OKRSO's family

Saturday, October 20, 2012

ကရင်ပြည်၏ ပထမဦးဆုံး ထဘာကော် ခရီးသွားလာရေးကုမ္ပဏီဖွင့်လှစ်။

အောက်တိုဘာလ ၁၈ရက်၊ ၂၀၁၂ခုနှစ်။ နန်းသူးလေ (ကေအိုင်စီ)

ကရင်ပြည်နယ်၊ ဘားအံမြို့ရှိ ရတနာဒီပအမှတ်(၉)ရပ်ကွက်၊ ကားကွင်းကြီးအနီးတွင် ကရင်ပြည်နယ်၏ ပထမဦးဆုံးသော “ထဘာကော်”ခရီးသွားလာရေး ကုမ္ပဏီလီမိတက်ကို ယမန်နေ့က စတင်ဖွင့်လှစ်ခဲ့သည်။

ကရင်ပြည်နယ်အတွင်းရှိ ရှေးဟောင်းပစ္စည်းများ၊ ယဉ်ကျေးမှုအမွေအနှစ်များ၊ တောတောင်သဘာဝအလှများကို ပြည်တွင်း နှင့် နိုင်ငံတကာမ
ှ လာရောက်ကြည့်ရှုပြီး နိုင်ငံခြားဝင်ငွေရရှိရန်နှင့် နိုင်ငံရပ်ခြားသို့ သွားချင်သည့် ကရင်လူမျိုးများ အလွယ် တကူသွားလာနိုင်ရန် ရည်ရွယ်ချက်ဖြင့် ဖွင့်လှစ်လိုက်ရခြင်း ဖြစ်ကြောင်း ထဘကော် ကုမ္ပဏီလီမိတက်၏ အကြံပေး ပုဂ္ဂိုလ် နော်ယုဇန၀ါက ပြောသည်။

နော်ယုဇန၀ါက “ကျမတို့ ပြည်နယ်ထဲမှာလည်း နိုင်ငံခြားသားတွေ လာရောက်ကြည့်ရှုလို့ရတဲ့ သဘာဝအလှတရားတွေ အများကြီးရှိတယ်။ နောင်လာမယ့် မျိုးဆက်သစ်တွေအနေနဲ့လည်း ဒီလုပ်ငန်းတွေကို စိတ်ဝင်စားမှုရှိလာအောင် ကျမတို့ က ရင်တွေအနေနဲ့ ဟိုတယ်နဲ့ခရီးသွားလာရေးလုပ်ငန်းကို ပထမဆုံးခြေလှမ်းစလိုက်တဲ့ သဘောပါ”ဟု ပြောသည်။

ထဘာကော် ကုမ္ပဏီဖွင့်ပွဲအခမ်းအနားကို ယမန်နေ့ နံနက် ၈နာရီအချိန်တွင် ကရင်ကလေးငယ်လေးများက ဖဲကြိုးဖြတ်ဖွင့် လှစ်ပေးခဲ့ပြီး ပြည်တွင်း၊ ပြည်ပ ခရီးစဉ်များနှင့် ပတ်သက်၍ ရှင်းပြခဲ့ကြကာ အခမ်းအနားသို့ စီးပွားရေးလုပ်ငန်းရှင်များ ကရင်မိတ်ဆွေအသိုင်းအ၀ိုင်းနှင့် ဘားအံမြို့ရှိ ဟိုတယ်နှင့် ခရီးသွားလာရေးလုပ်ငန်းများ အရာရှိများ တက်ရောက်ခဲ့ ကြောင်း အခမ်းအနားတက်ရောက်ခဲ့သူ တစ်ဦးက ပြောသည်။

ပိုးကရင်ဘာသာစကားအရ ကုမ္ပဏီ၏ “ထဘာကော်”ဟူသည့်အမည်သည် မြန်မာဘာသာအရ ကမ္ဘာကြီးကို ထိန်းသိမ်းပါ ဟူသည့် အဓိပ္ပါယ်ရပြီး အင်္ဂလိပ်ဘာသာမှာ (Save the World)ဖြစ်သည်။

