ယာယီနိုင်ငံကူးလက်မှတ် ပြုလုပ်ရေး ပူးပေါင်းပါဝင်ကြရန် ထိုင်းတိုက်တွန်း

ထိုင်း-မြန်မာနှစ်နိုင်ငံ သဘောတူညီချက်ဖြင့် ထုတ်ပေးနေသည့် (၂) နှစ်ဗီဇာသက်တမ်းရှိ မြန်မာနိုင်ငံကူးလက်မှတ် ထုတ်ပေးမှုသည် အလုပ်ရှင်နှင့် အလုပ်သမားများအတွက် ထိုင်းအလုပ်သမားဥပဒေနှင့်အညီ တရားဝင်ဖြစ်စေသောကြောင့် ပူးပေါင်းပါဝင်ကြရန် ထိုင်းအလုပ်သမားဝန်ကြီးဌာနက ပြောကြားသည်။

ထိုင်းအလုပ်သမားဝန်ကြီးဌာန လက်အောက်ခံ အလုပ်သမားရှာဖွေရေးဌာနမှ ဒုတိယ ညွှန်ကြားရေမှူးချုပ် နိုင်ဆူဖတ်ကုခွမ်က ယာယီနိုင်ငံကူးလက်မှတ်ထုတ်ပေးမှု အနေအထားများနှင့် ပတ်သက်၍ မြန်မာရွှေ့ပြောင်းအလုပ်သမားများနှင့် လုပ်ငန်းရှင်များကို မဲဆောက်မြို့၌ ရှင်းလင်းပွဲတရပ် ယနေ့ ပြုလုပ်ပြောကြားခြင်းဖြစ်သည်။

အဆိုပါရှင်းလင်းပွဲတွင် နိုင်ဆူဖတ်ကုခွမ်က “တရားဝင်ဗီဇာလက်မှတ်ရှိတဲ့အတွက် ထိုင်းတနိုင်ငံလုံးကို သွားလို့ရတယ်။ ဒါပေမယ့် အလုပ်ပြောင်းခွင့်တော့မရှိဘူး။ အလုပ်မလုပ်ဘဲ လျှောက်သွားနေမယ်ဆိုရင် အဲဒီအလုပ်သမားရဲ့ ယာယီနိုင်ငံကူးလက်မှတ်ကို အလုပ်ရှင်က ရုပ်သိမ်းလိုက်ရင် အလိုအလျှောက် ပျက်ပြယ်ပြီးသားဖြစ်သွားမှာ ဖြစ်တယ်” ဟု ပြောသည်။

သို့သော် မဖြစ်မနေ အလုပ်ပြောင်းရမည်ဆိုပါက ပထမအလုပ်ရှင်ထံမှ ကျေနပ်လွှဲပြောင်းမှု ရရှိပြီးမှသာလျှင် အဆိုပါ အလုပ်သမားကို ဒုတိယအလုပ်ရှင်က လက်ခံနိုင်မည်ဟု ၎င်းက ဆက်လက်ရှင်းပြသည်။

ထိုင်းနိုင်ငံတွင် အလုပ်သမားမှတ်ပုံတင်ထားသည့် မြန်မာရွှေ့ပြောင်းအလုပ်သမား (၁) သန်းခန့် ရှိသော်လည်း မြန်မာနိုင်ငံမှ ထုတ်ပေးသည့် ယာယီနိုင်ငံကူးလက်မှတ် ကိုင်ဆောင်သူများမှာ (၄) ထောင်ကျော်သာ ရှိသေးသည်။

(၅) လအတွင်း ယာယီနိုင်ငံကူးလက်မှတ် ထုတ်ပေးမှု (၄) ထောင်ကျော်သာရှိသဖြင့် မြန်မာဘက်က လုပ်ငန်းဆောင်ရွက်မှု နှေးကွေးမှုကြောင့်ဟု ထိုင်းဘက်ကဆိုသော်လည်း ယခုကဲ့သို့ဖြစ်ရခြင်းမှာ ထိုင်းရှိ မြန်မာအလုပ်သမားများနှင့် အလုပ်ရှင်တို့၏ ပူးပေါင်းပါဝင်မှု မရှိခြင်းကြောင့်ဖြစ်သည်ဟု မြန်မာဘက်က ပြောဆိုသည်။

တာ့ခရိုင် အလုပ်သမားအခွင့်အရေး ကာကွယ်ရေးနှင့် လူမှုဖူလုံရေးဌာန ညွှန်ကြားရေးမှူး နိူင်ဖိဆုမ်ဆုံဝမ်န၀မ်နိက “ထိုင်းနိုင်ငံရဲ့ အလုပ်သမား လိုအပ်ချက်က အတော့်ကိုများတယ်။ ထိုင်းမှာ ရွှေ့ပြောင်းအလုပ်သမားတွေသာမရှိရင် ဘယ်လိုမှ လုပ်ငန်း လည်ပတ်လို့ ရမှာမဟုတ်ဘူး” ဟု ဒေသခံသတင်းထောက်များကို မဲဆောက်တွင်ကျင်းပခဲ့သည့် နိုင်ငံတကာရွှေ့ပြောင်း အလုပ်သမားနေ့တွင် ပြောကြားခဲ့သည်။

ထိုင်းနိုင်ငံတွင် တရားဝင်မှတ်ပုံတင်ထားသည့် နိုင်ငံခြားသားရွှေ့ပြောင်းအလုပ်သမား (၁၁) သိန်းရှိရာ မြန်မာအလုပ်သမားမှာ (၁၀) သိန်းခန့်ရှိသည်။ လာမည့် ၂၀၁၀ ခု ဖေဖေါ်ဝါရီလကုန်မတိုင်မီ ယာယီနိုင်ငံကူးလက်မှတ် ပြုလုပ်ရန် နောက်ဆုံးရက် သတ်မှတ်ထားပြီး သတ်မှတ်ရက် ကျော်လွန်နေထိုင်သူများကို ဖမ်းဆီးပြီး နေရင်းဒေသ ပြန်ပို့မည်ဟု ကြေညာထားသည်။

ထိုင်းအလုပ်သမားဝန်ကြီးဌာန ပြောရေးဆိုခွင့်ရှိသူ နိုင်ဖောင်းစာဖလန်းစိုင်ကမူ သတ်မှတ်ကာလအတွင်း မပြီးစီးနိုင်သဖြင့် လက်မှတ်လုပ်ပေးမှုကို ရက်တိုးပေးရန်ရှိသဖြင့် အဖမ်းအဆီးကိစ္စနှင့်ပတ်သက်၍ အလုပ်သမားများ စိုးရိမ်စရာ မလိုတော့ကြောင်း ယခုလ (၂၀) ရက်တွင် ပြောကြားခဲ့သည်။


ရဲရင့်

(KNU)နှင့်(NCUB)ဥက္ကဌဗိုလ်ချုပ်ကြီးစောတာမလာဘော၏ အသက်(၉၀)ပြည့်နေ့မွေးနေ့ပွဲ

(KNU)နှင့်(NCUB)ဥက္ကဌဗိုလ်ချုပ်ကြီးစောတာမလာဘော၏ အသက်(၉၀)ပြည့်နေ့မွေးနေ့ပွဲကို ၂၂-၁၂-၀၉ ရက်နေ့နံနက်က ထိုင်းမြန်မာနယ်စပ်တွင် မဟာမိတ်အဖွဲ့အစည်းများက ဂုဏ်ပြု ကျင်းပခဲ့သည့် ဓါတ်ပုံမှတ်တမ်းများ။



























































ဓါတ်ပုံ ---- (OKRSO)

(OKRSO)၏ နှစ်သစ်သ၀ဏ်လွှာ

ကရင်သက္ကရာဇ် ၂၇၄၉ ခုနှစ် အတွက် ပြည်ပရောက် ကရင်အမျိုးသားဒုက္ခသည်များဆိုင်ရာ လူမှုစောင့်ရှောက်ရေးအဖွဲ့ (OKRSO)၏ နှစ်သစ်သ၀ဏ်လွှာ

ကရင်သက္ကရာဇ် ၂၇၄၉ ခုနှစ်၏ နှစ်သစ်အခါသာမယတွင် ကရင်အမျိုးသားများအားလုံး ကိုယ်စိတ်နှစ်ဖြာ ကျန်းမာချမ်းသာပြီး မင်္ဂလာအပေါင်းနှင့် ပြည့်စုံကြစေရန် ဆုတောင်းမေတ္တာပို့ သလိုက်ပါသည်။

ကရင်အမျိုးသားအပေါင်းတို့ ၁၈၈၁ ခုနှစ် ဒေါကလူအဖွဲ့ ကြီး(KNA)စတည်ထောင်ခဲ့သည့် ကာလမှစ၍ ရေတွက်လျှင် ကရင်အမျိုးသားများ၏ ကိုယ့်ကြမ္မာကိုယ်ဖန်တီးခွင့် ရရှိရေးကြိုးပမ်းချက်တွင် နှစ်အားဖြင့် ၁၂၉ နှစ် ရှိခဲ့ပြီဖြစ်သည်။ ယခုအခါ မြန်မာပြည်ရှိ ကရင်အမျိုးသားများအားလုံးသည် လူမျိုးကြီးဝါဒ စစ်အာဏာရှင်ကြီးစိုးမှုအောက်သို့ ကျရောက် နေဆဲဖြစ်သည်။ ဤဖိနှိပ်ခံရသည့် အခြေအနေအတွင်း ကရင်အမျိုးသားများ ကြုံတွေ့ နေရသည့် ဘေးဒုက္ခများသည်လည်း အလွန်ကြီးမားလှပါသည်။ ဤသည် ကရင်ကံကြမ္မာ ကရင်ဖန်တီးမရရှိသည့်အတွက် ကရင်အမျိုးသားများ၏ ဆန္ဒနှင့်အညီဖြစ်သည့် တရားမျှတသည့် အကျယ်အ၀န်းရှိသည့် ကရင်ပြည်နယ် ထူထောင်ခွင့်မရရှိသည့်အတွက် ဖြစ်သည်။

ကရင်အမျိုးသားများသည် မြန်မာပြည်တွင်းသို့ှနှစ်ပေါင်း (၃၀၀၀)နီးပါးခန့် ကပင် အေးချမ်းစွာ ၀င်ရောက်အချေချနေထိုင်ခဲ့ပြီး မြန်မာပြည်အတွင်း ဗမာအမျိုးသားများပြီးလျှင် ဒုတိယလူဦးရေအများဆုံး လူမျိုးစုတစုလည်းဖြစ်ပါသည်။ ထို့ ကြောင့် အခြားလူမျိုးနည်းတူ အမျိုးသားတန်းတူရေးနှင့် ကိုယ်ပိုင်ပြဌာန်းခွင့် အခွင့်အရေးကို ရယူခံစားထိုက်သူများ ဖြစ်သည်။

OKRSO အဖွဲ့ သည် ကရင်အမျိုးသားများတိုးတက်ကြီးပွားရေးနှင့် လူမှုဒုက္ခပြဿနာများ လျှော့ပါးရန် တတ်နိုင်သ၍ ကူညီဖြေရှင်းရန်အတွက် ၁၉၉၂ ခုနှစ် ဇွန်လ ၁၄ ရက်နေ့ ပြည်ပရောက်ကရင်အမျိုးသားဒုက္ခသည်များဆိုင်ရာလူမှုစောင့်ရှောက်ရေးအဖွဲ့ OKRSO ကို စဖွဲ့့  စည်းတည်ထောင်ခဲ့စဉ်ကစပြီး ယနေ့ တိုင် ကရင်အမျိုးသားအရေးဆိုင်ရာ လူမှုရေး၊ ပညာရေးနှင့် စာပေယဉ်ကျေးမှုများကို ကြိုးပမ်းလုပ်ဆောင်ခဲ့ကြသည်။

ယခုအခါ ကရင်အမျိုးသားများအနေဖြင့် အမျိုးသားရေး၊ နိုင်ငံရေးနိုးကြားရန် အမျိုးသားရေးဆိုင်ရာတာဝန်ကို တက်ကြွစွာ ထမ်းဆောင်ကြရန် ကရင်အမျိုးသားအနေဖြင့် ခိုင်မာသောအမျိုးသားရေးစိတ်ဓါတ်ကို အခြေခံပြီး မိမိတို့ ၏ ဘာသာစကား၊ စာပေယဉ်ကျေးမှုနှင့် ရိုးရာဓလေ့များကို ထိန်းသိမ်းမြှင့်တင်ကြရန် အထူးလိုအပ်ပါသည်။

နိဂုံးအနေဖြင့် ဤနှစ်သစ်အခါသမယတွင် ကရင့်ကံကြမ္မာ ကရင်ဖန်တီးခွင့်ရှိရေး နှစ်သစ်စိန်သစ် မိမိတို့ ၏အမျိုးသားရေးကို ပိုမိုနိုးကြားရန် တိုက်တွန်းနိုးဆော်လိုက်ပါသည်။

နှစ်သစ်တွင် မင်္ဂလာအပေါင်းနှင့် ပြည့်စုံနိုင်ကြပါစေ။

ကရင်နှစ်သစ်ကူးပွဲတော် ဗုံးပေါက်ကွဲမှု ကေအန်ယူ ဖြေရှင်း

ကရင်ပြည်နယ် ဖာပွန်မြို့တွင် ဗုဒ္ဓဟူးနေ့က ကျင်းပသည့် ကရင်နှစ်သစ်ကူးပွဲတော်ည၌ ဗုံးပေါက်ကွဲခဲ့သဖြင့် လူအများ သေကျေဒဏ်ရာရရှိခဲ့သည့် ဖြစ်ရပ်သည် နအဖက ကေအန်ယူကို ချောက်တွန်းရန် လုပ်ဆောင်ခြင်းဖြစ်သည်ဟု ကေအန်ယူ ဒု-ဥက္ကဋ္ဌ ပဒိုဒေးဗစ်သကဘောက ပြောကြားလိုက်သည်။

၎င်းက “အဲဒါမျိုး ကေအန်ယူက မလုပ်ဘူး။ နအဖက မဟုတ်မမှန် စွပ်စွဲတာ။ နအဖဆိုတာက တိုင်းရင်းသားတွေရဲ့ ရိုးရာ ယဉ်ကျေးမှုတွေကို စနစ်တကျ ဖျက်ဆီးနေတယ်။ ကရင်နှစ်သစ်ကူးရဲ့ ယဉ်ကျေးမှုကိုလည်း ဖျက်ဆီးပြီး တချက်ခုတ် နှစ်ချက်ပြတ် ဖန်တီးတာဖြစ်တယ်။ ပြည်သူတွေအနေနဲ့ အမြင်မမှားဖို့ လိုတယ်” ဟု ပြောသည်။

နအဖသည် ၂၀၁၀ ရွေးကောက်ပွဲအတွက် တိုင်းရင်းသားလက်နက်ကိုင်အဖွဲ့အစည်းများကို ပြဿနာရှာခြင်းဖြစ်ကြောင်း၊ မိမိတို့ တပ်ဖွဲ့အနေဖြင့် ဖာပွန်မြို့အနီးပတ်ဝန်းကျင်တွင်ပင် စစ်ရေးလှုပ်ရှားမှုများ လုံးဝမရှိကြောင်း၊ မိမိတို့အမျိုးသား ကရင်နှစ်သစ်ကူး ပွဲတော်ကို နအဖက ဖျက်ဆီးခြင်းသာဖြစ်သည်ဟု ပဒိုဒေးဗစ်သကဘောက ပြောသည်။

အဆိုပါ ဗုံးပေါက်ကွဲမှုတွင် အရပ်သား (၇) ဦးသေဆုံးပြီး (၁၁) ဦးထိခိုက်ဒဏ်ရာရှိခဲ့ကြောင်း၊ ယင်းဖြစ်ရပ်သည် ကေအန်ယူ၏ လုပ်ရပ်ဖြစ်ကြောင်း ယနေ့ထုတ် စစ်အစိုးပိုင် မြန်မာ့အလင်းသတင်းစာတွင် စွပ်စွဲထားသည်။

ယခင်လ (၁၁) ရက်နေ့ကလည်း ဘားအံ၊ ရွှေဂွန်းပြေးဆွဲသည့် စောဥမ္မာအမည်ရှိ ပြည်တွင်းရေကြောင်း ပို့ဆောင်ရေးဌာနပိုင် ခရီးသည်တင် နှစ်ထပ်သင်္ဘောကို တကောင်ဘိုးရွာတွင် ပစ်ခတ်ခံရ၍ ခရီးသည် (၃) ဦးသေဆုံးခဲ့မှုကိုလည်း နအဖက ကေအန်ယူကို စွပ်စွဲထားသည်။

တကောင်ဘိုးရွာသားတဦးမှ အဆိုပါ ပစ်ခတ်မှုတွင် ဒီကေဘီအေမှ ရဲမင်းပိုင်အဖွဲ့က တကောင်ဘိုးသင်္ဘောဆိပ်မှ ဒီကေဘီအေ အကောက်မှူး ဗိုလ်သိန်းတန်(ခေါ်) ဗိုလ်ဂျပု ကို စီးပွားရေး ပြဿနာများကြောင့် လာရောက်ပစ်သတ်ရာမှ ဘားအံသို့ ဆင်းမည့် အဆိုပါ နှစ်ထပ်သင်္ဘောကိုပါ ပစ်ခတ်ခဲ့ခြင်းဖြစ်သည်ဟု ပြောသည်။

