ယနေ့ ကရင်လူငယ်များနှင့် ကရင်အမျိုးသားလှုပ်ရှားမှုသမိုင်း

ရှေးသမိုင်းပညာရှင်များက သမိုင်းမသိသောသူသည် ကျောရိုးမရှိသော သတ္တ၀ါများကဲ့သို့ သူတစ်ပါး၏ နှိပ်စက်ညှင်းပမ်းဖိနှိပ်မှုများကို အစဉ်အမြဲ ခံနေရမည်သာ ဖြစ်သည်ဟု ဆိုခဲ့ကြသည်။ သမိုင်းဟုဆိုရာဝယ် လူသားမျိုးနွယ်စုများ၏ အဆင့်ဆင့် တိုးတက်ပြောင်းလဲလာသော အတွေးအခေါ်များ၏ သမိုင်းမှတ်တမ်းများပင် ဖြစ်သည်။ ယနေ့  လွတ်လပ်၍ တိုးတက်နေသောနိုင်ငံများနှင့် လူသားတို့ ၏ အခြေခံလူ့ အခွင့်အရေးကို အပြည့်အ၀ ခံစားရနေသောလူမျိုးများကို လေ့လာကြည့်ပါက ထိုလွတ်လပ်မှုနှင့်လူ့ အခွင့်အရေးများကို ရရှိခံစားနိုင်ရန်အတွက် ရင်းနှီးပေးဆပ်မှုများစွာရှိခဲ့သည်ကို ၎င်းတို့ ၏အမျိုးသားရေးလှုပ်ရှားမှုသမိုင်းများက သက်သေခံနေပေသည်။ အမျိုးသားရေးလှုပ်ရှားမှုသမိုင်းဆိုသည်မှာ လူမျိုးတမျိုးအဖြစ် အခိုင်အမာရပ်တည်ရေးအတွက် လွတ်လပ်ရေးနှင့်လူတန်းစားရေး တောင်းဆိုတိုက်ပွဲဝင်မှုတို့ မှ အခြေခံကာ တမျိုးသားလုံးအတိုင်းအတာအထိ ကျယ်ပြန့် စွာ ဖြစ်ပေါ်လာသော လှုပ်ရှားမှုသမိုင်းကို ဆိုလိုပေသည်။

ထို့ ကြောင့် လူမျိုးတမျိုး၏ အဆင့်အတန်းတို့ သည် ၎င်းလူမျိုးတို့ ၏ သမိုင်း အသိတရား အနိမ့်အမြင့်ပေါ်တွင် မူတည်လျက်ရှိသည်။ကရင်လူမျိုးတို့ တွင်လည်း ကရင်လူမျိုးဆင်းသက်လာပုံ သမိုင်းစာပေ၊ ယဉ်ကျေးမှုသမိုင်း၊ အမျိုးသားရေးလှုပ်ရှားမှုသမိုင်း စသည်ဖြင့် ရှိပေရာ ကရင်အမျိုးသားလှုပ်ရှားမှုသမိုင်းသည် ပစ္စုပ္ပန်နှင့်အနာဂတ်တွင် ကရင်လူမျိုးအနေဖြင့် ရပ်တည်နိုင်ရန်အတွက် လွန်စွာအရေးပါလျက်ရှိသည်။ သမိုင်းပညာရှင်များက အာဏာရှင်များခေတ်တွင်ရေးသောသမိုင်းသည် မြောက်ဝင်ရိုးစွန်းတွင်ရှိသည့် ရေခဲတောင်များကဲ့သို့ တ၀က်ပေါ်၍ တ၀က်မြုပ်နေသည်ဟု ဆိုခဲ့ကြသည်။ ယနေ့ ကရင်လူငယ်များသည် လူမျိုးကြီးဝါဒီ အာဏာရှင်ခေတ်အဆက်ဆက်မှ ရေးသားလာသောသမိုင်းများနှင့် ကြီးပြင်းလာသည်ဖြစ်ရာ မိမိလူမျိုး၏သမိုင်းဖြစ်စဉ်များကို