ထိုင်း သို့ ခိုးဝင်သည့် မြန်မာ ၅၂ ဦး အဖမ်းခံရ

ထိုင်းနိုင်ငံ တောင်ပိုင်း ဖူးကက်မြို့သို့ အလုပ်သွားလုပ်ရန် ကြိုးစားခဲ့သော တရားမ၀င် မြန်မာနိုင်ငံသား ၅၂ ဦးကို ထိုင်း အာဏာပိုင် များက ယနေ့ နံနက်တွင် ဖမ်းဆီးလိုက်ကြောင်း သိရသည်။ 

ယနေ့ နံနက်တွင် ဖမ်းဆီးခံခဲ့ရသူများ(ဓာတ်ပုံ - krobkruakao.com)

ယင်းမြန်မာနိုင်ငံသားများသည် ရနောင်းမြို့မှ ဖူးကက်သို့ သွားမည့် ၁၀ ဘီးကားထဲတွင် ပုန်းအောင်း လိုက်ပါခဲ့ရာမှ စစ်ဆေးရေး ဂိတ်တွင် အာဏာပိုင်များ၏ ဖမ်းဆီးမှုကို ခံခဲ့ရခြင်း ဖြစ်သည်။

အဖမ်းခံရသူများသည် မိသားစုလိုက်ဖြစ်ပြီး ကလေးများပါ အဖမ်းခံရကြောင်း ၎င်းတို့ကို ထိန်းသိမ်းထားသော ချုံဖော်မြို့နယ်ရှိ ဖလာတို့ ရဲစခန်းမှ တာဝန်ကျ ရဲတဦးက ဧရာဝတီသို့ ပြောသည်။

အဖမ်းခံရသူများ အားလုံးကို ရဲစခန်းတွင် ခေတ္တ ထိန်းသိမ်းထားပြီး မြို့နယ် တရားရုံးကို ပို့ဆောင်မည်ဖြစ်ကြောင်း၊ အဖမ်းခံရ သူ များထဲတွင် အသက် ၁ နှစ်မှ ၁၅ နှစ်အရွယ် ကလေးများလည်း ပါဝင်ကြောင်း၊ ကားမောင်း သမားမှာမူ ထွက်ပြေးလွတ်မြောက် သွားကြောင်း ၎င်း ရဲက ဆိုသည်။

ယခု အဖမ်းခံရသူများသည် ထိုင်းတရား ဥပဒေအရ အရေးယူခံရဖွယ် ရှိကြောင်း သိရသည်။

ပြီးခဲ့သည့် ဇွန်လ ၂ ရက်နေ့က ထိုင်း ၀န်ကြီးချုပ် အဖိဆစ် ဝေ့ချာချီဝက ထိုင်းနိုင်ငံသို့ နည်းမျိုးစုံဖြင့် တရားမ၀င် လာရောက် လုပ် ကိုင်နေသော ရွှေ့ပြောင်း အလုပ်သမား အရေးနှင့် ပတ်သက်၍ “နှိမ်နင်း ရေး၊ ဖမ်းဆီးရေးနှင့် တရားစွဲဆိုရေး အထူးဌာန” ဖွင့်လှစ် ရန် ညွှန်ကြားချက်ကို လက်မှတ်ရေးထိုးထားသည်။

လွန်ခဲ့သည့် ၂၀၀၉ ခုနှစ် ဧပြီလလယ်တွင် ထိုင်းနှင့် မြန်မာ လူကုန်ကူးမှု ပူးပေါင်း တိုက်ဖျက်ရေး နားလည်မှု စာချွန်လွှာကို နှစ်နိုင်ငံ တာဝန်ရှိသူများက လက်မှတ် ရေးထိုး ခဲ့သည်။

ယင်း လက်မှတ် ရေးထိုးပွဲသို့ မြန်မာ ဘက်က လူကုန်ကူးမှု တားဆီး ကာကွယ်ရေး ဗဟိုအဖွဲ့ ဥက္ကဌ ပြည်ထဲရေး ၀န်ကြီးဌာန ၀န် ကြီး ဗိုလ်ချုပ် မောင်ဦး တက်ရောက်၍ ထိုင်းနိုင်ငံ လူမှု ဝန်ထမ်းနှင့် လူမှုဖွံ့ဖြိုးရေး ဝန်ကြီးဌာန ဝန်ကြီး Mr. Issara Somchai တို့ တက်ရောက် ခဲ့ကြောင်း သိရသည်။