ရဲရင့်(ခေတ်ပြိုင်)

ထိုင်းနိုင်ငံရောက် မြန်မာအလုပ်သမားများ ဆန္ဒပြ တောင်းဆိုချက်အားလုံး ရရှိ

ထိုင်းနိုင်ငံ ပတ်ခ်ျဘူရီခရိုင်၊ စမုန်ဒေါရှိ SAHA FARM Co.Ltd ကြက်သားထုတ်လုပ်ရေး စက်ရုံတွင် မြန်မာရွှေ့ပြောင်း အလုပ်သမား (၅,၀၀၀) ခန့်က အလုပ်သမားအခွင့်အရေး တိုးမြှင့်ရရှိရေးအတွက် ယနေ့ ဆန္ဒပြတောင်းဆိုကြသည်။

ကျန်းမာရေးခွင့်ရက်ပင် ခံစားခွင့်မရှိဘဲ အလုပ်ချိန် တရက် (၁၂) နာရီ မနားတမ်း ခိုင်းစေမှု၊ အခြေခံလစာ အချိန်ပိုကြေး ခံစားခွင့် နည်းပါးမှုတို့ကို ပြင်ဆင်ပေးရန် အလုပ်ရှင်ထံ တောင်းဆိုကြခြင်းဖြစ်သည်။

“တကယ်လို့ လိုက်လျော ညှိနှိုင်းမပေးဘူးဆိုရင် အလုပ်မဆင်းဘဲ ဆန္ဒပြမယ်။ ဒီနေ့ ရွှေ့ပြောင်းအလုပ်သမားနေ့လည်း ဖြစ်တယ်။ ဒီနေ့လည်း ကျနော်တို့ အလုပ်မဆင်းဘူး” ဟု အလုပ်သမားအခွင့်အရေး တောင်းဆိုဆန္ဒပြသူ ကိုကျော်ကျော်က ပြောသည်။

လုပ်သားတဦးချင်း အခြေခံလစာ ထိုင်းဘတ် (၄,၅၀၀)၊ အလုပ်ချိန် တရက် (၁၂) နာရီ၊ အချိန်ပိုကြေးအတွက် တနာရီ ဘတ် (၂၀) သာရရှိသည့်အတွက် လုပ်သားတဦး တလ အမြင့်ဆုံးဝင်ငွေ ဘတ် (၄,၉၅၀) သာရရှိကြောင်း သိရသည်။

မြန်မာရွှေ့ပြောင်းအလုပ်သမားများ ဆန္ဒပြပွဲကို တရားဝင် ၀င်ရောက်စေ့စပ် ညှိနှိုင်းပေးရန် ပြည်ထောင်စု မြန်မာနိုင်ငံ အမျိုးသား ညွန့်ပေါင်းအစိုးရ (NCGUB) က ထိုင်းရှေ့နေများကောင်စီကို အကြောင်းကြားစာ ပေးပို့ထားကြောင်း သိရသည်။

“ထိုင်းရှေ့နေများ ကောင်စီကို အကြောင်းကြားထားတယ်။ အခု ဆန္ဒပြပွဲကို တရားဝင် ၀င်ရောက်ညှိနှိုင်းပေးဖို့ တိုက်တွန်း ထားပါတယ်” ဟု NCGUB ဒုက္ခသည်များနှင့် ရွှေ့ပြောင်းအလုပ်သမားရေးရာ တာဝန်ခံ ကိုသက်ခိုင်က ပြောကြားသည်။

နံနက် (၇) နာရီခွဲမှ စတင်သည့်ဆန္ဒပြပွဲ ရလဒ်အဖြစ် နေ့လယ် (၁၁) နာရီတွင် စက်ရုံကြီးကြပ်သူများက နေ့စဉ် အလုပ်ချိန် (၁၂) နာရီမှ (၉) နာရီသို့ လျှော့ချပေးပြီး အချိန်ပိုအလုပ်ခကို တနာရီ ထိုင်းဘတ် (၃၀) ပေးမည်ဟု ကတိပြုလိုက်သော်လည်း
အလုပ်သမားများဘက်က ဆက်လက်တောင်းဆိုမှုများကြောင့် မွန်းလွဲ (၁) နာရီခွဲတွင် မြန်မာ အလုပ်သမားများ၏ တောင်းဆိုချက် (၅) ခုလုံးကို လိုက်လျောပေးလိုက်ကြောင်း သိရသည်။

“အလုပ်ချိန် (၈) နာရီသတ်မှတ်ဖို့၊ သတ်မှတ်ချိန်ထက်ကျော်ရင် OT အနေနဲ့ တနာရီ ဘတ် (၃၀) ပေးဖို့၊ လက်မှတ်ရပြီးသား အလုပ်သမားတွေကို လက်မှတ် (ဘတ်) ပေးကိုင်ဖို့၊ အစိုးရအားလပ်ရက်တွေမှာ စက်ရုံပိတ်ပေးဖို့နဲ့ ယာယီနိုင်ငံကူးလက်မှတ်ကို
နောက်ဆုံးအချိန်အထိ စောင့်ပြီး လုပ်ခွင့်ပြုဖို့ (ဖိအားအတင်းမပေးဖို့) မဖြစ်မနေလုပ်ရတော့မယ်ဆိုရင် လုပ်ကြပါမယ်ဆိုတဲ့ ကတိပေးကြတယ်” ဟု ဆန္ဒပြမှုကို ခေါင်းဆောင်ခဲ့သူ အလုပ်သမားက အချက်(၅) ချက်ကို ပြောပြသည်။

ယခု ကြက်သားထုတ်လုပ်ရေး စက်ရုံ၏ လုပ်ငန်းခွဲ စက်ရုံတခုတွင် ပြီးခဲ့သည့်လက ယခုကဲ့သို့ ဆန္ဒပြတောင်းဆိုမှု ဖြစ်ပွားခဲ့ပြီး စက်ရုံကြီးကြပ်သူများက တောင်းဆိုချက်များကို လိုက်လျောမည်ဆိုကာ ကတိပျက်ခဲ့မှုကြောင့် ယခုတကြိမ် ထပ်မံတောင်းဆိုကြခြင်းဖြစ်သည်။

“တကယ်လို့ သူတို့ ကတိထပ်ဖျက်မယ်ဆိုရင် တရားဥပဒေကြောင်းအရ တိုင်ချက်ဖွင့်လို့ ရပါတယ်” ဟု ကိုသက်ခိုင်က ပြောကြားသည်။

SAHA FARM Co.Ltd က ကြက်နှင့် ကြက်ထွက်ပစ္စည်း ထုတ်လုပ်ရေးလုပ်ငန်းကို နိုင်ငံတကာနှင့် ချိတ်ဆက်ဆောင်ရွက်နေပြီး တရက် ကြက်ကောင်ရေ (၅) သိန်းကို အဆင်သင့် စားသောက်ကုန်အဆင့်အထိ ကုန်ချောထုတ်လုပ်နေသည်။

ှိ
စိုးမိုး

ညောင်လေးပင်ခရိုင်တွင် KNU မှကရင်နှစ်သစ်ကူးပွဲနေ့အခမ်းအနားကျင်းပ

ယနေ့တွင်ကျရောက်သည့် ကရင်သက္ကရာဇ် (၂၇၄၉) ခုနှစ်၏ ကရင်နှစ်သစ်ကူးနေ့ အခမ်းအ နားတရပ်ကို (ကေအင်ယူ)မှ ညောင်လေးပင်ခရိုင်တွင် ကျင်းပခဲ့ရာ ကရင်အမျိုးသား (၁၅၀၀) ခန့်တက်ရောက်ခဲ့ကြသည်။

ကရင်အမျိုးသားအစည်းအရုံး (ကေအင်ယူ) လက်အောက်ခံ တပ်မဟာ(၃)အခြေစိုက် ညောင် လေးပင်ခရိုင်၏ ကျောက်ကြီးမြို့နယ်တွင် ကျင်းပခဲ့ပြီး ဒေသခံကရင်အမျိုးသားများက နှစ် သစ်ကူးဂုဏ်ပြုတပ်ဖွဲ့နှင့်အတူ အမျိုးသားအလံတော်အား အလေးပြုခဲ့ကြသည်ဟု ခရိုင်တာဝန် ရှိသူတဦးကပြောသည်။

ညောင်လေးပင်ခရိုင်၏ မြန်မာပြည်လွတ်မြောက်ရေးလှုပ်ရှားမှုအဖွဲ့ (FBR)၏ တာဝန်ခံ စောစန်း က"အခမ်းအနားကို ဒီမနက်တပ်ရင်း(၉) စစ်ရေးပြကွင်းမှာလုပ်တယ် တပ်ရင်းမှူးဒုဗိုလ်မှူးကြီး စောပလယ့်နဲ့ ကျောက်ကြီးမြို့နယ်ဥက္ကဌပဒိုနဲထူးဗျိုင်း တို့တက်ရောက်ပြီးနှစ်သစ်ကူးမိန့်ခွန်း ပြောတယ် ပရိတ်သတ် ကတော့(၁၅၀၀)နီးပါးရှိတယ်"ဟုရွှေဖားစည် သို့ပြောသည်။

နယ်မြေဒေသ၏ လုံခြုံရေးအခြေအနေအရ ပွဲကျင်းပရာတွင် အခက်အခဲအချို့ရှိသော်လည်း ဒေသခံ ကရင်အမျိုးသားများ ထောင်ချီလာရောက်ခဲ့ကြပြီး မည်သည့်ပြဿနာမှမရှိဘဲ အောင် မြင်စွာကျင်းပနိုင်ခဲ့သည်ဟုလည်းပြောသည်။

ယခုနှစ်၏ ကရင်နှစ်သစ်ကူးနေ့ အခမ်းအနားတရပ်ကိုလည်း တပ်မဟာ(၅)အခြေစိုက် ဖါပွန်ခ ရိုင်တွင်ခမ်းနားစွာကျင်းပပြုလုပ်ခဲ့သည်ဟုကေအင်ယူ၏အဆင့်မြင့်ခေါင်းဆောင်တဦးကပြောသည်။

ကရင်နှစ်သစ်ကူးနေ့အတွက် ကေအင်ယူဥက္ကဌ ဗိုလ်ချုပ်ကြီးစောတာမလာဘော ပြောကြား သောမိန့်ခွန်းတွင် ကရင်အမျိုးသားများ ဖိနှိပ်ကျွန်ပြုမှုအပေါင်းမှ လွတ်မြောက်နိုင်ရန် နိုင်ငံရေး အရနိုးကြားပြီး ဘာသာအယူဝါဒ မခွဲခြားဘဲတစိတ်တ၀မ်းတည်း စည်းလုံးညီညွတ်ကြရန်နှင့် ရန်သူများ၏ လိမ်လည်လှည့်စားမှုများကို အထူးသတိရှိရန် တိုက်တွန်းပြောကြားထားသည်။

မဲဆောက်ဒေသတွင်းရောက် ကရင်အမျိုးသားများကလည်း နှစ်သစ်ကူးအခမ်းအနားများကို ကျင်းပကြပြီး ထိုင်းနယ်စပ်တလျှောက်ရှိ ကရင်ဒုက္ခသည်စခန်း(၇)ခုတွင်လည်း ကျင်းပပြုလုပ် ခဲ့ကြသည်။

ကရင်အမျိုးသားနှစ်သစ်ကူးနေ့တွင် ကေအဲန်ယူ ကရင်အမျိုးသားအစည်းအရုံး ဥက္ကဌ ဗိုလ်ချုပ်ကြီးစောတာမလာဘောက ပြောကြားသောမိန့်ခွန်း

ပြည်တွင်းပြည်ပရှိ ကရင်အမျိုးသားအပေါင်းတို့-
ခေါင်းဆောင်-ရဲဘော်အပေါင်းတို့-
ဒီကနေ့ဟာ ကရင်သက္ကရာဇ် (၂၇၄၉)ခုနှစ် သလေလဆန်း (၁)ရက်နေ့၊ ခရစ်သက္ကရာဇ် (၂၀ဝ၉)ခုနှစ် ဒီဇင် ဘာလ (၁၆)ရက်နေ့သည် ကရင်အမျိုးသား နှစ်သစ်ကူးမင်္ဂလာအခါသမယ ကျရောက်ချိန်ဖြစ်ပါတယ်။ ဒီလို နှစ်သစ် မင်္ဂလာနေ့မြတ်ကို ကြုံကြိုက်ပြန်ရတာဟာလည်း ထပ်မံဝမ်းမြောက်ဝမ်းသာ ဖြစ်ဖွယ်ဖြစ်ပါတယ်။ ဒါကြောင့် နေရာဒေသ အသီးသီးမှာ နေထိုင်ကြတဲ့ကရင်အမျိုးသားတစ်ဦးစီတိုင်းကို ကိုယ်စိတ်နှစ်ဖြာကျမ်းမှုာ ချမ်းသာပါစေကြောင်း ဆုမွန် ကောင်းများပို့သရင်း နှစ်သစ်ကူးနုတ်ခွန်းဆက် အမှာစကားပြောလိုပါတယ်။


ပထမအနေနဲ့ မိမိတို့ကရင်အမျိုးသားဆိုတာ လူမျိုးငယ်လေးတစုမျှသာမဟုတ်ကြောင်းဦးစွာပြောကြားလို တယ်။ ဘီစီ ၇၃၉ ကစပြီး ဒီတိုင်းပြည်ထဲကို ဦးစွာပထမ ဝင်ရောက်လာခဲ့တဲ့ လူမျိုးတမျိုးဖြစ်သလို လွန်ခဲ့သော နှစ်ပေါင်း ထောင်ကျော်မှာ လွတ်လပ်ငြိမ်းချမ်းစွာ နေလာနိုင်ခဲ့လူတွေလဲဖြစ်ပါတယ်။ ဒါပေမဲ့သက်ဦးဆံပိုင် မွန်ဘုရင်။ ဗမာဘုရင်တွေရဲ့ အကြမ်းဖက်တိုက်ခိုက်ဖိနှိပ်ညှင်းပမ်းမှူကြောင့် ငြိမ်းချမ်းလွတ်လပ်စွာ မနေနိုင်ခဲ့ကြတော့တာ မဟာဗမာဝါဒီ စစ်အာဏာရှင် များရဲဏ္ဍ အုပ်စိုးတဲ့ခေတ် ယနေ့ကာလတိုင်အောင်ဖြစ်ပါတယ်။

ဒီနိုင်ငံမှာ ကရင်လူမျိုးဟာ လူမျိုးတမျိုး ဖြစ်တာနဲ့အညီ မိမိ တို့နဲ့ထိုက်တန်တဲ့ အမျိုးသားကိုယ်ပိုင်ပြဌာန်းခွင့် အခွင့်အရေးကလည်းရရှိပြီး မိမိတို့ဖာသာ ကိုယ့်အားကိုယ်ကိုး တိုးတက် ကြီးပွားအောင် လုပ်နိုင်ခွင့်ရကြဘို့လိုတယ်။ ဒီနေရာမှာ အမျိုးသားရဲ့စကား။ စာပေနဲ့ရိုးရာ ယဉ်ကျေးမှူထိမ်းသိမ်း စောင့် ရှောက်ရေးကိစ္စဟာ အလွန်အရေးကြီးကြောင်း ထပ်မံအသိပေးလိုက်ပါတယ်။ ကရင့် တော်လှန်ရေးနဲ့ ကေအဲန်ယူ အဖွဲ့ အစည်းခေါင်းဆောင် ရပ်တည်နိုင်တဲ့အတွက် အရှေ့ဘက်မှ ကရင်အမျိုးသားတွေဟာ မိမိရဲ့ဘာသာစကားကို ပြောကြား ခွင့်ရပြီး ကရင်စာပေကိုလည်း အစုံလျင်သင်ယူခွင့်ရနေကြသေးတယ်။

မြစ်ဝကျွန်းပေါ့်၌မြို့ပြဒေသမှာရှိတဲ့ ကရင်အများစု ကြီးတော့ ဒီလိုအခွင့်အရေးတွေ အကြီးအကျယ်ဆုံးရှုံးနေလို့ ကရင်ဖြစ်ပြီး ကရင်စကားမပြောတတ်၊ ကရင်စာပေမရေး တတ်၊ မဖတ်တတ်ကြဘူး၊ တချိန်တည်းမှာဘဲ စာပေလည်းပျောက်၊ လူမျိုးပျောက်မဖြစ်အောင် ဝိုင်းဝန်းထိမ်းသိမ်းကြတဲ့ မြို့ပြနဲ့မြစ်ဝကဋ္ဌန်းပေါ်က ကရင်မျိုးချစ်တွေ။ ဘာသာရေးဘက်ဆိုင်ရာ ပုဂ္ဂိုလ် အဖွဲ့အစည်းများရဲ့ကဏ္ဍကိုလည်း အသိ အမှတ်ပြုကြရမှာဖြစ်တယ်။

