ရပ်ကွက်မှူးများ အိမ်ထောင်စုလူဦးရေစာရင်း လာရောက်ကောက်ခံခဲ့

အောက်တိုဘာလ ၁၀ရက်။ နော်ဖြူသင်း (ကေအိုင်စီ)

ကရင်ပြည်နယ်၊ ဖားအံမြို့ရှိ ရပ်ကွက်များတွင် ယခင်လဆန်းပိုင်းမှစ၍ လူဦးရေစာရင်းများကို အိမ်တိုင်းစေ့ လိုက်လံကောက် ယူခဲ့သည်ဟု သိရသည်။

သက်ဆိုင်ရာ ရပ်ကွက်မှူးများသည် ၎င်းတို့ရပ်ကွက်ရှိ နေအိမ်များသို့ သွားရောက်ကာ အိမ်ထောင်စုစာရင်းတွင် ပါရှိသည့် အိမ် သားများ၏ အမည်၊ အသက်နှင့် လူဦးရေ အရေအတွက်တို့ကို မေးမြန်းရေးမှတ်သွားကြောင်း ဖားအံမြို့၊ အမှတ်(၆)ရပ်ကွက် တွင် နေထိုင်သူတဦးက ပြောပြခဲ့သည်။


သို့သော် ယင်းသို့ကောက်ခံရသည့် အကြောင်းရင်းကိုမူ ရပ်ကွက်မှူးများက တိတိကျကျ ပြောဆိုနိုင်ခြင်းမရှိဘဲ အထက်မှ ညွှန် ကြားချက်ကြောင့်သာဖြစ်ကြောင်း ရပ်ကွက်သားများကို ပြန်လည်ဖြေကြားခဲ့သည်ဟု အမှတ်(၉)ရပ်ကွက်မှ အမျိုးသမီးတဦးက ယခုလို ပြောသည်။

“ကျမတို့က မေးတာပေါ့။ ဘာအတွက် ကောက်တာလဲလို့။ အဲဒါကို ရပ်ကွက်မှူးက မသိဘူး အထက်က ကောက်ခိုင်းလို့ လာ ကောက်ရတာလို့ပဲပြောတယ်။ တချို့အိမ်တွေက သူတို့သားသမီးတွေ တောင်ပေါ်(ထိုင်းနိုင်ငံ)မှာ သွားပြီး အလုပ်လုပ်ကြတာ ရှိတယ်လေ။ ဒါပေမဲ့ သူတို့က လူဦးရေစာရင်း လာကောက်ရုံသက်သက်ပဲ။ အိမ်သားတွေအားလုံး ရှိမရှိကိုတော့ ဘာမှမမေး သွားဘူး”ဟု ဆိုသည်။

ယခုလို လူဦးရေစာရင်း လာရောက်ကောက်ခံခြင်းကို သြဂုတ်လကုန်ပိုင်းကစ၍ သက်ဆိုင်ရာ အာဏာပိုင်များက စတင်လုပ် ဆောင်ခဲ့ခြင်းဖြစ်ပြီး ပြည်နယ်နှင့် တိုင်းအသီးသီးတွင်ရှိသည့် လူဦးရေစာရင်းများကို ၂၀၁၀ ရွေးကောက်ပွဲမတိုင်မီ နေပြည် တော်သို့ ပို့ဆောင်ရန်ဖြစ်သည်ဟုလည်း ပြောဆိုနေကြသည်။