ထိုင်းနိုင်ငံ တောင်ပိုင်းရှိ ဖန်ငခရိုင် နှင့် တခြားခရိုင်များတွင် မြန်မာပြည်သား အလုပ်သမား တသန်းခန့် အလုပ် လုပ်ကိုင်လျက်ရှိ သည်ဟု အလုပ်သမား အရေး ဆောင်ရွက် နေသော အဖွဲ့များက ပြောသည်။


သန်းထိုက်ဦး

ဘန်ကောက်တွင် ပေါက်ကွဲမှုဖြစ်၊ မြန်မာ ၆ ဦး ဒဏ်ရာရ

ထိုင်းနိုင်ငံ ဘန်ကောက်မြို့ရှိ လုပ်ငန်းခွင် တခုတွင် ယမန်နေ့က ပေါက်ကွဲမှု ဖြစ်ပွားခဲ့ရာ မြန်မာ အလုပ်သမား ၆ ဦး ဒဏ်ရာရရှိခဲ့ကြောင်း ထိုင်းသတင်းများက ဖော်ပြသည်။

ယမန်နေ့က“ဖလွတ် ၂၀၀၈ ပစ္စည်းဟောင်းများ ရောင်းဝယ်ရေး ကုမ္ပဏီ” လုပ်ငန်းခွင်အတွင်း ပေါက်ကွဲမှု ဖြစ်ပွားစဉ် (ဓာတ်ပုံ - news.sanook.com)

ယင်း ပေါက်ကွဲမှုသည် စမွတ် ပရာကန် မြို့နယ် အတွင်းရှိ“ဖလွတ် ၂၀၀၈ ပစ္စည်းဟောင်းများ ရောင်းဝယ်ရေး ကုမ္ပဏီ” လုပ် ငန်းခွင်၌ အလုပ်လုပ်နေစဉ် ဖြစ်ပွားခဲ့ခြင်း ဖြစ်ကြောင်း ထိုင်းနိုင်ငံ အမှတ် ၇ ရုပ်မြင်သံကြားလိုင်းက ယမန်နေ့ ညက ထုတ် လွှင့်သွားသည်။

ထိုင်း ရဲများ၏ သုံးသပ်ချက်အရ သတ္တု ပစ္စည်းဟောင်းများကို စက်ဖြင့် ဘလောက်တုံးများ ပြုလုပ်ရာတွင် ဂက်(စ်) ဘူးများ ပါဝင်နေသောကြောင့် ယခုကဲ့သို့ ပေါက်ကွဲခြင်း ဖြစ်သည်ဟု သတင်းက ဆိုသည်။

ပေါက်ကွဲမှုကြောင့် ဒဏ်ရရရှိခဲ့သော မြန်မာ အလုပ်သမားများကို ယင်းမြို့နယ်ရှိ Bang Na 5 ဆေးရုံသို့ ပို့ဆောင်ထားကြောင်း သိရသည်။

ဒဏ်ရာရရှိသူများ၏ အခြေအနေများ သိရှိနိုင်ရန် ၎င်းဆေးရုံသို့ စုံစမ်းမေးမြန်းခဲ့ရာ ဆရာဝန်ကြီး၏ ခွင့်ပြုချက်ဖြင့် ယနေ့ပင် ဆေးရုံမှ ဆင်းသွားကြကြောင်း တာဝန်ကျ ဆေးရုံဝန်ထမ်းတဦးက ပြန်လည် ဖြေကြားခဲ့သည်။

ထိုသို့ အလုပ်သမားများ ထိခိုက်ဒဏ်ရာ ရရှိခဲ့သောကြောင့် လုပ်ငန်းပိုင်ရှင်သည် ဥပဒေအရ လုပ်ငန်းခွင် ပေါ့ဆမှုဖြင့် တရား ရင်ဆိုင်ရဖွယ် ရှိကြောင်းလည်း သိရသည်။