အဲ့ဒီနေရာတွေမှာ ကရင်ဘာသာစကား ကရင်စာပေဟာ တစုံတရာရှင်သန်နေသေးတာ ဖြစ်တယ်။ ဒီကနေ့မှာ ကရင်အမျိုးသားအခွင့်အရေးတွက် တော်လှန်ရုန်းကန်တိုက်ပွဲဝင်နေကြရင်း ကရင်တော်တော် များများဟာ ကမ္ဘာ့အနှံ့ပြန့်နှံ့ ရောက်ရှိနေကြပြီးဖြစ်လို့ ကရင်လူမျိုးတမျိုးဤွှကမ္ဘာမြေပေါ်မှ လုံးဝဆိတ်သုန်း ပျောက် ကွယ်ခြင်း မရှိရလေအောင် ကိုယ့်အမျိုးသား ဘာသာစာပေစကားနဲ့ ရိုးရာအစဉ်လာကောင်းများကို အစွမ်းကုန်ထိမ်းသိမ်း ကြဘို့လိုတယ်။ ဒါကြောင့်ကရင်တိုင်းက ဒီကိစ္စအပေါ် အထူးအလေးနက်သတိပြုဘို့လိုတယ်။

ဒုတိယအနေဖြင့် ကရင်အမျိုးသားတို့၏ သမိုင်းကို ပြန်လည်ဆန်းစစ်ကြည့်လျင် အုပ်စိုးသူအဆက်ဆက် တို့၏ ဖိနှိပ်မှူ၊ သတ်ဖြတ်မှူအပေါင်းဖြင့် နာကျည်းဘွယ်ရာအဖြစ် ပြည့်နှက်လျက်ရှိနေပြီး ယနေ့ထိတိုင် မိမိတို့၏ မွေးရာပါအခွင့်အရေးများ ဆိတ်သုန်းလျက်ရှိသည်။ ကရင်အမျိုးသားအရေးသည် နိုင်ငံရေး ပြဿနာဖြစ်သည်နှင့် အညီ ကရင်အမျိုးသား ခေါင်းဆောင်များက နိုင်ငံရေးပြဿနာကို နိုင်ငံရေးနည်းဖြင့် ဿကိုကြိုးပမ်းဖြေရှင်းခဲ့သော်လည်း စစ်အာဏာရှင်အုပ်စုမှ လက်မခံသည့်အပြင် လက်နက်ဖြင့်ချေမှူန်းလာခဲ့သည့်အပေါ် ယနေ့ထက်တိုင် လက်နက် ကိုင် ခုခံတော်လှန်ရေးကို ကြံ့ကြံ့ခံဆင်နွဲနေရခြင်းဖြစ်သည်။

သို့ဖြစ်၍် ကရင်အမျိုးသားအရေး ကြိူးပမ်းဆောင်ရွက် ရာမှာ ဖိနှိပ်ကျွန်ပြုမှူအပေါင်းမှ လွတ်မြောက်နိုင်ရန် နိုင်ငံရေးအရ နိုးကြားပြီး ဘာသာအယူဝါဒ မခွဲခြားဘဲ တစိတ် တဝမ်းတည်း စည်းလုံးညီညွတ်ကြရန်၊ အမျိုးသား ရန်သူမသမာသူများ. လိမ်လည်လှည့်စားမှူများကို မခံကြရန် အထူးသတိရှိကြရန် လိုအပ်ပါသည်။

တတိယအနေနဲ့ အုပ်စိုးသူစစ်အစိုးရတို့သည် ကရင်တမျိုးသားလုံးအပေါ် ဖိနှိပ်ကျွန်ပြုယုံမက ကရင် အမျိုးသားထုအတွင်း အချင်းချင်းသတ်ဖြတ်ဖြိုခွဲခြင်း၊ လူငယ်လူရွယ်များ စာရိတျွှပျက်ပြားအောင် မူးယစ်ဆေးဝါး များနှင့် မြူဆွယ်ဖျက်ဆီးခြင်း၊ ဘာသာရေးအရ ဖြိုခွဲခြင်းများကို စနစ်တကျလုပ်ဆောင်လျက်ရှိသည်။ အုပ်စိုးသူ စစ်အာဏာရှင်အဆက်ဆက်တို့၏ ဖိနှိပ်မှူ၊ နှိပ်စက်ညှင်းပမ်းမှူ၊ မတရားသတ်ဖြတ်မှူများကို ခံစားလာရသည်မှာ တနေ့ထက်တနေ့ပိုပြီး ပြင်းထန်လာသည်။

အုပ်စိုးသူအဆက်ဆက်တို‹သည် ကရင်အမျိုးသားများအား နည်း ပရိယာယ်မျိုးစုံဖြင့် လူမျိုးတုံး သတ်ဖြတ်မှူမျိုးကို အစီအစဉ်ရှိရှိ စီမံချက်ဖြင့် ကျင့်သုံးလျက်ရှိပြီး တချိန်တည်းတွင် ကရင်အမျိုးသားနေထိုင်ရာ ဒေသအသီးသီးတွင် စစ်ရေးလှူပ်ရှားမှူအပြင်းအထန်ပြုလုပ်လျက် လယ်ခင်းယာခင်း များ ပတ်လည်အနှံ့မြေမြုပ်မိုင်း အများအပြားထောင်ခြင်း။ မြန်မာပြည်အရှေ့ခြမ်းနေ ကရင်လူထုများထံ တိုက်ရိုက်ဦးတည်တိုက်ခိုက်ခြင်းသည် ကိုယ်ချင်းစာနာမှူကင်းမဲ့သည့် လုပ်ရပ်ဖြစ်သည်။

နောက်ဆုံးအနေနဲ့ မှာကြားလိုတာကတော့ ၂၀၁၀ ခုနှစ်ဟာ ကရင်အမျိုးသားတွေအတွက် အလွန်တရာ စိုးရိမ်ဖွယ်ကောင်းတဲ့နှစ်တနှစ်ပါ။ ဘာကြောင့်လဲဆိုတော့ တိုင်းရင်းသားလူမျိုးတွေရဲ့ မွေးရာပါ ကိုယ်ပိုင်ပြဌာန်းခွင့်တွေကို အသိအမှတ်ပြုဖို့ လုံးဝဆန္ဒမရှိတဲ့ အာဏာရှင်အစိုးရဟာ သူတို့အတင်းအကြပ် ရေးဆွဲပြဌာန်းထားတဲ့ တိုင်းပြည်ရဲ့ ဖွဲ့စည်းအုပ်ချုပ်ပုံ အခြေခံဥပဒေကိုသုံးပြီး တိုင်းရင်းသားတွေကို ချေမှူန်းသုတ်သင်ဘို့ စီမံချက်တွေကို ချမှတ်အကောင်အ ထည်ဖော်နေတာကြောင့်ဖြစ်တယ်။

ကေအဲန်ယူ အမျိုးသားအစည်းအရုံးဟာ တိုင်းရင်းသားလူမျိုးများအတွက် မည်သည့် အာမခံချက် အခွင့်အရေးမှ မပါဝင်တဲ့ဖွဲ့စည်းပုံ အခြေခံဥပဒေနဲ့ ရွေးကောက်ပွဲဆိုတာကို ဆန့်ကျင်နေတာဖြစ်တယ်။ ကေအဲန်ယူ အမျိုးသားအစည်းအရုံးရဲလှူပ်ရှားတိုက်ပွဲဝင်မှူမှန်သမျှဟာ နိုင်ငံရေးအဓိပယ်ဆောင်ပြီး မိမိလူမျိုးဖိ နှိပ်မှူက လွတ်မြောက်ပြီး လူမျိုးတမျိုးအဖြစ် ဂုဏ်သိက္ခာရှိစွာနဲ့ အသက်ရှင်နေထိုင်ဘို့ လွတ်လပ်ဘို့ (ဝါ) ကရင်ကံကြမ္မာကို ကရင်ဖန်တီးနိုင်ခွင့်ရမယ်။ ဒီမိုကရေစီပြည့်ဝတဲ့ ဖယ်ဒရယ်ပြည်ထောင်စု တည်ဆောက်နိုင်ရေးဖြစ်တယ်။ ဒီလိုမျိုးနိုင်ငံရေး အရ ရုန်းကန်တိုက်ပွဲဝင်မှူဟာ ကရင်အမျိုးသားများရဲ့ဘဝကံကြမ္မာနဲ့ တိုက်ရိုက်သက်ဆိုင်နေတာဖြစ်လို့ ကရင်အမျိုးသား တိုင်းက ထမ်းရွက်ရမဲ့အမျိုးသားရေးတာဝန်ဖြစ်တယ်။

ဒါကြောင့် နေရာဒေသအသီးသီးမှာ ရောက်ရှိနေထိုင်ကြတဲ့ ကရင် တွေက ကရင်အမျိုးသားဘဝလွတ်မြောက်ရေးအတွက် ကျရာအခန်းကဏ္ဍကနေ ကိုယ်စီကိုယ်စီတာဝန်ယူပြီး တစိတ် တဝမ်းတည်း ညီညီဍွတ်ဍွတ် အောင်ပွဲရသည့်အထိ ဆက်လက်တိုက်ပွဲဝင်သွားကြရန်နှင့် ဒီနေ့ထူးနေ့မြတ်အခါ သမယမှာ ကရင်အမျိုးသားတရပ်လုံး KNU ဆောင်မှူအောက်တွင် ညီညီညွတ်ညွတ်၊ မားမားမတ်မတ်ရပ်ခံပြီး၊ ဘဝတူတိုင်းရင်းသား အင်အားစုများ၊ ဒီမိုကရေစီအင်အားစုများနှင့်အတူ လက်တွဲပြီး မိမိအောင်ပွဲပန်းတိုင် အရောက် ခွန်အားသစ်ဖြင့် ဆက်လက်ဦးတည် တိုက်ပွဲဝင်ကြရန် တိုက်တွန်းနှိုးဆော်လိုက်ရပါသည်။

မြ၀တီမှ ကျေးရွာဥက္ကဋ္ဌ သေနတ်ပစ်ခံရ၍ သေဆုံး

မြ၀တီမြို့ပြင်တောင်ဘက်ရှိ မဲထော့ကလေးကျေးရွာ ဥက္ကဋ္ဌ ဦးစိုးနိုင်သည် ယမန်နေ့ည (၈) နာရီခန့်က အမည်မသိ သေနတ်သမားတဦး၏ ပစ်ခတ်မှုကြောင့် ပွဲချင်းပြီး သေဆုံးသွားခဲ့သည်ဟု မျက်မြင်သက်သေတဦးက ပြောသည်။

“မနေ့ည (၈) နာရီလောက်မှာ ဘိလိယက်ထိုးနေတဲ့ ဥက္ကဋ္ဌကို ရုပ်ဖျက်ထားတဲ့ လူတယောက်က ၀င်လာပြီး သေနတ်အတိုနဲ့ ခေါင်းကို (၄) ချက်ပစ်ပြီး ထွက်ပြေးသွားတယ်၊ ဘယ်အဖွဲ့ကမှန်းမသိဘူး” ဟု ပြောသည်။

မဲထော့ကလေးရွာခံများက စီးပွားရေးပြဿနာများကြောင့် စီးပွားဘက်များ၏ လုပ်ကြံခြင်းဖြစ်နိုင်သည်ဟု ယူဆကြသော်လည်း မြ၀တီခရိုင်အာဏာပိုင်များက ကေအန်ယူအဖွဲ့၏ လုပ်ရပ်ဖြစ်နိုင်ကြောင်း ပြောပြီး စုံစမ်းမှုများပြုလုပ်လျက်ရှိသည်။

ဒေသအခြေစိုက် စိုက်ပျိုးရေးလုပ်ငန်းရှင်တဦးက “ဒီခွင်မှာ ပြောင်းစိုက်တဲ့ လုပ်ငန်းကများတယ်၊ ထိုင်းဘက်ကလည်း လာပြီး ရင်းနှီးလုပ်ကိုင်တာတွေ များတယ်။ ဒီလူက တာဝန်ကျေတယ်။ အပေါ်ကခိုင်းသလို လုပ်တယ်။ ဒီကေဘီအေနဲ့လည်း အဆင်မပြေတာတွေ ရှိတယ်။ သူ့ကြောင့် ဒီကေဘီအေက မူးယစ်ဆေးတွေ မကြာခဏ အဖမ်းခံရတာတွေရှိတော့ သူ့ကို တချို့က မကျေနပ်တာတွေတော့ များတယ်” ဟု ပြောသည်။

အဆိုပါဒေသတွင် အခြေစိုက်သည့် ဒီကေဘီအေကမူ ၎င်းတို့ ပါဝင်ပတ်သက်ခြင်းမရှိဟု မြ၀တီခရိုင်အာဏာပိုင်များကိုပြောပြီး အမှုမှန်ပေါ်ပေါက်ရန် စုံစမ်းပေးမည်ဟု ပြောသည်။

ကရင်အမျိုးသားလွတ်မြောက်ရေးတပ်မတော် တပ်မဟာ (၆) မှ ပြောရေးဆိုခွင့်ရှိသူ တပ်မှူးတဦးက “ဒီဒေသမှာ ကျနော်တို့ စစ်ရေးလှုပ်ရှားမှုတွေရှိပေမယ့် သူတို့အုပ်ချုပ်ရေးနယ်မြေအထိတော့ မသွားဘူး။ ဒါက သူတို့အချင်းချင်းဖြစ်တဲ့ ပြဿနာတွေပါ” ဟု ပြောသည်။

သေဆုံးသူမှာ ထိုင်းနှင့်မြန်မာ နိုင်ငံသားမှတ်ပုံတင် (၂) ခု ကိုင်ဆောင်ထားသူဖြစ်ပြီး စစ်ကိုင်း၊ ရွာသစ်ကြီး တိုင်းရင်းသားလူမျိုးများဖွံ့ဖြိုးရေးကျောင်းဆင်းတဦး ဖြစ်သည်ဟု ၎င်း၏ဆွေမျိုးသားချင်းတဦးက ပြောသည်။

မြ၀တီမြို့ပြင်တောင်ဘက် (၃) မိုင်အကွာရှိ မဲထော့ကလေးရွာတွင် အိမ်ခြေ (၄၅၀) ခန့်ရှိပြီး လူဦးရေ (၁,၀၀၀) ခန့် နေထိုင်ကာ မြန်မာစုနှင့် ရှမ်းစု ရပ်ကွက် (၂) ခုခွဲထားပြီး သေဆုံးသူမှာ ရှမ်းစုရပ်ကွက်၏ ဥက္ကဋ္ဌဖြစ်သည်။

၎င်းကျေးရွာသည် မြ၀တီခရိုင်အတွင်း မူးယစ်ဆေးဝါးပြဿနာ၊ လုယက်မှု၊ လူသတ်မှုများ နှစ်စဉ် ဖြစ်ပွားသည့် နေရာဖြစ်သည်ဟု မြ၀တီမြို့မှ ရဲဝန်ထမ်းဟောင်းတဦးက ပြောသည်။

ရဲရင့်

ငယ်ရွယ်သူများ သေဆုံးမှုသတင်း ဖော်ပြမှု စာပေစိစစ်ရေးက ကန့်သတ်ပိတ်ပင်

အသက်ငယ်သူများသေဆုံးမှုနှင့် ပတ်သက်၍ သတင်းဂျာနယ်များတွင် ဖော်ပြခြင်းကို စာပေစိစစ်ရေးက ကန့်သတ်ထားကြောင်း ရန်ကုန်စာနယ်ဇင်း အသိုင်းအ၀ိုင်းမှ သိရသည်။

ပြီးခဲ့သည့် နိုဝင်ဘာ (၃၀) ရက်၌ လမ်းမတော်မြို့နယ်၊ (၁၄) လမ်းတွင် (၁၆) နှစ်အရွယ်ရှိ မိန်းကလေးတဦး လေးထပ်တိုက်ပေါ်မှ ခုန်ချကာ အဆုံးစီရင်သွားကြောင်း သတင်းကို စာပေစိစစ်ရေးက သတင်းဂျာနယ်များတွင် ဖော်ပြခွင့် ပိတ်ပင်ခဲ့ကြောင်း သိရသည်။

အဆိုပါ အမျိုးသမီးငယ်သည် နေရာတွင်ပင် ဒဏ်ရာဗရပွဖြင့် ပွဲချင်းပြီး သေဆုံးသွားခြင်းဖြစ်ကြောင်း လမ်းမတော်ရဲစခန်းမှ တာဝန်ကျ ရဲအရာရှိတဦးက ပြောသည်။

သေဆုံးသည့် အမျိုးသမီးငယ်အမည်မှာ မဇင်သူထက်ဖြစ်ပြီး လေဖြတ်ထားသော ဖခင်ကို လုပ်ကျွေးပြုစုနေသည့် သမီးတဦး ဖြစ်ကြောင်း၊ (၁ဝ) တန်းအောင် ကျောင်းသူတဦးဖြစ်ပြီး လာမည့် ပညာသင်နှစ်တွင် တက္ကသိုလ်တက်ရောက်မည့် သူဖြစ်ကြောင်း အိမ်နီးနားချင်းများက ပြောသည်။

