ ပြန်ပို့ရန် စီစဉ်ထားကြောင်း သိရသည်။

ရေလုပ်သားများသည် ဧရာဝတီတိုင်း မြစ်ဝကျွန်းပေါ်၌ ၀ါးဖောင်များဖြင့် ငါးဖမ်းနေစဉ် လေပြင်းမုန်တိုင်း တိုက်ခတ်မှု ဒဏ်ခံခဲ့ရပြီး ပင်လယ်ထဲ၌ မျောနေရာ ငါးဖမ်းယာဉ်များက တွေ့၍ ယခုကဲ့သို့ ကယ်တင်နိုင်ခဲ့ခြင်း ဖြစ်သည်။

ယနေ့ထုတ် မြန်မာ့အလင်း သတင်းစာ၌ ရေလုပ်သားများကို ပင်လယ်ပြင်တွင် ရှာဖွေကယ်ဆယ်ရေး လုပ်ငန်းများ ဆောင်ရွက် ခဲ့ရာ ယနေ့အထိ တပ်မတော်(ရေ) စစ် ရေယာဉ်များ၊ ပင်လယ်ပြင်အတွင်း ငါးဖမ်းရေယာဉ်များနှင့် ဒေသခံ ငါးဖမ်းစက်လှေများက ရေလုပ်သား ၃၃၇၄ ဦးကို ကယ်တင်နိုင်ခဲ့ကြောင်း၊ ၎င်း ရေလုပ်သားများ အနက် ၃၁၅၂ ဦးကို သက်ဆိုင်ရာ နေရပ်များသို့ ပို့ဆောင်ပေးခဲ့ကြောင်း၊ ကျန်ရှိနေသော ရေလုပ်သား၂၂၂ ဦးကိုမူ တာဝန်ရှိသူများက လိုအပ်သော ဆေးဝါးကုသမှုများ၊ အ၀တ် အထည်များ၊ စားသောက်ဖွယ်ရာများဖြင့် ထောက်ပံ့ကူညီ စောင့်ရှောက်ပေးထားကြောင်း ရေးသားထားသည်။ 

အာဏာပိုင်များက ကျန်ရှိနေသော ရေလုပ်သား ၂၀၀ ကျော်ကို မည်သည့်နေရာတွင် စောင့်ရှောက်ထားခြင်းနှင့် အသေးစိတ် ကိုမူ သတင်းစာ ၌ ဖော်ပြထားခြင်း မရှိပေ။

လေပြင်း တိုက်ခတ်မှုများကြောင့် ရန်ကုန်တိုင်းအတွင်း နေအိမ် အလုံး ၁၁၀၊ တဲ ၃၈ လုံးနှင့် ဧရာဝတီတိုင်းအတွင်း အိမ်ခြေ ၂၀ ခန့် ပြိုကျပျက်စီးသွားခဲ့ကြောင်း မတ်လ ၁၃ ရက်နေ့ထုတ် မြန်မာ့အလင်း သတင်းစာတွင် ဖော်ပြထားသည်။

မြန်မာ တနိုင်ငံလုံးတွင်လည်း လေပြင်းများ တိုက်ခတ်ခြင်း၊ မိုးထစ်ချုန်းရွာခြင်း၊ လျှပ်စီးလက်ခြင်း၊ မိုးသီးကြွေခြင်း အပါအ၀င် မိုးသက်လေပြင်းများ တိုက်ခတ်မည် ဖြစ်ကြောင်း မိုးလေ၀သနှင့် ဇလဗေဒ ညွှန်ကြားမှု ဦးစီးဌာနကလည်း မတ်လ ၁၄ ရက် နေ့က သတင်း ထုတ်ပြန်ထားသည်။


သန်းထိုက်ဦး

မီဇိုရမ်ရှိ မြန်မာအလုပ်သမားများ ဖမ်းဆီးခံရ

အိန္ဒိယ-မြန်မာနယ်စပ် မီဇိုရမ်ပြည်နယ် အိုက်ဇောမြို့ရောက် မြန်မာရွှေ့ပြောင်းလုပ်သား ၄၀ ကျော်ကို တရားမ၀င် နိုင်ငံတွင်း နေထိုင်မှုဖြင့် ဒေသခံ အာဏာပိုင်များက ယမန်နေ့ညက ဖမ်းဆီးလိုက်ပြီး ထိုအထဲမှ ၂၉ ဦးကို မြန်မာနိုင်ငံသို့ ပြန်ပို့ဖွယ် ရှိကြောင်း သတင်းရရှိသည်။

ဖမ်းဆီးခံရသူအများစုမှာ အိုက်ဇောမြို့မဈေးရှိ တည်းခိုခန်းများမှ ရွှေ့ပြောင်းလုပ်သားများဖြစ်ကြပြီး ယနေ့နံနက်တွင် ရဲစခန်းမှ တရားရုံးသို့ လွှဲပြောင်းလိုက်သည်ဟု အိုက်ဇောမြို့နယ်ရဲစခန်း တာဝန်ကျ ရဲအရာရှိက ဧရာဝတီသို့ပြောသည်။

“သူတို့က ဒီမှာ တရားဝင်နေထိုင်ခွင့် မရှိလို့ ဖမ်းပြီး ပြန်ပို့တဲ့ သဘောပါ။ အခု တရားရုံးကို ပို့လိုက်ပြီ။ သူတို့ကို ဘယ်လို စီရင်မလဲ ဆိုတာကတော့ တရားရုံးပေါ်မှာပဲ မူတည်ပါတယ်။ မြန်မာနယ်စပ်ကို ပြန်ပို့ဖို့တော့ များပါတယ်” ဟု ရဲအရာရှိက ပြောသည်။

ရက်ကန်းရုံအများစုတည်ရှိသည့် ဇောင်းတွီရပ်ကွက်မှ ရက်ကန်းသမားတချို့လည်း ဖမ်းဆီးခံခဲ့ရပြီး ယနေ့နံနက်တွင်မူ ပြန်လွှတ်ပေးခဲ့ကြောင်း၊ တချို့ကို အလုပ်ရှင်များက လာရောက် ရွေးယူသောကြောင့် ပြန်လည် လွတ်မြောက်လာကြောင်း မြန်မာရွှေ့ပြောင်း အလုပ်သမားအရေးများ ကူညီဆောင်ရွက်ပေးနေသည့် လူမူရေးအသင်း အမှုဆောင် တဦးဖြစ်သူ ကိုထွေးက ဆိုသည်။

သူက “ဇောင်းတွီဘက်က ရက်ကန်းရုံတွေဆိုရင် ပြေးကြလွှားကြနဲ့၊ မိန်းကလေးတွေက မပြေးနိုင်တော့ မိတာများတယ်။ မနေ့ညကတော့ စခန်းမှာ အိပ်ကြရတယ်။ နောက်တော့ အထက်ကနေ ရက်ကန်းသမားတွေကိုတော့ မဖမ်းဘူးဆိုပြီး ပြန်လွှတ်လိုက်တယ်။ အခုတော့ ထုံးစံအတိုင်း ကြောက်လန့်ပြီး အလုပ်မလုပ်နိုင်ကြဘူးပေါ့” ဟု ပြောသည်။