“ရဲက တရားစွဲမယ်ဆိုရင် အလုပ်ရှင်အစအဆုံး ဝန်ခံရလိမ့်မယ်၊ လုပ်ငန်းခွင် အန္တရာယ်ကင်းရှင်းရေး၊ လုံလောက်တဲ့ လမ်းညွှန် သင်ကြားမှု၊ လုပ်ငန်းခွင်နှင့် ဘေးပတ်ဝန်းကျင် လုံခြုံမှုကို ပေါ့လျှော့မှုတို့ စတဲ့ စွဲချက်တွေကို ရင်ဆိုင်ဖြေရှင်း ရနိုင်တယ်”ဟု ပြည်ထောင်စု မြန်မာနိုင်ငံ အမျိုးသား ညွန့်ပေါင်း အစိုးရအဖွဲ့မှ အလုပ်သမားရေးရာ တာဝန်ခံ ကိုသက်ခိုင်က ဧရာဝတီသို့ ပြောသည်။ 

ယခုပေါက်ကွဲမှု ဖြစ်ပွားခဲ့သည့် လုပ်ငန်းပိုင်ရှင်သည် သတ္တု ပစ္စည်းမျိုးစုံကို လိုက်လံဝယ်ယူကာ ဘလောက်တုံးများ ပြန်လည်ပြု လုပ် ၍ ထိုင်ဝမ် နိုင်ငံရှိ စက်ရုံကြီးများသို့ တဆင့် ပေးပို့နေကြောင်း သိရသည်။ 