“ခုတလောက အသက်ငယ်တဲ့ ကျောင်းနေအရွယ်တွေ သေတာ များနေတယ်။ ခိုင်ရွှန်းလဲ့ရည်ဆိုတဲ့ ကောင်မလေး သေတယ်။ ပြီးတော့ သာကေတမှာ ကျောင်းသူတဦး ရေထဲ ဆင်းသေတယ်။ လသာမှာ ကျောင်းသားအချင်းချင်းကြောင့် ပွဲချင်းပြီး ကျောင်းသားတယောက် သေတယ်။ ခုလည်း တိုက်ပေါ်က ခုန်ချတယ်။ မကြာမကြာ ဆိုသလို ဖြစ်နေတာမျိုးကြောင့် ကျမတို့ကိုလည်း အထက်ကညွှန်ကြားထားတဲ့အတိုင်း ဆောင်ရွက်တာပါ” ဟု စာပေစိစစ်ရေးမှ တာဝန်ကျစာစစ်မှူးတဦးက ပြောသည်။

ရန်ကုန်အခြေစိုက် သတင်းအယ်ဒီတာတဦးက “အရင်တုန်းကဆိုရင် ရန်ကုန်တိုင်း ရဲရုံးက သတင်းတွေ ခေါ်ပေးတယ်။ ခုနောက်ပိုင်း သွားမေးရင်တောင် မရတော့ဘူး။ ခုရက်ပိုင်းအတွင်းက ပိုဆိုးသွားတယ်။ အသက်ငယ်တဲ့သူတွေ သေမှုသေခင်းနဲ့ ပတ်သက်ရင် လုံးဝမပေးတော့တာ” ဟု ပြောသည်။

ရန်ကုန်စာနယ်ဇင်းအသိုင်းအ၀ိုင်းမှ သတင်းထောက်များကလည်း မြန်မာနိုင်ငံစာပေနှင့် စာနယ်ဇင်းက သတင်းစာသင်တန်းများ၊ ပြည်ပ သတင်းစာဆရာများ ခေါ်ယူပို့ချခဲ့ပြီးသည့်နောက်ပိုင်း သတင်းရေးသားမှုတွင် ပေးသည့်သတင်းများကို ပေးသည့်အတိုင်း မရေးသားဘဲ သတင်းရင်းမြစ်ကို သေသေချာချာ စိစစ်မေးမြန်းရေးလာကြကြောင်း၊ ထို့အတွက် မှုခင်းရဲများနှင့် ဌာနဆိုင်ရာများက သတင်းထောက်များကို ယခင်ထက် ဂရုစိုက်လာကြကြောင်း ၀ါရင့်သတင်းအယ်ဒီတာတဦးက ပြောသည်။

မျိုးချစ်သူ

Special Training for Youth Development

O K R S O ပညာရေးကော်မတီမှ ဦးဆောင်ဖွင့်လှစ်သော Special Training for Youth Development သင်တန်းကို O K R S O ဘန်ကောက်ရုံးမှာ တနင်္ဂနွေနေ့ အပတ်တိုင်းဖွင့် လှစ်ထားပါတယ်... ဒီသင်တန်းကတော့ အနည်းဆုံး မြန်မာပြည်(၁၀) တန်းကိုအောင်ရမှာဖြစ်ပြီးဘန်ကောက်မှာ ရှိတဲ့အပြည်ပြည်ဆိုင်ရာတက္ကသိုလ်တွေကို ဆက်တက်နိုင်ဘို့  ကျောင်းထောက်ပံ့ကြေး(Scholarship) လျှောက်နိုင်ဘို့ အတွက်ကြို တင်ပြင်ဆင်ပေးတဲ့ သင်တန်းတစ်ခုဖြစ်ပါတယ်.....

သင်တန်းမှာသင်ကြားပေးသောဘာသာရပ်တွေကတော့ 
အင်္ဂလိပ်စာကို Ireland နိုင်ငံမှ ဆရာမကတာဝန်ယူသင်ကြားပို့ ချပြီး
အထွေထွေဗဟုသုတ(General Knowledge) ဘာသာရပ်ကို Assumption University (ABAC) မှ Counseling Psychology တက်ရောက်သင်ကြားနေသောဆရာ Doh Doh နှင့်
တခြားအလှည့် ကျသော တက္ကသိုလ်မှ ပညာသင်ကြားနေကြသောကျောင်းသူကျောင်းများမှ
တစ်လှည့်စီအထွေထွေဗဟုသုတတို့ ကို လာရောက်ဝေမျှကြပါတယ်.....
ခုလောလောဆယ်မှတော့ကျောင်းသူ ကျောင်းသား အယောက်(၁၀) ကျော်တို့ ကို သင်တန်းပေးနေပါ တယ်...




















Special Training မှကျောင်းသူ၊ကျောင်းသားများစာသင်နေပုံ















Special Training မှကျောင်းသူ၊ကျောင်းသားများစာသင်နေပုံ
















Special Training မှကျောင်းသူ၊ကျောင်းသားများစာသင်နေပုံ
















Special Training မှကျောင်းသူ၊ကျောင်းသားများစာသင်နေပုံ





O K R S O ပညာရေးကော်မတီ

OKRSO Sunday language School (Nov-March,2010)

O K R S O ပညာရေးကော်မတီမှဦးဆောင်ဖွင့် လှစ်သော
(Sunday Language School )၂၀၀၉ ခုနှစ်ရဲ့ ဒုတိယသုတ်သင်တန်းကို
နိုဝင်ဘာကနေ မတ်စ် ၂၀၁၀ အထိခြောက်လတိတိ ဖွင့်လှစ်သွားမှာဖြစ်ပါတယ်....
အင်္ဂလိပ်စာသင်ပေးသော ဆရာ၊ဆရာမ (၃) ယောက်နှင့်ထိုင်းဆရာမ(၂) ယောက်ရှိပြီး၊ ကျောင်းသူ၊ကျောင်းသားပေါင်းအယောက်(၆၀)ကျော်တို့ ကိုသင်တန်းလက်ခံထားပါတယ်။

O K R S O ကျောင်းမှာစာသင်ပေးသောဆရာ၊ဆရာမ နှင့်
စာလာသင်သောကျောင်းသူ၊ကျောင်းသားများတွေရဲ့ မှတ်တမ်းဓာတ်ပုံများကို
အောက်မှာဖော်ပြထားပါတယ်.....
















level (1)class မှဆရာမနှင့် ကျောင်းသူ၊
ကျောင်းသားများ
















level (၂)class မှဆရာမနှင့် ကျောင်းသူ၊
ကျောင်းသားများ


















O K R S O ကျောင်းသူ၊ကျောင်းသားများ


















level (၂)class မှဆရာမနှင့် ကျောင်းသူ၊
ကျောင်းသားများ




















level (၂)class မှဆရာမနှင့် ကျောင်းသူ၊
ကျောင်းသားများ


O K R S O ပညာရေးကော်မတီ

HIV/AIDS ကျန်းမာရေးအသိပညာပေး 2009

OKRSO ကျန်းမာရေးပညာပေးအဖွဲ့ မှဦးဆောင်သော
HIV/AIDS ရောဂါနဲ့ ပတ်သက်ပြီးအသိပညာပေးတစ်ရပ်ကို IRC မှ
ကျန်းမာရေးအဖွဲ့ နှင့်ပူးပေါင်းပြီး
OKRSO Sunday Language School မှာ အင်္ဂလိပ်နှင့် ထိုင်းစာ သင်တန်းကို
တက်ရောက်သင် ကြားသော ကျောင်းသူ ကျောင်းသားများ ကို
November 22,2009 မှာသွားရောက်ပညာပေးပုံ တို့ ကို ဓာတ်ပုံများနှင့်တကွ တင်ပြထားပါတယ်။


















IRC မှ HIV/ AIDS ကျန်းမာရေးပညာပေးနေပုံ














IRC မှ HIV/ AIDS ကျန်းမာရေးပညာပေးနေပုံ













OKRSO Sunday School မှ ကျောင်းသူ
ကျောင်းသားများ မှကျန်းမာရေးပညာပေးကို
စိတ်ဝင်တစားနားဆင်နေပုံ

















IRC မှ HIV/AIDS ကျန်းမာရေးပညာပေးနေပုံ
















OKRSO Sunday School မှ ကျောင်းသူ
ကျောင်းသားများ မှကျန်းမာရေးပညာပေးကို
စိတ်ဝင်တစားနားဆင်နေပုံ




OKRSO မိသားစု

HIV/AIDS ကျန်းမာရေးအသိပညာပေး November,2009

OKRSO ကျန်းမာရေးပညာပေးအဖွဲ့ မှဦးဆောင်သော
HIV/AIDS ရောဂါနဲ့ ပတ်သက်ပြီး ဘယ်လိုကာကွယ်ပုံ။
ရောဂါဖြစ်ပြီးဆက်လက် ဘယ်လိုနေထိုင်ရပုံ တို့နှင့်ပတ်သက်ပြီး
အသိပညာပေးတစ်ရပ်ကို Rangsit မှာရှိတဲ့အလုပ်သမားပလပ်စတစ်စက်ရုံမှာ
November 29,2009 မှာသွားရောက်ပညာပေးပုံ တို့ ကို ဓာတ်ပုံများနှင့်တကွ တင်ပြထားပါတယ်။
















Rangsit ပလပ်စတစ်စက်ရုံမှ အလုပ်သမားများကို
ကျန်းမာရေးပညာပေးနေပုံ














Rangsit ပလပ်စတစ်စက်ရုံမှ အလုပ်သမားများကို
ကျန်းမာရေးပညာပေးနေပုံ














Rangsit ပလပ်စတစ်စက်ရုံမှ အလုပ်သမားများကို
ကျန်းမာရေးပညာပေးနေပုံ















Rangsit ပလပ်စတစ်စက်ရုံမှ အလုပ်သမားများကို
ကျန်းမာရေးပညာပေးနေပုံ

ဒုက္ခသည်များ စခန်းပြင်ထွက် အလုပ်လုပ်ခွင့် ထိုင်းအစိုးရကို EU တိုက်တွန်းမည်

ထိုင်းမြန်မာနယ်စပ်က ဒုက္ခသည်စခန်းတွေမှာ နေထိုင်နေတဲ့ မြန်မာနိုင်ငံသား ဒုက္ခသည်တွေ စခန်းအပြင်ထွက်ပြီး အလုပ်လုပ်ကိုင်ခွင့် ရရေးအတွက် ဥရောပသမဂ္ဂ အီးယူကနေ နောက်ထပ်တကြိမ် တိုက်တွန်း လုပ်ဆောင်သွားမယ်လို့၊ ဥရောပသမဂ္ဂ အရာရှိက နိုဝင်ဘာ ၂၉ ရက် မနေ့က ပြောဆိုလိုက်ပါတယ်။


ထိုင်း-မြန်မာနယ်စပ်၊ အီလောထ ဒုက္ခသည်စခန်းရှိ ယာယီတဲ အမိုးအကာအောက်တွင် နေထိုင်နေကြသော မြန်မာ ဒုက္ခသည်များ ဖြစ်ပါသည်။ (Photo: RFA)

ထိုင်းမြန်မာနယ်စပ် တောတောင်တွေ အကြားမှာ ရှိတဲ့ ဒုက္ခသည်စခန်း ၉ ခုမှာ နေထိုင်နေရတဲ့ ဒုက္ခသည် ၁ သိန်း ၄ သောင်းကျော်အတွက်၊ အကူအညီ အထောက်အပံ့တွေ အများဆုံး ပေးနေတဲ့ ဥရောပ သမဂ္ဂ အီးယူကနေ ဒီ အစီအစဉ်ကို လုပ်ဆောင်သွားမှာ ဖြစ်ကြောင်း ထိုင်းနိုင်ငံဆိုင်ရာ ဥရောပ သမဂ္ဂ သံအရာရှိကြီး ဒေးဗစ် လစ်မန်းက ပြောဆိုလိုက်တာပါ။

လူတယောက်ဟာ ဒုက္ခသည်စခန်းတခုထဲမှာ ၁၈ နှစ် အနှစ် ၂၀ လောက်ကြာအောင်နေ နေရတာကို တွေ့ရတာ အလွန်ကိုပဲ စိတ်ထိခိုက်စရာ ကောင်းပါတယ်လို့ ဥရောပ သံအရာရှိက ပြောဆိုပါတယ်။

သူတို့ကိုယ့် ခြေထောက်ပေါ် ကိုယ်ရပ်တည်နိုင်အောင်နဲ့ ထိုင်းလူ့အဖွဲ့အစည်းအတွင်း ရောနှော ပါဝင်နိုင်အောင် ကူညီလုပ်ဆောင်ပေးသင့်တယ်လို့လည်း ပြောပါတယ်။

ဒုက္ခသည်တွေကို ထိုင်းအစိုးရနဲ့ ညှိနှိုင်းပြီး စခန်းအပြင်ထွက်၊ အလုပ်လုပ်ခွင့်ရအောင် စီစဉ်ဆောင်ရွက်ပေးမဲ့ ဒီအစီအစဉ်ဟာ ဥရောပသမဂ္ဂရဲ့ ဒုက္ခသည်များကိစ္စ ကိုင်တွယ်ေ ဆာင်ရွက်ရေး အတွက် ရေးဆွဲထားတဲ့ ၅ နှစ် စီမံကိန်းရဲ့ အစိတ်အပိုင်းတခု ဖြစ်ပါတယ်။

ဒုက္ခသည်တွေ သာမန် လူမှုဘဝ ပြန်လည်ရရှိရေးနဲ့ ထိုင်းလူ့အဖွဲ့အစည်းအတွက်လည်း အသုံးဝင်တဲ့ အင်အားစုတွေ ဖြစ်လာဖို့ ဒီအစီအစဉ်ကို ရည်ရွယ် ဆောင်ရွက်တာလို့လည်း သိရပါတယ်။

ဒီ အစီအစဉ်ဟာ မြန်မာဒုက္ခသည်တွေကို ကူညီနေတဲ့ အန်ဂျီအိုတွေနဲ့ ကမႝာ့ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးတို့ ပူးတွဲပြီး စတင် တင်ပြခဲ့တဲ့ အစီအစဉ် ဖြစ်ပါတယ်။

ဒီအစီစဉ်ကို ၂၀ဝ၅ ခုနှစ် ဝန်ကြီးချုပ်ဟောင်း တပ်ခ်ဆင် ရှိနာဝပ်လက်ထက်က စတင် အကောင်အထည်ဖော်ဖို့ ကြိုးပမ်းခဲ့ပါတယ်၊ အဲဒီအချိန်က မစ္စတာတပ်ခ်ဆင်ရဲ့ ထိုင်းအစိုးရအနေနဲ့ စိတ်ဝင်စားမှု ရှိခဲ့ပေမဲ့လည်း၊ ၂၀ဝ၆ ခုနှစ် စစ်တပ်က အာဏာသိမ်းပြီးနောက် လုံခြုံရေး အရ ရပ်ဆိုင်းထားခဲ့တာပါ။

အခုလို မြန်မာဒုက္ခသည်တွေ စခန်းအပြင်ထွက် အလုပ်လုပ်ခွင့်ပေးဖို့နဲ့ ပတ်သက်ပြီး အသေးစိတ်ကိုတော့ ထိုင်းအစိုးရနဲ့ ထပ်မံ ညှိနှိုင်းရဦးမှာ ဖြစ်ပြီး၊ ထိုင်းအစိုးရကို ခွင့်ပြုဖို့ ဆွဲဆောင်နိုင်လိမ့်မယ်လို့ မျှော်လင့်ကြောင်းကိုလည်း ဥရောပသမဂ္ဂ အရာရှိက ပြောဆိုပါတယ်။

ပထမဆုံးအနေနဲ့ ထိုင်းအစိုးရရဲ့ ခွင့်ပြုချက်ရ ထားတဲ့အတွက် မယ်လဒုက္ခသည်စခန်းက ဒုက္ခသည် ၁၆၆ ယောက်ကို၊ ထိုင်းစိုက်ပျိုးရေးနဲ့ ငါးဖမ်းလုပ်ငန်းတွေမှာ သွားရောက် အလုပ်လုပ်ကိုင်ဖို့ စတင်ဆောင်ရွက်မှာ ဖြစ်တယ်လို့ သိရပါတယ်။