ယခု ဖမ်းဆီးခြင်းသည် ဒေသခံ အာဏာပိုင်များက တရားမ၀င်နေထိုင်သူများအပေါ် စီမံချက်ချ ဖမ်းဆီးနှိမ်နင်းခြင်းမျိုး မဟုတ်ဘဲ တရားမ၀င် အရက်သေစာ ရောင်းချမှုနှင့် မူးယစ်သောက်စား ရမ်းကားမှုများကို သတိပေး အရေးယူသည့် အနေဖြင့် ပြုလုပ်ခြင်း ဖြစ်နိုင်ကြောင်း၊ စီမံချက်ချ ဖမ်းဆီးခြင်းဖြစ်ပါက ရက်ကန်းသမားများကို ပြန်လွှတ်ပေးမည် မဟုတ်ကြောင်း ကိုထွေးက ဆိုသည်။

“ဈေးနားမှာ အရက်သောက်ကြ၊ မူးကြနဲ့ ဖြစ်နေတာတွေကို ၀င်ဖမ်းရင်းနဲ့၊ အဲဒီမှာကလည်း မြန်မာပြည်သားတွေ ပါနေတော့ ဒီလိုဖြစ်သွားတာပဲ။ နောက် သူတို့ဘက်က ပြန်ပို့မယ်ဆိုရင် လေး၊ ငါးယောက်လောက်နဲ့ မပို့တော့ဘူး၊ ကားတစီးတိုက် ဆိုပြီးလုပ်တော့ ကျန်တဲ့သူတွေပါ ပါသွားတာပေါ့” ဟု ၎င်းက ပြောပြသည်။

ဖမ်းဆီးခံရသူများအနေဖြင့် အနည်းဆုံး ဒဏ်ငွေ ၅၀၀ ရူပီး ပေးဆောင်ရဖွယ် ရှိသကဲ့သို့ အိန္ဒိယ-မြန်မာနယ်စပ်သို့ ပြန်ပို့ခံရမည် ဖြစ်သော်လည်း မြန်မာနိုင်ငံတွင်း စီးပွားရေးကျပ်တည်းမှု များကြောင့် အိုက်ဇောသို့ ပြန်လည်ရောက်လာကြဦးမည်ဖြစ်ရာ ယခုကဲ့သို့ပင် သံသရာ လည်နေဦးမည်ဟု သူက ဆိုသည်။

အိုက်ဇောမြို့တွင် ရောက်ရှိနေသော မြန်မာရွှေ့ပြောင်းလုပ်သား ဦးရေမှာ ၅ သောင်းထက် မနည်း ရှိနေပြီး အများစုမှာ ရက်ကန်းလုပ်ငန်း၊ ရွှေပန်းထိမ်လုပ်ငန်း၊ အိမ်ဖော်၊ ပန်းရံ၊ မြေတူး၊ လွှဆွဲ၊ လမ်းဖောက် စသည့် ကြုံရာကျပန်းအလုပ်များ လုပ်ကိုင် နေထိုင်ကြသည်။


ဇာနည်မာန်

ဘန်ကီမွန်းကို ကေအဲန်ယူ မေတ္တာရပ်ခံ

ကရင်ပြည်သူများအား ရန်သူသဖွယ် တိုက်ခိုက်နေသည့် နအဖ စစ်အစိုးရကို ကုလသမဂ္ဂအတွင်းရေးမှူးချုပ် မစ္စတာ ဘန်ကီမွန်းအနေဖြင့် ဟန့်တားပေးပါရန် မေတ္တာရပ်ခံသည့် ကြေညာချက်စာတစောင် ကရင်အမျိုးသားအစည်းအရုံး (ကေအဲန်ယူ)က ယမန်နေ့၌ ထုတ်ပြန်လိုက်သည်။
စစ်အစိုးရ၏ တိုက်ခိုက်ခြင်းခံနေရသည့် ကရင်လူထုများကို နိုင်ငံတကာ အသိုင်းအ၀ိုင်းနှင့် ဒေသတွင်းလူထုများအနေ ဖြင့် ကိုယ့်အရေးလို သဘောထားကာ စာနာထောက်ထား ဖြေရှင်းပေးရန် ရည်ရွယ်၍ ကြေညာချက်ကို ထုတ်ပြန်ရခြင်း ဖြစ်သည်ဟု ကရင်အမျိုးသားအစည်းအရုံး(ကေအဲန်ယူ) တွဲဖက်အတွင်းရေးမှူး(၁) ဗိုလ်မှူး စောလှငွေက ကေအိုင်စီကို ယခုလို ပြောသည်။
“နအဖက ထိုးစစ်တွေပြုလုပ်ပြီး တိုင်းရင်းသားတွေကို ညှင်းပမ်းနှိပ်စက်တယ်။ အခု မြန်မာနိုင်ငံ ပြည်တွင်းထဲမှာ အိုင်ဒီပီ တွေကလည်း တောထဲမှာ ဒုက္ခရောက်နေကြတယ်။ ထိုင်း-မြန်မာနယ်စပ် ဒုက္ခသည် စခန်းထဲက ဒုက္ခသည်တွေဟာ လည်း သူတို့ရဲ့ဘ၀ရပ်တည်ချက်ဟာ မသေချာ မရေရာ စိုးရိမ်နေရတဲ့ အနေအ ထားမှာ ရှိတယ်။ ဒါတွေကို ကျနော်တို့ မီးမောင်းထွန်းပြချင်လို့ပါ။ ကုလအနေနဲ့လည်း ဒီထက် နအဖ စစ်အစိုးရကို ထိရောက်တဲ့ ဖိအားမှုတွေ ပေးသင့်တယ်”ဟု သူက ပြောသည်။
ဆက်လက်၍ သူက ကေအဲန်ယူသည် ဒီမိုကရက်တစ်အဖွဲ့အစည်းဖြစ်သည့်အတွက် မြန်မာ့နိုင်ငံရေးကို ဒီမိုကရေစီ နည်းကျကျ ဖြေရှင်းလိုကြောင်း၊ ကေအဲန်ယူသည် ပြည်သူအတွင်းမှ ပေါက်ဖွားလာသည့် တော်လှန်ရေးအဖွဲ့အစည်းဖြစ် သည့်အတွက် တော်လှန်းရေးကို ဆုံးခန်းတိုင် အောင်ပွဲရသည်အထိ ဆက်လက်ချီတက်သွားမည်ဖြစ်ကြောင်းနှင့် စစ် အစိုးရ အင်အားကြီးသည်ကို ကြောက်မနေဘဲ အမှန်တရားဘက်က မားမားမတ်မတ်ရပ်တည်သွားမည်ဖြစ်ကြောင်း ပြောဆိုသည်။
မြန်မာ့ပြည်တွင်းစစ် နှစ်(၆၀)ကျော်ကြာလာသည်နှင့်အမျှ အလားတူ မေတ္တာရပ်ခံချက်၊ ပန်ကြားချက်များ ကုလသမဂ္ဂသို့ အကြိမ်ကြိမ်တင်ပြခဲ့ပြီး ကုလသမဂ္ဂအနေဖြင့် စစ်အစိုးရအား တွေ့ဆုံဆွေးနွေးပွဲစားပွဲခုံသို့ ရောက်အောင် ဆက်လက်စွမ်း ဆောင်ပေးနိုင်ရန်ကိုလည်း ကေအဲန်ယူ ကြေညာချက်တွင် ရေးသားထားသည်။
ထို့အပြင် ကေအဲန်ယူက ကရင်ပြည်သူများကို စစ်အစိုးရတပ် တိုက်ခိုက်ခြင်းနှင့်ပတ်သက်၍ ယခု ရက်ပိုင်းအတွင်း မစ္စတာ ဘန်ကီမွန်း ထုတ်ဖော်ပြောကြားလိုက်သည့်အပေါ် ကြိုဆိုသော်လည်း ယင်းအကြောင်းတခုတည်းဖြင့် ပြည့်စုံလုံ လောက်လိမ့်မည် မဟုတ်သေးကြောင်း ထုတ်ပြန်ကြေညာချက်တွင် ပါရှိသည်။