သန်းထိုက်ဦး

ဆန္ဒပြ မြန်မာအလုပ်သမားတွေ တောင်းဆိုချက် အပြည့်ရသွားပြီ

မန်မာနိုင်ငံက အလုပ်သမားတွေရဲ့ ယာယီ နိုင်ငံကူး စာအုပ်တွေကို အလုပ်သမားတွေကို ပြန်ပေးရေး၊ လုပ်ငန်းခွင် ထိခိုက်မှုတွေအတွက် နစ်နာကြေး ရရှိရေးနဲ့ အလုပ်သမား အခွင့်အရေး အပြည့်အ၀ ရရှိနိုင်ရေး စတဲ့ တောင်းဆိုမှုတွေနဲ့ သီတင်းတပတ်လောက် ကြာအောင် ဆန္ဒပြနေကြတဲ့ ဒေချာဖန်းနစ် ငါးဖမ်းပိုက် စက်ရုံက မြန်မာအလုပ်သမားတွေရဲ့ တောင်းဆိုချက်တွေကို အလုပ်ရှင်တွေက အခုတော့ လိုက်လျောလိုက်ပါပြီ။ ဆန္ဒပြနေတဲ့ အလုပ်သမား ၁,၀၀၀ နီးပါး ဒီနေ့ စက်တင်ဘာ ၁၅ ရက်နေ့ကစပြီး အလုပ်ပြန်ဆင်းကြတော့မှာ ဖြစ်ပါတယ်။ အပြည့်အစုံကို မအေးအေးမာက တင်ပြပေးထားပါတယ်။
ခွန်ကယ်မြို့က မြန်မာအလုပ်သမား ၂,၀၀၀ ကျော် အလုပ်လုပ်နေတဲ့ ငါးဖမ်းပိုက်စက်ရုံက အလုပ်သမားတွေဟာ အလုပ်သမား ၆ ဦးကို အကြောင်းမဲ့ ထုတ်ပယ်ခဲ့တာကနေစလို့ သူတို့ရဲ့ ပတ်စ်ပို့များ မိမိလက်ဝယ် ပြန်ရရေးအတွက် တောင်းဆို ဆန္ဒပြခဲ့ကြတာ ဖြစ်ပါတယ်။
၇ ရက်ကြာ ငြိမ်းချမ်းစွာ ဆန္ဒပြကြတဲ့ အလုပ်သမားအရေးနဲ့ ပတ်သက်ပြီး ထိုင်းလူ့အခွင့်အရေး ကော်မရှင်နဲ့ ထိုင်းရှေ့နေများ ကောင်စီက ပူးပေါင်းပြီး ဒေသခံ အာဏာပိုင်တွေ၊ ရွှေ့ပြောင်း အလုပ်သမားအရေး လုပ်နေတဲ့ အစိုးရမဟုတ်တဲ့ အဖွဲ့တွေ စုပေါင်းပြီး အလုပ်ရှင်ကို အလုပ်သမားတွေ တောင်းဆိုချက် လိုက်လျောဖို့ ဖိအားပေးခဲ့ပြီးနောက် စက်တင်ဘာလ ၁၄ ရက်နေ့မှာတော့ အလုပ်ရှင်ဘက်က လိုက်လျောမှုတွေ လုပ်ခဲ့ကြောင်း ရွှေ့ပြောင်း အလုပ်သမားအရေး လုပ်နေတဲ့ မက်ဖောင်ဒေးရှင်းက ကိုယ်စားလှယ် ကိုဟန်က အခုလို ပြောပါတယ်။
“Human Rights Commission ကနေပြီးတော့ Thai Lawyers Council နဲ့ ပေါင်းပြီးတော့ သူဌေးကို တောင်းဆိုချက် တင်ပြတာပေါ့၊ ဒီနေ့။ သူတို့ရဲ့ တောင်းဆိုချက် ၃ ချက်ကတော့ ပတ်စ်ပို့ရယ်၊ စာရွက်စာတမ်းတွေ အကုန်လုံး သူတို့ဆီမှာ ရထားချင်တယ်ဆိုတဲ့ အချက်၊ သူဌေးကတော့ သူပေးမယ်ပေါ့၊ ဒီအပတ် သောကြာနေ့ နောက်ဆုံးထားပြီး အလုပ်သမားတွေ အကုန်လုံးကို ပေးမယ်။ ဘတ်သမားရော၊ ပတ်စ်ပို့ကိုင်တဲ့ အလုပ်သမားရော အကုန်လုံးပေးမယ်လို့ ပြောတယ်။ စာချုပ်ရေးခဲ့တာပေါ့။
“သူဌေးက သူပြောတာပဲ၊ တကယ်လို့ ပတ်စ်ပို့တွေ၊ စာရွက်စာတမ်းတွေ အကုန် အလုပ်သမားဆီမှာ ထားမယ်ဆိုရင် ဘာမှ တာဝန်မယူပေးဘူးပေါ့။ ဥပမာ ပျောက်သွားတာတို့၊ ပျက်သွားတာတို့၊ ပတ်စ်ပို့ကိုင်တဲ့ အလုပ်သမားတွေက ပတ်စ်ပို့ကိုင်ပြီဆိုရင် ရက် ၉၀ ပြည့်တိုင်း သွားပြီး အကြောင်းကြားတာပေါ့၊ လ၀ကရုံးဆီမှာ။ အဲဒါကတော့ ၃ လတိုင်း သွားရမှာပေါ့၊ အလုပ်သမားတွေက။ အဲဒီ အကြောင်းကြားတဲ့ဟာလည်း သူ တာဝန်မယူပေးဘူးပေါ့။”