မြန်မာနိုင်ငံအတွင်းက ပြည်တွင်းစစ်ကြောင့် လွန်ခဲ့တဲ့ ၂၅ နှစ်ကစပြီး ထိုင်းနိုင်ငံအတွင်းကို စစ်ပြေးဒုက္ခသည်တွေ ရောက်ရှိလာခဲ့ပြီး၊ နယ်စပ်တလျှောက် နေထိုင်လျက် ရှိပါတယ်။ ဒုက္ခသည် စုစုပေါင်း သိန်းနဲ့ချီပြီး ရှိနေပါတယ်။ အခုအချိန်အထိ ဒုက္ခသည် ၅ သောင်း ၃ ထောင်ဟာ အနောက်နိုင်ငံတွေ အပါအဝင် တတိယနိုင်ငံတွေကို ထွက်ခွာခဲ့ပြီးဖြစ်ပေမဲ့၊ နောက်ထပ် ဒုက္ခသည် ၁ သိန်းခွဲလောက် နယ်စပ်တလျှောက် ကျန်ရှိနေပါသေးတယ်။ ဥရောပသမဂ္ဂအနေနဲ့ ပြီးခဲ့တဲ့နှစ်က ဒုက္ခသည်ကူညီရေး ရန်ပုံငွေတွေ လျှော့ချခဲ့တာ ရှိပေမဲ့၊ အနည်းဆုံး တနှစ်ကို အမေရိကန်ဒေါ်လာ ၄၅ သန်းလောက် ပေးလှူနေတာ ဖြစ်ပါတယ်။

sawlinux

ထိုင်းရေတပ်ကပစ်သဖြင့် မြန်မာစစ်သားများ ဒဏ်ရာရ

ထိုင်းနိုင်ငံ ရေပိုင်နက်အတွင်း ထိုင်းနှင့် မြန်မာနှစ်နိုင်ငံ စစ်သားများ သောကြာနေ့က အပြန်အလှန် ပစ်ခတ်မှု ဖြစ်ပွားခဲ့ရာ မြန်မာ့ တပ်မတော်မှ ဗိုလ်ကြီးတဦးနှင့် တပ်သား လေးဦး ဒဏ်ရာရရှိ ခဲ့ကြောင်း သိရှိရသည်။

တနင်္သာရီတိုင်းကော့သောင်းမြို့အခြေစိုက် ခြေလျင်တပ်ရင်း အမှတ် ၂၆၂ မှ စစ်သားများက မြန်မာရေပိုင်နက်အတွင်း ၀င်ရောက်လာသည့် ငါးဖမ်းလှေများကို လိုက်လံ ဖမ်းဆီးစဉ် ထိုင်းရေပိုက်နက်အတွင်း ကျူးကျော်ဝင်ရောက်ခဲ့သဖြင့် နှစ်ဘက် စစ်တပ်များ အပြန်အလှန် ပစ်ခတ်မှု ဖြစ်ပွားခဲ့ခြင်း ဖြစ်သည်။

လိုက်လံ ဖမ်းဆီးသည့် မြန်မာစစ်သားများက စစ်ဝတ်စုံ ၀တ်ဆင်ထားခြင်း မရှိကြောင်း၊ ထို့ကြောင့် ထိုင်း ငါးဖမ်းသမားများက ၎င်းတို့ကို ပင်လယ်ဓားပြဟု ထင်မှတ်ပြီး ထိုင်းရေတပ်ကို အကြောင်းကြားခဲ့ပြီး နောက်ပိုင်း ထိုသို့ ပစ်ခတ်မှု ဖြစ်ပွားခဲ့ကြောင်း မြန်မာ စစ်တပ်နှင့် နီးစပ်သူတဦးဖြစ်သည့် မောင်တူးက ဧရာဝတီသို့ ပြောသည်။

ဒဏ်ရာရရှိသူများမှာ ခြေလျင်တပ်ရင်း အမှတ် ၂၆၂ မှ တပ်စုမှူး လွင်မင်းသူ နှင့် တပ်သားများ ဖြစ်ပြီး ယခုအခါ ကော့သောင်းမြို့တွင် ဆေးကုသမှု ခံယူနေကြောင်း သိရသည်။

ငါးခိုးဖမ်းသည့် လှေများကို လိုက်လံစစ်ဆေးစဉ် စစ်သားများက ကော့သောင်းမြို့မှ ပုဂ္ဂလိကပိုင် စက်လှေတစီးကို ချောဆွဲသွားခဲ့ကြောင်း၊ စက်လှေတွင် လုပ်ကိုင်သူ လှေသမားတချို့လည်း ဒဏ်ရာရရှိခဲ့ကြောင်း ထိုဒေသတွင် နေထိုင်သူ စာနယ်ဇင်းသမားတဦးက ပြောသည်။

ပစ်ခတ်မှု ဖြစ်ပွားစဉ် ထိုင်းရေတပ်မှ စစ်သည်အင်အား ၃၀ခန့်ရှိပြီး၊ မြန်မာ့တပ်မတော်ဘက်မှ ၇ဦးခန့်သာ ရှိသည်ဟု ဆိုသည်။

ပစ်ခတ်မှုနှင့် ပတ်သက်ပြီး နှစ်နိုင်ငံ အာဏာပိုင်များက တစုံတရာ ထုတ်ဖော် ပြောကြားခြင်း မရှိသေးပေ။

မြန်မာ့ရေပိုင်နက်သည် တခြားဒေသများထက် ငါးမျိုးစုံ ပိုမို ကျက်စားသဖြင့် ဒေသတွင်း နိုင်ငံများမှ ငါးဖမ်းလှေများက ၀င်ရောက်ပြီး ငါးဖမ်းလေ့ရှိသည်။

သန်းထိုက်ဦး

လိင်ပြောင်းလိုသူများ ၁ နှစ်စောင့်ဟု ထိုင်းပြဌာန်း

လိင်ပြောင်းလဲမှုများ မလုပ်ဆောင်မီ ၁ နှစ်ခန့် ကြိုတင်၍ ပြင်ဆင်မှုများ ပြုလုပ်၍ အသက် ၁၈ နှစ်ပြည့်မှ သာလျှင် ခွဲစိတ်ခြင်းကို ခွင့်ပြုရန် ထိုင်းနိုင်ငံက ဥပဒေတခု ထုတ်ပြန်လိုက်ကြောင်း အေပီ သတင်းတွင် ရေးသားထားသည်။

ခွဲစိတ်ကုသမခံမီ ၁နှစ် အလိုတွင် စိတ်ဓာတ်ပိုင်းဆိုင်ရာ ပြင်ဆင်မှု အနေဖြင့် အမျိုးသမီး ၀တ်စုံများကို ၀တ်ဆင်ရမည်ဖြစ်ကြောင်း ဥပဒေတွင် ပါရှိသည်ဟု သိရသည်။

ယင်းဥပဒေသည် ပြီးခဲ့သည် ဗုဒ္ဓဟူးနေ့မှ စတင်၍ အသက် ၀င်မည် ဖြစ်သည်ဟုလည်း ယင်းသတင်းတွင် ရေးသားထားသည်။

ထိုင်းနိုင်ငံ ကျန်းမာရေးဝန်ကြီးဌာနက ဆေးရုံများနှင့် ဆေးခန်းများကို ယခင်နှစ် အတွင်းက လိင်ပြောင်း ၀န်ဆောင်မှုများယာယီ ရပ်ဆိုင်းရန်နှင့် ခွဲစိတ်ကုသမှုကို သေချာစွာ စောင့်ကြည့်ရန် ညွန်ကြား ထားကြောင်း သိရသည်။

ထိုင်းနိုင်ငံ ဆေးပညာ ကောင်စီမှ ဒေါက်တာ Dr. Sampandh Komritက “ဒါဟာ ဘ၀အတွက် အရမ်း အရေးကြီးတဲ့ ဆုံးဖြတ်ချက်တရပ်ပါ၊ ခွဲစိတ်ပြီးရင် ဘယ်လိုမှ ပြန်ပြောင်းလို့ မရတော့ဘူး၊ ဒါဟာ အသေး အမွှားကိစ္စ မဟုတ်ပါဘူး၊ ဆယ်ကျော်သက် အနေနဲ့ သူငယ်ချင်းလုပ်လို့ လိုက်လုပ်လို့ မရပါဘူး၊ ခွဲစိတ် မယ့်သူတွေ အနေနဲ့ တနှစ် အနည်းဆုံးစောင့်ရမယ်” ဟု ယင်းသတင်းက ဆိုသည်။

လိင်တူချစ်သူတဦး ဖြစ်သူ ကရင် အဆိုတော် ယူရီက“ ထိုင်းနိုင်ငံမှာ အခုလို ဥပဒေ ထုတ်လိုက်တာ အရမ်း ကောင်းပါတယ်၊ ၁နှစ် အတောအတွင်းမှာလည်း ဆရာဝန်က မျက်ခြည်မပြတ် စောင့်ကြည်မယ် ဆိုတော့ ပိုကောင်းတာပေါ့နော်၊ ထိုင်းနိုင်ငံက လိင်တူချစ်သူတွေနဲ့ ပတ်သက်ပြီးတော့ အရင်က ဥပဒေမရှိဘူး၊ တားမြစ်တာ မရှိသလို ထောက်ခံတာလည်း မရှိခဲ့ဘူး၊ အခုတော့ လိင်ပြောင်းတာနဲ့ပတ်သက်တဲ့ ဥပဒေ ထွက်လာတဲ့ အခါကျတော့ နိုင်ငံရေးအရ တော်တော်လေး အခြေအနေကောင်းပါတယ်၊ နောက်ထပ် ဒီထက်ပိုတဲ့ အလေးပေးမှုတွေရမှာ ဖြစ်ပါတယ်၊ မြန်မာနိုင်ငံမှာ ဆိုရင်တော့ အရမ်းကောင်းမှာပဲလေ” ဟု ဆိုသည်။

အဆိုပါ ဥပဒေသည် ယခင်ကတည်းက ရှိခဲ့သော်လည်း ခွဲစိတ်မှုပြုလုပ်ရန် ၃နှစ်ခန့် စောင့်ဆိုင်းရကြောင်း၊ လိင်ပြောင်းလဲလိုသူများသည် အသက် ၁၈နှစ် ပြည့်ရန်နှင့် အုပ်ထိန်းသူက ခွင့်ပြုရန် လိုအပ်ကြောင်း ယင်းကာလအတွင်း တပတ်လျှင် တကြိမ်ကျ ဆရာဝန်နှင့် တွေ့ဆုံရန်လိုအပ်ကြောင်း ၎င်းက ဆက်ပြောသည်။

“လူကို လူလိုသာ မြင်တတ်မယ်ဆိုလို့ရှိရင် လိင်တူချစ်သူတွေကို ဖိနှိပ်မှာလဲ မဟုတ်ဘူး၊ လိင်တူ ချစ်သူတွေ လည်း သူတို့ခံစားချက်နဲ့သူတို့ပဲလေ၊ မြန်မာပြည်မှာက သူတို့ အစွဲထဲမှာက လိင်တူချစ်သူတွေဆိုရင် အခြောက်တွေ၊ ရှောက်သီးဆေးပြားရောင်းတဲ့သူတွေ ဆိုပြီးတော့ နှိမ်ချင်ကြတယ်၊” ဟု ယူရီက ဆိုသည်။

ရန်ကုန်မြို့တွင်လည်း သြဂုတ်လအတွင်းမှ စတင်ကာ လိင်ပြောင်းလဲခြင်းဆိုင်ရာ ၀န်ဆောင်မှု စနစ်သစ်တခုကို ထိုင်းနိုင်ငံ၊ ဘန်ကောက်မြို့ အခြေစိုက် ပေါင်လို (၀်) ဆေးရုံကြီး (Paolo Memorial Hospital) ၏ မြန်မာနိုင်ငံရုံးခွဲက ပထမဆုံးအကြိမ်အဖြစ် စတင်ဝန်ဆောင်မှု ပေးနေပြီဖြစ်သည်။

အမျိုးသားဘ၀မှ အမျိုးသမီးအဖြစ်သို့ လိင်ပြောင်းလဲမည်ဆိုပါက အချိန်နှစ်ပတ်ကြာ ဆေးရုံ တက်ကုသမှု ခံယူရမည်ဖြစ်ပြီး အမျိုးသမီးဘ၀မှ အမျိုးသားအဖြစ်သို့ လိင်ပြောင်းလဲပါက ၁ နှစ်မှ ၂ နှစ်အထိ အချိန်ယူ ဆေးကုသမှုခံယူပြီးမှ ခွဲစိတ်ပြုပြင်လိင်ပြောင်းလဲနိုင်ကြောင်း သိရသည်။

ရန်ကုန်မြို့မှ လိင်တူချစ်သူ အမျိုးသားတဦးကမူ အမျိုးသားဘ၀မှ အမျိုးသမီးဘ၀သို့ လိင်ပြောင်းလဲ ချင်ကြ သော လိင်တူချစ်သူအမျိုးသားအများအပြား ပြည်တွင်းတွင်ရှိနေပြီး ငွေလည်းတတ်နိုင်ကြကြောင်း၊ လိင်ပြောင်းလဲရန် မည်သို့မည်ပုံ ပြည်ပဆေးရုံများနှင့် ဆက်သွယ်ဆောင်ရွက်ခွဲစိတ်မှုခံယူရမည်ကိုမသိရှိကြ သူက အများစုဖြစ်နေကြောင်း ပြောဆိုသည်။

ကိုထွေး

ဒေါ်လာဈေး ကျဆင်းမှုကြောင့် အန်ဂျီအိုများ အခက်ကြုံ

ဒေါ်လာအပါအဝင် နိုင်ငံခြားငွေဈေးများ ကျဆင်းနေ၍ အန်ဂျီအိုလုပ်ငန်း လုပ်ကိုင်နေသူများ အထူးထိခိုက်နစ်နာနေရကြောင်း နာဂစ်ဒေသ ကယ်ဆယ်ရေးလုပ်ငန်း လုပ်ကိုင်နေသည့် အန်ဂျီအိုတခုမှ ဆရာဝန်တဦးက ပြောသည်။

၎င်းက “ကျနော်တို့ကို နိုင်ငံရပ်ခြား အန်ဂျီအိုတွေကနေ နာဂစ်ကယ်ဆယ်ရေးမှာ သုံးဖို့ ပုံမှန် ငွေပို့ပေးတယ်။ တချို့ငွေတွေကို နိုင်ငံခြားရင်းနှီးမြှုပ်နှံမှု ဘဏ်ကနေ တရားဝင်လွှဲပေးပြီး ဒီမှာ အက်ဖ်အီးစီနဲ့ ပြန်ထုတ်သုံးတယ်။ နောက် တချို့ဒေါ်လာအဖြစ်နဲ့ပဲ လူနဲ့သယ်လာပြီး သုံးတယ်။ အဲဒီ (၂) မျိုးစလုံးကို ကျပ်ငွေနဲ့လဲပြီး သုံးရတာမို့ အခု ဒေါ်လာဈေးကြောင့် ကျနော်တို့ဆီ ဝင်လာတဲ့ ငွေတွေဟာ ပြီးခဲ့တဲ့ လကနဲ့စာရင် (၁ဝ) ရာခိုင်နှုန်းကျော် လျော့သွားတယ်။ ဒါပေမယ့် ကျနော်တို့ ဒီမှာ မြန်မာကျပ်ငွေနဲ့ ပြန်ပြီး ဝယ်ခြမ်းသုံးနေရတာတွေက တခုမှ ဈေးမကျဘူး။ ဒီအတွက် နဂိုက ကျနော်တို့ တင်ထားတဲ့ proposal တွေကို အဆင်ပြေအောင် လုပ်နိုင်ပါ့မလား မသိဘူး” ဟု ပြောသည်။

အလားတူ ပြည်တွင်းရှိ အန်ဂျီအိုအဖွဲ့တွင် အလုပ်လုပ်နေသူများ၊ သံရုံးတို့၌ အလုပ်လုပ်နေသူများမှာလည်း ဒေါ်လာဈေးကြောင့် ၎င်းတို့ဝင်ငွေများ (၁ဝ) ရာခိုင်နှုန်းကျော် လျော့ကျသွားကြောင်း အဆိုပါဆရာဝန်က ပြောသည်။

နိုင်ငံခြားတွင် အလုပ်လုပ်ပြီး မြန်မာပြည်တွင်းသို့ ငွေပြန်ပို့သည့် သန်းနှင့်ချီရှိသည့် မြန်မာနိုင်ငံသားတို့၏ ဝင်ငွေများလည်း အလားတူ လျော့ကျသွားပြီး အထွေထွေ ကုန်ဈေးနှုန်းများက မကျခြင်းကြောင့် မိသားစုဝင်များ အခက်အခဲ ကြုံရကြောင်း သိရသည်။

နိုင်ငံခြားငွေဖြင့် လစာရနေသူများ၊ နိုင်ငံခြားမှ ငွေပေးပို့မှုကို လက်ခံနေထိုင်စားသောက်သူများသာမက နိုင်ငံခြားသို့ ပို့ကုန်တင်ပို့နေသည့် ပို့ကုန်လုပ်ငန်းများလည်း ထိခိုက်လာနေကြောင်း သိရသည်။

ရေထွက်ပစ္စည်း နိုင်ငံခြား တင်ပို့သူတဦးကလည်း “အခု ကျနော်တို့ ရေထွက်ကုန်ပို့ပြီး ပြန်ရတဲ့ Export Earning ဈေးနှုန်းတွေက ကျပ် (၁,ဝဝဝ) စွန်းစွန်းပဲ ရှိနေတယ်။ ဆိုတော့ ကျနော်တို့ ပို့လိုက်ချိန်တုန်းက ဝယ်ဈေး၊ စရိတ် အဲဒါတွေအားလုံး တွက်လိုက်ရင် ရှုံးတောင် ရှုံးနေတယ်။ ခု ဆက်ပြီး ပို့မလား မပို့ဘူးလား စဉ်းစားနေတယ်” ဟု ပြောသည်။