ယင်းကုမ္ပဏီလီမိတက်တွင် မန်းနေဂျင်းဒါရိုက်တာအဖြစ် နော်ယုဇန၀င်း၊ အဖွဲ့ဝင်များဖြစ်သည့် နန်းအေးအေးသွယ်နှင့် ဒေါက်တာစောစိုးနိုင်အပြင် အမည်မဖော်လိုသည့် ရှယ်ယာဝင်နှစ်ဦး၊ စုစုပေါင်း ကရင်ရှယ်ယာဝင် ၅ဦးတို့ စုပေါင်း လုပ် ဆောင်လိုက်ခြင်း ဖြစ်သည်။

ထို့အပြင် ခရီးသွားလာရေးလုပ်ငန်း အစပိုင်းအနေဖြင့် ပြည်တွင်းတွင် ကရင်ပြည်နယ်နှင့် တနင်္သာရီတိုင်းတို့ဖြစ်ပြီး ပြည်ပ ခရီးစဉ်အဖြစ် အာရှနိုင်ငံများနှင့် ဥရောပနိုင်ငံများသို့ ပို့ဆောင်ရန် ရည်ရွယ်ထားကြောင်းနှင့် ခရီးသွားလာရေးအတွက် လောလောဆယ်တွင် ပုဂ္ဂလိက ကားများကိုသာ ငှားရမ်းသုံးစွဲသွားမည်ကြောင်း သိရသည်။

တဆက်တည်းမှာပင် ဧည့်လမ်းညွှန်အနေဖြင့်လည်း ဘားအံဒေသခံလူငယ်များကို ဦးစားပေးငှားရမ်းသွားပြီး ရန်ကုန်မှ ဧည့်သည်လမ်းညွှန်များကိုလည်း ငှားရမ်းသွားမည်ဖြစ်သကဲ့သို့ ၎င်းတို့၏ ခရီးသွားကုမ္ပဏီလီမိတက်နှင့် ပူးပေါင်း လုပ်ဆောင်လိုပါကလည်း လာရောက်ဆက်သွယ်နိုင်ကြောင်းလည်း နော်ယုဇန၀ါက ပြောသည်။

“ဒေသခံလမ်းပြတွေနဲ့ပဲအလုပ်ဖြစ်အောင် ကျောင်းပြီးတဲ့လူတွေ အယောက် ၂၀လောက်ကို သင်တန်းပေးထားတာ မနေ့ ကပဲ သူတို့သင်တန်းဆင်းပြီးသွားတယ်။လုပ်ငန်းပိုင်းအနေနဲ့ကတော့ ခရီးစဉ်တွေက သုံးရက်ဆိုဘယ်လောက်၊ ၅ရက်ဆိုရင် ဘယ်လောက်ပေါ့နော်၊အဓိကတော့ ခရီးစဉ်တွေကို ရောင်းသွားမှာပါ”ဟု ပြောသည်။

ထဘာကော် ခရီးသွားလုပ်ငန်းသည် ပထမဦးခရီးစဉ်အဖြစ် လာမည့် နိုဝင်ဘာလထဲတွင် အိန္ဒိယနိုင်ငံသို့ ဗုဒ္ဓဂါယာ ဘုရား ဖူးခရီးစဉ်အဖြစ် စတင်ပို့ဆောင်ပေးတော့မည်ကို ကြားသိရကြောင်း ဘားအံဒေသခံတစ်ဦးက ပြောပြသည်။

ရှေ့ဆက်လုပ်ငန်းစဉ်များအနေဖြင့် ကရင်ပြည်နယ်ထဲတွင် ဟိုတယ်ကဲ့သို့ တည်းခိုနိုင်သည့် ရိုးရာအိမ်ငယ်လေးများ တည် ဆောက်ပြီး ခရီးသည်များငှားရမ်းနေထိုင်နိုင်ရန် လုပ်ဆောင်သွားမည်ဟုလည်း နော်ယုဇန၀ါက ပြောသည်။