mail မှလာသောစာတစ်စောင်

Serious Thinking


2009/9/27 ရက်စွဲနဲ့ စာဖတ်သူတဦးရဲ့ အကြံပြုချက်ကို အခြေပြုပြီးဆွေးနွေးတင်ပြလိုက်

ပါတယ်။ အမည်နဲ့ email လိပ်စာကိုတော့ လျှို့ဝှက်ထားပါတယ်။

စာဖတ်သူတဦးထံမှ အကြံပြုစာ

"ကျွန်တော်တို့ တိုင်းပြည်မှာ အင်ဂျင်နီယာတွေ၊ Scientists တွေ၊ ရူပဗေဒပညာရှင်တွေ ပိုလိုအပ်နေပါတယ်။
ဒါပေမယ့်ဆရာဝန်တွေသာဖြစ်ချင်တဲ့သူများနေတာတော့ ၀မ်းနည်းစရာပါ။ စာတော်ရင် ဆရာဝန်ဖြစ်ရမယ် ဆိုတဲ့ အယူအဆမှားကြီးကလည်းလူတိုင်းမှာ ရှိနေတာတော့မကောင်းဘူးဗျာ။
အရည်အချင်းရှိတဲ့ ပညာရှင်တွေပေါ်ထွက်လာကြပါစေဗျာ။ ဒီလို မေးတွေပို့မဲ့အစား လူတွေကို ပညာပေးနိုင်တဲ့မေးလ် မျိုးပို့ကြပါလား။"

Serious Thinking မှ ပြန်ကြားချက်

အကြံပေးတာကျေးဇူးတင်ပါတယ်။ ပညာပေးနဲ့ ပတ်သက်ပြီး မြန်မာပြည်သူအများစုအကျိုးရှိမယ့် ဘယ်လိုအကြောင်းအရာမျိုးပို့သင့်တယ်ဆိုတာ
အကြံပေးစေချင်ပါတယ်။ ကြိုးစားပြီးတင်ပြသွားပါ့မယ်။ အချိန်အခက်အခဲကြောင့် လူနည်းစုဘဲ အကျိုးရှိမယ့် နည်းပညာပိုင်းဆိုင်ရာမျိုးကိုတော့ မတင်ပြနိုင်တာ နားလည်ပေးစေချင်ပါတယ်။

လူကြီးမင်းရဲ့ ယူဆချက်ဖြစ်တဲ့ ပညာရှင်တွေလိုအပ်နေတယ် ဆိုတာကို အားလုံးက သဘောတူကြမှာပါ။ စာတော်သူတိုင်းဆရာဝန်သာဖြစ်ရမယ်ဆိုတဲ့ အယူအဆကိုလဲ လူကြီးမင်းလိုဘဲ ကျွန်တော်တို့လဲလက်မခံပါဘူး။ ဒါပေမယ့် ဒီပြဿနာနှစ်ခုစလုံးရဲ့ အရင်းအမြစ်ကိုတော့ တူးဆွကြည့်ဖို့လိုပါပြီ။ ပြီးရင်လဲ တိုင်းပြည်အတွက် ၀ိုင်းဝန်းအဖြေရှာကြဖို့ တိုက်တွန်းချင်ပါတယ်။ တိုင်းပြည်ကောင်းမှ အားလုံးသာတူညီမျှကောင်းစားကြမှာပါ။ လွယ်ကူတဲ့အဖြေမရှိဘူး ဆိုတာတော့ ကြိုပြောထားပါရစေ။

မြန်မာပြည်မှာ ဒီလိုပညာရှင်တွေ မရှိတာမဟုတ်ပါဘူး။ ထူးချွန်တဲ့ မြန်မာပြည်ဖွား ပညာရှင်တွေ နိုင်ငံတကာမှာ ပြန့်ကျဲနေပါတယ်။ အမေရိကန်ရဲ့ နာမည်ကျော် CDC ဓါတ်ခွဲခန်း, ဆွစ်ဇလန် ဂျီနီဗာက WHO ကမ္ဘာ့ကျန်းမာရေးအဖွဲ့ချူပ်၊ ကုလသမဂ္ဂရုံးချုပ်၊ ကမ္ဘကျော်တက္ကသိုလ်ကြီးတွေမှာ တာဝန်ထမ်းဆောင်နေတဲ့ မြန်မာပညာရှင်တွေ။ .... အာရှ၊ ဥရောပ၊ အမေရိက၊ သြစတြေးလျ တိုက်ကြီးတွေရဲ့ နိုင်ငံပေါင်းစုံမှာ အောင်မြင်နေတဲ့ မြန်မာ ရူပဗေဒပညာရှင်တွေ၊ အင်ဂျင်နီယာတွေ၊ ဆရာဝန်တွေ၊ ဓါတုဗေဒပညာရှင်တွေ၊ သိပ္ပံပညာရှင်တွေ၊ စီးပွားရေးပညာရှင်တွေ တော်တော်များနေပါပြီ။ သူတို့ထဲမှာ အသက် ၇၀ ကျော် အရွယ် ကနေ မနေ့တနေ့က ကျောင်းဆင်းခဲ့တဲ့ ပညာရှင်အထိတွေ့ရပါတယ်။ ဘာကြောင့်သူတို့ပြည်ပထွက်လာကြတာလဲ။ တိုင်းပြည်ကို မချစ်ဘူးလို့ ပစ်စလက်ခတ် မစွပ်စွဲလိုက်ပါနဲ့။ တိုင်းပြည်ကချစ်တာကို မခံရလို့ဆိုရင် ပိုမှန်ပါလိမ့်မယ်။