အလားတူ နိုင်ငံခြားသား ခရီးသွားလုပ်ငန်း လုပ်ကိုင်နေသူများကလည်း ၎င်းတို့၏ ဝန်ဆောင်ခကို ဒေါ်လာငွေနှင့် တွက်ချက် ကောက်ခံထားပြီး ပြည်တွင်း၌ မြန်မာကျပ်ငွေ အသုံးပြုကာ ဝန်ဆောင်မှုပေးနေရသည့်အပေါ် အမြတ်အစွန်း မကျန်သလောက် ဖြစ်လာနေကြောင်း ပြောပြကြသည်။

ရန်ကုန်ဈေးကွက်တွင် ဒေါ်လာပေါက်ဈေးမှာ ပြီးခဲ့သည့်လက (၁) ဒေါ်လာ ကျပ် (၁,၁ဝဝ) နီးပါး ရှိရာမှ ယနေ့ ၂၇-၁၁-ဝ၉ နေ့တွင်မူ (၁) ဒေါ်လာ ကျပ် (၉၉ဝ) ဝန်းကျင်သာရှိပြီး (၁ဝ) ရာခိုင်နှုန်းခန့် ကျဆင်းလျက်ရှိကာ Export Earning ဈေးနှုန်းများမှာလည်း ပြီးခဲ့သည့်လအထိ (၁) ဒေါ်လာ (၁,၁၃ဝ) ဝန်းကျင်ရှိခဲ့ရာမှ ယနေ့ Export Earning ပေါက်ဈေး
(၁) ဒေါ်လာ (၁,ဝ၂ဝ) ဝန်းကျင်သာ ရှိသည်။

ရန်ကုန်မြို့မှ စီးပွားရေးပညာရှင်တဦးက မြန်မာနိုင်ငံတွင် ဒေါ်လာငွေဈေးတက်ပါက ကျန်သည့် အထွေထွေကုန်ဈေးနှုန်းများ လည်း အမြဲတမ်း လိုက်ပါမြင့်တက်လျက်ရှိသော်လည်း ဒေါ်လာငွေ တန်ဖိုးနိမ့်ကျပါက အထွေထွေ ကုန်ပစ္စည်းတန်ဖိုး လိုက်ပါနိမ့်ကျခြင်းမျိုးက နည်းသည့်အတွက် ပြည်သူအများစု အခက်အခဲတွေ့ ဒုက္ခရောက်ရသည်ဟု ပြောသည်။

၎င်းက “ဒီပြဿနာ ပြေလည်ဖို့ဆို စီးပွားရေးလုပ်ငန်းတွေမှာ အမှန်တကယ် လွတ်လပ်စွာ လုပ်ကိုင်နိုင်မှုနဲ့ လွတ်လပ်စွာ ပြိုင်ဆိုင်မှုရှိဖို့ လိုအပ်တဲ့အပြင် မြန်မာကျပ်ငွေတန်ဖိုး တည်ငြိမ်မှုရှိဖို့ လိုအပ်တယ်။ အဲဒီလို မဟုတ်ရင်တော့ မြန်မာ့စီးပွားရေး မတည်မငြိမ်ဖြစ်ပြီး ပြည်သူအများစု ဒုက္ခရောက်ကြမှာဖြစ်တယ်” ဟု ပြောသည်။

အောင်ကျော်မို:

အလေးအနက် စဉ်းစားသင့်သော ရွှေ့ပြောင်းအလုပ်သမားအရေး

ထိုင်းအစိုးရက နိုင်ငံအတွင်း အလုပ်လုပ်ကိုင် နေကြသည့် မြန်မာရွှေ့ပြောင်း အလုပ်သမားများကို တရားဝင် သတ်မှတ် ပေးနိုင်ရေးဆိုင်ရာ မူဝါဒတရပ်ကို ထုတ်ပြန် ကြေညာခဲ့သည်။ အလုပ်သမားများ အနေနှင့် မြန်မာနိုင်ငံသား စစ်မှန်ကြောင်း စိစစ်ရေး အစီအစဉ်ကို ဆောင်ရွက်ကြရမည်ဟု ဆိုသည်။ အစိုးရမဟုတ်သည့် အဖွဲ့အစည်း (အန်ဂျီအို) အများစုလည်း မျက်စိလည် ခေါင်းရှုပ်ကုန်ကြရသည်။ ထိုင်းအစိုးရ အနေနှင့် တရားမ၀င် ရွှေ့ပြောင်း မြန်မာနိုင်ငံသားများ အရေး ဖြေရှင်း နိုင်ရန် လက်တွေ့မကျသော မျှော်မှန်းချက်များ ထားရှိနေသည်ဟု သူတို့က ယုံကြည်နေကြသည်။

ယခုအခါ ထိုင်းနိုင်ငံတွင် မြန်မာနိုင်ငံမှ ရွှေ့ပြောင်းလူထု ၃ သန်း ပတ်ဝန်းကျင် ရှိနေသည်။ ပြည်ထဲရေးဝန်ကြီးဌာနမှ နေ ထိုင်ခွင့်နှင့် အလုပ်သမားရေးရာ ၀န်ကြီးဌာနမှ "တရားဝင်" အလုပ်သမား လက်မှတ်များ ထုတ်ပေးနေစေကာမူ ထိုင်းနိုင်ငံ တွင်း တရားမ၀င် ၀င်ရောက်လုပ်ကိုင်နေထိုင်ကြဆဲဖြစ်ပြီး မြန်မာနိုင်ငံသို့ ပြန်လည်ပို့ဆောင်ခံရမည့် အခြေအနေများနှင့် လည်း ရင်ဆိုင်နေကြရသူများ ရှိနေသေးသည်။

ထိုင်းနိုင်ငံအတွင်း ရွှေ့ပြောင်းမြန်မာများကြောင့် ရာဇ၀တ်မှုများ၊ ရောဂါဘယများ၊ အလုပ်လက်မဲ့ဖြစ်ရမှုများ စသည့် အမျိုး စုံသော ပြဿနာများ ပေါ်ပေါက်ရသည်ဟု သတင်းများတွင်လည်း ဖော်ပြထားသည်။ သို့သော်လည်း ရွှေ့ပြောင်းလုပ်သား များ၏ အခွင့်အရေးနှင့်လုပ်အား အရေးပါမှုကိုလည်း တရားဝင် အသိအမှတ်ပြုထားပြန်သည်။

နိုင်ငံသား စိစစ်ရေး အစီအစဉ် ဆိုသည်ကို ပြောနေကြသည်မှာ ၁၀ နှစ်မျှ ရှိတော့မည်။ မြန်မာနှင့် ထိုင်းနိုင်ငံ အစိုးရများ အကြား နားလည်မှုစာချွန်လွှာ (MoU) တရပ်ကို ၂၀၀၃ ခုနှစ်၊ ဇွန်လ ၂၁ ရက်နေ့ကပင် လက်မှတ် ရေးထိုးထား ခဲ့ကြပြီး ဖြစ်သော်လည်း လက်တွေ့အကောင်အထည် မဖော်နိုင်သေးဘဲ ရှိနေခဲ့သည်။

ယခုတော့ နိုင်ငံသား စိစစ်ရေး လုပ်ငန်းစဉ်က ဖြစ်လာတော့မည်။ ထိုင်း-မြန်မာ နယ်စပ် ဂိတ် ၃ နေရာတွင် နှစ်နိုင်ငံလုံး၌ နိုင်ငံသား စိစစ်ရေးဌာန(၆) ခုကို ဖွင့်လှစ် ဆောင်ရွက်နေကြပြီ ဖြစ်သည်။ နောက်ထပ် စိစစ်ရေးဌာန ၂ ခု ထပ်မံဖွင့်လှစ်ရန် လည်း စီစဉ်ထားကြသည်။ ယခုအခါ မြန်မာရွှေ့ပြောင်းလူထုများ အကြား၌ သတင်းများလည်း ပျံ့နှံ့နေသည်။ သူတို့ ပထမ ဦးစွာ မြန်မာပြည်သို့ ပြန်ရမည်။ ပြန်လာသည့်အခါ ယာယီနိုင်ငံကူးလက်မှတ် ရရှိလာမည်ဖြစ်ပြီး ထိုင်းနိုင်ငံတွင် ၂ နှစ်ကြာ နေထိုင်နိုင်မည့် ဗီဇာရရှိမည် ဖြစ်သည်။ ယခုအခါ နိုင်ငံသားစိစစ်ရေးကိစ္စ လုပ်သင့် မလုပ်သင့် မဟုတ်တော့ဘဲ၊ မည်သို့ မည်ပုံ ထိရောက်စွာလုပ်ဆောင် နိုင်မည်နည်းဟူသော ဆွေးနွေးမှုမျိုး ဖြစ်နေကြပြီ။

နိုင်ငံသား စိစစ်ရေး အစီအစဉ်က မြန်မာရွှေ့ပြောင်း အလုပ်သမားတဦးအတွက် စိုးရိမ်ထိတ်လန့်ဖွယ်ရာ ခြောက်အိပ်မက် မျိုး ဖြစ်နေသည်။ ဤလုပ်ငန်းစဉ်ကြောင့် ရွှေ့ပြောင်းလုပ်သားများတွင် နှစ်မျိုးနစ်နာဖွယ် အကြောင်း ရှိနေသည်။ ပထမ အချက်မှာ ဤလုပ်ငန်းစဉ်အတွက် ကုန်ကျစရိတ်ဖြစ်ပြီး၊ ဒုတိယအချက်မှာ ရွှေ့ပြောင်းလုပ်သားများက သူတို့၏ "ရန်သူ" သဖွယ်ဖြစ်နေသည့် မြန်မာအစိုးရနှင့် ဆက်ဆံရာတွင် ကြုံရနိုင်သည့် အန္တရာယ် ဖြစ်သည်။ အထူးသဖြင့် တိုင်းရင်းသား လူနည်းစုများအတွက် အမှန်တကယ် ကြောက်ရွံ့စိုးရိမ်ဖွယ် ကိစ္စလည်း ဖြစ်သည်။ အကြောင်းမှာ တိုင်းရင်းသားလူမျိုးစုများ သည် စစ်အစိုးရကို ဆန့်ကျင်၍ ဆက်လက် စစ်ပွဲဆင်နွှဲနေကြဆဲကြောင့် ဖြစ်သည်။

ထိုင်းအစိုးရကလည်း နိုင်ငံသားစိစစ်ရေး လုပ်ငန်းစဉ်ကို တတ်နိုင်သမျှ ရှုပ်ထွေးေ၀၀ါးရန် လုပ်နေသည်။ ပွင့်လင်းမြင်သာမှု မရှိသကဲ့သို့ ငွေကုန်ကြေးကျလည်း များလှသည်။ ရွှေ့ပြောင်းလူထုများအကြား၊ အလုပ်သမား အဖွဲ့များနှင့် အစိုးရ မဟုတ် သည့် အန်ဂျီအို အဖွဲ့များအကြားတွင် သတင်းပြန်ကြား ဆက်သွယ်ရေး လုပ်ငန်းများ လုပ်ဆောင်ခြင်း မရှိဘဲ၊ ဤ ကိစ္စကို အစိုးရ အရာရှိအနည်းငယ်နှင့် အလုပ်ရှင် အနည်းငယ်ကသာ သိရှိကြသည်။ ကြားပွဲစားများကို စည်းကျပ်ရန် မဆောင် ရွက်နိုင်ကြသည့်အတိုင်း ထိုသူများက ယခုကိစ္စအတွက် အမေရိကန်ဒေါ်လာ ၁၀၀ မှသည် ၃၀၀ အထိ ကုန်ကျ ငွေကို အလုပ်သမားများထံမှ တောင်းယူနေကြသည်။ ရွှေ့ပြောင်းအလုပ်သမားများ အနေနှင့် လုပ်ခအနည်းငယ်မျှနှင့် ရှင်သန် ရုန်းကန်နေကြရသည့် အခြေအနေတွင် အလွန်မှ မဖြစ်သင့်သော ကိစ္စလည်း ဖြစ်သည်။

နိုင်ငံသား စိစစ်ရေး အစီအစဉ်နှင့် ပတ်သက်၍ တရားဝင် ဖော်ပြချက် ဟူသည်မှာ မြန်မာအစိုးရက ရွှေ့ပြောင်းလူထုများ (မြန်မာနိုင်ငံမှ တရားမ၀င် ထွက်ခွာသွားကြပြီး စစ်အစိုးရအပေါ် ယုံကြည်မှုနည်းနေကြသူများ) အကြား ပေးသည့် လက် ကမ်းသတင်းလွှာ တခုပင် ရှိသည်။ ဤလုပ်ငန်းစဉ်သည် အန္တရာယ်မရှိကြောင်း၊ ကုန်ကျစရိတ်နည်းပါးကြောင်းနှင့် ရင်းနှီး လက်ကမ်းနွေးထွေးစွာ ဆောင်ရွက်ပေးမည် ဖြစ်ကြောင်း စသဖြင့် ဖော်ပြထားသည်။

ရွှေ့ပြောင်းလူထုအကြားတွင်မူ ကောလာဟလများက ပျံ့နှံ့လျှက်ရှိနေသည်။ မြန်မာ နိုင်ငံတွင်း ကျန်နေသူ မိသားစုများထံမှ မြေသိမ်းယူခြင်း၊ ဘန်ကောက်မှ ရွှေ့ပြောင်းအခြေချလုပ်သားများ ၆၀ (သို့မဟုတ် ပြောသူအပေါ် မူတည်၍ ၂၀၀ အထိ အရေအတွက် အပြောင်းအလဲလည်း ရှိနိုင်သည်) ခန့် မြ၀တီစိစစ်ရေးဂိတ်သို့ နိုင်ငံသား စိစစ်ရေးကိစ္စများ လုပ်ဆောင်ရန် ရောက်ရောက်ချင်း မြန်မာအစိုးရကဖမ်းဆီးလိုက်ပြီး အင်းစိန်ထောင်သို့ ပို့ခြင်း၊ ငွေညှစ်ခြင်း၊ ထိုမျှမက ရွှေ့ပြောင်းအလုပ် သမားများအကြား ယခု နိုင်ငံသားစိစစ်ရေးကိစ္စ ရှောင်လွှဲနိုင်ရန် မိမိကိုယ်ကိုသတ်သေခြင်း စသည့် ကောလာဟလများ ပြောဆိုနေကြသည်။ ထိုင်းနှင့် မြန်မာအစိုးရများက အောက်တိုဘာလ ၁၂ ရက်နေ့တွင် ဤကောလာဟလများကို ငြင်းဆိုခဲ့ ကြသည်။

သို့သော်လည်း နှစ်နိုင်ငံအစိုးရများက ယခုလုပ်ငန်းစဉ်ကို သိုသိပ်စွာ လုပ်ကိုင်နေကြခြင်းမှာ အပြစ်ဆိုဖွယ်ရာ ရှိနေပါ သေးသည်။ ကြားပွဲစားဆိုသူများကရော မည်သူများပါနည်း။ မည်သို့မည်ပုံ နိုင်ငံသား ဟုတ် မဟုတ် စစ်ဆေးသနည်း။

ဤလုပ်ငန်းစဉ် လုပ်ဆောင်ပုံက မည်သို့ ရှိနေသနည်း။ မည်သူက အကျိုးအမြတ် ဖြစ်နေသနည်း။ တချို့သော လျှောက် လွှာများက အမြန်ကျလာပြီး တချို့လျှောက်လွှာများက မည်သည့်အကြောင်းကြောင့် ကြာမြင့်နေရပါသနည်း။ မည်သည့် အတွက်ကြောင့် မွတ်စလင်များကို ချန်ဖယ်ထားရပါသနည်း။ လာအိုနှင့် ကမ္ဘာဒီးယားနိုင်ငံများမှ ရွှေ့ပြောင်းအခြေချ လုပ် သားများကို ဆောင်ရွက်ပေးခဲ့သည့်နည်းတူ မြန်မာများကို ထိုင်း နိုင်ငံအတွင်း ဆောင်ရွက်ပေးနိုင်ရန် မည်သည့်အတွက် ကြောင့် ခွင့်မပြုပါသနည်း။ ယခု နိုင်ငံသား စိစစ်ရေးလုပ်ငန်းစဉ်သည် လာမည့် ၂၀၁၀ ခုနှစ်တွင် မြန်မာနိုင်ငံ၌ ကျင်းပမည့် ရွေးကောက်ပွဲနှင့် တနည်းတဖုံ သက်ဆိုင်မှု ရှိနေပါသလော စသဖြင့် မေးခွန်းများစွာ ရှိနေကြပါသည်။