ထဘာကော် ခရီးသွားလာရေးကုမ္ပဏီလီမီတက်ကို ဟိုတည်နှင့် ခရီးသွားလာရေးလုပ်ငန်းဌာနသို့ ယခုနှစ်ဆန်းပိုင်းက မှတ်ပုံတင်ခဲ့ပြီး တရားဝင်လုပ်ကိုင်နိုင်ခွင့် မှတ်ပုံတင်စာ ရရှိပြီးစီးကြောင်းနှင့် ၎င်းကုမ္ပဏီ၏ ဖွဲ့စည်းပုံအရ အမြတ်ငွေ ငါး ရာခိုင်နှုန်းကို အမျိုးသားရေးနှင့် အများပြည်သူလူထုလိုအပ်ချက်အတွက် အသုံးပြုသွားမည်ဟု သိရသည်။

Monday, October 8, 2012

KNU အတွင်း စည်းလုံးညီညွှတ်မှု ဆက်လက်တည်ရှိစေရေး OKRSO ဆုတောင်း

KNU အတွင်း စည်းလုံးညီညွှတ်မှု ဆက်လက်တည်ရှိစေရေး OKRSO ဆုတောင်း
အောက်တိုဘာလ ၈ရက်၊ ၂၀၁၂ခုနှစ်။ စောခါးစူးညား (ကေအိုင်စီ)

ကရင်အမျိုးသားအစည်းအရုံး-KNU အတွင်း စည်းလုံးညီညွှတ်မှု ဆက်လက် တည်ရှိစေရေးအတွက် ရည်ရွယ်၍ ထိုင်းနိုင်ငံ၊ ဘန်ကောက်မြို့ရှိ ပြည်ပရောက်ကရင်ဒုက္ခသည်များဆိုင်ရာ လူမှုစောင့်ရှောက်ရေးအဖွဲ့-OKRSO ရုံးတွင် ဘာသာပေါင်းစုံ ဆုတောင်းပွဲတစ်ခုကို ယမန်နေ့ညနေ ၆နာရီတွင် နာရီဝက်ကြာ ပြုလုပ်ကျင်းပခဲ့သည်။

OKRSO ၏ ပြောခွင့်ရပုဂ္ဂိုလ်ဖြစ်သူ စောမင်သီက “လက်ရှိ မြန်မာအစိုးရနဲ့ KNU တို့ရဲ့ ဆွေးနွေးပွဲကနေ ပေါ်ပေါက်လာတဲ့ အဖွဲ့ အတွင်း ပြဿနာတွေကို ကျနော်တို့ စိတ်မကောင်း ဖြစ်ခဲ့ရပါတယ်။ ဒါကြောင့် ကျနော်တို့ရဲ့ မိခင်အဖွဲ့အစည်း KNU အတွင်း မှာ အချင်းချင်း စည်းလုံးမှုတွေရဖို့ ဆုတောင်းပွဲလုပ်ရတာပါ”ဟု ကေအိုင်စီသို့ ပြောသည်။

မြန်မာအစိုးရသည် KNU နှင့် တွေ့ဆုံဆွေးနွေးခဲ့ရာတွင် ခွဲခြားဆွေးနွေးမှုများ ရှိခဲ့သည့်အပေါ် KNU အတွင်း ခေါင်းဆောင်များအ ကြား သဘောထားကွဲလွဲမှုများ ဖြစ်ပွားလာရကြောင်းနှင့် စေတနာမှန်ဖြင့် တွေ့ဆုံဆွေးနွေးခြင်း မဟုတ်ကြောင်း OKRSO မှ ရှုမြင် သည်ဟုလည်း သူက ဆက်ပြောသည်။

ယမန်နေ့က OKRSO သည် ဗဟိုအလုပ်အမှုဆောင်အဖွဲ့ဝင်အသစ်များ ရွေးချယ်တင်မြှောက်ခြင်း အခမ်းအနားကို ပြုလုပ်ကျင်းပ ခဲ့ပြီး ထိုတင်မြှောက်ပွဲအပြီး ညနေပိုင်းတွင် ဆုတောင်းပွဲကို ပြုလုပ်ခဲ့ခြင်းလည်း ဖြစ်သည်။