တချို့က ပညာကို အာဏာလောက်၊ ဥစ္စာလောက် တန်ဖိုးထားမခံရဘူး။ ဆရာဝန်တယောက်၊ အင်ဂျင်နီယာတယောက်၊ စီးပွားရေးပညာရှင်တယောက်၊ သိပ္ပံပညာရှင်တယောက်ဟာ မြန်မာပြည်မှာ ထိုက်တန်တဲ့ ချီးမြှင့်မှု၊ လေးစားမှု၊ တန်ဖိုးထားမှု ရဖို့ခဲယဉ်းနေပါပြီ။ အာဏာပိုင်အဖွဲ့အစည်းကအစ အရပ်ထဲကသာမန်လူအဆုံး ပညာရှင်တွေကို အကျင့်ပျက်လာဘ်စား (corrupt) တဲ့ စစ်ဗိုလ်တယောက်လောက်၊ အကောက်ခွန်ဝန်ထမ်းလောက်၊
ဓါတ်ဆီဆိုင်ဝန်ထမ်းလောက် အထင်မကြီးကြတော့ဘူး။ လူအများက ငွေနဲ့ အာဏာကိုပဲ ကြည့်ပြီးချီးမွမ်းအားကျနေကြတာ ၀မ်းနည်းစရာအဖြစ်မှန်ပါ။

ပညာမတတ်တဲ့ လူလည်ဖျံကျ ၀ိသမသမားတွေက တိုက်ဆောက်ကားစီး ဘီယာသောက်နေတဲ့ အချိန်မှာ တသက်လုံးကြိုးစားလာရတဲ့ ပညာရှင်တွေက ဘတ်စ်ကားတိုးစီးနေရတယ်။ တချို့ဆရာဝန်လေးတွေဆို အစိုးရပေးတဲ့ တလ ၈၀၀၀၀ နဲ့ မလောက်လို့ ညနေဘက်မှာ ဆေးခန်းကို ပြေးပြီးငွေရှာနေရတယ်။ လုပ်သက်နှစ် ၂၀ လောက်ရှိတဲ့ ကျောင်းအုပ်ကြီးတဦးရဲ့လခဟာ မနေ့ကကျောင်းဆင်းတဲ့ စစ်တိုက်စရာမလိုတဲ့
ဗိုလ်တယောက်ရဲ့ လခထက်နည်းပါတယ်။ တခြားအခွင့်အရေးတွေကလည်း အပြတ်အသတ်ကွာပါတယ်။ ဒါတင်ပဲလား။ မပြီးသေးပါဘူး။

လုပ်ငန်းခွင်ထဲမှာ ကြည့်ပါ။ အတွေ့အကြုံရင့် ပညာရှင်တွေက အောက်ပိုင်းရာထူး၊ ဒီပညာတွေကို လုံးစေ့ပတ်စေ့နားမလည်တဲ့ စစ်ဗိုလ်တွေက ထိပ်ပိုင်းနေရာတွေမှာ ။ ဒီပညာရှင်တွေရဲ့ အတတ်ပညာကိုလည်း အသုံးချဖို့ စီမံကိန်းတွေက မရှိ။ စီးပွားရေးစီမံခန့်ခွဲမှုညံ့ဖျင်းမှုကြောင့် တိုင်းပြည်စီးပွားရေးကလဲ အရှိန်အဟုန်နဲ့ တရစပ်ထိုးကျနေပါတယ်။ ဒီတော့ပညာရှင်တွေအတွက် ထိုက်တန်တဲ့ အလုပ်အကိုင်တွေကမရှိ။

