ပြည်ပရောက် မြန်မာနိုင်ငံသားများက ရေအလှူငွေ ထည့်ဝင်

ထိုင်းနှင့်မလေးရှားနိုင်ငံရောက် မြန်မာနိုင်ငံသား ကျောင်းသားကျောင်းသူများနှင့် အလုပ်သမားများက မြန်မာပြည်တွင်းမှ ရေအခက်အခဲ ဖြစ်နေသော ဒေသအချို့သို့ ရေအလှူ ပြုလုပ်နေကြသည်။

ထိုင်းနိုင်ငံတွင် ပညာသင်ကြားနေကြသော ကျောင်းသားကျောင်းသူများက ဦးဆောင်၍လည်းကောင်း၊ မလေးရှားရှိ မြန်မာပြည်သားများအရေး လုပ်ဆောင်နေသော သူများကလည်းကောင်း မြန်မာပြည်တွင်း၌ ရေအခက်အခဲဖြစ်နေသော ပဲခူးတိုင်းနှင့် ရန်ကုန်တိုင်း ဒေသအသီးသီးသို့ ရေလှူဒါန်းနိုင်ရန်အတွက် ငွေများစုပေါင်းထည့်ဝင်ကာ သက်ဆိုင်ရာ စေတနာ့ဝန်ထမ်း ဒေသခံတာဝန်ခံများမှတဆင့် ပေးပို့နေခြင်းဖြစ်သည်။

ထိုအစီအစဉ်များနှင့်ပတ်သက်၍ ထိုင်းနိုင်ငံ ABAC တက္ကသိုလ်တွင် ပညာရေး ဘာသာရပ်ဖြင့် မဟာတန်း တက်ရောက် ပညာသင်ကြားနေသော ကျောင်းသူတဦးက “နာရေးကူညီမှုအသင်းက လုပ်နေတယ်ကြားတော့ အလှုငွေများများ ပို့ပေးနိုင်ရင် နေရာတော်တော်များများကို ပံ့ပိုးပေးနိုင်မယ်လို့ တွက်မိတယ်။ ဒီတော့ ကိုယ့်ဆီကနေ ဘယ်လောက်ပဲရရ အနည်းနဲ့ အများတော့ အထောက်ကူ ဖြစ်နိုင်တယ်ဆိုပြီးတော့ ကောက်တာ” ဟု ဆိုသည်။

မလေးရှားရှိ မြန်မာပြည်သားများအရေး လုပ်ဆောင်နေပြီး ဘန်ဒါတက်ကနိုလော်ဂျီ၊ ကဂျန်းရပ်ကွက်တွင် ဦးဆောင်၍ အလှူငွေကောက်ခဲ့သူ ကိုအောင်ကိုကလည်း “မြန်မာနိုင်ငံမှာ ရေရှားပါး ပြတ်လပ်နေတာကို သိရပြီး လူတွေ ဒုက္ခရောက်နေတာကို ကူညီချင်တဲ့စိတ်ဓာတ်တခုတည်းနဲ့ ဒီအလှူငွေ ကောက်ခံရာမှာ ၀င်ရောက်ဆောင်ရွက်ခဲ့တာ ဖြစ်ပါတယ်” ဟု ပြောသည်။

မလေးရှားမှ အလှူရှင်များသည် ပြီးခဲ့သည့် ကြာသတေးနေ့မှစပြီး ဘန်ဒါတက်ကနိုလော်ဂျီကဂျန်း၊ ကွာလာလာမ်ပူမြို့၊ အမ်ပန်းရှိ ရိုဟင်ဂျာလူမှုအဖွဲ့အစည်းအတွင်းနှင့် ကလနဂျာရာရှိ မြန်မာများထံမှ အလှူငွေများ ကောက်ခံခဲ့ပြီး ယမန်နေ့က မလေးရှားငွေ ၁၉၉၃ ရင်းဂစ်နှင့်ညီမျှသည့် ကျပ်ငွေ (၆) သိန်းကို ပဲခူးဒေသတွင် ကူညီနေသူများထံ ပေးပို့လှူဒါန်းပြီး ဖြစ်ကာ၊ ထပ်မံ၍ စင်ကာပူနှင့် အခြားကွာလာလမ်ပူ အနီးတ၀ိုက်မြို့တို့တွင် ဆက်လက်အလှူခံကာ လာမည့်တနင်္ဂနွေနေ့တွင် လှူဒါန်းနိုင်ရန် ကြိုးပမ်းနေသည်ဟု သိရသည်။

ထိုင်းနိုင်ငံရောက်တက္ကသိုလ် ကျောင်းသားကျောင်းသူများထံမှ ယခုလက်ရှိ ကောက်ခံရရှိငွေမှာ မြန်မာကျပ်ငွေ (၄) သိန်းကျော်ခန့်ရရှိနေပြီး လာမည့်သောကြာနေ့တွင် ကောက်ခံရရှိသော ပထမအရစ်ငွေကို မြန်မာပြည်တွင်းရှိ ရန်ကုန်တဘက်ကမ်း ဒေသများတွင် ကွင်းဆင်းလှူဒါန်းနေသော လူငယ်အုပ်စုသို့ ပေးပို့သွားမည်ဟု ထိုင်းတက္ကသိုလ်မှ ကျောင်းသူက ပြောသည်။