စောခါးစူးညား။ (ကေအိုင်စီ)

ကရင်ပြည်သူ ၈သောင်းကျော် မစ္စတာဘန်ကီမွန်းထံ မေတ္တာရပ်ခ

ဗမာပြည်ရှိ ပြည်တွင်းတိုက်ခိုက်မှုများ ရပ်ဆိုင်းရေးအတွက် ကူညီဖြေရှင်းပေးရန် ကရင်ပြည်သူလူထု ၈၄,၀၀၀ဦးက လက်မှတ် ရေးထိုးကာ ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်းထံ မေတ္တာရပ်ခံသည့် ပန်ကြားလွှာတစ်စောင် ပေးပို့ခဲ့ကြသည်။
အသက် ၁၆နှစ်မှ ၁၀၃နှစ်အရွယ် ရွာသူရွာသားများ ပါဝင်သည့် ၎င်းပန်ကြားလွှာကို ဒေသခံခေါင်းဆောင်များက ၂၀၁၀ခုနှစ်၊ သြဂုတ်လနှင့် စက်တင်ဘာလ နှစ်လအတွင်း စုဆောင်းရယူခဲ့ပြီး အဆိုပါ ကရင်ပြည်သူများ၏ မေတ္တာရပ်ခံချက်အရ ပြည်တွင်း ပြည်ပရှိ ကရင်လူမှုအသိုင်းအ၀ိုင်း ခေါင်းဆောင်များနှင့် ပူးပေါင်းကာ ကရင်အမျိုးသားအစည်းအရုံး(KNU)က လူထုကိုယ်စား မစ္စတာဘန်ကီမွန်းထံသို့ ပေးပို့တင်ပြခဲ့ခြင်း ဖြစ်သည်။
ကေအဲန်ယူ အထွေထွေ အတွင်းရေးမှူးချုပ် နော်စီဖိုးရာစိန်က “ဒီစုဆောင်းရယူထားတဲ့ လူထုတွေရဲ့ လက်မှတ်တွေကို Scan ဖတ်ယူထားတဲ့ ဖိုင်လ်နဲ့ ကေအဲန်ယူအတွင်းရေးမှူးရဲ့ ပေးစာကို စီဒီထဲမှာထည့်ပြီး ကေအဲန်ယူကိုယ်စားလှယ် နော်ထူးဖောနဲ့ စောစတီဗင်ဒွန်းက နယူးယော့ခ်မြို့က ကုလသမဂ္ဂ အတွင်းရေးမှူးချုပ်ရဲ့ ရုံးခန်းမှာ သွားပို့ပေးတာပါ။ ကျမတို့က လူထုတွေရဲ့ တောင်းဆိုချက်အရ လုပ်ဆောင်ပေးရတာဖြစ်သလို ဗမာပြည်နဲ့ အခြားနိုင်ငံ ၁၅နိုင်ငံက ကရင်လူမှုအဖွဲ့အစည်း ၃၁ဖွဲ့က လည်း ပံ့ပိုးကူညီပေးကြပါတယ်။”ဟု ကေအိုင်စီကို ပြောသည်။
ယင်းသို့ ဘန်ကီမွန်းထံ လက်မှတ်ရေးထိုး တင်ပြသည့် ခရိုင် ၇ခုစလုံးမှ ကရင်ပြည်သူများသည် နအဖစစ်တပ်၏ အဓမ္မ လုပ် အားပေးခံရခြင်း၊ လုယက်ခြိမ်းခြောက်ခံရခြင်း၊ အိုးအိမ်လယ်ယာ ဖျက်ဆီး ပြောင်းရွှေ့ခံရခြင်း၊ အကြောင်းမဲ့ အသတ်ခံရခြင်းအ ပြင် အမျိုးသမီးနှင့် ကလေးသူငယ်များမှာ မတရား နှိပ်စက် အဓမ္မပြုကျင့်ခံရခြင်းများကို ဆယ်စုနှစ်များစွာ ခံစားရသူများဖြစ်ကြ သည်။ ၎င်းအပြင် ဗမာပြည်အရှေ့ပိုင်းမှ ကရင်ကျေးရွာပေါင်း ၃,၆၀၀ကျော်မှာ ပြီးခဲ့သည့် ၁၅နှစ်အတွင်း ဖျက်ဆီးခံရပြီး ပျှမ်းမျှ အားဖြင့် တပတ်လျှင် ၄ရွာနှုန်း ဖြစ်သည်ဟု သိရသည်။
၂၀၁၀ခုနှစ် နိုဝင်ဘာရွေးကောက်ပွဲ မတိုင်ခင်ကာလ ကေအဲန်ယူ၏ စစ်တမ်းကောက်ယူချက်အရ ကရင်ပြည်နယ်အတွင်း၌ အရပ်သား ၁၈ဦး အသတ်ခံရပြီး ၃၈ဦး ညှင်းပမ်းနှိပ်စက်ခံရကာ ၅၂ဦး ဖမ်းဆီးခံရသည့်အပြင် ၂,၃၃၆ဦးမှာ အဓမ္မခိုင်းစေခံရ သည်ဟု မစ္စတာဘန်ကီမွန်းထံ ပေးပို့သည့် ပန်ကြားလွှာထဲတွင် ရေးသားဖော်ပြထားသည်။
လက်ရှိအခြေအနေတွင် ကရင်ပြည်နယ်အတွင်းရှိ ဖာပွန်၊ ဒူးပလာယာခရိုင် အပါအ၀င် စစ်အစိုးရ လွှတ်တော်အစည်းအဝေး ကျင်းပသည့် နေပြည်တော်နှင့် နီးစပ်သော တောင်ငူ၊ ညောင်လေးပင်ဒေသများ၌လည်း စစ်တပ်က အရပ်သားများကို ပစ်မှတ် ထားကာ စစ်လက်နက်ခဲယမ်း သယ်ဆောင်ခိုင်းခြင်းများ၊ လူထု၏ ကား၊ လှေ၊ လှည်းများကို ယူဆောင်အသုံးပြုမှုများ ရှိနေ ကြောင်း ကေအဲန်ယူက ဆိုသည်။
ကေအဲန်ယူသည် ကုလသမဂ္ဂ အထွေထွေညီလာခံ၊ ကုလသမဂ္ဂ လုံခြုံရေးကောင်စီ၊ ဥရောပသမဂ္ဂ၊ အမေရိကန်နှင့် အခြားနိုင်ငံ များ အကြံပြုခဲ့သည့်အတိုင်း သုံးပွင့်ဆိုင် တွေ့ဆုံဆွေးနွေးရေးပြုလုပ်ရန် စစ်အစိုးရအား တောင်းဆိုခဲ့သော်လည်း စစ်အုပ်စုမှာ အရပ်သားများကိုသာ ပစ်မှတ်ထား ဆက်လက် တိုက်ခိုက်နေခဲ့သည့်အတွက် ကုလသမဂ္ဂ အတွင်းရေးမှူးချုပ်အနေဖြင့် ကမ္ဘာ့ နိုင်ငံများမှ အစိုးရများနှင့် ပူးပေါင်းကာ အပစ်ခတ်ရပ်စဲရေး၊ တွေ့ဆုံဆွေးနွေးရေးမှသည် အမျိုးသားပြန်လည်သင့်မြတ်ရေးနှင့် ဒီမိုကရေစီ ဖော်ဆောင်နိုင်ရေးအတွက် ကြိုးပမ်းဆောင်ရွက်ပေးရန် လိုအပ်နေကြောင်း နော်စီဖိုးရာစိန်က ဆိုသည်။
“တကယ်တော့ ဒီအခြေအနေတွေ အားလုံးဟာ နှစ်ပေါင်းများစွာ တကယ်ဖြစ်ပျက်နေတာတွေ အမှန်ချည်းပါပဲ။ ကေအဲန်ယူအ နေနဲ့ အခုလို ပန်ကြားလွှာ ပေးပို့ပေးရတာကလည်း ကုလသမဂ္ဂ အတွင်းရေးမှူးအနေနဲ့ ကိုယ့်ရဲ့လုပ်ပိုင်ခွင့်ကို အသုံးပြုပြီး စစ် အစိုးရက ကရင်ပြည်နယ်နဲ့ အခြားတိုင်းရင်းသားဒေသတွေက လူမျိုးစုအရပ်သားကို ပစ်မှတ်ထားတိုက်ခိုက်နေတာတွေ ရပ်စဲ သွားအောင် ဖိအားပေးဖို့ လိုအပ်နေပြီလို့ ပြောချင်ပါတယ်။”ဟု နော်စီဖိုးရာစိန်က ဆိုသည်။
အလားတူ ယနေ့တစ်ရက်တည်းတွင် အင်္ဂလန်နှင့် သြစတြေးလျားနိုင်ငံများမှ ကရင်အဖွဲ့အစည်းများကလည်း သက်ဆိုင်ရာ နိုင်ငံများ၏ ၀န်ကြီးချုပ်များရုံးသို့ အဆိုပါလက်မှတ်ရေးထိုးထားသည့် စီဒီမိတ္တူများကို သွားရောက်ပေးပို့ခဲ့ကြသည်ဟု သိရ သည်။
ယခုလို ကေအဲန်ယူအနေဖြင့် လူထု၏တောင်းဆိုချက်ဖြင့် ပြည်တွင်းပြည်ပမှ ကရင်လူမှုအသိုင်းအ၀ိုင်း၏ ထောက်ခံပံ့ပိုးမှုဖြင့် ကုလသမဂ္ဂထံ ပန်ကြားလွှာပေးပို့မှုမှာ ပထမဆုံးအကြိမ်ဖြစ်သည်။