မသိရှိကြသည်မှာ လွန်စွာဝမ်းနည်းဖွယ်ရာဖြစ်ပါသည်။ ကရင့်အမျိုးသားလှုပ်ရှားမှုသမိုင်းကို လေ့လာကြည့်ပါက ကရင်တို့ ၏ ထူးခြားသော ၀ိသေသလက္ခဏာများကို တွေ့ ရှိရမည်ဖြစ်သည်။ ထိုဝိသေသလက္ခဏာများမှာ (၁) အမှန်တရား။ (၂) သန့်  ရှင်းဖြူစင်ခြင်း။ (၃) ညီအကိုမောင်နှမစိတ်ဓါတ်။ (၄) အတူတကွလုပ်ကိုင်စားသောက်ခြင်း။ (၅) သစ္စာရှိခြင်း စသော ကရင်တို့ ၏ မွေးရာပါ မျိုးရိုးဗီဇလက္ခဏာများဖြစ်သည်။ ကရင်အမျိုးသားအကျိုးအတွက် အခြေခံသော ကရင့်လူ့ အဖွဲ့ အစည်းများ ပေါ်ပေါက်လာရသည့် အဓိကအကြောင်းအရင်းမှာ ပညာတတ်၍ အတွေးအခေါ် အသိအမြင် ကျယ်ပြန့် မှုတို့ မှ ရရှိလာသော မျိုးချစ်စိတ်ဓါတ်ကို အရင်းခံလျက်ရှိသည်။

ထို့ ကြောင့် ကရင့်အမျိုးသားလှုပ်ရှားမှုသည် ခေတ်နှင့်လျှော်ညီသော မျိုးချစ်စိတ်ဓါတ်နှင့် အထက်ပါထူးခြားသော ၀ိသေသလက္ခဏာများပေါင်းစပ်၍ ဖြစ်ပေါ်လာသော မြင့်မြတ်သည့်လှုပ်ရှားမှုကြီးဖြစ်သည်။ (၁၈၈၁)ခုနှစ်မှ စတင်ပေါ်ပေါက်လာသော ကရင်ကို အခြေခံသည့် ဘာသာရေး ၊စီးပွားရေး၊ လူမှုရေး၊ နိုင်ငံရေး၊ စာပေယဉ်ကျေးမှုနှင့်ဒေသအလိုက် ကရင်မျိုးချစ်အဖွဲ့ အစည်းများသည် ၎င်းတို့ ၏အမျိုးသားရေးရည်မှန်းချက်များအမျိုးမျိုးကို လှုပ်ရှားအကောက်အထည်ဖေါ်ခဲ့ကြသည်။ ၎င်း၏နောက် ၁၉၃၈ ခုနှစ်တွင် ကရင်ပညာတတ်မျိုးချစ်များစုပေါင်း၍ ဥပဒေကြောင်းအရ တောင်းဆိုတိုက်ပွဲဝင်ခဲ့သော ကရင်အမျိုးသားနှစ်သစ်ကူးနေ့ နှင့်ကရင့်အမျိုးသားအလံတော်သည် ယနေ့ တိုင် ကရင်အမျိုးသားရေးအမြင်နှင့်အမျိုးသားရေးပန်းတိုင်ကို မီးမောင်းထိုပြလျက်ရှိပါသည်။ (ကရင်အမျိုးသားရေးအမြင်ဆိုသည်မှာ မျိုးနွယ်စုစွဲ၊ ဒေသစွဲ၊ ပုဂ္ဂိုလ်စွဲ၊ စာပေစွဲ၊ ၀ါဒစွဲ၊ ဘာသာစွဲများ ကင်းစင်သောစည်းလုံးညီညွတ်မှုကို အခြေခံသည့် အမျိုးသားရေးစိတ်ဓါတ်၊ အမျိုးသားရေးပန်းတိုင်ဆိုသည်မှာ ကရင်အမျိုးသားအလံတော်ကို အခိုင်အမာ စိုက်ထူနိုင်သော ကရင်အမျိုးသားနယ်မြေ(ကရင်ပြည်)ကို ဆိုလိုပါသည်။)