မဖွံ့ဖြိုးသေးသည့် နိုင်ငံတခု၊ ခြစားမှုလည်း ထူပြော၊ ဒီမိုကရေစီနည်းကျ အစိုးရလည်းမရှိ၊ ရှည်လျားစွာ ထိစပ်နေသော နယ်စပ်ချင်းလည်း ဆက်စပ်နေသည့် နိုင်ငံတခုနှင့် တရားမ၀င် လူဝင်ရောက်မှု ပြဿနာကို ဖြေရှင်းရန် ဆိုသည်မှာ ကမ္ဘာ ပေါ်တွင် ဖွံ့ဖြိုးပြီးဟူသည့် အဆင့်မြင့်နိုင်ငံများအတွက်ပင် ခက်ခဲလှသော ပြဿနာလုပ်ငန်း ဖြစ်ပါသည်။ သို့သော် ဤ စံနှုန်းထားနှင့် နှိုင်းယှဉ်ရမည်ဆိုလျှင် ထိုင်းနိုင်ငံက ဆောင်ရွက်နေသော လုပ်ငန်းမှာ ညံ့ဖျင်းလှပါသည်။

ရွှေ့ပြောင်း အခြေချနေထိုင်မှုဆိုသည်မှာ သဘာဝအလျောက် ဖြစ်ပေါ်နေသည့် ဖြစ်စဉ်တခုမျှသာ ဖြစ်ပြီး လူများက သူတို့ နှင့် သူတို့မိသားစု ပိုမိုတိုးတက်ကောင်းမွန်မည့် ရေကြည်ရာ၊ မြက်နုရာကို ရှာဖွေနေကြပါသည်။ တခုခုပို၍ ထူးခြားသည့် နေရာ၊ သူတို့ဘ၀အတွက် အပြောင်းအလဲ ဖြစ်စေမည့် နေရာကို ရှာနေကြသည်။ တနည်းအားဖြင့် သူတို့ဘ၀ လုံခြုံရေးကို ခြိမ်းခြောက်နေသည့် ပဋိပက္ခများနှင့် ဝေးရာသို့ ပြောင်းရွှေ့လိုကြသည်မှာ ဓမ္မတာပင် ဖြစ်သည်။

၁၉၉၀ ခုနှစ် အစောပိုင်းကာလများမှစ၍ ထိုင်းနိုင်ငံက ရွှေ့ပြောင်းလုပ်သားများ မှတ်ပုံတင်ရေးအတွက် မစို့မပို့ မူဝါဒများ စတင်ချမှတ် ကျင့်သုံးလာခဲ့သည်။ ပထမပိုင်းတွင် တချို့သောခရိုင်များနှင့် တချို့လုပ်ငန်းကဏ္ဍများကို ကန့်သတ်၍ ခွင့်ပြုပေးခဲ့သည်။ အစီအစဉ် မကျလှသော ပြဿနာချဉ်းကပ်မှုတွင် ၀န်ကြီးအဖွဲ့မှ ဆုံးဖြတ်ချက်များ ချမှတ်ခြင်း၊ ထိုသူ များအတွက် လွတ်ငြိမ်းချမ်းသာခွင့် ပြုခြင်း၊ ရွှေ့ပြောင်း လုပ်သားများ မှတ်ပုံတင်နိုင်မည့် အခွင့်အလမ်းများ ယာယီခွင့်ပြု ခြင်း၊ အနည်းအကျဉ်းမျှသော လူထုပြန်ကြားဆက်သွယ်ရေး လှုပ်ရှားမှုများ ဆောင်ရွက်ခြင်းများကို ပြုလုပ်ခဲ့ကြသည်။ အလုပ် သမားရေးရာဝန်ကြီးဌာနရှိ အရာရှိများက ယခုလုပ်ငန်းစဉ် စတင်ပြီးနောက်မှ အလုပ်သမား မှတ်ပုံတင်ရေးကိစ္စကို ကြားသိ ကြရခြင်း၊ များသောအားဖြင့် အလုပ်ရှင်များနှင့် ရွှေ့ပြောင်း အခြေချလူထုအကြား နောက်တနှစ်တွင် ပြီးဆုံး တော့မည့် ၎င်းအစီအစဉ်များနှင့် ပတ်သက်၍ သတိမမူမိဘဲ ရှိနေကြခြင်းတို့မှာ များစွာ အံ့သြဖွယ် ကိစ္စ မဟုတ်ပါ။

မြန်မာရွှေ့ပြောင်း အခြေချလူထုက ၎င်းတို့၏ နှလုံးသားအတွင်းမှ ငြင်းဆန်နေကြသည့် အရေးကြီးကိစ္စ အချက်တခု ရှိပါ သည်။ ၎င်းမှာ သူတို့က မွေးရပ်ဇာတိမြေမှ တရားမ၀င် ထွက်ခွာလာခဲ့ကြခြင်း ဖြစ်ပြီး (အကယ်၍ သူတို့ပြန်ပါက တရား စွဲဆို ဖမ်းဆီးခံရနိုင်၍ ထောင်ချခံရနိုင်ဖွယ် အခြေအနေလည်း ရှိနေသည်။) သူတို့က ဤသို့ဖြင့် ထိုင်းနိုင်ငံတွင်း တရားမ၀င် ခိုးဝင်နေထိုင်ကြခြင်း၊ နယ်စပ်ဖြတ်ကျော်ခွင့် ခွင့်ပြုသက်တမ်း သက်တမ်းလွန်သည့်တိုင် နေထိုင်နေကြခြင်း ဖြစ်သည်။

ထိုသူများက ထိုင်းနိုင်ငံတွင်းသို့ တရားမ၀င် ၀င်ရောက်လာကြသည်။ သို့မဟုတ် တရားဝင် ၀င်ရောက်လာပြီးမှ အချိန် ကြာကြာ နေထိုင်နေကြသည်။ အကြောင်းမှာ မြန်မာနှင့် ထိုင်းနိုင်ငံ အစိုးရများအကြားတွင် အလုပ်လုပ်နိုင်သော တရားဝင် သဘောတူညီချက်၊ နားလည်မှု စာချွန်လွှာ (MoU) များ ရှိမနေသောကြောင့် ဖြစ်သည်။ ထိုင်းနိုင်ငံတွင်း သို့ တရားမ၀င် ခိုးပို့ပေးကြမည့် ကြားပွဲစားများလည်း အများအပြား ရှိနေကြသည်။ ထိုင်းနိုင်ငံ၏ စီးပွားရေးစနစ်ကလည်း ထိုသူများ၏ လုပ်အားကို အကြီးအကျယ် မှီခိုနေကြရပြီး အထူးသဖြင့် လုပ်အားခနည်းနည်းပေး၍ လုပ်စေလိုသော လုပ်ငန်းများတွင် ထိုသူများကို အလိုရှိနေကြသည်။

ရွှေ့ပြောင်း အခြေချလုပ်သားများသည် အန္တရာယ် အများဆုံး၊ အညစ်ညမ်းဆုံး၊ အနိမ့်ကျဆုံး လုပ်ငန်းခွင်များတွင် လုပ် ဆောင်နေကြရပါသည်။ သူတို့ မတော်တဆ ထိခိုက်ဒဏ်ရာရမည်ဆိုလျှင်လည်း လျော်ကြေးခံစားခွင့်များ ရှိမနေပါ။ ထိုသူများက တရားဝင်အရ မော်တော်ဆိုင်ကယ် မောင်းနှင်ခွင့်မရှိသလို၊ သူတို့မှတ်ပုံတင်ထားသည့် ခရိုင်ပြင်ပသို့ ခရီး ထွက်ခွာခွင့်လည်း မရှိကြပါ။ တချို့သောနေရာများတွင် လူစုလူဝေးဖြင့် တွေ့ဆုံ စုစည်းခွင့်ပင် မရှိကြပါ။

နိုင်ငံသား စိစစ်ရေး အစီအစဉ်သည် ယခုကဲ့သို့ ချွတ်ချော်လွဲမှားသည့် စီမံခန့်ခွဲမှုများ ရှိနေသော်လည်း လိုအပ်သည့် လုပ်ငန်းစဉ် တခုပင် ဖြစ်သည်။ အကြောင်းမှာ မြန်မာရွှေ့ပြောင်း အခြေချလူထုသည် ထိုင်းနိုင်ငံတွင် ပျောက်ကွယ်သွား မည် မဟုတ်ဘဲ ထိုင်းနိုင်ငံ စီးပွားရေးစနစ်အတွက်လည်း ထိုသူများကို လိုအပ်နေသောကြောင့်ပင်။

အောက်တိုဘာလ ၁၆ ရက်နေ့ထုတ် ဘန်ကောက်ပို့စ် (Bangkok Post) သတင်းစာ၏ အယ်ဒီတာ့အာဘော်က အမှန် အတိုင်း မှတ်ချက်ပေး ရေးသားခဲ့သေးသည်။ "ပြဿနာ ရေသောက်မြစ်မှာ မြန်မာနိုင်ငံတွင်ပင် ဖြစ်သည်။ မြန်မာစစ် အစိုးရက ၎င်း၏ပြည်သူများကို အကြောက်တရားလွှမ်းမိုးထားစေရန် အကြမ်းဖက်ဆောင်ရွက်နေသမျှ ဤပြဿနာများ ပြီးဆုံးသွားမည် မဟုတ်ပါ။ ဤအဖုအထုံးများကို ပြည်တွင်း ပြည်ပဖိအားများဖြင့် ဖြေရှင်းရမည် ဖြစ်သည်။ ထိုင်းနိုင်ငံက ၎င်း၏ ရွှေ့ပြောင်းလုပ်သားများကို စည်းမျဉ်းချမှတ် ထိန်းသိမ်းရန်၊ ထိုသူများအတွက် သင့်လျော်သည့် လူမှုဖူလုံရေးနှင့် လုပ်ငန်းခွင် ခံစားခွင့်များ ပံ့ပိုးပေးရန် တာဝန်ရှိနေမှုကို ငြင်းပယ်နေ၍ မရပါ" ဟု ဖော်ပြရေးသားထားခဲ့သည်။

မည်သည့် အားနည်းချွတ်ယွင်းချက်များ ရှိသည်ဖြစ်စေ၊ ထိုင်းနိုင်ငံ၏ နိုင်ငံသား စိစစ်ရေးလုပ်ငန်းစဉ်ကို ဆက်လက်အားပေး ထောက်ခံရမည်ပင် ဖြစ်သည်။ ၎င်းက အဓိပ္ပာယ်ရှိသော ဆွေးနွေးငြင်းခုန်မှုများနှင့် ဤလုပ်ငန်းကို စတင်ခဲ့သည်။ မြန်မာ ရွှေ့ပြောင်း အလုပ်သမားများအတွက် စနစ်တကျ ခေါင်းပုံဖြတ်မှုများနှင့် ကြုံတွေ့ရသည့်အခါ ထိုင်းနိုင်ငံရှိ မြန်မာလုပ်သား များမှာ ကမ္ဘာပေါ်တွင် အနစ်နာ အခံစားရဆုံး အလုပ်သမားဟုပင် ဆိုနိုင်တော့သည်။ မွေးရပ်ဇာတိမြေ နိုင်ငံကလည်း ၎င်း ကိုယ်ပိုင် ပြည်သူများ၏ လိုအပ်ချက်များကို တုံ့ပြန်ဆောင်ရွက်ပေးရန် လျစ်လျူရှုထားကြသေးရာ အားနည်း ချက်ရှိနေ သော ယခုနိုင်ငံသားစိစစ်ရေး အစီအစဉ်သည်ပင် မြန်မာရွှေ့ပြောင်းလူထုအတွက် ရည်ရွယ်ချက်ကောင်းနှင့် ဆောင် ရွက် ခဲ့သော်လည်း ပြဿနာများ ပေါင်းစုံနှင့် ကြုံရသည်။

ပို၍ ဆွေးနွေးညှိနှိုင်းမှုများ၊ လွတ်လပ်ပွင့်လင်းသော ဆွေးနွေးမှုများ ရှိလာလျှင် သန်းနှင့်ချီသည့် မြန်မာရွှေ့ပြောင်း အခြေချ အလုပ်သမားများသည် ပို၍ ကောင်းမွန်သော အနာဂတ်အတွက် မျှော်လင့်ချက်များကို ရရှိလာစေနိုင်သည်။ သူတို့အားလုံး အပြုခံသဘော သက်ရောက်နေသည့် သားကောင်များ ဖြစ်နေကြပါသည်။ သူတို့၏ ပြဿနာ အခက်အခဲများအတွက် အဖြေရရှိနိုင်ရန် အလေးအနက် ဆောင်ရွက်ပေးရန် လိုအပ်နေသကဲ့သို့ သူတို့အတွက် ခံစားထိုက်သော အခွင့်အရေးလည်း ဖြစ်ပါသည်။

ANDY HALL ရေးသားသည့် A Debate Worth Having? ကို ဆီလျော်အောင် ပြန်ဆိုဖော်ပြပါသည်။

Andy Hall သည် ဘန်ကောက်မြို့ အခြေစိုက် လူ့အခွင့်အရေးနှင့် ဖွံ့ဖြိုးရေးဖောင်ဒေးရှင်း (Human Rights and Development Foundation) မှ ရွှေ့ပြောင်းလူထု တရားမျှတမှု ရရှိစေရေး အစီအစဉ်၏ ဒါရိုက်တာဖြစ်ပါသည်။

မြန်မာ ဒုက္ခသည်များ အကြောင်း အခြေခံသည့် အချစ်ဇာတ်လမ်း ရိုက်ကူးပြီးစီး

မြန်မာနိုင်ငံသား ဒုက္ခသည်များ အကြောင်း အခြေခံထားသည့် အချစ်ဇာတ်လမ်းကို ထိုင်းနိုင်ငံ ချင်းမိုင်မြို့တွင် ရုပ်ရှင်အဖြစ် ရိုက်ကူး ပြီးစီးခဲ့ပြီ ဖြစ်ကြောင်း သိရသည်။

ဒါရိုက်တာ စတီဖင်ဟဒ် (ဓာတ်ပုံ - ရန်ပိုင်/ဧရာဝတီ)

စီးပွားရေး၊ နိုင်ငံရေး အကျပ်အတည်းနှင့် နယ်စပ်တိုက်ပွဲများကြောင့် ထိုင်းနိုင်ငံဘက်သို့ ထွက်ပြေးခဲ့ရသည့် ဒုက္ခသည်များ အကြောင်းအပါအဝင် ၎င်းတို့လမ်းခရီးတွင် ကြုံတွေ့ရသည့် အခက်အခဲများနှင့် လူထုအတွက် အလွန်အန္တရာယ် ကြီးမားသည့် မြေမြှုပ် မိုင်းအကြောင်းကို ရိုက်ကူးတင်ပြထားသည်ဟု အဆိုပါဇာတ်ကား၏ ဒါရိုက်တာ ဆွစ်ဇာလန်လူမျိုး စတီဖင်ဟဒ်က ဧရာဝတီကိုပြောသည်။

“လွန်ခဲ့တဲ့ အနှစ် ၂၀ က ကျနော့် အိမ်မှာနေခဲ့တဲ့ ကမ္ဘောဒီယား ကလေးနှစ်ယောက်ရဲ့ ကြမ်းတမ်းတဲ့ ဒုက္ခသည်စခန်း အိမ်မက်ဆိုးတွေကို သိလိုက်ရတာက ပထမဆုံး ဒုက္ခသည်နဲ့ပတ်သက်တဲ့ ကိုယ်တွေ့အဖြစ်အပျက်ပါပဲ။ အဲဒီကနေပြီး မြန်မာ ဒုက္ခသည်တွေအကြောင်း လေ့လာမိရင်း ရုပ်ရှင်ရိုက်မယ်လို့ ဆုံးဖြတ်ခဲ့တာပါ” ဟု ၎င်းကဆိုသည်။

ယင်းဇာတ်ကား၏ အမည်ကို ယာယီအားဖြင့် How about Love ဟု အမည်ပေးထားကြောင်း သိရသည်။

ယခုရုပ်ရှင်ကားသည် ဆွစ်ဇာလန်နိုင်ငံသား ဆရာဝန်တဦးနှင့် ဒုက္ခသည်စခန်းမှ ကရင်အမျိုးသမီး တဦး၏ အချစ်ဇာတ် လမ်းကို ဇာတ်အိမ်တည်ကာ မြန်မာနိုင်ငံသား ဒုက္ခသည်များ၏ နေထိုင်ရသည့်အခက်အခဲ ဒုက္ခများကို တင်ပြရိုက်ကူးထား ခြင်းဖြစ်သည်ဟု သိရသည်။

ထိုင်း - မြန်မာနယ်စပ်ဒေသတလျှောက်တွင် တရားဝင်ဖွင့်လှစ်ထားသည့် ဒုက္ခသည်စခန်း ၉ ခုရှိပြီး ကရင်ပြည်နယ် အနီးတွင် စခန်း ၆ ခု၊ ကယားပြည်နယ်အနီးတွင် ၂ ခု၊ ရှမ်းပြည်နယ်အနီးတွင် ၁ ခုရှိနေ၍ ဒုက္ခသည် စုစုပေါင်း ၁ သိန်း ၃ သောင်းကျော်ရှိသည်ဟု ယခင်လက ထုတ်ပြန်ခဲ့သော ထိုင်း - မြန်မာ နယ်စပ်တလျှောက် ကူညီစောင့်ရှောက်ရေး ညွန့်ပေါင်းအသင်း (TBBC) ၏ အချက်အလက်များ အရ သိရသည်။

