ယမန်နေ့က“ဖလွတ် ၂၀၀၈ ပစ္စည်းဟောင်းများ ရောင်းဝယ်ရေး ကုမ္ပဏီ” လုပ်ငန်းခွင်အတွင်း ပေါက်ကွဲမှု ဖြစ်ပွားစဉ် (ဓာတ်ပုံ - news.sanook.com)
ထိုင်း ရဲများ၏ သုံးသပ်ချက်အရ သတ္တု ပစ္စည်းဟောင်းများကို စက်ဖြင့် ဘလောက်တုံးများ ပြုလုပ်ရာတွင် ဂက်(စ်) ဘူးများ ပါဝင်နေသောကြောင့် ယခုကဲ့သို့ ပေါက်ကွဲခြင်း ဖြစ်သည်ဟု သတင်းက ဆိုသည်။
ပေါက်ကွဲမှုကြောင့် ဒဏ်ရရရှိခဲ့သော မြန်မာ အလုပ်သမားများကို ယင်းမြို့နယ်ရှိ Bang Na 5 ဆေးရုံသို့ ပို့ဆောင်ထားကြောင်း သိရသည်။
ဒဏ်ရာရရှိသူများ၏ အခြေအနေများ သိရှိနိုင်ရန် ၎င်းဆေးရုံသို့ စုံစမ်းမေးမြန်းခဲ့ရာ ဆရာဝန်ကြီး၏ ခွင့်ပြုချက်ဖြင့် ယနေ့ပင် ဆေးရုံမှ ဆင်းသွားကြကြောင်း တာဝန်ကျ ဆေးရုံဝန်ထမ်းတဦးက ပြန်လည် ဖြေကြားခဲ့သည်။
ထိုသို့ အလုပ်သမားများ ထိခိုက်ဒဏ်ရာ ရရှိခဲ့သောကြောင့် လုပ်ငန်းပိုင်ရှင်သည် ဥပဒေအရ လုပ်ငန်းခွင် ပေါ့ဆမှုဖြင့် တရား ရင်ဆိုင်ရဖွယ် ရှိကြောင်းလည်း သိရသည်။
“ရဲက တရားစွဲမယ်ဆိုရင် အလုပ်ရှင်အစအဆုံး ဝန်ခံရလိမ့်မယ်၊ လုပ်ငန်းခွင် အန္တရာယ်ကင်းရှင်းရေး၊ လုံလောက်တဲ့ လမ်းညွှန် သင်ကြားမှု၊ လုပ်ငန်းခွင်နှင့် ဘေးပတ်ဝန်းကျင် လုံခြုံမှုကို ပေါ့လျှော့မှုတို့ စတဲ့ စွဲချက်တွေကို ရင်ဆိုင်ဖြေရှင်း ရနိုင်တယ်”ဟု ပြည်ထောင်စု မြန်မာနိုင်ငံ အမျိုးသား ညွန့်ပေါင်း အစိုးရအဖွဲ့မှ အလုပ်သမားရေးရာ တာဝန်ခံ ကိုသက်ခိုင်က ဧရာဝတီသို့ ပြောသည်။
ယခုပေါက်ကွဲမှု ဖြစ်ပွားခဲ့သည့် လုပ်ငန်းပိုင်ရှင်သည် သတ္တု ပစ္စည်းမျိုးစုံကို လိုက်လံဝယ်ယူကာ ဘလောက်တုံးများ ပြန်လည်ပြု လုပ် ၍ ထိုင်ဝမ် နိုင်ငံရှိ စက်ရုံကြီးများသို့ တဆင့် ပေးပို့နေကြောင်း သိရသည်။
သန်းထိုက်ဦး
No comments:
Post a Comment