၎င်းက “တတ်နိုင်သရွေ့တော့ ဆက်လုပ်သွားမယ်။ ဘာလို့လဲဆိုတော့ မြန်မာပြည်မှာက ဒုက္ခပေါင်းများစွာဖြစ်နေတာ။ အပြင်က လူတွေမှာလည်း လှူရတာတွေများလွန်းတော့ အလှူငွေ ကောက်ရတာလည်း အားနာတယ်။ ဒီတော့ အားနာနာနဲ့ပဲ ဆက်ပြီး ကောက်ရမှာပါပဲ” ဟု ဆိုသည်။

မလေးအလှူရှင်များထဲမှ တဦးဖြစ်သူ တွင်ခုံအလုပ်သမား ကိုမင်းမင်းက “ကျနော်တို့တတွေ ဒီနိုင်ငံခြားမှာ ရောက်နေပေမယ့် တိုင်းပြည်မှာ လူထု ဒုက္ခရောက်နေတာကိုသိရပြီး အခုလို ဦးဆောင် ကောက်ခံသူတွေရှိတော့ လှူရတဲ့ကျနော်တို့အတွက် အဆင်ပြေသွားတယ်။ မဟုတ်ရင် ငွေလေး ရင်းဂစ် (၅၀၊ ၁၀၀) နဲ့ ဘယ်လိုလွှဲပြီးလှူမလဲ” ဟု ပြောသည်။

ထိုင်းနိုင်ငံ တမ္မာဆတ်တက္ကသိုလ်တွင် မဟာတန်း တက်ရောက်သင်ယူနေသော အလှူရှင် ကျောင်းသူတဦးက “ရေဆိုတာ လူရဲ့အသက်ပဲ။ ရေလှူတာနဲ့ လူတွေအသက်ကို ကယ်ရာရောက်ပါတယ်။ ဒါကြောင့် ကုသိုလ်ပါဝင်တာပါ” ဟု ဆိုသည်။

ပြီးခဲ့သည့် ဧပြီလလယ်ပိုင်းမှ စတင်၍ မြန်မာပြည်ရှိ ပဲခူးတိုင်း၊ ရန်ကုန်တိုင်းတို့တွင် နေရာအတော်များများ အပူချိန် ပြင်းထန်မှုကြောင့် မြေအောက်ရေကြော နိမ့်ဆင်းသွားပြီး ရေတွင်းရေကန်များ ခန်းခြောက်ကာ ဒေသတွင်းရှိ ရေအခက်အခဲကို လူမှုအဖွဲ့အစည်းများ၊ တသီးပုဂ္ဂလအလှူရှင်များမှ တတ်အားသရွေ့ ငွေအား၊ လုပ်အားပေးအပ် လှူဒါန်းနေကြခြင်းဖြစ်သည်။

ရန်ကုန်တိုင်းအတွင်းနှင့် မြန်မာတနိုင်လုံးတွင် ရေရှားပါးမှု ကြုံနေရကြောင်း၊ ထို့အတွက် ရေရှားပါးသည့် ဒေသများသို့ အစိုးရအာဏာပိုင်များက ဦးဆောင်ကာ ဌာနဆိုင်ရာများ၊ အန်ဂျီအိုများနှင့်ပူးပေါင်းကာ သောက်သုံးရေများ လှူဒါန်းနေကြောင်းလည်း နအဖသတင်းစာများတွင် အကျယ်တ၀င့်ဖော်ပြထားသည်။

ရန်ကုန်မြို့ခံတဦးက “သတင်းတွေကိုတော့ သတင်းစာက ဖော်ပြနေတာပဲ။ တကယ်တမ်း ရေပေးနေလား သူတို့က၊ သတင်းစာမှာ ပါဖို့ကိုပဲ ဖော်ရှိုးလုပ်နေတာ၊ နာဂစ်တုန်းကလိုပဲဗျ။ ပြည်သူကသာ ပြည်သူကို ကယ်နေရတာ။ အချင်းချင်းပဲ ပြေလည်အောင် လုပ်နေရတာ” ဟု ပြောသည်။

ရန်ကုန်တွင် ရေရှားပါးမှုကို လှိုင်သာယာ၊ ရွှေပြည်သာ၊ ဒဂုံမြို့သစ် မြောက်ပိုင်း-တောင်ပိုင်း၊ ဒဂုံဆိပ်ကမ်းမြို့နှင့် ဒဂုံမြို့သစ် အရှေ့ပိုင်း မြို့နယ်များ၊ သာကေတ၊ ကော့မှူး၊ ကွမ်းခြံကုန်း၊ ဒလ၊ တွံတေးစသော မြို့နယ်များတွင် အများဆုံး ခံစားနေရကြောင်း သိရသည်။
ခေတ်ပြိုင်