တချို့သော သူများသည် ဒုက္ခသည်ဘ၀ဖြင့် စခန်းအတွင်းနေထိုင်ခဲ့ကြသည်မှာ ၂၅ နှစ်ခန့်ရှိပြီဖြစ်သည်။ ထို စခန်းများ အပြင် တရားမ၀င် ဖွင့်လှစ်ထားသည့် စခန်းပေါင်းများစွာ ရှိသေးသည်ဟုလည်း သိရသည်။

ထို့အပြင် ထွက်ပြေးလာသည့် ဒုက္ခသည်များ လမ်းခရီးတွင် မိုင်းနင်းမိပြီး ကိုယ်ခန္ဓာ ပျက်စီး ဆုံးရှုံးရမှုများနှင့် စခန်းအတွင်း ဆေးဝါးမပြည့်စုံသည့် အခြေအနေတွင် အရေးပေါ် ကုသရပုံများ၊ တိုက်ပွဲများဖြစ်ပွားမှုကြောင့် လမ်းခရီးတွင် ပုန်းအောင်းနေရသည့် အခက်အခဲဒုက္ခများ၊ ကရင်ရွာသားများအား စစ်အစိုးရတပ်များက အထမ်းသမား (ပေါ်တာ) များ အဖြစ် ခိုင်းစေပုံ၊ ရွာသားများ ပင်ပန်းသည်ဟု ညည်းညူမိသည့်အတွက် နှိပ်စက်ခံရပုံ၊ သတ်ဖြတ်ခံရပုံများကို ထည့်သွင်း ရိုက်ပြထားသည် ဟု ဒါရိုက်တာ စတီဖင်ဟဒ်က ပြောသည်။

ယင်းရုပ်ရှင်တွင် ဒုက္ခသည်စခန်း ကော်မတီလူကြီးအဖြစ် သရုပ်ဆောင်ခဲ့သည့် ဦးသိန်းဝင်းကလည်း “မိုင်းထိလာတဲ့ လူနာ တွေကို အရေးပေါ်အခြေအနေမှာ ခွဲစိတ်ကုသမှု ခံယူနိုင်အောင် ထိုင်းအာဏာပိုင်တွေရဲ့ ခွင့်ပြုချက်၊ လူသားချင်းစာနာတဲ့ အကူအညီ တွေပေးဖို့အတွက် လှုံ့ဆော်ထားတဲ့ ရည်ရွယ်ချက်တွေပါတယ်” ဟု ၎င်းကဆိုသည်။

ဦးသိန်းဝင်းသည် ဧရာဝတီတိုင်း ရေကြည်မြို့နယ် အမျိုးသားဒီမိုကရေစီအဖွဲ့ချုပ် (NLD) ၏ စည်းရုံးရေးမှူးတဦးဖြစ်ပြီး ၁၉၉၁ ခုနှစ်တွင် ထိုင်း - မြန်မာနယ်စပ်သို့ရောက်ရှိလာကာ တနသာင်္ရီတိုင်း ရေးချောင်းဖျားရှိ ဗိုလ်မှူးကြီးစိန်မြ ဦးဆောင်သည့် ပြည်သူ့ ကာကွယ်ရေးတပ်မတော် (PDF) တွင်တာဝန်ထမ်းဆောင်ခဲ့သူဖြစ်သည်။ ယခုအခါ ချင်းမိုင်မြို့တွင် မြန်မာနိုင်ငံသား ရွှေ့ပြောင်းအလုပ်သမားများ ပညာရေးအတွက် ဆောင်ရွက်နေသူဖြစ်သည်။

ဦးသိန်းဝင်းသည် မကြာသေးခင်က ၂၀၀၉ ခုနှစ်အတွက် အော်စကာဆု ဆန်ခါတင်အဆင့် ရွေးချယ်ခံရသည့် ၂၀၀၇ ခုနှစ် သံဃာတော်များ ဆန္ဒပြခဲ့သည့် ရွှေဝါရောင် တော်လှန်ရေးကို ရိုက်ကူးထားသော “Burma VJ” ရုပ်ရှင်ကားတွင်လည်း ပါဝင်သရုပ်ဆောင်ခဲ့သူ ဖြစ်သည်။

အဆိုပါရုပ်ရှင်ကားကို ဆွစ်ဇာလန်နိုင်ငံမှ ကုမ္ပဏီ တခုနှင့် ဂျာမနီနိုင်ငံမှ ရုပ်ရှင်ကုမ္ပဏီတို့ ပူးပေါင်းပြီး ရိုက်ကူးခြင်းဖြစ်ပြီး အမေရိကန်ဒေါ်လာ ၂ သန်း အကုန်အကျခံထားကြောင်းသိရသည်။

ထိုသို့ရိုက်ကူးရာတွင် ဒုက္ခသည်စခန်းအဖြစ် ထိုင်းနိုင်ငံ ချင်းမိုင်မြို့အနီးရှိ ကရင်ရွာတရွာတွင် ရိုက်ကူးခဲ့ပြီး တချို့သော ဇာတ်ဝင်ခန်းများကို ဆွစ်ဇာလန်နိုင်ငံတွင် ရိုက်ကူးကြောင်း သိရသည်။

ထိုရုပ်ရှင်၌ ပါဝင်သည့် သရုပ်ဆောင်များကို ရွေးချယ်ရာတွင် အဓိက ဇာတ်လမ်း သရုပ်ဆောင်များဖြစ်သည့် မင်းသမီး နေရာတွင် ထိုင်းနာမည်ကြီး ရုပ်ရှင်မင်းသမီးတဦးအား ရွေးချယ်ထားသော်လည်း၊ နောက်ပိုင်းတွင် ဇာတ်လမ်းနှင့် ပိုမိုလိုက်ဖက်သည့် ရှမ်းအမျိုးသမီး သရုပ်ဆောင်ကို ရရှိခဲ့သည်ဟု ဒါရိုက်တာ စတီဖင်ဟဒ်က ပြောသည်။

“ဒီသရုပ်ဆောင်တွေ အားလုံးကို နှလုံးသားနဲ့ ရွေးချယ်ခဲ့တာပါ” ဟု ၎င်းကဆိုသည်။

လွန်ခဲ့သည့် ၂ နှစ်ခန့်ကတည်းက ထိုင်းနိုင်ငံသို့လာရောက်ကာ တချို့သရုပ်ဆောင်များကို ရွေးချယ်ခဲ့ပြီး မိုင်းထိသည့် လူနာ ကလေးငယ်အဖြစ် ၁၂ နှစ်သားအရွယ် ထိုင်းကျောင်းသား တဦးက သရုပ်ဆောင်ထားသည်ဟုသိရသည်။

ဒါရိုက်တာ စတီဖင်ဟဒ်က “လူတိုင်းမှာ ကွဲပြားခြားနားတဲ့ အမြင်တွေ ရှိတဲ့အတွက် ယခုရုပ်ရှင်ကို ကြည့်ပြီးတဲ့အချိန်မှာ တဦးနဲ့တဦး မတူညီတဲ့ အမြင်တွေနဲ့ ဒီရုပ်ရှင်ရဲ့ အနှစ်သာရကို ခံစားနိုင်ကြမှာပါ” ဟု ဆိုသည်။

နယ်စပ်ဒေသရှိ ဒုက္ခသည်များ အကြောင်းကို ရုပ်ရှင် ရိုက်ကူးပြီး ကမ္ဘာကိုတင်ပြသကဲ့သို့ မြန်မာနိုင်ငံအတွင်းရှိ ပြည်တွင်း အိုးအိမ်မဲ့ ဒုက္ခသည်များ ဘ၀နှင့် ထိုင်းနိုင်ငံအတွင်းရှိ ဆောက်လုပ်ရေး လုပ်ငန်းခွင်များတွင် နေထိုင်ပြီး အလုပ် လုပ်ကိုင်နေကြသည့် မြန်မာနိုင်ငံသား ရွှေ့ပြောင်းအလုပ်သမားများ၏ ပင်ပန်းဆင်းရဲစွာ၊ အန္တရာယ်များစွာဖြင့် လုပ်ကိုင်စားသောက်နေရသည့် ဘ၀များကိုလည်း ကမ္ဘာကသိအောင် ရိုက်ကူးစေချင်ကြောင်း သရုပ်ဆောင်ခဲ့သူ ဦးသိန်းဝင်းက ပြောသည်။

ထို့အပြင် ဒါရိုက်တာ စတီဖင်ဟဒ်သည် ဆွစ်ဇာလန်နိုင်ငံတွင် ကျင်းပသည့် အပြည်ပြည်ဆိုင်ရာ ရုပ်ရှင်ပွဲတော်၌ ဒုတိယကမ္ဘာစစ်အတွင်းက ဂျူးဒုက္ခသည်များ အကြောင်း ရိုက်ကူးထားသည့် ဇာတ်လမ်းဖြင့် ဆုရရှိထားသူဖြစ်သည့် အတွက် ဤရုပ်ရှင်ကိုလည်း နိုင်ငံတကာရုပ်ရှင်ဆု မျှော်လင့်ထားသည်ဟု ဆိုသည်။

ဒါရိုက်တာ စတီဖင်ဟဒ်သည် ၁၉၆၁ ခုနှစ်တွင် ဆွစ်ဇာလန်နိုင်ငံ ဇူးရစ်မြို့တွင် မွေးဖွားခဲ့ပြီး ၁၉၈၅ မှ ၁၉၈၈ ခုနှစ်အထိ ဇူးရစ်မြို့ရှိ ရုပ်ရှင်ပညာသင်တန်းကျောင်းတွင် ရုပ်ရှင်ပညာသင်ကြားခဲ့သည်။ ထို့နောက် ရုပ်ရှင်ကားများကို ရိုက်ကူးခဲ့ရာ ၂၀၀၂ ခုနှစ်တွင် “Utopia Blues” ရုပ်ရှင်ကားဖြင့် အကောင်းဆုံး ဆွစ်ဇာလန်ရုပ်ရှင်ဆု ရရှိခဲ့ပြီး ၂၀၀၈ ခုနှစ်မှ စတင်၍ ယနေ့အထိ ဆွစ်ဇာလန် ရုပ်ရှင်ထုတ်လုပ်သူများ အသင်း၏ ဥက္ကဋ္ဌ အဖြစ် တာဝန်ယူခဲ့သည်။

၂၀၀၈ ခုနှစ်က ပြသခဲ့သည့် နာမည်ကြီး သရုပ်ဆောင် Sylvester Stallone (ရမ်ဘို) ပါဝင်သရုပ်ဆောင်ထားသော မြန်မာပြည် နယ်စပ်ဒေသများ အပေါ် မြန်မာစစ်တပ်၏ ဖိနှိပ်မှုများကို အခြေခံ ရိုက်ကူးတင်ဆက်ထားသည့် Rambo IV ရုပ်ရှင်ကားသည် ပရိသတ်များ အကြား ရေပန်းစားခဲ့သည်။

ရန်ပိုင်

ခရီးသည်တင် နှစ်ထပ်သင်္ဘော ပစ်ခတ်မှု ဒီကေဘီအေ လက်ချက်ဟု ဒေသခံ ပြော

ခရီးသည်တင် နှစ်ထပ်သင်္ဘောကို ယခင်လအတွင်းမှ ပစ်ခတ်ခဲ့မှုဖြစ်ပွားခဲ့ရာတွင် တိုးတက်သောဗုဒ္ဒဘာသာ ကရင်အမျိုးသား တပ်ဖွဲ့ (ဒီကေဘီအေ) က ပစ်ခတ်ခြင်းဖြစ်သည်ဟု ဒေသခံ တကောင်ဘိုးရွာသားတဦးက ပြောသည်။

ဖားအံမြို့နှင့် ရွှေဂွန်းကျေးရွာသို့ ပြေးဆွဲသည့် ပြည်တွင်းရေကြောင်းဌာနပိုင် စောဥမ္မာ အမည်ရှိ ခရီးသည်တင်နှစ်ထပ်သင်္ဘောကို ဖားအံမြို့နယ် တကောင်ဘိုးကျေးရွာတွင် ယခင်လ (၁၀) ရက်တွင် လက်နက်ကိုင်အဖွဲ့တခု က ကမ်းစပ်မှ ချောင်းမြောင်းပစ်ခတ် သဖြင့် ခရီးသည်(၃) ဦး သေဆုံးခဲ့သည်။

အဆိုပါ ပစ်ခတ်မှုအပြီး နောက်တနေ့တွင် စစ်အစိုးရပိုင် သတင်းဌာနများက ကရင်အမျိုးသားအစည်းအရုံး (ကေအန်ယူ) အဖွဲ့၏ လက်ချက်ဖြစ်သည်ဟု သတင်းထုတ်ပြန်ခဲ့သည်။

ယင်းကိစ္စနှင့်ပတ်သက်၍ မျက်မြင်တဦးဖြစ်သည့် ဒေသခံ တကောင်ဘိုးရွာသားတဦးက “မနက် (၇) နာရီ မထိုးသေးဘူး တကောင်ဘိုးရွာ လှေဆိပ်မှာထိုင်တဲ့ ဒီကေဘီအေက အကောက်မှူး ဗိုလ်ဂျပုကို သူတို့အဖွဲ့ကလူတွေပဲ လာပစ်သတ်သွားတယ်။ သစ်ကိစ္စလို့ပြောတယ်၊ အဲဒါပြီးတာနဲ့ ရွှေဂွန်းကနေ ဖားအံကိုဆင်းမယ့် သင်္ဘောရဲ့အပေါ်ထပ် ဦးပိုင်းမှာရှိတဲ့ သင်္ဘောလုံခြုံရေး ရဲတွေကို သူတို့ပဲ အရင်ပစ်တယ်၊ ရဲကလည်းပြန်ပစ်တော့ နှစ်ဖက်အပြန်အလှန် ပစ်ကြပြီး ခရီးသည် (၃) ယောက်သေသွားတယ်၊ ကျနော်တို့ရွာမှာ ငပွေး (ကေအန်ယူ) တွေ မလာတာ အနှစ် (၂၀) ကျော်ပြီ” ဟု ပြောသည်။

တကောင်ဘိုးရွာလှေဆိပ်တွင် ဒီကေဘီအေမှ အကောက်ဂိတ်ဖွင့်ထားပြီး မြိုင်ကြီးငူနှင့် ရွှေဂွန်း ဘက်မှ စုံဆင်းလာသည့် သစ်ဖောင်များကို အခွန်ကောက်ခံရာတွင် ဂိတ်မှူးဗိုလ်ဂျပုသည် အခွန် အဆမတန်တောင်းခြင်း၊ သစ်ဖောင်သမားများအား ရမယ်ရှာကာ နေပူလှန်းခြင်း၊ အချိန်ကြာမြင့်စွာ ရေငုတ်ခိုင်းခြင်း၊ သစ်တောမျှောစာ ပါသည်မပါသည်ဖြစ်စေ မတရားအကြပ်ကိုင် ခြိမ်းခြောက်ငွေညှစ်ခြင်းတို့ကြောင့် ဒီကေဘီအေ အပါအ၀င် အခြားသစ်လုပ်ငန်းရှင်များနှင့်လည်း မကြေလည်မှုများ မကြာခဏဖြစ်ပွားလေ့ရှိကြောင်း အဆိုပါဒေသခံက ပြောသည်။

သင်္ဘောပစ်ခတ်သူများကို ယနေ့အချိန်ထိ အာဏာပိုင်များမှ ဖမ်းဆီးစစ်ဆေးနိုင်ခြင်း မရှိသေးဘဲ ကေအန်ယူအဖွဲ့ကို အပြစ်ပုံချထားပြီး သေဆုံးသူများကိုလည်း တစုံတရာ အကူအညီပေးခြင်းလုံးဝမရှိဟု သေဆုံးရာတွင်ပါဝင်သည့် ကုလားကုန်းရွာသားတဦး၏ မိတ်ဆွေများက ပြောသည်။

ကေအန်ယူ ဗဟိုအဆင့် ခေါင်းဆောင်တဦးကလည်း အခင်းဖြစ်ပွားရာ သံလွင်မြစ် အနောက်ဘက်ခြမ်းဒေသတွင် ၎င်းတို့တပ်ဖွဲ့ဝင်များ မရှိကြောင်း၊ ဒီကေဘီအေ အဖွဲ့၏ ထိန်းချုပ်နယ်မြေအတွင်း ဖြစ်ပွားခဲ့ခြင်းသာဖြစ်ပြီး နအဖက ကေအန်ယူကို
နိုင်ငံရေးအရ ထိုးနှက်ခြင်းသာဖြစ်ကြောင်း ပြောသည်။

၁၉၉၄ ခုနှစ်နှောင်းပိုင်း ဒီကေဘီအေအဖွဲ့ စတင်ပေါ်ပေါက်ချိန်မှစ၍ ဖားအံမြို့နယ်နှင့် ဆက်စပ်သည့် သံလွင်မြစ် အနောက်ဘက်ခြမ်းတွင် ကေအန်ယူတပ်ဖွဲ့များ လှုပ်ရှားမှုမရှိတော့ကြောင်း ဒေသခံများက ပြောသည်။

ရဲရင့်