အရင်က ထိုင်းအလုပ်သမားတွေနဲ့ လုပ်အားခ တန်းတူမရ၊ အချိန်ပို လုပ်အားပေးနေရတဲ့ မြန်မာအလုပ်သမားတွေ အနေနဲ့ အခုအခါမှာ တန်းတူ အခွင့်အရေးရဖို့ အလုပ်ရှင်ဘက်က သဘောတူလိုက်ပြီ ဖြစ်ပါတယ်။
“လုပ်အားခနဲ့ ပတ်သက်ပြီး ထိုင်းအလုပ်သမားနဲ့ တန်းတူ လခရမယ်ဆိုတဲ့ အကြောင်း၊ ပြီးတော့ တချိန်တည်းမှာပဲ ထိုင်းနိုင်ငံရဲ့ အလုပ်သမား ဥပဒေအရ သူ လစာပေးမယ်ပေါ့။ ဒီ ခွန်ကယ်မြို့ဆို တနေ့ကို ၁၅၇ ဘတ် ရရမှာ။ အဲဒါလည်း တရားဥပဒေအတိုင်း သူ လိုက်လုပ်ပေးမယ်ပေါ့။ ဆန္ဒပြတဲ့ အလုပ်သမားတွေ အားလုံးကို တရားမစွဲဘူး၊ ၃ ရက်ဆက်တိုက် အလုပ်မဆင်းတဲ့အတွက် သူ တရားမစွဲဘူး၊ အရေးမယူဘူးဆိုတဲ့ သဘောမျိုးပေါ့။ ပြီးတော့ အလုပ်သမားတွေ အားလုံး မနက်ဖြန်ကစပြီးတော့ အလုပ်ဆင်းရမယ်ဆိုတဲ့ သဘောတူညီချက်ပေါ့။”
အလုပ်ရှင်ကတော့ သူ့ဘက်ကလည်း တောင်းဆိုချက်တွေ လုပ်ရာမှာ အလုပ်သမားတွေ အနေနဲ့ အလုပ်ချိန်မှာ ဖုန်းမပြောဖို့၊ အချိန်မှန် အလုပ်လုပ်ဖို့ စတာတွေ ပြောဆိုပြီး ထိုင်း၊ မြန်မာ နှစ်ဘာသာနဲ့ သဘောတူ စာချုပ်တွေကို စက်ရုံမှာ ကပ်ထားမယ်လို့ ဆိုပါတယ်။ အလုပ်သမားတွေကတော့ အခုလို သူတို့ရဲ့ တောင်းဆိုမှုတွေ အောင်မြင်တဲ့အတွက် ၀မ်းသာ ကျေးဇူတင်ကြောင်း ပြောဆိုပါတယ်။
“အခုလိုမျိုး အဖွဲ့အစည်း အသီးသီးက လာရောက် ၀ိုင်းဝန်း ဖြေရှင်းပေးတဲ့အတွက်၊ ထိုင်းအာဏာပိုင်တွေရော အကုန်လုံး စုပေါင်းညီညာ လာရောက် ဖြေရှင်းပေးတဲ့အတွက် ကျနော်တို့ အလုပ်သမားအဖွဲ့က အထူးကျေးဇူးတင်ကြောင်းပေါ့။ မနက်ဖြန်ဆိုရင်တော့ ကျနော်တို့ ညဆိုင်းဆို ညဆိုင်း၊ နေ့ဆိုင်းဆို နေ့ဆိုင်း အလုပ်ပြန်ဆင်းရမယ်။”
အခုလိုမျိုး ထိုင်းအလုပ်ရှင်ဘက်က ကျေကျေနပ်နပ် လိုက်လျောမှု လုပ်တာဟာ ထိုင်းနိုင်ငံမှာတော့ ပထမဦးဆုံးအကြိမ် ဖြစ်ပြီး ပတ်စပို့ ကိုင်ခွင့်ပေးမယ် ဆိုတာတွေ၊ ထိုင်းတွေနဲ့ တန်းတူ လုပ်အားခတွေ ပေးမယ်ဆိုတာတွေဟာ ထူးခြားမှုတွေလည်း ဖြစ်ပါတယ်။ မြန်မာအလုပ်သမားတွေ အတွက် အလုပ်လုပ်ခွင့် ကတ်တွေ၊ ပတ်စ်ပို့တွေ ကိုင်ဆောင်ရတော့မှာ ဖြစ်တဲ့အတွက် အရင်တုန်းက မရဘူးတဲ့ အခွင့်အရေးကို ရရှိတော့မှာ ဖြစ်ပါတယ်။ မနက်ဖြန်မှာတော့ အလုပ်သမားတွေက လုပ်ငန်းခွင်ကို ပြန်ဆင်းတော့မှာလည်း ဖြစ်ပါတယ်။
အလုပ်ထုတ်ခံရတဲ့ အလုပ်သမားတွေက သူတို့ရဲ့ နိုင်ငံကူးလက်မှတ် ပတ်စ်ပို့တွေကို ပြန်တောင်းတာကနေ နောက်ဆက်တွဲအဖြစ် အလုပ်ရှင်က ပတ်စ်ပို့တွေကို အတုလုပ်ထားတာ၊ ကပ်ခွာလို့ ခေါ်ကြတဲ့ ဓာတ်ပုံတွေ၊ နာမည်တွေ ပြောင်းပြီး အတုလုပ်၊ အလဲအလှယ်လုပ် အသုံးပြုနေတဲ့ ကိစ္စတွေ တသီတတန်း ပေါ်လာနေပြီ ဖြစ်တဲ့အတွက် ပြဿနာတွေ ဒီ့ထက်ကြီးလာမှာ စိုးတာကြောင့် အလုပ်ရှင်က လိုက်လျောလိုက်တဲ့ပုံ ရှိတယ်လို့ အလုပ်သမားအရေး လှုပ်ရှားသူတွေက သုံးသပ်ကြပါတယ်။

VOA