၁၉၄၂ ခုနှစ် ဒုတိယကမ္ဘာစစ်အတွင်း ဖြစ်ပေါ်ခဲ့သော ကရင် ဗမာ အဓိကရုဏ်းကြီးသည် ကရင်လူမျိုးတို့ ၏ အနာဂတ်ရပ်တည်ရေးအတွက် ကြီးစွာသောစိုးရိမ်စိတ်များ ပေါ်ပေါက်ခဲ့ပါသည်။ ဤ(၆)လကြာမြင့်သော ကရင်နှင့်ဗမာလူမျိုးများ အဓိကရုဏ်းသည် နှစ်ဦးနှစ်ဖက်သေဆုံးမှု၊ ထိခိုက်ဒဏ်ရာရမှု၊ ပစ္စဥစ္စာဆုံးရှုံးမှုများ ကြီးမားစွာဖြစ်ပေါ်ခဲ့သည်။
၁၉၄၅ ခုနှစ် ဒုတိယကမ္ဘာစစ်ပြီးဆုံးချိန်တွင် ကမ္ဘာအရပ်ရပ်၌ အမျိုးသားလွတ်လပ်ရေးလှုပ်ရှားမှု ပေါ်ပေါက်လာရာ ကရင်တို့ သည်လည်း လွတ်လပ်သောလူမျိုးတမျိုးတွင်ရှိသော ဂုဏ်အင်္ဂါများနှင့်ပြည့်စုံသည့်အလျှောက် လွတ်လပ်သော ကရင်ပြည်ရရှိရေးအတွက် အင်္ဂလိပ်အစိုးရထံမှ ဗမာလူမျိုးနှင့်တန်းတူ ဥပဒေနည်းလမ်းအရ တောင်းဆိုခဲ့ကြသည်။
၁၉၄၉ ခုနှစ် နုအက်တလီစာချုပ်အရ ဇန်န၀ါရီလ ၄ ရက်တွင် အင်္ဂလိပ်မှ မဟာလူမျိုးကြီးဝါဒီ ဖဆပလအစိုးရအား လွတ်လပ်ရေးပေးခဲ့သည်။ ထိုလွတ်လပ်ရေးကို ကရင်မျိုးချစ်ခေါင်းဆောင်များက အသိအမှတ်မပြုချေ။ ထိုမှတဖန် ကရင်အမျိုးသားခေါင်းဆောင်များသည် ဖဆပလအစိုးရထံမှ ကရင်ပြည်အားပေးရန် တင်ပြတေင်းဆိုခဲ့သည်။

၁၉၄၈ ခုနှစ် ဖေဖေါ်ဝါရီလ ၁၁ ရက်နေ့ တွင် တပြည်လုံးအတိုင်းအတာဆောင်သော ကရင်လူထု၏ အသံတိတ်ဆန္ဒပြပွဲကို မြို့ ကြီးတိုင်းတွင် ကျင်းပခဲ့ကြသည်။ ဆန္ဒပြပွဲတွင် ကြွေးကြော်သံ ၄ရပ်မှာ (၁)ကရင်ပြည်ချက်ခြင်းပေး၊ (၂)ကရင်တစ်ကျပ် ဗမာတစ်ကျပ် ချက်ခြင်းပြ၊(၃) လူမျိုးအဓိကရုဏ်းအလိုမရှိ၊ (၄)ပြည်တွင်းစစ်အလိုမရှိ စသည်တို့ ဖြစ်သည်။ ထိုနေ့ ကို ကရင်အမျိုးသားအားလုံး၏ အမျိုးသားနေ့ အဖြစ် ဂုဏ်ပြုသတ်မှတ်ခဲ့ကြသည်။ ဤကြွေးကြော်သံ ၄ ရပ်သည် ကရင်တို့ ၏နိုင်ငံရေးအရ လွတ်လပ်ရေး၊ တန်းတူရေး၊ ငြိမ်းချမ်းရေး၊နှင့် ဒီမိုကရေးရေးတို့ ကို ဖေါ်ညွန်းလျက်ရှိရာ ယခုခေတ်ကာလနှင့်လျှော်ညီသော အမှန်တရားများပင်ဖြစ်သည်။ ယနေ့ တိုင် ကရင်တမျိုးသားလုံး၏ ဘ၀ပေးလမ်းညွန် ပြဌာန်းချက်များဖြစ်ကြသည်။