ယင်းဆုတောင်းပွဲအခမ်းအနားတွင် OKRSO အဖွဲ့ဝင် အပါအ၀င် ဘန်ကောက်တွင် လူမှုရေးနှင့် ကရင်စာပေယဉ်ကျေးမှု လုပ် ဆောင်နေကြသူပုဂ္ဂိုလ်များနှင့် လူငယ်များ စုစုပေါင်း ၄၀ဦးကျော် တက်ရောက်ခဲ့ကြပြီး ၎င်းတို့သည် ကရင်အမျိုးသားအလံတော် ကို ကိုင်ဆောင်၍ ဖယောင်းတိုင်မီးကိုယ်စီ ထွန်းညှိကာ ၀တ်ပြု ဆုတောင်းခဲ့ကြခြင်းဖြစ်သည်။

ထို့အပြင် ဆုတောင်းပွဲတွင် ပါဝင်သူများမှ “ကရင်လူထုတရပ်လုံး ညီညွတ်ကြပါစေ၊ ကရင်လူထုတရပ်လုံး ငြိမ်းချမ်းကြပါစေ၊ ကရင်လူထုတရပ်လုံး တိုးတက်အောင်မြင်ပါစေ”ဟု တညီတညွှတ်တည်း ရွတ်ဆိုကြကာ ဆုတောင်းပွဲကို အဆုံးသတ်ခဲ့သည်။

ကေအဲန်ယူ၏ လက်ရှိအခြေအနေအပေါ် ပြီးခဲ့သည့် အောက်တိုဘာလ ၅ရက်နေ့က ကရင်လူထုအခြေပြုအဖွဲ့အစည်း ၃၀ကျော် ဆွေးနွေးသုံးသပ်ခဲ့ကြရာ အချင်းချင်း ပြန်လည်စုစည်းညီညွှတ်စေလိုသည့် သဘောထားကို ဒေါက်တာစင်သီယာမောင် အပါအ ၀င် ၎င်းအဖွဲ့အစည်းများ၏ ကိုယ်စားလှယ်အချို့က ကေအဲန်ယူခေါင်းဆောင်များထံ သွားရောက် အသိပေးခဲ့ကြသေးသည်။

Oversea Karen Relive Social Organization-OKRSO ကို စစ်ဘေးဒဏ်ကြောင့် အတိဒုက္ခရောက်သူများနှင့် ထိုင်းနိုင်ငံတွင် အလုပ်လုပ်ရင်း ဒုက္ခမျိုးစုံ ကြုံတွေ့နေရသော မြန်မာနိုင်ငံသားများကို လူမှုရေး ကူညီထောက်ပံ့ရန် ရည်ရွယ်၍ ၁၉၉၂ခုနှစ်၊ ဇွန် လက စတင် ဖွဲ့ စည်းခဲ့သည်။