ဒီလောက်ဆိုရင် ပညာရှင်တွေလိုအပ်နေတယ်ဆိုတဲ့ ပထမပြဿနာရဲ့အရင်းအမြစ်ကို မြင်နိုင်လောက်ပြီထင်ပါတယ်။

လူကြီးမင်းရဲ့ ဒုတိယအချက်ကို ဆက်ဆွေးနွေးပါမယ်။

စာတော်တဲ့သူတွေကို မိဘတွေက ဆရာဝန်အင်ဂျင်နီယာပဲ ဖြစ်စေချင်နေကြတယ်။ ဘာကြောင့်လဲ။ အဖြေက ရိုးရိုးလေးပါ။ လူတွေဟာ မိမိဘ၀တိုးတက်ဖြစ်ထွန်းချင်လို့ အပင်ပန်းခံ၊ ငွေကုန်အချိန်ကုန်ခံပြီး ပညာသင်ကြတာပါ။ ကြိုးစားမှုအတွက် ဆုလာဘ် (Incentives) ကို လူတိုင်းလိုချင်ကြပါတယ်။ ဆရာဝန်အင်ဂျင်နီယာပညာရပ်တွေနဲ့ ပြည်တွင်းမှာ အခြေအနေမကောင်းရင်ပြည်ပမှာ အလုပ်ရှာရလွယ်တယ်၊ ၀င်ငွေကောင်းတယ်။

သင်ကြားရေးစနစ်ကို လည်းကြည့်ပါဦး။ လူကြီးမင်းပြောတဲ့ ရူပဗေဒ၊ ဓါတုဗေဒ၊ သိပ္ပံပညာရပ်တွေကို စာရွက်ပေါ်မှာတောင် ကောင်းကောင်းသင်ဖို့
အခြေအနေမရှိတော့ပါဘူး။ ဓါတ်ခွဲခန်းခေါ်တဲ့ Laboratory ဆိုတာအဝေးကြီးမှာကျန်နေခဲ့ပါပြီ။ ပို့ချမယ့်ဆရာအများစုလည်း ဘ၀ရှေ့ရေးအတွက်
နိုင်ငံခြားထွက်ကုန်ကြပါပြီ။ ရှေ့ကပညာရှင်တွေ ရုန်းကန်နေရတာကို မြင်နေတဲ့ လူငယ်တွေက ပညာတတ်ချင်စိတ်ပေါ်လာမလား၊ အကျင့်ပျက် လာဘ်စားချင်စိတ်ပေါ်လာမလား ...... စဉ်းစားလို့ရပါတယ်။

အရည်အချင်းရှိတဲ့ ပညာရှင်တွေပေါ်လာစေချင်ရင် သူတို့အတွက် ကောင်းမွန်သင့်တော်တဲ့ အသိုင်းအ၀ိုင်း (rewarding environment) ဖန်တီးဖို့လိုပါတယ်။ ပန်းမရှိတဲ့ ကန္တာရမှာ လိပ်ပြာလာနားမှာမဟုတ်ပါဘူး။

တိုင်းပြည်မှာ စနစ်က အကြီးအကျယ်မှားနေပြီး၊ အများစုက အမှားကို နားမလည်တာဟာ အဓိကပြဿနာပါ။ ဖြစ်သင့်တာကို သိကြပြီး ကိုယ့်အနီးအနားဝန်းကျင်ကို ပြုပြင်ချင်စိတ်လေးပေါ်လာအောင် ကျွန်တော်တို့ ဒီ mail တွေ အပင်ပန်းခံပြီး အန္တရာယ်ကြားက ဖြန့်ဝေနေတာပါ။ ဒါဟာလဲ ပညာပေးတာပါပဲ။ ဒီအတွက် ဘယ်သူ့ဆီကမှ ဘာအခွင့်အရေးမှ မရပါဘူး။ ကိုယ့်ပြည်သူတွေကို အမြင်ကျယ်စေချင်လို့၊ တိုးတက်စေချင်လို့ပါ။ မြန်မာတွေ မျက်စိပွင့်ကြဖို့ကောင်းပါပြီ။ ကိုရီးယားကားလေးကြည့်၊ ဘီယာလေးမူး၊ ဘောပွဲလေးလောင်း၊ နှစ်လုံးထီလေးထိုး၊ ကိုယ့်ဝမ်းစာလေးပဲရှာပြီး ချောင်သလိုနေမယ် ဆိုရင်တော့ နောင်လာနောက်သားတွေအတွက် တိုင်းပြည်အပျက်ကြီးကိုပဲ အမွေချန်ခဲ့ရမှာပါ။