ထိုကာလရှိ ကရင်ပြည်သူလူထုစည်းလုံးညီညွတ်မှုနှင့်နိုင်ငံရေးအသိအမြင် နိုးကြားတက်ကြွမှုတို့ ကို ကြည့်ခြင်းအားဖြင့် ကရင်အမျိုးသားခေါင်းဆောင်များ၏ ကရင်ပြည်သူများ အနာဂတ်အတွက် အမြော်အမြင်ကြီးမားပုံကို လေ့လာတွေ့ ရှိရပါသည်။ ကရင်တို့ ၏ တောင်းဆိုမှုမှန်သမျှကို ဖဆပလအစိုးရမှ လျစ်လျူခှုခဲ့ကြသည်။ ဖဆပလ ဦးနုမှ ကရင်အမျိုးသားခေါင်းဆောင် စောဘဦးကြီးအား ခင်ဗျားတို့ ကရင်ပြည်လိုချင်ရင် ကျွန်တော်တို့ က မပေးနိုင်သဖြင့် တိုက်ကြခိုက်ကြဖို့ ပဲရှိတော့တယ်။ သမိုင်းဝင်ပြောကြားခဲ့ပါသည်။ ဦးနုမှ ကရင်ပြည်ရရှိရေးအတွက် ပါလီမန်နည်းဖြင့် ကြိုးပမ်းသွားရန်ပြောကြားခဲ့ပါသည်။ (ဤနေရာတွင် ကရင်ခေါင်းဆောင်များသည် တိုင်းပြုပြည်ပြုလွှတ်တော်(ပါလီမန် စတင်ဖွဲ့ စည်းစဉ်က လွှတ်တော်အမတ်ဦးရေသတ်မှတ်ရာတွင် ဗမာများသာ အများစုဖြစ်ရာ တိုင်းရင်းသားတို့ ၏အခွင့်အရေးကို လွှတ်တော်အတွင်း တောင်းဆိုရာမှာ မဖြစ်နိုင်သည့်အတွက် ထိုလွှတ်တော်ရွေးကောက်ပွဲကို ဦးစွာသပိတ်မှောက်ခဲ့ပြီးဖြစ်သည်။) ထို့ နောက် ဖဆပလအစိုးရသည် ကရင်တို့ ၏လက်နက်များကို လိုက်လံသိမ်းဆည်းရာမှ တင်းမာမှုပိုမိုပြင်းထန်လာကြသည်။ ဖဆပလအစိုးရသည် ကရင်တို့ ၏အင်အားကို ချေမှုန်းပစ်နိုင်ရန်အတွက် အောင်ဆန်းစစ်ဆင်ရေး (Aung San Operation)ဟု အမည်ပေးထားသော ကရင်များမျိုးပြုတ်ချေမှုန်းရေး လျှို့ ဝှက်အစီအစဉ်ကို ရေးဆွဲခဲ့ကြသည်။

တပြည်လုံးရှိကရင်တို့ ၏ အင်အားအနေအထားကိုလည်း တွက်ချက်ထားသည်။ ဗမာတပ်မတော်အင်အားကိုလည်း များစွာတိုးချဲ့ ဖွင့်လှစ်ခဲ့ကြသည်။ ဖဆပလတွင်ရှိသည့် အစီအမံအတိုင်း ၁၉၄၉ ဇန်န၀ါရီလ ၂၈ ရက်နေ့ တွင် ရန်ကုန်မြို့ စမ်းချောင်းသဌေးကုန်းတွင်ရှိသည့် (KNU)ဗဟိုဌာနချုပ်ကို စတင်တိုက်ခိုက်ခဲ့သည်။ ၁၉၄၉ ခုနှစ် ဇန်န၀ါရီလ ၃၁ ရက်နေ့  မနက်စောစောအချိန်အတွင် အင်းစိန်မြို့ တွင်ရှိသည့် (KNDO)ဌာနချုပ်ကို တိုက်ခိုက်ပြီး ထိုနေ့ မှပင် (KNU)အား မတရားအသင်းကြေငြာခဲ့သည်။ ထိုတိုက်ခိုက်မှုများကို ကရင်တို့ သည် အသာတကြည်လည်စင်းမခံတော့ပေ။ (KNDO)ဌာနချုပ်တွင် ကရင်များသည် ရွပ်ရွပ်ချွံချွံ ခုခံတိုက်ခိုက်သည့်အပြင် တပြည်လုံးရှိကရင်များထံသို့ ပုန်ကန်ထကြွရန် အမိန့် ပေးလိုက်လေတော့သည်။ ထိုကြောင့် ၁၉၄၉ ခုနှစ် ဇန်န၀ါရီလ ၃၁ ရက်နေ့ တွင် ကရင့်လက်နက်တော်လှန်ရေးစတင်ခဲ့သည်။ ဤနေ့ ဤရက်ကို ကရင်အမျိုးသားတော်လှန်ရေးနေ့ အဖြစ် အတည်ပြုသတ်မှတ်လေတော့သည်။

ထိုအချန်မှစတင်ခဲ့သော ကရင့်တော်လှန်ရေးသည် နှစ်ပေါင်း(၆၀)ကျော် အခက်အခဲပေါင်းများစွာရင်ဆိုင်လျက် ယနေ့ တိုင် တော်လှန်တိုက်ပွဲဝင်လျက်ရှိသည်။ ဤသည်မှာ ယနေ့ ကရင်လူငယ်များအတွက် ဂုဏ်ယူဖွယ်ရာသမိုင်းမှတ်တိုင်များ ဖြစ်ပေသည်။ ထူးခြားမှုရှိသည်မှာ ကရင်အမျိုးသားလှုပ်ရှပ်မှုသမိုင်းသည် အခြားသောလူမျိုးများကဲ့သို့ ပဒေသရာဇ် ဧကရာဇ်များကောင်းစားခဲ့သည်ကို အမျိုးသားရေးအားမာန်ဖြင့် ဆွဲယူအသုံးပြုခြင်းမဟုတ်ပဲ၊ ကရင်အမျိုးသားခေါင်းဆောင်တို့ ၏ ခေတ်အဆက်ဆက် တိုးတက်ပြောင်းလဲလာသော အမျိုးသားရေးစိတ်ဓါတ်ကို အခြေခံလျက်ရှိပါသည်။ ကျွန်ုပ်တို့ အနေဖြင့် အတိတ်သမိုင်းသင်ခန်းစာများကိုမသိလျှင် ပစ္စုပ္ပန်တွင် စည်းလုံးညီညွတ်မှုနှင့်အနာဂတ်တွင် တမျိုးသားလုံး၏လွတ်မြောက်ရေးအတွက် ပုံဖေါ်နိုင်ရန်မှာ ခက်ခဲနေအုံးမည်ဖြစ်သည်။ ကရင်အမျိုးသားလှုပ်ရှားမှုသမိုင်းကို သိရှိလျှင် ကရင်လူမျိုးတို့ ၏ လက်ရှိ ကြုံတွေ့ နေရသော အမျိုးသားရေးဆိုင်ရာပြဿနားများ ဖြစ်ပေါ်လာရခြင်း၏အကြောင်းအရင်းခံများကို သိရှိလာမည်ဖြစ်သည်။ ထိုသို့  သိရှိလာသည်နှင့်အညီ မိမိလူမျိုး၏လိုအပ်ချက်များဖြစ်သော နိုင်ငံရေး၊ စီးပွားရေး၊ ကျန်းမာရေး၊ ပညာရေး၊ လူမှုအတတ်ပညာများကို ကြိုးစား၍ လေ့လာဆည်းပူးရမည်ဖြစ်သည်။ ထိုသိမှု၊ တတ်မှု တို့ မှတဆင့် မိမိ၏တာဝန်ပိုင်းကို နားလည်လာမည်ဖြစ်သည်။ ထိုတာဝန်များကို ကရင်တို့ ၏မွေးရာပါသမိုင်းပေးတာဝန်အဖြစ် ခံယူယင်း ထိုခံယူချက်၊ ယုံကြည်ချက်များအပေါ်တွင် သစ္စာရှိရန်မှာ အလွန်အရေးကြီးသောအချက်ဖြစ်သည်။ ထိုမျိုးချစ်အသိတရားတို့ မှ ပေါက်ဖွားလာသော သမိုင်းပေးတာဝန်များသည် လူငယ်များအနေဖြင့် ကရင်အမျိုးသားရေးတွင် စိတ်မ၀င်စားသည်ဖြစ်စေ၊ ၀ါသနာမပါသည်ဖြစ်စေ၊ ကရင်တိုင်းပါဝင်လှုပ်ရှားရမည့် အမျိုးသားလှုပ်ရှားမှုကြီးဖြစ်ပေသည်။ အဘယ်ကြောင့်ဆိုသော် ယနေ့ ကရင်တမျိုးသားလုံးသည် ခေတ်အဆက်ဆက် ဗမာလူမျိုးကြီးဝါဒီ အစိုးရတို့ ၏ ဖိနှပ်မျိုးဖြတ်မှုအောက်တွင် အလူးအလှိမ့်ခံနေရသည်မှာ တကမ္ဘာလုံးအသိပင်ဖြစ်သည်။ ဗမာပြည်၏နိုင်ငံရေးအပြောင်းအလဲဖြစ်ပေါ်ရန် ကြာမြင့်လာသည်နှင့်အမျှ တိုင်းရင်းသားလူမျိုးစုတို့ ၏ နယ်မြေဒေသနှင့်စာပေယဉ်ကျေးမှုများ လွှမ်းမိုးဝါးမျိုခံရကာ လူမျိုးပါ ပျောက်ကွယ်မည့်အန္တရာယ်နှင့်ရင်ဆိုင်နေရသခြင့် ကရင်အမျိုးသားလှုပ်ရှားမှုသည် ဗမာပြည်ဒီမိုကရေစီပြောင်းလဲရေးအတွက်လည်း လွန်စွာအရေးပါသည်ကို မငြင်းနိုင်ပေ။ ထို့ ကြောင့် သမိုင်းတာဝန်များသိရှိသောကရင်လူငယ်များသည် လူမျိုးကြီးတို့ ၏ဖိနှိပ်မှုအဆင့်ဆင့်အောက်တွင် တော်လှန်မှုအဆင့်ဆင့်ကို ဖေါ်ထုတ်ရမည်ဖြစ်သည်။ ဥပမာအားဖြင့် သွေးခွဲမှုကို စည်းလုံးမှုဖြင့်လည်းလည်းကောင်း၊ သွေးနှောမှုကို သွေးနှီးမှုဖြင့်လည်းကောင်း၊ စာပေယဉ်ကျေးမှုဝါးမျိုမှုကို စာပေယဉ်ကျေးမှုဖေါ်ထုတ်မှုခြင်းဖြင့်လည်းကောင်း၊ တမျိုးသားလုံးအတိုင်းအတာနှင့် စည်းရုံးလှုပ်ရှားနိုင်အောင် ကြိုးစားရမည်ဖြစ်သည်။ ထိုသို့  တာဝန်သိသော ကရင်လူငယ်များသည် အမျိုးသားလှုပ်ရှားမှုကြီးတွင် ပါဝင်ခြင်းအားဖြင့် နောင်အနာဂတ် ကရင်မျိုးဆက်များအတွက် အတုယူဖွယ်ရာ မျိုးချစ်လူငယ်များအနေဖြင့် သမိုင်းမှတ်တမ်းကျန်ရှိနေမည်ဖြစ်သည်။ ထို့ ကြောင့် ယခုရရှိထားသော အမျိုးသားရေးတာဝန်များ ထမ်းဆောင်ရန် အခွင့်အရေးကို ကရင်လူငယ်များသိရှိလာစေရန် ကရင့်အမျိုးသားလှုပ်ရှားမှုသမိုင်းအမြင်ရှုထောင့်မှ လေ့လာ တင်ပြလိုက်ပေသည်။

အတ္ထရံဖါးမင်း (၁၀)နှစ်မြောက် OKRSO အထူးထုတ်မဂ္ဂဇင်းမှ ကောက်နှုတ်ဖေါ်ပြခဲ့ပါသည်။

OKRSO