KIC

Sunday, October 7, 2012

ပြည်ပရောက်ကရင်ဒုက္ခသည်များဆိုင်ရာ လူမှုစောင့်ရှောက်ရေးအဖွဲ့ OKRSO ဗဟိုအလုပ်အမှုဆောင်အဖွဲ့ ဝင်အသစ်များရွေးချယ်တင်မြောက်မှုခြင်းအခမ်းအနားကို ယနေ့ အောက်တိုဘာလ ၇ ရက်နေ့ ၂၀၁၂ ခုနှစ်တွင် ဘန်ကောက်မြို့ OKRSO ရုံးတွင်အောင်မြင်စွာကျင်းပပြီးစီးခဲ့ပါသည်။
ဗဟိုအလုပ်အမှုဆောင်အဖွဲ့ ဝင်အသစ်များရွေးချယ်မှုအစီအစဉ်အပြီးတွင်လက်ရှိမိခင်ကရင်အမျိုးသားအစည်းအရုံး(KNU)မှပြုလုပ်နေ သောငြိမ်းချမ်းရေးဆွေးနွေးပွဲမှပေါ်ပေါက်လာသောစိတ်ဝမ်းကွဲမှုများသည်ကရင်အဖွဲ့ အစည်းများနှင့်ကရင်လူထုအတွင်းများစွာဝမ်းနည်းစိတ်မကောင်းဖြစ်မှုများဖြစ်ပေါ်လျက်ရှိပါသည်။
ထို့ ကြောင့် ဘန်ကောက်ရောက် ကရင်လူငယ်များစုပေါင်း၍ကရင်လူမျိုးအားလုံးကိုယ်စား ညီညွတ်ရေးနှင့်ငြိမ်းချမ်းရေးအတွက် ဆုတောင်းပွဲတစ်ရပ်ကို OKRSO ရုံးတွင် ယနေ့ ညနေတွင်ကျင်းပပြုလုပ်ကြပါသည်။
ကရင်လူထုတစ်ရပ်လုံး....ညီညွတ်ကြပါစေ...
ကရင်လူထုတစ်ရပ်လုံး.....ငြိမ်းချမ်းကြပါစေ...
ကရင်လူထုတစ်ရပ်လုံး...တိုးတက်အောင်မြင်ပါစေ..ဟူသောရွတ်ဆိုခြင်း(၃)ရပ်ကို ညီညာစွာရွတ်ဆိုပြီး
ဆုတောင်းပွဲကို အောင်မြင်စွာကျင်းပပြုလုပ်ကြပါသည်။

ဆုတောင်းပွဲ မှတ်တမ်းဓာတ်ပုံများကို အောက်တွင် လေ့လာကြည့်ရှုနိုင်ပါသည်။

Monday, October 1, 2012

Karen Musical instrument by TMN

Karen Musical Instrument by Saw

Tuesday, September 25, 2012

Promoting Karen Cultural activities @ Thai PBS

Promoting Karen Cultural events at Thai PBS

Sunday, September 23, 2012

ကရင်လူမျိုးများရဲ့ ရိုးရာယဉ်ကျေးမှုထိန်းသိမ်းမြှင့်တင်မှုနှင့်နေထိုင်လှုပ်ရှားမှုဘ၀ဓလေ့များကို (Thai PBS)မှ အစီအစဉ်တင်ဆက်ပြသခြင်း

ထိုင်းနိုင်ငံရောက် ကရင်မျိုးနွယ်စုများရဲ့ ရိုးရာ ယဉ်ကျေးမှုထိန်းသိမ်းမြှင့်တင်မှုနှင့်နေထိုင်လှုပ်ရှားမှု ဘ၀ဓလေ့များကို ထိုင်းအသံလွှင့်ဌာန Thai PBS မှစက်တင်ဘာလ (၂၁-၂၃)ရက်နေ့ အထိ သက်ဆိုင်ရာမျိုးနွယ်စုအလိုက်.. ထိုင်းအသံလွှင့်ဌာန Thai PBS တွင် (၃)ရက်တိုင်တိုင်ကျင်းပပြုလုပ်ခဲ့ပါသည်။
နေ့ အလိုက်အစီအစဉ်များပြုလုပ်မှုမှတ်တမ်းဓာတ်ပုံများကို အောက်တွင်ကြည့်ရှုနိုင်ပါသည်။

photo by Hale Koto

Photo by Hale Koto

Photo by Saw Eh Tho

Photo credit Mee Linn Phyu

Photo credit San Mu (facebook)

Friday, September 21, 2012

ศิลป์สโมสร : พหุวัฒนธรรมเพื่อฟื้นฟูวิถีชีวิตกะเหรี่ยง (ကရင်လူမျိုးများရဲ့ ရိုးရာယဉ်ကျေးမှုထိန်းသိမ်းမြှင့်တင်မှုနှင့်နေထိုင်မှု)