နန်းဖော့ဂေ (ကေအိုင်စီ)

၁၀ နှစ် နေထိုင်ခွင့်လက်မှတ် ထုတ်ပေးသည့် ထိုင်းဝန်ထမ်းများ လာဘ်စား

မြန်မာနိုင်ငံသား ၁၄၀၀၀ ကျော်၏ ထိုင်း နိုင်ငံအတွင်း ၁၀ နှစ် သက်တမ်း နေထိုင်ခွင့် လက်မှတ်များကို ပြန်လည်စိစစ်ရန် ညွှန်ကြားချက်သည် ထိုင်းနိုင်ငံ မြောက်ပိုင်း ချင်းမိုင်ခရိုင် ၀င်ဟယ်(Waing Haeng) မြို့နယ်အတွင်းရှိ ရွာသူကြီးနှင့် ထိုင်းအစိုးရ ၀န်ထမ်းများ တရားမ၀င် လာဘ်ပေး လာဘ်ယူ ပြုလုပ်ရန်အတွက် အခွင့်အရေး တခုဖြစ်နေသည်။

ဝင်ဟယ်မြို့နယ်ရုံး အတွင်း ၁၀ နှစ်ခံ လက်မှတ် ပြန်လည် စိစစ်ရန် စောင့်ဆိုင်နေသူများကို တွေ့ရစဉ်(ဓာတ်ပုံ - ဧရာဝတီ)

၂၀၀၇ နှစ်ကုန်ပိုင်းနှင့် ၂၀၀၈ ခုနှစ် အစောပိုင်းတွင် ၀င်ဟယ်မြို့နယ်ရုံးမှ မြန်မာနိုင်ငံသား ၂၀၀၀၀ နီးပါးကို ၁၀ နှစ် သက်တမ်း နေထိုင်ခွင့် လက်မှတ်များ ပြုလုပ်ပေးခဲ့သည်။ ယင်း၂၀၀၀၀ နီးပါးထဲမှ ၁၄၀၀၀ ကျော်ကို ထပ်မံစိစစ်ခိုင်းခြင်း ဖြစ်သည်။

မြန်မာနိုင်ငံသား အများစုက ၁၀ နှစ် သက်တမ်းနေထိုင်ခွင့် လက်မှတ်များကို (၁၀ နှစ်ခံ လက်မှတ်)ဟု ခေါ်ကြသည်။

၁၀ နှစ်ခံ လက်မှတ်သည် နိုင်ငံအတွင်း နှစ်ရှည်လာရောက် နေထိုင်သူများကို ထုတ်ပေးခြင်းဖြစ်ပြီး လက်မှတ် ရရှိထားသူများသည် မြို့နယ် ထောက်ခံစာဖြင့် အလုပ်လုပ် ခွင့်ရသည့်အပြင် ထိုင်းနိုင်ငံ အတွင်း၌လည်း သွားလာရန်အတွက် အဆင်ပြေ သောကြောင့် မြန်မာနိုင်ငံသားများအကြား ရေပန်းစားလျက် ရှိသည်။

သို့သော်လည်း ယင်းလက်မှတ်များပြုလုပ်ရာတွင် တရားမ၀င် လာဘ်ပေးလာဘ်ယူမှုများ ရှိနေပြီး တချို့မှာ မိသားစုဝင် တခု အတွင်း လူ ၂၀၀ ခန့်ရှိနေခြင်းတို့ကို ခရိုင်အုပ်ချုပ်ရေးရုံးက တွေ့ရှိရသည့်အတွက် ယခုကဲ့သို့ပြန်လည်စိစစ်ရန် အစီအစဉ် ဖြစ် ပေါ်လာခြင်းဖြစ်သည်။

၁၀ နှစ်ခံ လက်မှတ် ကိုင်ဆောင်ထားသူများကို ၂၀၁၁ ခု ဇန်န၀ါရီလမှ စတင်၍ မတ်လ ၁၅ ရက်နေ့ အထိ ၀င်ဟယ်မြို့နယ် ရုံးသို့ လာရောက် အကြောင်းကြား ဆက်သွယ်ရန် ဒေသခံအာဏာပိုင်များက အသိပေးထားသည်။

ပြန်လည်စိစစ်ရမည့် လက်မှတ်ကိုင်ဆောင်ထားသူများသည် အမည်စာရင်းအသစ်တွင် ထည့်သွင်းရန်အတွက် ထိုင်းဘတ် ငွေ ၂၀၀ မှ ၅၀၀ ကို သက်ဆိုင်ရာ ရွာသူကြီးများထံသို့ ပေးဆောင်နေကြရသည်။ ပြန်လည်စိစစ်ရန် မလိုလားသူ တချို့က သက် ဆိုင်ရာ အာဏာပိုင်များနှင့် ပတ်သက်သူများကို လာဘ်ပေးလာဘ်ယူမှုများ ပြုလုပ်လျက်ရှိသည်။ 