တိုင်းပြည်အတွက်အရေးပါတဲ့ ဒီကိစ္စတွေကို လူတိုင်းသိထားသင့်ပါတယ်။ နိုင်ငံရေးဆိုတာ လမ်းပေါ်ထွက်ပြီးဆန္ဒပြမှ မဟုတ်ပါဘူး။
ကိုယ့်ပတ်ဝန်းကျင်အသိုင်းအ၀ိုင်းအတွက် ကိုယ့်အနားမှာ တတ်စွမ်းသမျှတာဝန်ယူပြီး ကောင်းအောင်ပြုပြင်တာ နိုင်ငံရေးပါပဲ။ ဒါဗိုလ်ချုပ်ပြောခဲ့တဲ့ စကားပါ။ အလွန်အဓိပ္ပါယ်ရှိပါတယ်။

နိုင်ငံတကာမှာ management, public administration, psychology စတဲ့ အဆင့်မြင့်ပညာရပ်တွေမှာ ဒီအတွေးအခေါ်တွေကို အလေးထား သင်ကြားပါတယ်။
ကျွန်တော်တို့လူမျိုးတွေရော မသိသင့်ဘူးလား။



--
We need justice, peace and equity. Are you part of the problem or part of
the solution?
Serious Thinking

တစ်လပြည့်အခြေခံကွန်ပြူတာသင်တန်းဆင်းပွဲ

တစ်လပြည့်အခြေခံကွန်ပြူတာသင်တန်းဆင်းပွဲအခမ်းအနား


အောက်တိုဘာလ(၄)ရက်၂၀၀၉ ခုနှစ်တွင် OKRSO ရုံးတည်ရှိရာဘန်ကောက်တွင် စက်တင်ဘာလမှအောက်တိုဘာလထိ ကွန်ပြူတာတက်ရောက်သင်ကြားသော ကျောင်းသူ၊ကျောင်းသားများအတွက်သင်တန်းဆင်းပွဲတစ်ရပ်ကိုကျင်းပပြု
တာဖြစ်ပါတယ်။

အဆိုပါသင်တန်းဆင်းပွဲကို သင်တန်းသား၊သင်တန်းသူများ၊ ကွန်ပြူတာသင်ကြားပေးသော ဆရာ၊ဆရာများ OKRSO အဖွဲ့ ဝင်များနှင့် ပညာရေးတာဝန်ခံများ၊ကရင်စာပေနှင့်ယဉ်ကျေးမှုအဖွဲ့ ဝင်များ အသီးသီးတက်ရောက်ခဲ့ကြပါတယ်။


သင်းတန်းဆင်းပွဲရဲ့လှုပ်ရှားမှု ဓာတ်ပုံများအောက်မှာကြည့်လို့  ရပါတယ်။

အဝေးရောက်မိသားစုအဖွဲ့ ဝင်များလည်း လို အပ်သောအကြံဥာဏ်များလည်းပေးနိုင်တယ်။


















အခမ်းအနားမှုး နန်းဖြူဖြူမှအခမ်းအနားအစီအစဉ်ဖတ်ကြားခြင်း
















OKRSO chairman မှအဖွင့် မိန့် ခွန်းပြောကြားခြင်း


















English စာသင်ကြားပေးသောMr.Richard မှမိန့် ခွန်းပြောကြားခြင်း



















Computer သင်ကြားပေးသောဆရာစောထူးမှမိန့် ခွန်းပြောကြားခြင်း



















ကွန်ပြူတာသင်ကြားပေးသောဆရာမမှမိန့် ခွန်းပြောကြားခြင်း
















ကွန်ပြူတာကျောင်းသားမန်းကျော်ဌေး မှ ဆရာ၊ဆရာမများက
ိုကျေးဇူးတင်စကားပြောကြားခြင်း














Englishစာသင်ကြားပေးသောဆရာကိုနန်းအိဖြိုးမှ
ကျေးဇူးတင်စကားပြောကြားခြင်း