ศิลป์สโมสร : พหุวัฒนธรรมเพื่อฟื้นฟูวิถีชีวิตกะเหรี่ยง

Sunday, September 2, 2012

ကရင်ရိုးရာ ချည်ဖြူဖွဲ့မင်္ဂလာ မဲဆောက်မှာ ကျင်းပ

2012-09-01

ဒီကနေ့ ၀ါခေါင်လပြည့်နေ့မှာ ကရင်ရိုးရာ ချည်ဖြူဖွဲ့မင်္ဂလာ အခမ်းအနားကို ထိုင်း-မြန်မာနယ်စပ် မဲဆောက်မြို့ တောရဘုန်းတော်ကြီးကျောင်းမှာ မဲဆောက်ဒေသတွင်း ရောက်ရှိနေတဲ့ ကရင်တိုင်းရင်းသားတွေ စုပေါင်းပြီး ကျင်းပခဲ့ပါတယ်။

RFA

ကရင်ရိုးရာ ချည်ဖြူဖွဲ့မင်္ဂလာ အခမ်းအနားကို ထိုင်း-မြန်မာနယ်စပ် မဲဆောက်မြို့ တောရ ဘုန်းတော်ကြီးကျောင်းမှာ မဲဆောက်ဒေသတွင်း ရောက်ရှိနေတဲ့ ကရင် တိုင်းရင်းသားတွေ စုပေါင်းပြီး ၂၀၁၂ ခုနှစ် စက်တင်ဘာလ ၁ ရက်နေ့က ကျင်းပခဲ့နေကြစဉ်။

အဆိုပါ ချည်ဖြူဖွဲ့မင်္ဂလာ အခမ်းအနားသို့ ကေအဲန်ယူ ကရင်အမျိုးသား အစည်းအရုံးက သ၀ဏ်လွှာ ပေးပို့ခဲ့ပြီး အဲဒီသ၀ဏ်လွှာမှာ ကရင်တိုင်းရင်းသား အားလုံးအနေဖြင့် ငြိမ်းချမ်းအေးဆေးစွာ နေထိုင်လိုသော ဆန္ဒအပါအ၀င် ကရင့်ရိုးရာ အစဉ်အလာတရပ်ကို သိရှိနားလည်အောင် ကြိုးစားဖော်ထုတ် ထိန်းသိမ်းဖို့ တိုက်တွန်းထားကြောင်း ကရင့်ရိုးရာ ချည်ဖြူဖွဲ့မင်္ဂလာ ကျင်းရေးကော်မတီရဲ့ ပြန်ကြားရေးတာဝန်ခံ မန်းမျိုးမြင့်က အခုလို ဖတ်ပြပါတယ်။

"ရိုးရာဓလေ့ယဉ်ကျေးမှုနှင့် စာပေစကားများကို ဖော်ထုတ်ထိန်းသိမ်း ကာကွယ်သမှုပြုကြပြီး လူ့ အခွင့်ရေးနှင့် ကိုယ်ပိုင်ပြဌာန်းခွင့်ကို အခြေခံမည့် တိုးတက်မှုနှင့် လွတ်လပ်မှုကို အခြားလူမျိုးများ ကဲ့သို့ တန်ဖိုးထားကာ ငြိမ်းချမ်းအေးငြိမ်းစွာ နေထိုင်လိုသော ဆန္ဒအပါအ၀င် အခြားကောင်းသော အရာများ ဖော်ပြလိုက်သောနေ့လည်း ဖြစ်သည်။"

ချည်ဖြူဖွဲ့မင်္ဂလာပွဲမှာ ကရင်တိုင်းရင်းသားတွေ အပါအ၀င်အခြားတိုင်းရင်းသားတွေနဲ့ နိုင်ငံခြားသားများလည်း လာရောက်တာ တွေ့ရပြီး လူပရိသတ် လေးထောင်ကျော် တက်ရောက်တာကို တွေ့ရပါတယ်။ ကရင့်ရိုးရာ အဆိုအကနဲ့ ခေတ်ပေါ် ဂီတပွဲတွေ လည်းပါဝင် ဖျော်ဖြေခဲ့ပါတယ်။
RFA မှကူးယူဖေါ်ပြသည်။