“ရွာသူကြီးကို စာရင်းသွင်းဖို့အတွက် ဘတ်ငွေ၂၀၀ ပေးခဲ့ရတယ်”ဟု ထိုင်းနိုင်ငံတွင် ရောက်ရှိနေသည်မှာ ၁၀ နှစ်ခန့်ကြာပြီဖြစ် သည့် ရှမ်းတိုင်းရင်းသူ မနန်းခမ်းက ပြောသည်။ မနန်းခမ်း သည် နေ့စဉ်ပုံမှန် အလုပ်အကိုင် အတည်တကျ မရှိသော်လည်း အလုပ်ရှိသည့်နေ့များတွင် တရက်လျှင် ဘတ် ၁၂၀ သာ ရရှိသူဖြစ်သည်။

၂၀၀၇ ခုနှစ်ကုန်ပိုင်းတွင် ၁၀ နှစ်ခံ လက်မှတ်ရရှိရန်အတွက် မနန်းခမ်း အနေဖြင့် ရွာသူကြီးအား ဘတ်ငွေ ၂၀၀၀ ပေးခဲ့ရကြောင်း သိရသည်။ 

“အခုအချိန်အထိ အကြွေးမကြေသေးဘူး၊ ဘ၀လုံခြုံရေးအတွက် ကတ်(၁၀ နှစ်ခံ လက်မှတ်)လုပ်ချင်တယ်၊ လာဘ်ထိုးဖို့ ပိုက် ဆံ မရှိဘူး၊ ဘတ် ၅၀၀၀ လောက် ကုန်မယ်ဆိုရင်တောင်မှ ကတ်ရဖို့ မသေချာဘူးလို့ ကြားတယ်”ဟု မနန်းခမ်းက ပြောသည်။

အသက် ၄၂ နှစ် အရွယ်ရှိ ကိုစိုင်းအောင်ကလည်း“ကျနော့် ရှေ့မှာ လူတယောက်က သူ့ရဲ့စာရွက်ကြားကနေ ပိုက်ဆံပေးလိုက် တာတွေ့တယ်၊ ဘာကြောင့်မို့ ကျနော့်ကတ်ကို ပြန်စိစစ်လဲ ဆိုတာ နားမလည်ဘူး၊ သေချာတာကတော့ ပိုက်ဆံပေးရတော့ မယ် ဆိုတာ သေချာတယ်”ဟု ဒေါသသံဖြင့် ဆိုသည်။



၁၀ နှစ်ခံလက်မှတ် ပြုလုပ်ရာတွင် ၀င်ဟယ်ဒေသအတွင်း နှစ်ရှည်လများ နေထိုင်သူတဦး၏ ထောက်ခံချက် လိုအပ်သည်။ ဒေ သခံ များကလည်း ငွေကြေးဖြင့် ထောက်ခံချက် အများအပြားကို အမည်အမျိုးမျိုးဖြင့် ရေးပေးလေ့ရှိသည်။

“ကတ်တွေကို ပြန်စိစစ်ရတော့မယ် ဆိုတော့ ကျမကို ထောက်ခံတဲ့ လူရဲ့ နာမည်နဲ့ ကျမရဲ့နာမည် လွဲနေတယ် လို့ပြောတယ်၊ ကျမကို ထောက်ခံတဲ့ လူနာမည်တွေကို တခေါက်မှ မကြားဖူးဘူး”ဟု အသက် ၂၅ နှစ်အရွယ်ရှိသော ရှမ်းတိုင်းရင်းသူ နန်းဇမ် က ဆိုသည်။

ဝင်ဟယ်မြို့နယ် အနီးရှိ ကျေးရွာ ဒေသများတွင် အလုပ်လုပ် နေသူများသည် ရှမ်းတိုင်းရင်းသား အများစုဖြစ်ကြပြီး ဆောက် လုပ်ရေးလုပ်ငန်း၊ ကြက်သွန်နှင့် ငရုပ်စိုက်သော စသည့် တောင်ယာလုပ်ငန်းများကို လုပ်ကိုင်နေကြသူများ ဖြစ်ကြသည်။ 

မြန်မာပြည်မှ လာရောက်အခြေချ နေထိုင်သူများ အနေဖြင့် ထိုင်းအစိုးရ၏ဥပဒေ နားမလည်မှုနှင့် ထိုင်းစာ မဖတ်တတ်၊ မရေး တတ်ခြင်းသည်လည်း ဒေသခံများနှင့် အာဏာပိုင်များအတွက် လိမ်လည်စရာ အခွင့်ကောင်း တခုဖြစ်ခဲ့သည်။

မြို့နယ်ရုံး၏ စိစစ် ဆောင်ရွက်ချက်များသည် ယုတ္တိမရှိကြောင်း၊ အာဏာပိုင်များအကြား လာဘ်လာဘ်ယူမှု မညီမျှသဖြင့် ယခု ကဲ့သို့ ပြဿနာ ပေါ်ပေါက်လာရခြင်း ဖြစ်ကြောင်း ရှမ်းတိုင်းရင်းသား တဦးဖြစ်သည့် ကိုစိုင်းမောင်ကလည်း ပြောသည်။

“ပိုက်ဆံနဲ့ လာလုပ်တဲ့ လူတွေပဲ အရင်ရတယ်၊ မလုပ်တဲ့လူတွေက နောက်မှရတယ်၊ အဝေးကလာတဲ့လူတွေက တိုးတိုး တိတ် တိတ် ရွာသူကြီးနဲ့ ညှိနှိုင်းပြီး လုပ်တာရှိတယ်၊ မြန်မာပြည်က လာတဲ့လူတွေက မိသားစုကို ပိုက်ဆံ ပြန်ထောက်ပံ့ရ တော့ သိပ် မတတ်နိုင်ဘူး”ဟု ၎င်းက ဆိုသည်။

ဝင်ဟယ်မြို့နယ်ရုံးက သေချာ စစ်ဆေးမှု မပြုလုပ်ဘဲ ၁၀ နှစ်သက်တမ်းရှိသည့် ကတ်များကို ထုတ်ပေးရခြင်းနှင့် ပတ်သက်၍ လေ့လာသူများက မေးခွန်းထုတ်လျက်ရှိသည်။ ဖြစ်ပေါ်လာသည့် ပြဿနာများ အတွက် အာဏာပိုင်များတွင် တာဝန်ရှိသည် ဟုလည်း ဆိုသည်။ ကတ်ထုတ်ပေးစဉ်က မြန်မာနိုင်ငံသားများ၏ ကိုယ်ရေး အချက်အလက်၊ ဓာတ်ပုံ၊ လက်ဗွေ စသည်တို့ကို တောင်းခံခဲ့ကြောင်း သိရသည်။

ဧရာဝတီက ဒေသခံများ၏ လာဘ်ပေး လာဘ်ယူ ပြုလုပ်မှုရှိသည်ဟူသော စွပ်စွဲချက်များနှင့် ပတ်သက်၍ ၀င်ဟယ်မြို့နယ်ရုံးသို့ ဆက်သွယ်ခဲ့ရာ ၀န်ထမ်းအမျိုးသမီး တဦးက ငြင်းဆိုခဲ့သည်။

၁၀ နှစ်ခံလက်မှတ်များအား ၁၉၉၉ ခုနှစ် အောက်တိုဘာလ ပထမ သတင်းတပတ်မတိုင်ခင် လာရောက်နေထိုင်ပြီး ထိုင်း အစိုး ရ ထံတွင် မှတ်ပုံတင်သွင်းရန် ကြိုးစားသူများ၊ တရားဝင်မှတ်တမ်း မရှိသော ကျောင်းသား၊ ကျောင်းသူများ၊ မွေးဖွားပြီး မိဘများ၏ စွန့်ပစ်ခြင်းကို ခံရသူများ၊ ထိုင်းနိုင်ငံ၏ အကျိုးကို လိုလားသူများအား ထုတ်ပေးလေ့ရှိသည်။