Wednesday, August 29, 2012

ဖားအံမြို့ ကရင့်ရိုးရာ ချည်ဖြူဖွဲ့ပွဲတော်သို့ KNU ပထမဆုံးအကြိမ် ပါဝင်ဆင်နွဲခဲ့

သဂုတ်လ ၂၈ရက်၊ ၂၀၁၂ခုနှစ်။ စဖန်းရှောင်း (ကေအိုင်စီ)

ကရင်ပြည်နယ်၊ ဖားအံမြို့နယ် ကရင်စာပေနှင့် ယဉ်ကျေးမှုမှ ကြီးမှူးကျင်းပသော (၃၅)နှစ်မြောက် ကရင့်ရိုးရာ ချည်ဖြူဖွဲ့ပွဲတော်ကို သြဂုတ်လ ၂၆ရက်နေ့က ဖားအံမြို့ရှိ ဇွဲကပင်ခမ်းမတွင် ကျင်းပခဲ့ရာ ကရင်အမျိုးသားအစည်းအရုံး-KNU မှ ခေါင်းဆောင်အချို့ ပထမဆုံး အကြိမ် တက်ရောက်ဆင်နွဲခဲ့သည်။

၎င်းလက်ချည်ပွဲကို KNU ၏ သစ်တောဌာန တာဝန်ခံ ပဒိုစောအားတိုးနှင့် မြ၀တီ ဆက်ဆံရေးရုံးတာဝန်ခံ ဒုဗိုလ်မှူးကြီးဖောဒို့တို့အပြင် ၀န်ကြီးချုပ် ဦးဇော်မင်းနှင့် ပြည်နယ်အစိုးရအဖွဲ့များ၊ ပါတီခေါင်းဆောင်များ၊ လွှတ်တော်ကိုယ်စားလှယ်များ၊ ကရင်လူငယ်မောင်မယ်များ နှင့် သက်ကြီးရွယ်အို စုစုပေါင်း ၁၀၀၀နီးပါး တက်ရောက်ခဲ့ကြသည်ဟု သိရသည်။

KNU နှင့်အတူ လိုက်ပါသွားခဲ့သူ မန်းမျိုးမြင့်က “KNU ခေါင်းဆောင်တွေ အခုလို ဖားအံမှာလုပ်တဲ့ ချည်ဖြူဖွဲ့ပွဲကို တက်ရောက်ခွင့်ရတာ အင်မတန် ကောင်းပါတယ်။ လူတွေကလည်း ကြိုဆိုတာ၊ ၀မ်းသာတာ တွေ့ရတယ်”ဟု ကေအိုင်စီသို့ ပြောသည်။

ချည်ဖြူဖွဲ့ပွဲ တက်ရောက်သူ ဖလုံ-စဝေါ်ဒီမိုကရက်တစ်ပါတီမှ လွှတ်တော်ကိုယ်စားလှယ် နန်းစေးအွာက “အခုလို တက်ရောက်လာတာ ၀မ်းသာပါတယ်။ ဒေသခံလူထုအားလုံးလည်း ၀မ်းသာကြပါတယ်။ ဒါပေမယ့် တချို့တော့ KNU နဲ့ ပြောဆိုဆက်ဆံတဲ့အခါမှာ သိပ်မရဲကြ ဘူး။ ၁၇/၁(မတရားအသင်း ဆက်သွယ်တဲ့ပုဒ်မ)ကို မပယ်ဖျက်သေးတဲ့အခါကျတော့ ကြောက်ကြတာပေါ့နော်။ အဲဒီ တရားမ၀င်အသင်း ဆိုတာ မရှိတော့ဘူးဆိုရင် အားလုံးက ဒီထက် ပွင့်ပွင့်လင်းလင်း ဖြစ်လာလိမ့်မယ်လို့ထင်တယ်”ဟု ပြောသည်။

ယင်းအခမ်းအနားကို မနက်(၁၀)နာရီတွင် စတင် ကျင်းပခဲ့ပြီး အစီအစဉ်အရ ချည်ဖြူဖွဲ့ပွဲ အစဉ်အလာအတိုင်း ဦးဆောင်ကြသည့် လူကြီး သူမများက ရိုးရာလိပ်ပြာခေါ်ခြင်း၊ လက်ချည်မင်္ဂလာပြုခြင်း၊ ကရင်လူငယ်မောင်မယ်များက ရိုးရာသီချင်း သီဆိုခြင်းနှင့် ဧည့်ခံကျွေးမွေး ခြင်းများ ပြုလုပ်ခဲ့ကြသည်။

ကရင်လူမျိုးတို့၏ ရိုးရာယဉ်ကျေးမှု ထုံးတမ်းအစဉ်အလာအရ ကျင်းပသော ပွဲတော်များအနက် ၀ါခေါင်လအတွင်း ကျင်းပသည့် ချည်ဖြူဖွဲ့ ပွဲတော်သည် အပါအ၀င်ဖြစ်ပြီး မြန်မာနိုင်ငံရှိ တောင်ပေါ်၊ မြေပြန့် ကရင်လူမျိုးများသာမက ပြည်ပနိုင်ငံ အသီးသီးတွင် သွားရောက် အခြေ ချ နေထိုင်နေကြသော ကရင်လူမျိုးများလည်း အစဉ်အလာမပျက် ဆက်လက်ထိန်းသိမ်း ဆင်နွှဲကျင်းပကြသည်။

“ကရင်အမျိုးသားတွေ အခုလို စည်းစည်းလုံးလုံးနဲ့ တွေ့နိုင်မယ့် ပွဲတော်တွေကနေတဆင့် အမျိုးသားရေးကိစ္စတွေကို အမြဲတမ်း တွေ့ဆုံ ဆွေးနွေးကြမယ်ဆိုရင် ကျနော်တို့ ကရင်အမျိုးသားထုထဲမှာလည်း မကြာခင် ကျနော်တို့ ရည်မှန်းချက်တွေ ပြည့်ဝလိမ့်မယ်လို့ သုံးသပ်မိ ပါတယ်”ဟု မန်းမျိုးမြင့်က ဆက်ပြောသည်။

ယခု ပြုလုပ်သည့် ချည်ဖြူဖွဲ့ပွဲသည် ဖားအံမြို့နယ် အတိုင်းအတာအနေဖြင့် ကျင်းပခြင်းဖြစ်ပြီး ကရင်ပြည်နယ် ၀န်ကြီးချုပ် ဦးဇော်မင်းမှ ငွေကျပ်ဆယ်သိန်းနှင့် KNU မှ ငွေကျပ်သုံးသိန်း ကရင်စာပေနှင့် ယဉ်ကျေးမှုကော်မတီထံ လှူဒါန်းခဲ့သည်ဟု သိရသည်။

ကရင်လူမျိုးတို့၏ ရှေးလူကြီးသူမများ အဆိုအရ ၀ါခေါင်လသည် မကောင်းဆိုးဝါးများ ပျော်မြူးသည့် လရာသီဖြစ်ပြီး ထိုမကောင်းဆိုးဝါး ၀ိညာဉ်များ မိမိတို့၏ သားသမီး၊ မြေး၊ မြစ်များအပေါ် လာရောက်စွဲကပ်ပါက မကောင်းသည့် အတိတ်နိမိတ်၊ ဘေးဥပါဒ် ကျရောက်တတ် သည်ဟု ယုံကြည်ကြကာ ၎င်းကို ကာကွယ်သည့်အနေဖြင့် လက်နှစ်ဖက်၏ လက်ကောက်ဝတ်တွင် ချည်ဖြူများ ချည်နှောင်ပေးခြင်း ဖြစ်
သည်။

ကေအိုင်စီမှကူးယူဖော်ပြသည်။