ယင်းလက်မှတ် ကိုင်ဆောင်သူများအနေဖြင့် ပညာဆက်လက်သင်ကြားခွင့်၊ သတ်မှတ်ထားသောနေရာတွင် ယာယီနေထိုင်ခွင့်၊ အလုပ်လုပ်ပိုင်ခွင့်၊ ကျောင်းသား ကျောင်းသူများနှင့် မိဘ၏ စွန့်ပစ်ခြင်း ခံရသူများအနေဖြင့် ဆေးကုသခွင့် ခံစားရမည်ဖြစ် ကြောင်း ထိုင်းနိုင်ငံ ရှေ့နေများ ကောင်စီက ပြောသည်။ 

သို့သော်လည်း ကတ်ကိုင်ဆောင်ထားသူများအနေဖြင့် ခရီးသွားလာရာတွင် စစ်ဆေးရေး ဂိတ်များ၌ ရှာဖွေစစ်ဆေးမှုများကို သာမန်ထက် ပိုမိုခံကြရပြီး မိန်းကလေးများ အနေနှင့် ခန္ဓာကိုယ်အနှံ့ အသေးစိတ် ရှာဖွေခံကြရသည်။

ယခု ၁၀ နှစ်ခံကတ်များ ပြန်လည် စိစစ် ခံရခြင်းနှင့် ပတ်သက်၍ ၀င်ဟယ် ပတ်ဝန်းကျင်ရှိ ရွာများတွင် ကောလာဟလမျိုးစုံ ပျံ့နေပြီး မြန်မာ အလုပ်သမားများက ဒေသခံအာဏာပိုင်များကို မကျေမနပ် ပြောဆိုမှုများလည်း ရှိနေကြသည်။

“လူတိုင်း အပယ်ခံရတယ်လို့ ကြားတယ်၊ မဟုတ်တာ တခုခုဖြစ်နေတာကတော့ သေချာတယ်”ဟု ၀င်ဟယ်မြို့တွင် ဆိုင်ကယ် တက္ကစီ မောင်းနေသူ တဦးက ပြောသည်။

ဝင်ဟယ်မြို့နယ်ရုံး အနီးရှိ ဈေးဆိုင် ပိုင်ရှင်တဦးကလည်း ၁၀ နှစ်ခံကတ်များ ပြန်လည် စိစစ်မှုနှင့်ပတ်သက်ပြီး အာဏာပိုင်များ၏ ဆောင်ရွက်ချက်များကို နားမလည်ဟု ပြောသည်။

ယင်းမြို့နယ်ရုံးဝင်းအတွင်း၌ ရှမ်း အစားအစာများရောင်းသည့် ဈေးဆိုင်တန်းများနှင့် ဆိုင်များအနီး ရှိနေသော လူများကလည်း ၁၀ နှစ်ခံကတ်များကို မည်သည့်အတွက် ပြန်လည်စစ်ဆေးခြင်းအား နားမလည်နိုင်ကြောင်း ပြောဆိုလျက်ရှိကြသည်။

ဝင်ဟယ်မြို့နယ်ရုံး လမ်းထိပ် အဝေးပြေးကားလမ်းပေါ်ရှိ ကားမှတ်တိုင်တွင် ခေါင်းငိုက်စိုက်ချလျက် ကားစောင့်ဆိုင်းနေသူများ ရှိသကဲ့သို့ ရွာသူကြီးအိမ်သို့ သွားရောက်၍ ဘတ်ငွေ ၃၀၀ ပေးကာ စာရင်းသွင်းမည့်သူများကလည်း ဆိုင်ကယ် တက္ကစီသမား နှင့် ဈေးညှိနေကြသည်ကိုတွေ့ရှိနေရသည်။

ဈေးသည်တဦးကမူ“သိပ်မပူနဲ့ အခြေအနေက ကောင်းသွားလိမ့်မယ်၊ အခုတော့ အိမ်ပြန်ကြတော့”ဟု အော်ဟစ်ပြောဆို နေ သည်။ ရုံးအတွင်းမှ ပြန်ထွက်လာသော လူအများ၏ အမှုအရာများသည် ညှိုးနွမ်းနေကြသည်။ 

နန်းယိင်း ဆိုသည့် ရှမ်းတိုင်းရင်းသူ တဦးကလည်း“ပြန်စိစစ်နေတယ် ဆိုပေမယ့်လည်း အနည်းဆုံးတော့ ပိုက်ဆံ ကုန်မယ်၊ အလုပ် ပျက်မယ်၊ အလကား လုပ်ပေးတာမှ မဟုတ်တာ”ဟု ပြောဆိုနေသည်။



သန်းထိုက်ဦး( ဧရာဝတီ)

မေ့ပျောက်လို့ မရနိုင်သောနေ့ ရက်

ဖေဖေါ် ၀ါရီ (၁၄) နေ့  ချစ်သူများနေ့ မှာ ကရင်လူမျိုးအားလုံးအတွက် အမြဲတမ်း အမှတ်ရစေသော နေ့ တစ် နေ့ ဖြစ် တယ်…. အဲဒီနေ့ ရောက်တိုင်း ကျမတို့ ကရင်လူမျိုးစုတွေရဲ့ ရင်ထဲမှာ မမေ့ နိုင်စရာ၊ အောက်မေ့ ဖွယ် ရာဖြစ်ရပ်လေး တစ်ခု ကတော့  ကျမတို့ အားလုံးတွေရဲ့  နှလုံးသားထဲမှာသံမှိုစွဲသလို စွဲ ထင်ကျန်ရစ်နေပါ ရောလား……

ဖေဖေါ်ဝါရီ(၁၄) ရက်နေ့ ဆိုတာ ချစ်သူများနေ့အဖြစ်လောကကြီးထဲမှာရှိတဲ့လူသားတွေအားလုံး ပျော်ရွှင်ဖွယ်ရာ နေ့ တစ်နေ့  အ ဖြစ် သတ်မှတ် ခဲ့ ကြပါ တယ်…သို့ သော်လည်း အဲဒီနေ့ ကို ချစ်သူ များနေ့ အဖြစ် ဆို ရိုးရှိခဲ့ ပြီးချစ်ခင် ကြင်နာသူအ ချင်းချင်းအမှတ်တရ လက်ဆောင် ပစ္စည်း များနှင့်  သူတို့ တွေရဲ့  အချစ်သင်္ကေတ တွေကို အ ချစ်ခံ ရသူများသိ အောင် အမှတ်တရ အ ဖြစ် ဖ လှယ်ပေးခဲ့ ကြပါ တယ်….

သို့ ပေ မယ့် လည်း အဲဒီနေ့ လို ပျော်ရွှင်စရာနေ့ တစ်နေ့ အ ဖြစ်ကနေ ၀မ်းနဲမှတ်တမ်းတင်ရသောနေ့  တစ် နေ့  အ ဖြစ် သို့ ပြောင်းလဲခဲ့ ရ သောကျမတို့ ကရင်လူမျိုးတွေရဲ့  ရင်ထဲ အသည်းနှလုံးထဲမှာ ဟိုး မနေ့ တစ်နေ့  ကလို ပဲ ဖြစ် ခဲ့ သ လို ကျ မ တို့  ရဲ့့ မြင့် မြတ်လှတဲ့ မျိူးချစ် ခေါင်းဆောင် အာဇာနည် သူရဲကောင်း ပဒိုမန်းရှားလားဖန်း ရဲ လုပ်ကြံခံရမှု အတွက် ကျမတို့ ကရင်လူထုအားလုံး အတွက် သူ့ ရဲ့ အ ဖိုးမဖြတ်နိုင်သော ချစ်ချင်းများစွာ နဲ့  အသက်ပေးခဲ့  ရ သော နေ့  တစ်နေ့  အ ဖြစ် ၀မ်းနဲယူ ကျုံး မရဖြစ်ခဲ့ ရပါတယ်…….. ကရင်လူထု တစ်ရပ်လုံးကို ချစ် သောကျမတို့ ရဲ့  အာဇာနည် ခေါင်း ဆောင် ပဒိုမန်းရှာလားဖန်း က တော့ သူ့ ရဲ့ အသက် သွေးစီး ချောင်းနဲ့  သူချစ်တဲ့ ကရင် တစ်မျိုးသား လုံးကိုထာဝရ လက်ဆောင်တစ်ခုအ ဖြစ် အ သက်ပေးဆပ်သွားလေသ လား……

ကရင်တစ်မျိုးသားလွတ်မြောက် ပြီး ငြိမ်းချမ်းသောနိုင်ငံ သစ်တစ်ခု ရရှိ ဖို့ ကြိုးစားနေ ဆဲမှာပဲ ကြင်နာမှုကင်းလှသော၊ ရက်စက် ယုတ်မာသော လူ တစ်စု ကြောင့် ဒို့ ကရင် တစ်မျိုးသားလုံး လေးစားလှသော အမျိုးသား ခေါင်းဆောင် ပဒိုမန်းရှာ လားဖန်းကို သေနတ်နဲ့ ရက်စက်စွာ ပြစ် သတ် ခဲ့ ပြီးသွေးချောင်း စီးခဲ့  ရသောနေ့ တစ်နေ့ ကို ဘယ်သူ မေ့ နိုင်မှာလဲ…..

ဘာကြောင့်အဲဒီလို လုပ်လိုက်ရတာလဲ? သူ့ တို့  တွေမှာရောတ ကယ်ဘဲ မျိုးချစ်စိတ် သနားညာ တာသောစိတ်ပျောက်ဆုံး ကုန်လေရော့သလား……………

 မျိုးချစ်စိတ်ဓာတ်ရှင်သန် ထက်မြက် အောင် ကျမတို့ ရဲ့  ကရင်လူငယ်တွေကို မွေးထုတ် ပေး သော ဒို့  ကရင် ခေါင်းဆောင် မျိုးချစ်အာဇာနည် ပဒို မန်းရှာလားဖန်းကို ဒီလို တရားမျှ တမှု ကင်းသော လုပ်ရပ် ကြောင့်  ကရင်လူမျိုးတွေရဲ့  နှလုံးသားမှာ ဘယ်တော့ မှမေ့ ပျောက်ပြစ် လို့ မရသော ဂန္ဓ၀င်ကျောက်တိုင်အဖြစ် မိမိတို့ ရဲ ကိုယ်စီနှလုံးသားထဲမှာ ရာသက်ပန်စွဲထင်ကျန်ရစ်နေမှာပါ။

ကျမတို့ ချစ်လှစွာသောမျိုးချစ်ခေါင်းဆောင်ပဒိုမန်းရှာလားဖန်းကို သူမရှိတော့ ပေမဲ့ သူရှိခဲ့တုန်းကလို ပဲ သူမျော်လင့် ခဲတဲ လွတ်လပ်သော ဒီမိုကရေစီ ငြိမ်းချမ်းရေးရရှိဘို့ အတွက် ကျန်ရှိနေသေးသော ကရင်ခေါင်း ဆောင်များနှင့် ကရင် လူငယ်များအားလုံးတက်ညီလက်ညီ လို ရာပန်းတိုင် ရောက်ရှို ဘို့ အ တူတကွ လက်တွဲပြီး ကြိုးစားသွားကြ မှပါ ….ကရင်မျိုးချစ်အာဇာနည်ပဒိုမန်းရှာလားဖန်း ကောင်းရာ  သုဂတိလားပါ စေ…

ပဒိုမန်းရှာလားဖန်းအတွက်

မီးလင်းဖြူ   (ဖေဖေါ်ဝါရီ ၁၄ ရက်) ၂၀၁၁

ကရင်စာပေနှင့်ယဉ်ကျေးမှုဆိုင်ရာနှီးနှောဖလှယ်ပွဲ ကျင်းပပြီးစီးခြင်း

January 30,2011 နေ့ ရက်တွင်OKRSO မှကြီးမှူးကျင်းပသော ကရင်စာပေနှင့် ယဉ်ကျေးမှုနှီးနှောဖလှယ်ပွဲတစ်ရပ်ကို  ကရင်စာပေနှင့်ယဉ်ကျေးမှုကိုချစ်မြတ်နိုးသော ဘန်ကောက်ရောက်မျိုးဆက်သစ် ကရင်လူငယ်များဖြစ်ကြသော ဒုံရင်းမျိုးဆက်သစ်လူငယ်များ
တိုးတက်ပြန့် ပွားရေးအသင်း၊ဖေါ့လာခေါင် (ရဟိုင်း)အသင်း၊ဖေါင်ယှူးခလိန်း (မဟာချိုင်)မျိုးဆက်သစ်များအသင်း၊တကော်ခီမျော်စိန်မျိုးဆက်သစ်များအသင်း၊ OKRSO မျိုးဆက်သစ်များ၊ပြည်ပရောက်ကရင်စာပေနှင့်ယဉ်ကျေးမှု (OKCG) အသင်းနှင့်ပြည်တွင်းမှနာမည်ကြီးအဆိုတော်များဖြစ်ကြသော စောကျော်လိက်သိင့်၊နန်းသိန်းလားဘောင်နှင့်နန်းမူးထွန့် အွာတို့ အသီးသီးတက်ရောက်ခဲ့ပါတယ်....
ဒီနှီးနှောဖလှယ်ပွဲ သို့ တက်ရောက်လာသောလူငယ်အများစုမှာ ထိုင်းနိုင်ငံတွင် ကရင်စာပေနှင့်ယဉ်ကျေးမှုတိုးတက်ပြန့် ပွားရေးအတွက် တတ်နိုင်သည့်ဘက်မှ ထိန်းသိမ်းမြှင့်တင်နိုင်ဘို့ တွေကို ရည်ရွယ်ပြီးပြုလုပ်ရခြင်းဖြစ်ပါတယ်...

ကရင်လူမျိုးတွေ မိမိတို့ ဘယ်နေရာဘယ်ဒေသရောက်ရောက် မိမိတို့ ရဲ့ ဘာသာ၊စာပေ၊ဘိုးဘွားအမွေအနှစ်နှင့်ရိုးရာယဉ်ကျေးမှုတွေကို ထိန်းသိမ်းစောင့်ရှောက်မှသာလျှင် အနာဂတ်မှာ  ကရင်လူမျိုးအားလုံးအတွက်ကိုယ်ပိုင် ဘာသာ၊စာပေ၊ယဉ်ကျေးမှုတွေမပျောက်ဆုံးမှာဖြစ်ပါတယ်။
ဆွေးနွေးပွဲမှာ ကရင်လူငယ်များအားလုံး ၁၂၀ နီးပါးတက်ရောက်ခဲ့ပါတယ်... တက်ရောက်လာသောလူငယ်များအားလုံးကလည်း မိမိတို့ ရဲ့ သဘောထားအမြင်တွေကို စိတ်အားထက်သန်စွာနှင့်ဝင်ရောက်ဆွေးနွေးခဲ့ကြတာတွေက အားကျစရာကောင်းလှပါတယ်။ ဒီလိုအခွင့်အရေးမျိုးနောက်ထပ် ရရှိဘို့ ဆိုတာကလည်းအားလုံး
ရဲ့ အပေါ်မှာမူတည်ပြီး ပြည်တွင်း၊ပြည်ပကရင်လူငယ်များအားလုံးအမြဲတမ်းချိတ်ဆက်နိုင်ဘို့ အတွက် အလွန်အရေးကြီးလှပါတယ်။

ဆွေးနွေးပွဲ လှုပ်ရှားမှုဓာတ်ပုံတွေကိုအောက်မှာကြည့်ရှုနိုင်ပါတယ်....

ဝေဖန်အကြံပြုစာများပေးပို့ ချင်ရင်တော့ okrso_karen@hotmail.com သို့ ပေးပို့ နိုင်ပါတယ်။

OKRSO မိသားစု
ဘန်ကောက်

ကရင်နှစ်သစ်ကူးနေ့ ကိုအောင်မြင်စွာကျင်းပပြီးစီးခြင်း

(၂၇၅၀) ခုနှစ် ကရင်နှစ်သစ်ကူးနေ့ အခမ်းအနားကို ဒီဇင်ဘာလ (၂၆) ရက်၊ ဘန်ကောက်တွင်ရှိသော OKRSO အဖွဲ့ မှဦးဆောင်ပြီးအောင်မြင်စွာကျင်းပပြီးစီးခဲ့ပါသည်။ အခမ်းအနားအဖွင့် မိန့် ခွန်းကို OKRSO 's chairperson စောဇော်ဇော်မှအဖွင့် မိန့် ခွန်းပြောကြားပြီး၊ ကရင်နှစ်သစ်သ၀ဏ်လွာ ကို အထွေထွေအတွင်းရေးမှူးမှ ဖတ်ကြားခဲ့ ပါသည်။


ကရင်နှစ်သစ်ကူးဖြစ်ပေါ်လာပုံအကြောင်းကို ကရင်လို နန်းဆောင်ထီ့ ဖေါင်မှဖတ်ကြားခဲ့ ပြီး ကရင်နှစ်သစ်ကူးနေ့ ကောက်သစ်စားပွဲရွတ်ဆိုခြင်းတစ်ရပ်ကိုတော့ ဘားအံမှနာမည်ကြီးအဆိုတော် စောကျော်လိက်သိင့်မှရွတ်ဆိုခဲ့ ပါသည်။ အခမ်းအနားကို ဧည့်ပရိတ်သတ်ပေါင်းအယောက် ၅၀၀ နီးပါးတက်ရောက်ခဲ့ ပါသည်။ကရင်ပြည်နယ်မှ နာမည်ကြီးအဆိုတော်များဖြစ်သော စောကျော်လိက်သိင့်၊ မူးထွန့်အွာ၊သိင်းလားဘောင် တို့ မှနာမည်ကြီးသီချင်းများဖြင့်တတ်ရောက်ဖျော်ဖြေခဲ့ ပါသည်။

ဘန်ကောက်မှ OKRSO ကျောင်းသားလူငယ်ဒုံးအဖွဲ့ နှင့် ပြည်ပရောက်ကရင့် ရိုးရာစာပေနှင့်ယဉ်ကျေးမှု ဆိုင်ရာဒုံးအဖွဲ့ ၊ကရင့်စောင်းတူရိယာတီးခတ်ဖျော်ဖြေတင်ဆက်ခြင်းနှင့် အခြားသော ခေတ်သစ်ရိုးရာဝတ်စားဆင်ယဉ်မှုပြပွဲနှင့် အားကစားပြိုင်ပွဲ တစ်ချို့ ကို စုံလင်စွာ ကျင်းပခဲ့ ပါသည်။။


အခမ်းအနား လှုပ်ရှားမှုဓာတ်ပုံများကို
အောက်မှာကြည့်ရှုနိုင်ပါတယ်.....

Invitation to Happy Karen New Year Day celebration

Welcome to Karen New Year Day

The Brief History of the becoming of Karen New Year

The Brief History of the becoming of Karen New Year

Today, our, Karen Nation is reaching to 2750 New Year. Let us leave bad mood and attitude with the old year. The entire Karen Nation let us be new born and welcome our holy Karen New Year with unity and love.

I would like to present briefly about how Karen New Year has become. At first the Karen people lived in Tibet, China and then they came to settle down to organized group to from village, town and country. So Karen people lived spread out in Myanmar. It can be studied in the Karen History that the last Karen people came to settle down to Myanmar by BC 739.

Therefore, if it is counted since BC 739 until the present time 2010, the Karen people have been living in Myanmar for 2750 years. On the early days, Karen people celebrated Karen New Year Festival differently according to the place where they lived and the group who were organized. Although Karen people restrained and accepted inheritance from their for parents, Kaut Thit Sar Pwe, it was celebrated differently time and places.

Therefore, in 1937(by the time British ruled Myanmar), the Karen leader asked British Government to offer Karen National Day. The British Government replied that instead of asking for Karen National Day, it was better request for admitting of Karen New Year as legally public holiday.    The Karen leaders from various place negotiated in order to be able to recognize Karen New Year day. It was seen in the history that Karen people accepted New Year day based on their beliefs and religious. Karen people who believed in Buddhism recognized Burmese month called (Pyar Tho) 1^st as New Year and celebrated it as Karen new year day while the Karen whose religion is Christianity celebrated their karen new year on  the 1^st of January .  Besides, those who believe in Ta La Ku (Hermit-Buddhism) acknowledged on the first Ta Bong full moon as New Year (Kaut Thit Sar Pwe) .

As Karen people moved to live in greener pastures (choosing better places for survival),living standard , living places, era, and belief of the Karen have been changed accordingly. Therefore, it was very hard to accept the exact date of Karen New Year. In calenter, it said that Pyar Tho La San Ta Yeh or Tha Lay Lar Taw Ta Thaw is the first month of the Karen and it also said that Karen Hs twelve months. According to information and evidences found by Karen Leaders proved that Pyar Tho or Tha Lay Lah is the month to celebrate Karen National day. Pyar Tho is full of graces, glory and honor on the first day of every Pyar Tho month, Karen leaders presented to confirm Karen New Year to parliament. 

Although Karen leaders presented the case of Karen New Year, it was not easy to be recognized Karen new year as a public holiday. While presenting the case to the parliament, the change had occurred within British government .It was not sure whether the Karen New Year day would be acknowledge or not. Karen leaders continued to present the case to lower house of government and British government finally confirmed it.

Since first February 1939, 1^st Phar Tho Kaw Zar Year 1299 has been recognized as Karen New Year. So, public holiday had been celebrated every year. This is how Karen New Year has become for Karen people. Therefore, Karen new that belongs to all Karen people was not easily given, Karen leaders had tried extremely hard in order to get New Year day. At last, by the strong desire and wiliness and of Karen people break the ignorance of those who have to consider about Karen New Year. 

Dear all Karen creeper or Lineage, it is our responsibility to look after our traditions that past by our ancestors. Conclusively, as Karen New Year is a holy and great day for Karen people, let us celebrate it every year with respect, praise, unity and love.

May God bless our Karen New Year along with all Karen this year, next year and forever.

December 10, 2010

Executive Committee (Bangkok)

                        O K R S O